Cad é atá speisialta faoi do mháthair féin?
Márta 8, 2013
Tá Lá na Máthaireacha ag teannadh linn an Domhnach beag seo.
Le linn cuairte ar Dhoire Colm Cille bhí an t-ádh ar Meon Eile bualadh le dáltaí ó rang a 7 i nGaelscoil na Daróige, Baile Mhic Rabhartaigh.
D’fhiafraigh muid an dóibh…
Cad é atá speisialta faoi do mháthair féin?
Físeán ar MeonEile.ie
Earnáil na Gaelscolaíochta ag teacht le chéile arís do Chomhdháil Chomhairle na Gaelscolaíochta 2013
Márta 8, 2013
Is mian le Comhairle na Gaelscolaíochta, an grúpa comhairleach ar son na Gaelscolaíochta i dTuaisceart Éireann, an dara Comhdháil déag dá cuid a fhógairt, a bheidh á reáchtáil i gColáiste Feirste, Béal Feirste, ar Aoine an 15ú Márta 2013.
Is ceann de na comhdhálacha is mó den chineál seo ar oileán na hÉireann í, a mheallfaidh toscairí as Gaelscoileanna ó thuaidh agus ó dheas agus as cuid mhór eagraíochtaí Gaeilge eile, idir chultúrtha agus oideachasúla.
Gabháil na Gairmiúlachta téama na bliana seo agus beidh réimse leathan cainteoirí agus céardlann acu ar ghnéithe éagsúla ábhartha ag ócáid na bliana seo, go háirithe ó earnáil na Gaelscolaíochta í féin.
Orthu siúd a bheidh ag caint, beidh An Dr Máire Ní Ríordáin ó Ollscoil na Gaillimhe ag caint ar fheabhsú na matamaitice sa Ghaelscolaíocht, beidh Pavel Iosad agus Professor Alison Henry, School of Communication, Ollscoil Uladh ag caint ar na buntáistí a bhaineann le dátheangachas sa Ghaeloideachas, beidh Eibhlín Mhic Aoidh ó Choláiste Mhuire ag caint ar an taighde úr atá déanta aici ar an mheasúnú sa seomra ranga.
Taobh leis so, beidh inchur ó iondaithe CCEA, An t-Áisaond Lán-Ghaeilge, An Múinteoir Comhairleach ar an Litearthacht, BOLI agus ó thionscadail úra Chomhairle na Gaelscolaíochta-cúrsaí óige agus an tionscadal trasphobail ‘Le Chéile Trí Chultúr’.
Lena chois seo, beidh dhá sheisiún ar leith ann do ghobharnóirí Gaelscoile agus cúrsa lae teanga do chuntóirí ranga na hearnála i gcomhar le Coláiste Ollscoile Naomh Muire.
Tá an-áthas orainn fáilte a chur roimh ár gcomhghleacaithe in An tSeirbhís um Fhorbairt Ghairmiúil do Bhunscoileanna, i bPoblacht na hÉireann arís, a ghlacfaidh páirt in imeachtaí an lae chomh maith.
Deir Príomhfheidhmeannach Chomhairle na Gaelscolaíochta, An Dr Micheál Ó Duibh, go bhfuil sé, ‘… ag dúil go mór le lucht na hearnála a fheiceáil le chéile arís ag Comhdháil na bliana seo’, agus go bhfuil sé cinnte, ‘ … go mbainfear sult agus tairbhe as an chlár leathan, tarraingteach atá bearthaithe ag Comhairle na Gaelscolaíochta i mbliana.’
Reáchtálfar an Chomhdháil ar Aoine an 15ú Márta i gColáiste Feirste, Páirc Radharc na bhFeá, Bóthar na bhFál, Béal Feirste, idir 9.30rn agus 3.45in.
