Tógáil páistí le Gaeilge le plé ag Tóstal
Eanáir 23, 2013
Déanfar ple ar thógáil páistí le Gaeilge ag Tóstal na Gaeilge an mhí seo chugainn.
Beidh an ócáid atá á reáchtáil ag Comhdháil Náisiúnta na Gaeilge ar siúl in Óstán Hilton i mBaile Átha Cliath 2, Dé Sathairn, 16 Feabhra, ó 9.30 – 5.00in. “Ag Tógáil Clainne Trí Ghaeilge” a bheidh mar theideal ar an gcéad seisiún plé. Labhróidh Feargal Ó Cuilinn ó Chomhluadar, Dr Briain Ó Curnáin, saineolaí ar chanúineolaíocht agus socheolaíocht na Gaeilge le hInstitiúid Ard-Léinn Bhaile Átha Cliath; Aoife Ní Shéagha, Léachtóír sa Phleanáil Teanga le OÉG agus Sorcha Ní Chéilleachair, Cathaoirleach Thuismitheoirí na Gaeltachta – Conamara, le linn na díospóireachta. Déanfar plé ar “An Ghaeltacht in 2013” sa dara seisiún leis na haoichainteoirí: Seosamh Mac Donncha, OÉG, Stiofán Ó Cualáin, Údarás na Gaeltachta; Treasa Ní Mhainín, Eagraíocht na Scoileanna Gaeltachta; mar aon le hionadaí ón Roinn Ealaíon, Oidhreachta agus Gaeltachta. Beidh plé ar “Tionchar Bheartais an Rialtais ar an nGaeilge” agus “Freagrachtaí na Stát i leith thodhchaí na teanga” ina dhiadh sin.
www.gaelsceal.ie