Aoife Ní Bhuachalla sna Craobhacha Domhanda, Rince Gaelach
Aibreán 18, 2017
Aoife Ní Bhuachalla agus í tar éis áit a ghnóthú sna Craobhacha Domhanda Rince Gaelach
Is dalta Idirbhliana i gColáiste de hÍde agus Rinceoir Gaelach ar chaighdeán domhanda í Aoife Ní Bhuachalla, ar éirigh leí le déanaí dul tríd go Craobhacha Domhanda a bheidh i nGlascó 2018. Is éacht faoi leith í seo atá déanta ag Aoife agus tá an-bhród ar Cholaiste de hÍde. Comhghairdeas leat Aoife agus le do chlann uilig.
Seasann Aoife mar uimhir a chúig déag sa domhain anois, mar uimhir a naoi in Éirinn agus uimhir a dó i gCúige Laighean. D’éirigh léi áit a fháil ar scoil Samhraidh Riverdance i mbliana! Damhsaíonn Aoife le scoil damhsa Elaine Kavanagh as Arsa Chrónáin, Cluain Dolcain.
(English) 63rd TEXACO CHILDREN’S ART COMPETITION WINNERS ANNOUNCED
Aibreán 18, 2017
Its Understood KWETB Is Examining Options For North Kildare Gaelcholáiste Accommodation
Aibreán 18, 2017
Its understood that Kildare Wicklow Education & Training Board is “examining accommodation options” for a Gaelcholáiste in North Kildare.
The school is sceduled to open in Maynooth in 2019.
Maynooth Community College opened in 2014 with an Irish-medium Aonad.
The Dept. of Education has consistently stated that, should the Aonad demonstrate sufficient viability over a four year period, a Gaelcholáiste would be established.
Its co-patrons will be KWETB and An Foras Pátrúnachta.
The training board site assessment process involes consideration of the timing and availability of appropriate infrastructure in the Maynooth area.
Kildare North Labour Party Representative Emmet Stagg has welcomed the beginning of this assessement and stated that he would continue to press the Minister on this issue to ensure that the Gaelcholaiste opens on time in 2019.
Foinse: KFM Radio
Gníomhaíochtaí na Cásca i mBunscoil an Iúir
Aibreán 13, 2017
I láthair ag an ócáid bhí Deirdre McManus, Helen Mallon, Meabh O’Grady, Shailen Cooke, Tiernán & Kaelin McQuaid agus Sarah Cooke.
Tá daltaí de chuid Bunscoil an Iúir gnóthach faoi láthair agus iad ag ullmhú don Cháisc. Déanadh na grianghraifeanna seo a thógáil fad is a bhí An Club Glas in éineacht leis an gClub Ealaíne ag déanamh crann lasmuigh de dhoras na fiaclóra a mhaisiú le uibheacha ildaite. Tá na daltaí i lár feachtas lena dtimpeallacht a ghlanadh agus a néátú le plandaí nua.
Folúntais do Mhí Mheán Fómhair 2017
Aibreán 12, 2017
Gaelcholáiste Dhoire
Is meánscoil lán-Ghaeilge nuabhunaithe é Gaelcholáiste Dhoire atá ar tí an tríú hiontógáil daltaí a ghlacadh isteach i Meán Fómhair 2017. Tá ceathrar múinteoirí agus cúntóir ranga á lorg ag Gaelcholáiste Dhoire le bheith mar chuid d’fhoireann dhíograiseach, dhinimiciúil agus spreagúil.
Ceathrar Múinteoirí (Lánaimseartha) Ceapacháin bliana, le féidearthacht go ndéanfaí buan iad, sna hábhair seo a leanas:
Béarla, Ceol, Corpoideachas, Drámaíocht, Eacnamaíocht Bhaile, Ealaín, Eolaíocht, Foghlaim don tSaol agus don Obair, Matamaitic, Reiligiún, Teicneolaíocht, TFC agus Tíreolaíocht.
Critéir riachtanacha:
Cáilithe mar mhúinteoir agus cláraithe le Comhairle Ghinearálta Teagaisc Thuaisceart na hÉireann (GTCNI) faoin am a dtosófaí sa phost.
