Folúntas i Naíonra KinderKare, Contae Liatroma
Iúil 5, 2018
Múinteoir Naíonra á lorg ag Naíonra KinderKare;
- Teastas FETAC leibhéal 6 ar a laghad
- Taithí trí bliana ag obair in earnáil na luathbhlianta
- Cur amach a bheith acu ar Acht Um Chúram Leanaí 1991 & Rialacháin 2016
- Spéis faoi leith a bheith ag obair le páistí
- Cur amach ar théamaí Aistear/Síolta
- Líofacht sa Ghaeilge
- Cáilíochtaí gharchabhrach
- Aire a thabhairt do pháistí
- Pleanáil, tuairisciú agus athbhreithniú dá réir
- Comhoibriú le tuismitheoirí/ comhghleacaithe sa naíonra
Is féidir CV a sheoladh chuig kinderkare1@outlook.com (FAO Eilis) nó chuig KinderKare Naíonra, Castlecara Road, Cora Droma Rúisc, Co. Liatroma
Folúntas i Naíonra Chrónáin, Baile Átha Cliath 22
Iúil 5, 2018
Stiúrthóir Naíonra
Iarratais á lorg do Stiúrthóir Naíonra Chrónáin, Áras Chrónáin Ionad Cultúir, Cluain Dolcáin, Baile Átha Cliath 22, D22X856
Cáilíochtaí Riachtanach:
- Ar a laghad Teastas FETAC Leibhéal 8 (Mórdhámhachtain), cáilíocht choibhéiseach, nó níos airde i gcúram leanaí, le taithí agus le líofacht i nGaeilge labhartha agus scríofa.
- Scileanna maithe cumarsáide, idir labhairt agus scríobh.
- Taithí ar a laghad 3 bhliain
- 2 theistiméireacht scríofa
Post: Post Lánaimseartha atá i gceist
Tuarastal: Pá iomaíoch ag brath ar cháilíochtaí agus ar thaithí
Litir Iarratais agus CV chuig:
An Cathaoirleach, Muintir Chrónáin Teo,
Áras Chrónáin Ionad Cultúir,
Bóthar an Úlloird, Cluain Dolcáin,
Baile Átha Cliath 22, D22X856
nó
cathaoirleach@araschronain.ie
Iarratais, Dáta Deiridh: 5.00i.n. Aoine 20ú Iúil 2018
Folúntas i Naíonra Lorcáin, Baile Átha Cliath
Iúil 5, 2018
Múinteoir Naíonra á lorg ag Naíonra Lorcáin
Is naíonra lán-Ghaelach é Naíonra Lorcáin atá lonnaithe i Scoil Lorcáin. Tá seisiún amháin againn ar maidin le 18 páiste. Déanann Naíonra Lorcáin ‘chuile iarracht cúram agus oideachas d’ard-chaighdeán a chur ar fáil do na páistí. Cuirtear béim ar shealbhú na Gaeilge trí mhodh an tsúgartha.
Cáilíochtaí: Teastas FETAC leibhéal 5 ar a laghad; Gaeilge mhaith chumarsáide.
Freagrachtaí: Aire a thabhairt do na páistí; obair ghinearálta an Naíonra; páirteach i gcúrsaí pleanála, breathnadóireachta agus i scríobh na dtuairiscí.
Pá iomaíoch ag brath ar na cáilíochtaí agus an taithí atá ag an duine. Conradh 10 mí atá i gceist.
Seol litir agus C.V. chuig naionralorcain@gmail.com roimh 20 Iúil.
Lá amháin fágtha le cur isteach ar phacáiste tacaíochta don Oíche Chultúir – ná caill amach!
Meitheamh 28, 2018
A Chara,
Táim ag scríobh chugat maidir le hOíche Chultúir a bheidh ar siúl ar an Aoine 21 Meán Fómhair 2018, ó 4pm go 11pm, agus an iarracht atá ar bun againn cur le himeachtaí Gaeilge (taobh amuigh den Ghaeltacht) le linn na hOíche. Ó thosaigh muid ag plé leis seo dhá bhliain ó shin, tá méadú suntasach tagtha ar líon na n-imeachtaí Gaeilge le linn na hOíche, ó 86 i 2016 go 130 i 2017 ! Ní fhéadfaimis sin a dhéanamh gan comhpháirtíocht ó na heagrais Gaeilge thart timpeall na tíre.
