Teagascóirí Gaeilge – Painéal OÉ Má Nuad
Meán Fómhair 11, 2013
Tá Ionad na dTeangacha, Ollscoil na hÉireann Má Nuad ag iarraidh cur lena bpainéal teagascóirí an bhliain acadúil seo 2013/14.
Tá réimse leathan cúrsaí agus ranganna Gaeilge ó bhonnleibhéal go hardleibhéal á múineadh in Ionad na dTeangacha, idir chúrsaí fochéime, chúrsaí Gaeilge do dhaoine fásta agus shainchúrsaí Gaeilge do fhoireann na hOllscoile.
Má tá tú ag iarraidh a bheith ar an bpainéal seo, cuir cóip de do ghairmré reatha chuig teanga@nuim.ie.
Ba cheart cáiliocht iarchéime sa Ghaeilge a bheith ag iarrthóirí agus/nó Teastas Eorpach na Gaeilge (TEG) Leibhéal C1.
Tabharfar tús áite d’iarrthóirí a bhfuil taithí agus cur amach acu ar chóras TEG. Beidh taithí teagaisc ina buntáiste.
Tuilleadh eolais: 01 708 6417
Dáta deiridh d’iarratais: 13 Meán Fómhair 2013
Foilsithe at Gaelport.com