Árdchaighdeán Gaeilge labhartha agus scríofa
In ann, trí cháilíocht nó trí thaithí chuí, dhá ábhar ar a laghad ón liosta thuas a theagasc ag Eochairchéim 3.
Critéir inmhianaithe:
Ábhar amháin ar a laghad ón liosta thuas a theagasc go EC4.
Taithí ag teagasc i scoil tumoideachais.
Taithí ag déanamh soláthair do shainriachtanais oideachais.
In ann cur le himeachtaí seach-churaclaim na scoile.
D’fháilteodh Gaelcholáiste Dhoire roimh iarratais phostroinnte/pháirtaimseartha do na poist mhúinteoireachta thuas fosta.
2. Cúntóir Ranga (Lánaimseartha) Ceapachán bliana le féidearthacht go ndéanfaí buan é.
Critéir riachtanacha:
Árdchaighdeán Gaeilge labhartha agus scríofa.
Árdscileanna cumarsáide i nGaeilge agus i mBéarla araon.
Critéir inmhianaithe:
D’fhéadfaí tosaíocht a thabhairt d’iarrthóirí atá ábalta tacú le forbairt na litearthachta agus/nó na huimhearthachta.
In ann cur le himeachtaí curaclaim agus/nó seach-churaclaim na scoile.
Taithí ar bheith ag obair le daoine óga i suíomh lán-Ghaeilge.
Déanfar measúnú ar chumas Gaeilge scríofa agus labhartha an iarrthóra le linn an phróisis earcaíochta.
Beidh sé de cheart ag an phaineál ceapacháin na critéir inmhianaithe a chur i bhfeidhm nó iad a bhreisiú chun an gearrliostú a éascú.
Tá poist a bhaineann le hobair in institiúidí oideachasúla faoi réir fhorálacha an Ordaithe um Chosaint Páistí agus Daoine Fásta Leochaileacha (TÉ) 2007.
Is féidir foirmeacha iarratais agus tuilleadh eolais a fháil ach teagmháil a dhéanamh le hoifig na scoile: info@gcd.doire.ni.sch.uk nó 028 777 41015.
Dáta deiridh le haghaidh iarratais: 14:00 Déardaoin 27 Aibreán.
Siansa Gael Linn 2017 – duais buaite ag scoláirí ó Ghaelcholáiste Choilm, Baile an Chollaigh
Aibreán 12, 2017
Leoithne: Sa phictiúr, tá baill ‘Leoithne’ ( chun tosaigh, ó chlé ) Hughie Ó Conchúir, Kate Ní Shé (dara sraith, ó chlé) Maedhbh Ní Shé, Alannah Nic Dhomhnaill (tríú sraith, ó chlé ) Molly Ní Ghráda, Muireann Ní Shé, Oisín Ó Gráda agus ( ar chúl ) Brian Ó Broin, ag ceiliúradh tar éis dóibh an tríú háit a bhaint amach ag Craobhchomórtas Siansa Gael Linn 2017 sa Cheoláras Náisiúnta ar na mallaibh.
Tháinig an grúpa ‘Leoithne’ ó Ghaelcholáiste/Coláiste Choilm, Baile an Chollaigh, Contae Chorcaí, sa tríú háit ag Craobhchomórtas Siansa Gael Linn 2017 ar na mallaibh. Á reáchtáil ag Gael Linn, le tacaíocht ó RTÉ Raidió na Gaeltachta agus Irish Music Magazine, tá Siansa ar cheann de na mórimeachtaí ar fhéilire na gceoltóirí óga.
Bhí an Ceoláras Náisiúnta lán go béal le comhscoláirí agus cairde ceoil na n-iomaitheoirí ar an Domhnach, 2 Aibreán don ócáid bhliantúil seo. Bhí géariomaíocht i measc na ngrupaí, a tháinig ó gach cearn den tír – ‘Fiúntas’ agus ‘Lonrach’ ó Chontae Laoise, mar aon le ‘Sáile’ ó Shligeach, ‘Ragairne’ ó Chontae Átha Cliath, ‘Tigh Tara’ ó Chontae Dhoire, ‘Imreasc’ ó Chontae Luimnigh, ‘Dúchas’ ó Chontae an Chláir agus ar ndóigh, ‘Leoithne’ ó Chontae Chorcaí, a bhí faoi stiúr a múinteora Catherine Frost – don duaischiste €4,500.