Freastalaíonn thart ar 350,000 duine ar imeachtaí cultúir, oidhreachta agus ealaíon saor in aisce le linn Oíche Chultúir. Is deis í seo do ghrúpa/scoil a chur chun cinn, baill nua a mhealladh, aird a tharraingt ar bhur n-imeachtaí agus tuilleadh cairdis a chothú leis an bpobal.
Ar mhaithe leis sin, tá pacáiste tacaíochta á chur ar fáil againn d’aon ghrúpa a bheidh sásta imeacht cultúir, ealaíon nó oidhreachta a reáchtáil trí mheán na Gaeilge ar Oíche Chultúir. (Tabhair faoi deara nach féidir aon táille ar ghearradh ar dhaoine a bheidh páirteach nó a bheidh ag freastal ar imeachtaí na hoíche.) Ba chóir go dtabharfaidh an imeacht deis do chainteoirí Gaeilge níos mó úsáidte a bhaint as an nGaeilge.
Pacáiste Tacaíochta d’Oíche Chultúir:
- Póstaeir le spás do shonraí an imeachta
- Maoiniú airgid (uasmhéid €200, ach i gcásanna eisceachtúla) le costais an imeachta a chlúdach (ag braith ar mhaoiniú ón Roinn)
- Poiblíocht san meáin shóisialta, Gaeilge, náisiúnta agus áitiúla
Samplaí d’imeachtaí gur féidir a reáchtáil d’Oíche Chultúir:
- Seoltaí (Leabhair, scannáin, taispeántais)
- Taispeántais (Ealaíon, Ceoil, Damhsa, Amhránaíochta)
- Ceardlanna
- Cainteanna
- Seónna (Ceoil, drámaíochta)
- Turais
Le leas a bhaint as an bpacáiste seo, caithfear sonraí an imeachta/na n-imeachtaí atá i gceist agat a reáchtáil a chlárú ar an bhfoirm thíos, agus má tá tú ag iarraidh iarratas a dhéanamh ar an gciste airgid, caithfear sonraí measta costais a thabhairt freisin. Caithfear an fhoirm comhlánaithe a chur ar rphost chuig Oireachtas na Gaeilge ag majella@antoireachtas.ie faoi 5pm ar an Aoine 29 Meitheamh 2018, le bheith áirithe ar an gclár imeachtaí.
Is deis iontach í Oíche Chultúir aird a tharraingt ar na gníomhaíochtaí a bhíonn ar bun ag na heagrais Gaeilge agus mholfainn duit leas a bhaint as an deis seo agus as an bpacáiste tacaíochta atá á chur ar fáil. Má tá aon cheist agat faoi seo, ná bíodh aon drogall ort dul i dteagmháil liom ag 087 9776852.
Le dea-mhéin,
Majella Ní Chríocháin
Oifigeach Imeachtaí & Forbairt Freastail
Breis Eolais & Foirm Chlárúcháin d’Oíche Chultúir
Seol chuig majella@antoireachtas.ie faoi 5pm Dé hAoine 29 Meitheamh 2018. Mura bhfaighidh tú rphost admhála go luath i ndiaidh d’iarratas a chur isteach, déan teagmháil arís ar rphost.
Spásairí, Banríonacha agus Ropairí ag cur na Gaeilge chun cinn i bhfeachtas nuálach fógraíochta TG4
Meitheamh 27, 2018
Tá feachtas nua, spraíúil seolta ag TG4, a bhfuil meascán de dhaoine clúiteacha páirteach ann, ina measc an bhanríon draig Panti Bliss, an spásaire Chris Hadfield, an ropaire rubair, Rubberbandit ‘Blindboy Boatclub’, réalta rugbaí na mban Sene agus an láithreoir aimsire Caitlín Nic Aoidh, agus iad ag tabhairt ugach do dhaoine an méid Gaeilge atá acu a úsáid agus a cheiliúradh.