Tuilleadh Eolais/Further Information
An Dr Micheál Ó Duibh, Príomhfheidhmeannach Chomhairle na Gaelscolaíochta
Phone: 028 90 321475
Email: moduibh@comhairle.org
nó
Tarlach Mac Giolla Bhríde, Comhordaitheoir na Comhdhála
Phone: 028 90 321475
Email: tmacgiollabhride@comhairle.org
10,000 ag bailiú i gCeatharlach um Cháisc don Fhéile Idirnáisiúnta Pan Cheilteach 2013
Márta 8, 2013
Tá Ceatharlach ag ullmhú d’ionradh na gCeilteach i rith saoire na Cásca nuair a bhaileoidh suas le 10,000 duine ann don 42ú Féile Idirnáisiúnta Pan Cheilteach agus ceann de mhór imeachtaí ‘Tóstal’ nab liana sa bhaile.
Is ócaid faoi leith í an Fhéile Idirnáisiúnta Pan Cheilteach a mhaireann thar sé lá ó 2-7 Aibreán ag ceiliúradh chultúr Ceilteach na dtíortha atá rannpháirteach san fhéile idir Éire, An Bhreatain Bheag, Albain, An Bhriotáin, An Choirn agus Oileán Mhanainn
Tugann an féile idirnáisiúnta deis do na Ceiltigh teacht le chéile chun taitneamh a bhaint as comhluadar agus cuideachta a chéile . Ar chlár na féile bíonn imeachtaí agus fo-imeachtaí idir chomórtais agus ócáidí do cheoltóirí, amhránaithe,cumadóirí, rinceoirí, cóir, filí agus scéalaithe agus a lucht leanúna ó na naisiúin éagsúla.
Tá Bride de Róiste, duine de lucht eagraithe na féile, ag tnúth go mór le sé lá na féile agus dar léi tá sceitimíní ar an pobal áitiúil cheana féin agus an baile ag faire amach do bhailiú na gCeilteach cois Bearbha don dara bliain as a chéile.” Is bliain an-speisialta í seo agus tá sé de phribhléid againn óstáil a dhéanamh ar cheann de phríomh imeachtaí an ‘Tóstal’ i gCeatharlach
“Tá clár spleodrach eagraithe againn don fhéile agus i measc na mbuaicphointí beidh scéalaíocht agus malartú scéalta, ceolchoirmeacha, leabhair le seoladh, amhránaíocht traidisiúnta agus cóir chomh maith le comórtais píobaireachta agus drumadóireachta, cruit agus fidil agus rince idir-chilteach in iliomad ionaid ar fud an bhaile”
Ceann de mhórimeachtaí na féile ná an Comórtas Amhránaíochta Idirnáisiúnta ar an Déardaoin, 4 Aibreán. In iomaíocht beidh amhrán ag gach ceann de na sé thír, amhrán nua-chumtha agus i dteanga na tíre. Ag déanamh ionadaíochta ar son na hÉireann beidh an t-amhránaí Seoirse Ó Dochartaigh as Tír Chonaill agus é ag casadh Le Do Thaobh cumtha ag Áine Durkin as Conamara. Is amhrán corraitheach, mothaitheach é a chum Áine in omós dá deirfiúr.
Beidh an baile go léir agus an pobal uile páirteach san fhéile le siamsaíocht ar na sráideanna chuile lá idir damhsa ceilteach, céilí faoin aer, comórtais buscála agus mórshiúl na féile. Agus beidh deis ag gach éinne rith, siúl ná jogáil an Míle Pan Cheilteach!
Déanfaidh 80 sár cheoltóirí traidisiúnta ó cheann ceann na tíre a slí go Ceatharlach chun ceol a sholáthar ag 40 seisiún in dosaen teach tábhairne ar fud an bhaile mar chuid de Trad Trail na féile. Beidh gach deis foghlamtha i rith an ama ann freisin agus idir ceardlanna i ngach uirlis thraidisiúnta chomh maith le ranganna sa rince Sean-Nós , Céilí agus Damhsa na mBriotánach. Cuirfear ranganna ins na teangacha ceilteacha ar siúl freisin le Gaidhlig na hAlban, Manannais, Coirneais agus Gaeilge ar an mbiachlár.
