Turas Stair & Oidhreacht na Leabharlainne Náisiúnta
Meitheamh 7, 2017
Beidh turas den Leabharlann Náisiúnta trí Ghaeilge ar siúl ar an Sathairn, an 10ú lá de mhí an Mheitheamh, ag a 3 a chlog. Beidh an turas ag díriú ar Stair agus Oidhreacht na Leabharlainne, agus beidh deis ag daoine cuairt a thabhairt ar ár Seomra Léitheoireachta cáiliúil. Ní gá áiteanna a chur in áireamh roimh réidh agus fáilteofar roimh clainne.
Turas Cutltúrtha agus Ranganna Gaeilge i nGaeltacht Thír Eoghain!
Meitheamh 7, 2017
Folúntas i scoileanna an Foras Pátrúnachta
Meitheamh 7, 2017
Tá an Foras Pátrúnachta ag earcú príomhoidí bunscoile i mBaile Átha Cliath, sa Longfort agus i gCill Dara. Deiseanna iontacha d’iarratasóirí cuí.
Gach eolas anseo.
Folúntas le Naíonra Thaobh na Coille
Meitheamh 6, 2017
Múinteoir/ Stiúrtheoir Ranga i gcóir Mí Meán Fhomhair 2017/18 ( is féidir glacadh le múinteoirí ar sos gairme mar táimid faoi réir ag An Roinn Leanaí & Gnóthaí Óige, ní an An Roinn Oideachais & Scileanna)
Bunaíodh Gaelscoil Thaobh na Coille i 1999. Is naíonra forásach é a mhúineann na páistí trí mhéan na Gaeilge leagtha amach tríd an gclár Aistear.
Tá an seachtain oibre ar feadh cúig lae, ón Luain – Aoine (9am-3.30pm) le dhá seisiún in aghaidh an lae ,le 38 seachtain in aghaidh na bliana.
Caithfear na cáilíochtaí seo a leanas a bheith ag an an t-iarrthóir a n-éireoidh leis:
- Cáilíocht Múinteoir Bunscoile/ cáilíocht Fetac 7 nó níos airde
- Eolas cuimsitheach ar an teanga & cultúr Gaelach
- Oiliúint sa gharchabhair, Sábháilteacht dóiteáin & Lámhsiú sábhailte
- Dea-scileanna idirphearsanta & cumarsáide maidir le déileáil leis na páistí, tuismitheoirí & leis an bhfoireann.
Is féidir a chur isteach ar phost trí ríomh-phost le litir & cv chuig:
naionrathaobhnacoille@gmail.com
Má tá aon ceist agaibh dean teangmháil le Denise ar 087 2903638
Position available
Teacher/Group Leader for September 2017/2018 (we can accept teachers on career breaks as we are not governed by the Department of Education)
The Naíonra Thaobh na Coille (Established 1999) is a progressive pre-school which teaches children through the medium of the Irish language implementing the Aistear Programme governed by the Department of Children and Youth Affairs.
This is a 5 day week; Monday -Friday (9am-3.30pm) & a 38 week sessional post.
Successful candidates must fulfill the following requirements:
- Primary School Teaching qualification
OR
- ECCE FETAC Level 7 or higher
- Comprehensive knowledge of the Irish language and culture.
- First aid/fire safety/manual handling certificates.
- Excellent interpersonal and communication skills in dealing with children, parents and staff.
Please apply by emailing your cover letter and CV to:
naionrathaobhnacoille@gmail.com
If you have any queries please contact Denise on 087 2903638.
Rath ar na cruinnithe eagraithe ag Gaeloideachas maidir leis an bPolasaí don Oideachas Gaeltachta
Meitheamh 1, 2017
B’ábhar dóchais mór do Gaeloideachas an freastal mór agus rannpháirtíocht ghníomhach ó phobal na scoileanna Gaeltachta sa tsraith cruinnithe a reáchtáil an eagraíocht ar an bPolasaí Oideachais Gaeltachta le 10 lá anuas.
Reáchtáladh cruinnithe i nGort a Choirce, Béal an Mhuirthid, An Ceathrú Rua, Cill Áirne agus Oirthear na Gaillimhe, agus bhí ionadaíocht láidir ann ag gach cruinniú ó bhaill iomlán na pobalscoile, idir príomhoidí, múinteoirí, tuismitheoirí agus an pobal níos leithne.
