Le bogadh
Iúil 1, 2010
Beidh Gaelscoil na Lochanna, Baile Coimín, Co Chill Mhantáin, ag fágáil slán inniu lena seanláthair scoile ar thailte an choláiste ghairmoideachais agus iad ag déanamh réidh le bogadh go scoil nuathógtha an fómhar seo.
Dúirt príomhoide na scoile, Seán Ó Cearnaigh, go raibh lucht na scoile buíoch de “mhuintir an VEC as ucht an deis a thug siad dúinn anseo”.
Mhol sé stiúrthóir chúrsaí gairmoideachais, Paddy Fallon agus a fhoireann, as a gcuidiú agus a dtacaíocht ó bunaíodh an scoil Meán Fómhair 2006, an chéad ghaelscoil le hoideachas trí Ghaeilge a chur ar fáil in iarthar Chill Mhantáin.
Tá 31 páiste sna naíonáin shóisearacha agus os cionn 100 páiste anois cláraithe leis an ghaelscoil idirchreidmheach seo. Bhí “an-bhród” ar phobal na scoile as dul chun cinn an tógra agus as obair dhíograiseach bhaill an bhoird, tuisimitheoirí agus múinteoirí, a dúirt sé.
The Irish Times – Pól Ó Muirí
30 Meitheamh 2010