I measc na ngrúpaí a chuirfidh ceolchoirmeacha agus taispeántais ollmhór i láthair ag an bhFéile Pan Cheilteach i mbliana luaitear Banna na nGardaí, RTÉ Cór na nÓg & ASPIRO, Píobaírí an Bhanna Thursa ó Caithness na hAlban, Pervish, The Great Trad Train agus CCÉ ARDS chomh maith le comhléiriú na 3 Cheolfhoireann. Beidh na celebs Daithí Ó Sé agus Kathryn i láthair chun chomhsheoladh a dhéanamh ar leagain Gaeilge agus Béarla an leabhair Lucinda Sly. Tuairiscítear go mbeidh udár an leabhair Maidhc Dainín Ó Sé (athair Dhaithí) agus an t-aistritheoir Gabriel Fitzmaurice ann freisin chun sleachta a léamh go poiblí.
Déanfaidh tír éagsúil Club na Féile a óstáil ins an Ostán Seven Oaks gach oíche i rith na féile chun blas agus saibhreas a gcultúir féin a cheiliúradh agus a roinnt leis an bpobal. Is féile pobail agus féile teaghlaigh í an Fhéile Pan Cheilteach le clár lán d’imeachtaí agus gníomhaíochtaí a choiméadfaidh idir óg agus fásta gnóthach agus sásta. Mairfidh an margadh faoin aer Blas Cheilteach Cheatharlach ar feadh dhá lá. É sin uile agus tuilleadh….is fiú dul suas go Ceatharlach do ‘Thóstal na gCeilteach’ an Cháisc seo.
Gach eolas ar www.panceltic.ie
An Ré Nua: Ar lorg an tálainn nua is fearr i gceol traidisiúnta/ceol tíre
Márta 7, 2013
Gríosaítear ceoltóirí óga lena bhféinbhranda de cheol traidisiúnta páirt a ghlacadh i dtionscnamh corraitheach nua i gcomhar le Comhaltas Dhoire agus Cultúrlann Uí Chanáin.
Is comórtas é An Ré Nua atá dírithe ar cheoltóirí óga nuálacha a ghríosadh le dul in iomaíocht lena chéile chun seans a fháil le tús a chur le gairm i gceol traidisiúnta agus ceol tíre.
Beidh deis ag bannaí cheoil, dísrigh agus amhránaithe taibhiú ag Fleadh Cheoil na hÉireann, ag roinnt ardán le taibheoirí clúiteacha cosúil le Flook, Beoga, Cara Dillon, Tim Edey & Brendan Power agus Dervish.
Dúirt Eibhlín Ní Dhochartaigh, Cathaoirleach Fleadh Cheoil na hÉireann agus Oifigeach Forbartha Ealaíon ag Cultúrlann Uí Chanáin: ‘Tá mé an-tógtha leis an tionscnamh nua seo. Seo an rud is fearr chun an chathair a ullmhú don ró-ualú ceoil a bheidh anseo i mí Lúnasa, ach chomh maith leis sin tugann sé ardán den scoth do cheoltóirí nua chun gairm sa cheoil a fhorbairt.’
Beidh an seans ag buaiteoirí na dtrí catagóir a gceol a thaifeadadh d’albam díolama nua darbh ainm An Ré Nua 2013, ag taispeáint ardchaighdeán an cheoil traidisiúnta/tíre chomhaimseartha ó cheoltóirí óga. Gheobhaidh siad maistirchóip dá gceol ar EP.
Dúirt Odhrán Ó Maoláin, comhordaitheoir an tionscadail gur deis iontach é seo: ‘Tá súile na hearnála cultúir ar Dhoire i mbliana, mar sin is í an áit is fearr don tionscadal seo. Gheobhaidh na hiomaitheoirí uasnochtadh ar an tionscal ceoil tíre chomh maith le suim na meán.’
Beidh ceol na mbuaiteoirí taifeadta go proifisiúnta agus seolfar an t-albam ag an chéad Fleadh Cheoil i nDoire. Beidh siad ar an chlár ag imeacht mór mar chuid de sceideal na Fleidhe. Chomh maith leis sin beidh seans acu taibhiú a dhéanamh ag Music City, imeacht eile i gclár Chathair an Chultúir.