Bhí an-áthas ar Gaeloideachas an deis a fháil meon, moltaí, tuairimí agus ábhar imní na scoileanna agus a gcuid pobail a chloisteáil, tuairimí a chuirfear le chéile mar bhunús d’aighneacht stocaireachta thar ceann na scoileanna chuig an Aonad um Oideachas Gaeltachta.
Soiléiríodh tríd na cruinnithe seo go bhfuil an-chuid éagsúlachta dearcaidh agus tuisceana ann idir na ceantair Gaeltachta éagsúla i leith feidhmiú an pholasaí. Tá idir dearfacht agus dóchas le braith sna ceantair láidre Gaeltachta I leith an pholasaí, in ainneoin doiléire agus imní i leith na n-acmhainní daonna a bheidh ar fáil chun an luath-thumadh iomlán a chur i bhfeidhm. Anuas ar sin, sna ceantair imeallacha léiríodh go bhfuil géarghá le clár feasachta cuimsitheach agus forleathan i measc tuismitheoirí chun go mbeidh muinín acu sa tumoideachas.
Tháinig saineolaí ar an tumoideachas i láthair na gcruinnithe chun cur i láthair a dhéanamh ar fheidhmiú agus buntáistí an tumoideachais don slua, agus gabhann Gaeloideachas buíochas leis an Dr. Conchúr Ó Brolcháin agus Dónal Ó hAiniféin as a gcuid saineolais a roinnt go fial flaithiúil ag na cruinnithe seo. Tá buíochas ag dul freisin do na príomhoidí agus na múinteoirí a shuí ar na painéil agus a roinn a gcuid taithí ar lucht an freastail.
Tá Gaeloideachas an-bhuíoch as an spéis ghníomhach atá léirithe ag pobal na nGaeltachtaí sa pholasaí oideachais Gaeltachta. Mar eagraíocht atá ag feidhmiú mar ghuth do na scoileanna Gaeltachta, tá an eagraíocht ag súil le gníomhú ar an aiseolas ó na cruinnithe, i gcomhar leis na scoileanna agus an Aonad um Oideachas Gaeltachta.
Teagmháil:
Anna Ní Chártúir, Leas-Uachtarán, Gaeloideachas
085 1351097
Bláthnaid ní Ghréacháin, Ardfheidhmeannach, Gaeloideachas
086 8050335
Gaeloideachas
Is eagraíocht dheonach náisiúnta í Gaeloideachas a thugann tacaíocht d’fhorbairt na scoileanna lán-Ghaeilge ag an mbunleibhéal agus ag an iar-bhunleibhéal.
Áirítear i measc róil agus feidhmeanna na heagraíochta comhairle, cúnamh agus tacaíocht do dhaoine ar mian leo oideachas lán-Ghaeilge dá bpáistí, mar aon le seirbhís tacaíochta do naíonraí agus scoileanna.
Folúntais Samhraidh le Gaelcholáiste Cholumba
Bealtaine 31, 2017
Tá Gaelscholáiste Cholumba ag déanamh cúrsa Samhraidh coicíse a reachtáil i gColáiste na hOllscoile.
Dátaí: Dé Máirt 6ú Meitheamh-16ú Meitheamh
Ionad: U.C.D.
Amanta: 10.00am -1.30pm (Ranganna)
1.30pm – 4pm (gníomhaíochtaí roghnach)
Teagmhálaí: Anne Ruane, 087-2361869
Ranganna: Daltaí ag dul isteach sa tríú bliain i Mí Mean Fómhair
Daltaí ag dul isteach sa dara bliain i Mí Mean Fómhair
Daltaí ag dul isteach sa chéad bhliain i Mí Mean Fómhair
Grúpa bheag de dhaltaí ag dul isteach sa chúigiú/séú bliain i Mí Mean Fómhair
Má mian lear cur isteach ar na folúntais seo, mar Stiúrthóir ranga nó Stiúrthóir Ranga &Gníomhaíochtaí, is féidir teagmháil a dhéanamh le Anne ar 087-2361869 nó tríd ríomhphost a sheoladh chuig info@gaelcholaistecholumba.com.
Folúntas mar Rúnaí le Gaelscoil Phádraig Baile Breac
Bealtaine 29, 2017
Tá folúntas mar Rúnaí páirt aimseartha le líonadh
i nGaelscoil Phádraig, Ascaill Shíleann, Baile Breac,
Co. Atha Cliath.