An grúpa ‘Dúchas’ ó Chora Finne, Co. an Chláir, ag ceiliúradh a mbua ag Craobhchomórtas Siansa Gael Linn 2017 leSeán Ó hÉanaigh, RTÉ Raidió na Gaeltachta, Antoine Ó Coileáin, Príomhfheidhmeannach Gael LInn (ar chlé) agus Robert Heuston, (ar dheis) Irish Music Magazine
Is ar na ceoltóirí iomráiteacha Niamh Ní Charra, Declan Masterson agus Jacinta McEvoy, a thit sé na duaiseoirí a roghnú. Bhíodar an-mholtach faoi thaispeántais theaspacha na ngrúpaí uilig, ach ar deireadh, fógraíodh gurb iad na Cláirínigh, ‘Dúchas’ ó Chora Finne, na curaidh agus bronnadh Trófaí Gael Linn agus an príomhduais de €2,500 orthu! Ghnóthaigh an grúpa ‘Fiúntas’ an dara duais de €1,250. Bhí sceitimíní ar bhaill ‘Leoithne’, Brian Ó Broin, Muireann Ní Shé, Hughie Ó Conchuir, Molly Ní Ghráda, Oisín Ó Gráda, Maedhbh Ní Shé, Kate Ní Shé agus Alannah Nic Dhomhnaill, glacadh lena nduais de €750 don tríú háit. Anuas air sin, bronnadh duais chuimhneacháin ar na ceoltóirí uilig a bhí páirteach sa Chraobh.
Tháinig an grúpa ‘Fiúntas’ ó Chontae Laois sa dara háit ag Craobhchomórtas Siansa Gael Linn -seo ar stáitse an Cheolárais Náisiúnta iad !
Chomh maith leis an slua mór a bhí i láthair sa Cheoláras Náisiúnta, bhí na sluaite eile ar fud na cruinne ag éisteacht leis an gcraoladh beo ar RTÉ Raidió na Gaeltachta. Ba í an craoltóir aitheanta, Áine Hensey, a chuir an clár i láthair agus bhí Seán Ó hÉanaigh, Eagarthóir Stiúrtha na gClár, i láthair freisin, chun comhghairdeas a dhéanamh leis na duaiseoirí. ‘Tá ríméad i gcónaí ar RTÉ Raidió na Gaeltachta a bheith luaite le Siansa. Tá sé anois, gan dabht, ar cheann de mhór ócáidi an cheoil thradisiúnta in Éirinn faoi láthair agus tá sé ar cheann de mhór chraoltaí na bliana ag Raidió na Gaeltachta. Tréaslaíonn muid le Gael Linn agus le gach duine a ghlac páirt i mbliana!’ a dúirt sé.
Dúirt Antoine Ó Coileáin, Píomhfheidhmeannach Gael Linn, go raibh Siansa an-tábhachtach mar bhealach chun an ceol agus an Ghaeilge a chothú i dteannta a chéile. ‘Tá stair fhada ag Gael Linn ó thaobh chur chun cinn an cheoil agus na hamhránaíochta Gaeilge. Ó thosaigh Siansa 16 bliain ó shin, tá sé ag teacht ar réalta, talann leithéidí Niamh Dunne ( Beoga ), Radie Peat ( Lynched), The Bonnymen, Niamh Farrell ( Project West ) agus The Rising. Is cinnte go gcloisfear tuilleadh ó ghrúpaí 2017’, a dúirt sé. Ghabh sé buíochais le RTÉ Raidió na Gaeltachta, Irish Music Magazine, agus leis na grúpaí féin as a dtacaíocht leanúnach don chomórtas.
