Bunscoil Phobal Feirste – Curaidh Chorn Liam Uí Mhuirí
Bealtaine 26, 2014
12 Gaelscoil ó chontae Aontroma a chuaigh chun páirce i dtrí chomórtas éagsúla ag Féile Peile Ghaelscoileanna Bhéal Feirste.
Tá an fhéile peile ar an fhód le beagnach deich mbliana, timpeall 200 imreoir a bhí páirteach i gcomórtas na bliana seo a reáchtáladh ar pháirceanna imeartha Chumann Rossa agus Chumann na Sáirséalach.
B’iad Gaelscoil na bhFál a bhuaigh Pláta Choláiste Feirste, thóg Gaelscoil Éanna Sciath Laochra Loch Lao leo – an chéad uair riamh acu lena dhéanamh – agus b’iad Bunscoil Phobal Feirste a thóg mórdhuais an lae leo, Corn Liam Uí Mhuirí.
Beidh buaiteoirí na dtrí chomórtas san iomaíocht ag Craobh Uladh Gael Linn san Fhál Carrach ar an Aoine.
Féach an físeán ar www.meoneile.ie.