Dhá lá sa tseachtain (Luan agus Déardaoin) 8.30-3.00
Is le haghaidh scoil-bhliain amháin an post ar dtús, ag tosú ar 28/8/17
Riachtanais
• Eolas maith ar an nGaeilge idir a labhairt agus a scríobh
• Scileanna ríomhaireachta
• Cumas riaracháin
• In ann obair as a stuaim féin
• Iontaofa
• Éifeachtach
Seol iarratais agus cv agus ainmneacha beirt mholtóir chuig
An Cathaoirleach, trí ríomhphost gaelscoilphadraig15@gmail.com ar nó roimh 14ú Meitheamh.
Seisiún Plé agus Forbairt Tuisceana ar an Tumoideachas
Bealtaine 26, 2017
Seisiún Plé agus Forbairt Tuisceana ar an Tumoideachas
Acadamh na hOllscolaíochta Gaeilge, an Cheathrú Rua,
Céadaoin 31ú Bealtaine 2017 19.00
Comhthéacs: An Polasaí don Oideachas Gaeltachta agus an Fhoirm Léirithe Spéise
Tá sé i gceist ag Gaeloideachas cruinniú breise sa tsraith chruinnithe ar an tumoideachas i gcomhthéacs an pholasaí nua don Oideachas Gaeltachta a reáchtáil ar 31ú Bealtaine ag 19.00 in Acadamh na hOllscolaíochta Gaeilge ar an gCeathrú Rua, Gaillimh.
Cuirfear fóram plé ar fáil do phobail na scoileanna Gaeltachta le linn an chruinnithe mar ullmhúchán don spriocdháta atá rompu le hiarratas a chur isteach le bheith páirteach sa scéim aitheantais mar scoil Ghaeltachta. Tabharfaidh an cruinniú seo deis bhreise do scoileanna – idir baill foirne, tuismitheoirí agus pobail uile na scoileanna a gcuid tuairimí, ábhair imní agus ceisteanna a ardú agus comhairle a fháil óna chéile. Beidh saineolaithe ar an tumoideachas i láthair an chruinnithe, a thabharfaidh léargas ar choincheap agus cur chuige an tumoideachais agus a bheidh ar fáil le ceisteanna a fhreagairt ina leith. Fáilte roimh chách! Bígí Linn!
Folúntas i nGaelcholáiste Chéitinn
Bealtaine 25, 2017
Tá múinteoir Fraincis agus Gaeilge á earcú ag Gaelcholáiste Chéitinn, Cluain Meala. Is gá d’iarrthóirí iarratas a chur isteach faoi 12:00 i.n, 31ú Bealtaine. Post fadtéarmach atá i gceist. Is féidir leat cur isteach ar an bhfolúntas tríd foirm iarratais a íoslódáil ar tipperaryetb.ie.
Féile Móshíológ
Bealtaine 25, 2017
MEACHT: Féile Moshíológ
DÁTA: Dé Sathairn 27ú Bealtaine 2017 (27/05/2017)
AM: 18.30 – 20.30
IONAD: Gáirdín na Scoile
EOLAS:
Dé Sathairn 27ú Bealtaine 6.30-8.30i.n. Déanfar ceiliúradh ar cheol Gaelach, ar dhamhsa Gaelach agus ar amhránaíocht Gaelach i ngáirdín Ghaelscoil Moshíológ. Ní fheicfear a leithéid do léiriú poiblí in aon áit eile. Beidh taispeántas ó bhaill de Chomhaltas agus Scoil Rince Gaelach Laura Kitt. Beidh amhránaíocht ar an sean nós ón ealaíontóir Colm Ó Braonáin agus an ceoltóir clúiteach Colm Mac Con Iomaire atá mar bhall den bhanna ceoil ‘The Frames’, ag seinm freisin. Chomh maith leis sin beidh taispeántas ó Cheolfhoireann Moshíológ, grúpa a bhfuil go leor gradam buaite acu. Beidh Dave Redmond, fear áitiúl agus láithreoir an chláir bhricfeasta ar South East Radio, mar fhear an tí ar an oíche.
Beidh Féile Moshíológ ar siúl amuigh faoin aer i ngairdín na scoile nó i halla na scoile má bhíonn an aimsir inár gcoinne. Is imeacht don chlann ‘s don phobal é Féile Moshíólóg mar sin tá fáilte roimh chách. . Tóg picnic leat, buidéal, do pháistí, do mhamó is do chúpla focal. 5e don chlann ag an doras le haghaidh oíche den scoth. Chun tuilleadh eolais a fháil, lean muid ar FB ag www.facebook.com/gaelscoilmoshiolog