Beidh na réamhbhabhtaí ag tarlú i gcomhthráth le clár ealaíon míosúil na Cultúrlainne do 2013, ag tabhairt deis do na hiomaitheoirí ardán a roinnt leis na ceoltóirí is fearr i gceol traidisiúnta. Beidh cuairteanna ó Lau a bhuaigh ‘Best Group’ ag Gradam Ceoil Tíre de chuid BBC Radio 2, agus ardmholadh faighte ag albam s’acu Race the Loser ó na léirmheastóirí agus a fuair léirmheas cúig réalt ón Guardian agus mír ar Later…with Jools Holland.
Beidh Goitse, Rura, Donal Lunny, Pádraig Rynne agus Sylvian Barou páirteach sa tionscadal seo agus beidh an chéad bhabhta ar siúl ar an 8ú Márta le ceolchoirm bheo le PJ Mc Donald, Bríd Harper, Gerdy Thompson agus maestro an bhodhráin John Joe Kelly.
Beidh 3 catagóir sa chomórtas: bannaí cheoil, dísrigh agus amhránaithe. Tá an comórtas oscailte do rannpháirtithe in Éireann agus sa Ríocht Aontaithe agus níl aon aoisteorainn. Moltar do na ceoltóirí nua gan cailleadh amach ar an tionscadal corraitheach nua seo a d’fheadfaí a bheith mar cheap foirfe lainseála do ghairm i gceol tíre na hÉireann. Caithfear na iontrálacha a bheith istigh faoin 1ú Márta 2013 agus is féidir clárú ar-líne ag fleadhcheoil.ie nó scairt a chur ar oifig na fleidhe ar +44(0)28 71 373 573.
Ceardlann Saor in Aisce do Scríbhneoirí Gaeilge á heagrú ag Cló Iar-Chonnacht i gcomhar le Scoil na Gaeilge agus na Ceiltise, Ollscoil na Banríona, Béal Feirste
Márta 7, 2013
Dáta: Dé Sathairn, 23 Márta 2013
Ionad: Ollscoil na Banríona, Béal Feirste.
Stiúrthóirí na Ceardlainne: Micheál Ó Conghaile agus Fionntán de Brún
Beidh an cheardlann seo dírithe ar scríbhneoirí Gaeilge den uile chineál, scríbhneoirí a bhfuil leabhair foilsithe acu cheana agus scríbhneoirí óga/nua nach bhfuil aon leabhar foilsithe fós acu ach a léiríonn cumas scríbhneoireachta.
Tugtar cuireadh do scríbhneoirí ar mhaith leo a bheith páirteach sa cheardlann sampla dá saothar: gearrscéal, cúig nó sé de dhánta nó mír ghearr as úrscéal (úrscéalta do dhéagóirí san áireamh) a sheoladh chuig Eagarthóir Cúnta CIC, Áine Ní Cholchúin ag an seoladh thíos ROIMH an 14 Márta 2013.
Roghnófar na saothair is feiliúnaí agus déanfar iad a phlé agus a mheas ag an gceardlann. Seolfar saothar gach scríbhneora chuig gach iarrthóir (a bheidh ag freastal ar an gceardlann) roimh ré ionas go mbeidh deis acu iad a léamh. Tríd an modh oibre seo beidh na hiarrthóirí ar fad in ann páirt ghníomhach a ghlacadh sa cheardlann, agus foghlaim ó laigí agus ó bhuanna shaothar a chéile. Beidh áit do dheichniúr ar an gceardlann. Níl aon táille i gceist don cheardlann seo ach beidh iarrthóirí freagrach as a gcuid costas taistil féin agus lóistín sa chás go mbeadh a leithéid i gceist.
