Foirm Iarratais 2016
Rialacha Maoinithe don scéim Le Chéile Trí Ghaeilge
- Tá an tionscadal seo dírithe ar naíonraí, bhunscoileanna agus ar iar-bhunscoileanna lán-Ghaeilge (féach 3 thíos) Féadfaidh naíonraí/scoileanna lán-Ghaeilge comh-imeacht a reáchtáil trí mheán na Gaeilge le réamhscoileanna/scoileanna Béarla chomh maith ar mhaithe le cur chun cinn na teanga sa phobal.
- Is gá go mbeadh íosmhéid de dhá pháirtí* éagsúla rannpháirteach san imeacht: naíonra/scoil/aonaid lán-Ghaeilge (sa Ghaeltacht nó sa Ghalltacht).* Ní aithneofar dhá sheisiún naíonra mar dhá rannpháirtí éagsúla.
- Fáilteofar roimh iarratais d’imeacht idir na trí leibhéil mar shampla:
- Naíonraí amháin
- Naíonraí agus bunscoileanna
- Naíonraí agus iarbhunscoileanna
- Bunscoileanna amháin
- Bunscoileanna agus iarbhunscoileanna
- Iarbhunscoileanna amháin
- Is gá go reáchtáilfear an imeacht trí mheán na Gaeilge.
- Is gá go gcuirfí tuairisc c.200 focal ar an imeacht ar ríomhphost chuig sandra@gaelscoileanna.ie. Fáilteofar go mór roimh ghrianghraif (go leictreonach) agus taispeántar ar an suíomh gréasáin www.gaelscoileanna.ie nó/agus sa nuachtlitir iad, le cead an naíonra/na scoile.
- Is é €250 / £225 an t-uasmhéid atá ar fáil d’aon imeacht le 2 naíonra/scoil rannpháirteach ann, €500.00 / £450 an t-uasmhéid atá ar fáil d’aon imeacht le 3 naíonra/scoil rannpháirteach ann, agus €750 / £675 an t-uasmhéid atá ar fáil d’aon imeacht le 4 naíonra/scoil nó níos mó rannpháirteach ann (i. uasmhéid in aghaidh na himeachta, seachas an naíonra/na scoile atá rannpháirteach). Ar bhonn dea-chleachtais, bheadh comhroinnt costais idir na naíonraí/scoileanna rannpháirteacha i gceist.
- Is ar bhonn admhálacha agus tuairisce amháin a íocfar an deontas. Íocfar an deontas díreach isteach i gcuntas bainc an naíonra/na scoile. Ní híocfar deontas le seic.
- Tabharfar tús áite d’iarratais de réir mar a thagann siad chun na hoifige, agus de réir buiséid teoranta na heagraíochta.
- Tá cead ag Gaelscoileanna Teo. deontas a aisghairm i leith mí-úsáide