An Aibítear Bheo Bheathach Ghrámhar
Aibreán 11, 2017
AN ÚDAR NÓ MAISITHEOIR TÚ AR LEABHAIR GHAEILGE DO PHÁISTÍ? TÁ OSCAILT LEABHAIR
OIDEACHASÚLA DO PHÁISTÍ RÉAMHSCOILE AGUS DO PHÁISTÍ 4-8 BLIANA d’AOIS?
Fáiltítear roimh léiriú spéise ó údair fhoilsithe agus ó nua-údair Ghaeilge atá ag teacht chun cinn agus ó mhaisitheoirí leabhar do pháistí, iad siúd a bhfuil suim acu bheith páirteach sa tionscadal ceannródaíoch trasnáisiúnta um fhorbairt don óige atá á chómhaoiniú faoi Chlár Erasmus agus Óige an Aontais Eorpaigh (2016 – 2019).
Ní mór d’iarrthóirí a bheith ocht mblian deag d’aois nó os a chionn agus a bheith in ann punann dá gcuid oibre go dtí seo a chur isteach leis an iarratas chun gur féidir iad a mheas sa phróiseas roghnúcháin seo. Má roghnaítear thú le bheith rannpháirteach; Maoineofar thú (an t-iomlán) chun trí mhí a chaitheamh sa Ghearmáin ó Bhealtaine 2017.
Rachaidh tú ann le húdair agus maisitheoirí eile ón nGearmáin, ón bhFrainc, ón Tuirc, ón Liotuáin, ón Rómáin agus ó Phoblacht na Seice agus beidh deis agat smaointe a mhalartú agus plé a dhéanamh ar stíleanna agus ar theicnící le daoine cruthaitheacha eile ó chultúir eile.
Beidh dian-induchtú ann ar an modh múinteoireachta nuálach atá bunaithe ar an eolaíocht chun léamh agus scríobh a mhúineadh do pháistí 3 – 8 mbliana d’aois, nó is é seo is bun le tionscadal Óige Erasmus+, An Aibitir Bheo Bheathach Ghrámhar.
Cuirfear an oiliúint ar fáil i mBéarla, i nGearmáinis agus i bhFraincis.
Beidh deis iontach agat forbairt ghairmiúil a dhéanamh mar údar nó mar mhaisitheoir, agus tacóidh an deis seo leat san obair chruthaitheach a dhéanann tú féin agus ag an am céanna tabharfaidh sé deis duit níos mó a fhoghlaim faoi oideachas páistí agus múinteoirí.
Spreagfar thú le leabhar maistithe do pháistí a chruthú i nGaeilge, agus beidh sé seo ag teacht leis an modh múinteoireachta chun léamh agus scríobh a mhúineadh atá bunaithe ar an eolaíocht agus an curaclam nua-fhorbartha a bhaineann leis.
Foilseofar do shaothar i bhfoirm leabhair mar leagan Gaeilge sa tsraith leabhar inspioráideach do pháistí atá ar fáil go hidirnáisiúnta faoi choimirce thionscadail na hAibítre Beo Beathaí Grámhaire.
Chomh maith leis an saothar a bheith ina théacs oideachasúil, beidh do shaothar ina shuaitheantas nua-aoiseach cultúrtha Éireannach a mbeidh tarraingt ag turasóirí air. I 2019, bliain dheiridh an tionscadail, cuirfear do chuid oibre i láthair agus déanfar í a chur chun cinn ag imeachtaí a bheidh ar siúl i 6 thír laistigh de chomhthéacs TAISPEÁNTAIS THAISTIL.
Má tá spéis agat tuilleadh eolais a fháil faoin deis iontach seo, gabh i dteagmháil, más é do thoil é, le Comhpháirtí Thionscadal SourceResource in Éirinn ag an seoladh ríomhphoist: gemma@sourceresource.ie nó cuir glaoch ar: +353 (0)46 9557607. Tá muid ag súil le cloisteáil uait!
Sod turned for Gaelscoil
Aibreán 11, 2017
The sod has been turned on the new Gaelscoil Mhic Amhlaigh school building at Miller’s Lane, Knocknacarra.