Cuireadh an feachtas ‘Tá Gaeilge Agam’ le chéile i gcomhpháirt leis an gcomhlacht fógraíochta as Baile Átha Cliath a bhfuil iliomad duaiseanna buaite acu, Publicis agus é mar chuid lárnach de rannpháirtíocht TG4 le ‘Bliain na Gaeilge’. Tionscnamh Rialtais atá anseo chun an Ghaeilge a chur chun cinn in 2018.
Feachtas spraíúil, feiceálach, ilmheán é, ‘Tá Gaeilge Agam’, atá á chur i láthair i gcló, ar theilifís, ar raidió, ar líne agus ar fhógraí lasmuigh. Tá sé dírithe ar ‘Ghaeilgeoirí’ de gach leibhéal, chun iad a spreagadh leis an méid Gaeilge atá acu a úsáid, más ‘cúpla focal’ é – amhail an spásaire Chris Hadfield a bhain cáil amach le giolc as Gaeilge a sheol sé ón spás -nó má tá muid ‘líofa’, ar nós bean chumasach Thír Chonaill, Caitlín Nic Aoidh.
I dteachtaireacht tacaíochta don tionscnamh a chuir sí ar na meáin shóisialta le déanaí, deir réalta rugbaí na mban Sene Naoupu: ‘Is as an Nua Shéalainn domsa agus táim líofa i Samóis. Nuair a bhí cónaí orainn sa tSeapáin bhí mé líofa i Nihongo (Seapáinis). Agus muid inár gcónaí i Sasana, labhair muid Béarla. Dá bhrí sin, nuair a bhog muid go hÉirinn, atá mar bhaile anois againn, thum muid sinn féin i gcultúr na hÉireann agus leis sin tagann tuiscint ar an stair bhródúil agus ar an bhféiniúlacht a bhaineann leis an nGaeilge! Mar náisiún mór spóirt, is mór againn a bheith ina nÉireannaigh ach faraor ní leathnaíonn sé sin chuig bród inár dteanga’.
Tá TG4 ag iarraidh ar dhaoine sampla Sene agus na réaltaí eile a leanúint, ‘maidir leis an ábhar ar líne, iarraimid ar dhaoine é a roinnt, an ‘twibbon’ a úsáid agus tabhairt faoin dúshlán iad féin. Is é sin, cuma cén cumas atá agat sa Ghaeilge, í a úsáid go bródúil agus go glórach, pé áit a bhfuil tú.
Deir Stiúrthóir Cruthaitheach TG4, Seán Cathal Ó Coileáin: ‘Caithfidh an Ghaeilge a bheith ábhartha, fáilteach agus éagsúil, má tá muid chun breith ar mhaidhm nua de dhaoine a bhfuil suim acu inti, ach atá faoi láthair beagán drogallach ár dteanga a labhairt. San fheachtas seo tá TG4 ag iarraidh, ar bhealach spraíúil, daoine a mhealladh chun gníomh dearfach a ghlacadh’.
Join the Campaign! Bí linn san fheachtas!
You can find more information on the TG4 website here/Is féidir breis eolais ar shíomh gréasán TG4 anseo:
https://www.tg4.ie/tagaeilgeagam/
Here is a link to the promotional video/Seo an nasc chuig an fhíseán bolscaireachta: https://www.youtube.com/watch?v=N7_ZF7Ppa8I
Why not add a Twibbon/Céard faoi Twibbon a úsáid:
Add the badge to your profile #TáGaeilgeAgam Cliceáil anseo – http://bit.ly/TaGaeilgeAgam
Bunachar de mhúinteoirí ionaid naíonraí
Meitheamh 26, 2018
Tá Gaeloideachas ag forbairt bunachair d’ionadaithe feiliúnacha leis na cáilíochtaí cuí a bheadh ar fáil chun obair ionadaíochta a dhéanamh i naíonraí. Tuigeann muid go mbíonn dúshlán ag baint le teacht ar bhaill foirne ionaid go minic agus ba mhaith linn an bunachar seo a fhorbairt chun cabhrú le naíonraí teacht ar ionadaithe cuí go sciobtha agus go héasca.
Má tá aon mholtaí agaibh nó má tá aithne agaibh ar dhaoine feiliúnacha a bheadh sásta bheith ar an liosta seo, bheadh muid an-bhuíoch díobh as teagmháil a dhéanamh le Ciara lena gcuid sonraí teagmhála ciara@gaeloideachas.ie. Déanfar teagmháil leis na daoine molta ansin chun tuilleadh sonraí a lorg agus le cinntiú go bhfuil siad sásta bheith ar an liosta seo. Má tá múinteoir ionaid ag teastáil ó naíonra, déanfaidh siad teagmháil linn agus tabharfaidh muid sonraí na múinteoirí ionaid atá sa gceantar máguaird dóibh. Ní roinnfear an bunachar seo go poiblí.
Déan teagmháil le Ciara ciara@gaeloideachas.ie le breis eolais a fháil.
Folúntas le Gaeloideachas
Meitheamh 22, 2018
Riarthóir Oifige ag teastáil (Athfhógairt)
Conradh 3 bliana
Duine le sárscileanna eagrúcháin, riaracháin oifige agus cumarsáide, mar aon le hardchaighdeán labhartha agus scríofa sa Ghaeilge de dhíth.
Tuilleadh eolais agus sainchuntas poist le fáil ó foluntais@gaelscoileanna.ie
Spriocdháta le haghaidh foirm iarratais agus CV – meánlae, Dé hAoine, 6 Iúil 2018. Ní ghlacfar le haon iarratais i ndiaidh an spriocdháta.
Tá an post seo lonnaithe sa phríomhoifig i Marino, Baile Átha Cliath 9.
Scála Tuarastail: €23,107 – 38,724
Is ceanneagraíocht í Gaeloideachas atá freagrach as an réimse Tumoideachas/Gaeloideachas agus Réamhscolaíocht lán-Ghaeilge a chur chun cinn.
Eolas faoi ghnó na heagraíochta ar fáil ag www.gaeloideachas.ie
Oiliúint Phraiticiúil ar na Cluichí Gaelacha faoi stiúir chóitseálaithe CLG
Meitheamh 22, 2018
CÚRSA OILIÚNA TRÍ GHAEILGE DO BHUNMHÚINTEOIRÍ
COLÁISTE CHOLMCILLE INDREABHÁN
2ú – 6ú Iúil 2018
Oiliúint Phraiticiúil ar na Cluichí Gaelacha faoi stiúir chóitseálaithe CLG, laistigh de théarmaí tagartha na Roinne Oideachais & Scileanna
Costas €50 Eolas & Áirithint :
Foirm le fáil ar : Tae & Caifé ar fáil http://www.galwayec.ie/courses-booking-forms/
Líon agus seol ar ais roimh 20 Meitheamh 2018
(091) 746000
Seirbhís Chúram Iarscoile – deis i nGaillimh
Meitheamh 19, 2018
Fáiltíonn Bord Bainistíochta Ghaelscoil Riabhach roimh chomhlachtaí/grúpaí pobail iarratais a chur isteach chugainn Seirbhís Chúram Leanaí a stiúradh ó shuíomh na scoile ó Mheán Fómhair 2018. Bheimís ag súil go mbeidh fís an chomhlachta/ghrúpa pobail ag tabhairt le fás is forbairt na seirbhíse a phleanáil is a riarú.
Riachtanais:
· Seirbhís d’ardchaighdeán ag cloí le héiteas na scoile ag feidhmniú.
· Polasaithe chúram leanaí, sábháilteachta is sláinte d’ardchumas curtha ar fáil
· Plean gnó agus taithí sa réimse oibre léirithe
Conradh 3 Bliana Spriocdháta: 29/6/18
Iarratais chuig:
An Cathaoirleach
Bord Bainistíochta
Gaelscoil Riabhach
Cois Móna
Baile Locha Riach
Co. na Gaillimhe
Nuachtlitir Chomhairle na Gaelscolaíochta – eagrán an tsamhraidh
Meitheamh 19, 2018
Léigh na scéalta is déanaí faoi earnáil an oideachais lán-Ghaeilge ó thuaidh in eagrán an tsamhraidh de nuachtlitir Chomhairle na Gaelscolaíochta anseo.