Minister of State for Gaeltacht Affairs, Seán Kyne turned the first sod on Monday, officially marking the commencement of construction of the new school building and campus for Gaelscoil Mhic Amhlaigh.
The school will be one of the largest Irish medium primary schools in Ireland, accommodating up to 720 pupils. The new building will consist of 24 classroom school with associated play area and parking facilities.
School principal Dairiona Nic Con Iomaire said, “Today marks another significant milestone in the history of Gaelscoil Mhic Amhlaigh.
“From small beginnings in 1993 with just 20 pupils, we have grown over the years to meet the demands of the Knocknacarra community for Irish medium education.
“This new school building, which represents the first phase of the development of Campus Mhic Amhlaigh will help us as a school community not only to keep apace with the school’s needs but also to further support the broader development of the Irish language in what is the only suburban Gaeltacht in Ireland.”
Carnabhal na nGaelscoileanna
Aibreán 11, 2017
Carnabhal na nGaelscoileanna
Reáchtálfar Carnabhal na nGaelscoileanna in Ionad Óige na hÉireann, Droim Rí, Co. na Mí, ón Mháirt 23/05/2017 go dtí an Aoine 26/05/2017. Beidh an ócáid ar siúl chomh maith in Ionad Spóirt Lár Uladh, An Chorr Chríochach, Co. Thír Eoghain ar an Máirt 30/05/17.
Cuirfear fáilte roimh dhaltaí i nGaelscoileanna timpeall na tíre chuig an ócáid. Ar nós gach imeacht eile de chuid Chumann na bhFiann, beidh maoirseacht na ndaltaí ina dearbhthosaíocht ar an lá. Beidh idir Chinnirí, Fheighlithe, Ardchinnirí agus fhoireann lánaimseartha Chumann na bhFiann leo don lá iomlán. Beidh cosc ar labhairt an Bhéarla ar an lá. Ní mór duitfoirm iarratais a líonadh, na táillí a chur léi agus í a sheoladh go Carnabhal na nGaelscoileanna, Cumann na bhFiann, Droim Rí, Co. na Mí, roimh Aoine 28/04/2017.
Is féidir a dheimhniú cén aois ghrúpa ar a bhfuil na himeachtaí dírithe leis an liosta thíos;
Máirt 23/05/2017
Ionad Óige na hÉireann, Droim Rí, Co. na Mí, Rang a 3 & 4
Céadaoin 24/05/2017
Ionad Óige na hÉireann, Droim Rí, Co. na Mí, Rang a 3 & 4
Déardaoin 25/05/2017
Ionad Óige na hÉireann, Droim Rí, Co. na Mí, Rang a 4 & 5
Aoine 26/05/2017
Ionad Óige na hÉireann, Droim Rí, Co. na Mí, Rang a 5 & 6
Máirt 30/05/2017
Ionad Spóirt Lár Uladh, An Chorr Chríochach, Co. Thír Eoghain, Rang a 4, 5, 6 & 7
Táille €15 / £10 an Duine (lón & gach imeacht a bheidh ar fáil san áireamh)
Éadaí spóirt agus bróga reatha amháin a cheadófar ar an turas.
Carnabhal na nGaelscoileanna 2017 (2)
Folúntais i Scoileanna Lán-Ghaeilge
Aibreán 10, 2017
Príomhoide á earcú i nGaelscoil na Cille, an Mhí
Fáiltíonn Bord Bainistíochta Ghaelscoil na Cille roimh iarratais ó mhúinteoirí, leis na cáilíochtaí cuí, le haghaidh post an Phríomhoide.
Seol teastas chun oideachas reiligiúnach Caitliceach a mhúineadh leis an iarratas.
Ní mór go mbeadh trí iarratas ar a laghad ar an bpost ionas go leanfaí leis an gcomórtas.
Iarratais roimh 5 p.m. ar 27ú Aibreán 2017.
Is fostóir comhionannas deiseanna é Bord Bainistíochta Ghaelscoil na Cille
Gach eolas ar EducationPosts.ie