Tuilleadh eolais:
Áine Ní Cholchúin nó Micheál Ó Conghaile
Cló Iar-Chonnacht
Indreabhán
Conamara
Co. na Gaillimhe
Guthán: (091) 593307 Facs: (091) 593362 Ríomhphost: aine@cic.ie
Tá an cheardlann seo á heagrú le tacaíocht ón gComhairle Ealaíon
Stiúrthóir Naíonra
Márta 7, 2013
Tá Stiúrthóir ag teastáil ó Naíonra nua atá beartaithe do cheantar Leamhcán, Co. Átha Cliath.
Tá an Stiúrthóir ag teastáil le haghaidh seisiún maidine agus seisiún tráthnóna le haghaidh 10 leanbh.
Is gá go mbeadh líofacht na Gaeilge (labhartha agus scríofa) ag an iarrthóir mar aon le cáilíocht CDBO/FETAC Leibhéal 5 nó 6 ina iomláine.
Moltar go mbeadh na cáilíochtaí seo a leanas ag iarrthóirí chomh maith, nó iad a bheith sásta tabhairt fúthu:
- Dianchúrsa FNT
- Oiliúint gharchabhrach
- Child Protection Training.
Is féidir glaoch a chur ar Chaoimhe ag 087 9757512 má tá spéis agat sa phost.
Gearrscannán Gaeilge i bPictiúrlann Light House
Márta 7, 2013
Beidh trí ghearrscannán ar an scáileán sa bPictiúrlann Light House, i Margadh na Feirme, Baile Átha Cliath 7 mar chuid de Sheachtain na Gaeilge 2013.
Léiríodh an trí scannán le haghaidh TG4, ach is é seo an chéad deis iad a fheiceáil riamh. Chomh maith leis sin, is é an chéad uair a bheidh scannán as Gaeilge againn sa phictiúrlann.
Páirtnéir, Eoinín agus Bás Arto Leary is iad an trí ghearrscannán i gceist agus léiríodh iad le chéile leis an tionscnamh gearrscannánaíochta Scéal (http://www.tg4.ie/sceal).
Beidh na gearrscannáin le feiceáil Déardaoin, 14 Márta ag 18:30 i Scáiléan a Dó – scáileán iontach galánta ina bhfuil dath difriúil ar gach cathaoir!
Beidh na fáltais ar fad ag dul go dtí an Capuchin Day Centre, carthanas áitiúil a oibríonn le daoine gan dídean.
Tá costas €7.50 ar na ticéid agus tá praghas íslithe do mhic léinn agus do sheanóirí (€6).
Foilsithe ar Gaelport.com
Axe draws closer for struggling schools
Márta 7, 2013
More than half of secondary schools in the Dungannon District are unsustainable in terms of their current enrolments, according to a new report on the future of education in the Southern Education and Library Board.
Plans to deal with local schools failing to meet viability thresholds were announced in the SELB’s Area Planning report on Thursday.
According to the report, seven out of the district’s ten secondary schools are unviable in terms of their enrolment threshold for years 8 to 12. The Department of Education wants to ensure all secondary schools in the Dungannon district have at least 500 pupils, are getting good results and are not in debt.
Currently there are 317 spare places in local secondary schools, with 128 empty desks at Drumglass, 53 at Aughnacloy High School, 309 at St Joseph’s Coalisland, 21 at St Patrick’s Academy, and 8 at Integrated College Dungannon.
However, the report has called for further consultation to take place this year over the future of Dungannon’s Catholic secondary schools, as well as announcing a stay of execution on the future of Aughnacloy High School and Fivemiletown College, which had to turn away 16 pupils last year because the school had no places for them.
“The issue of cross-border education initiatives is still being developed politically and this may have implications for the planning in the Aughnacloy and Fivemiletown areas”, said the report.
Northern Ireland’s Education Minister has said he is unhappy at the slow progress of some education boards in planning to shut unsustainable schools. Sinn Fein’s John O’Dowd is forming a steering group to speed up the process of closing and rebuilding.
The minister is eager for education boards to close unviable schools. He said that in some areas plans have not moved quickly enough. Mr O’Dowd said that was unacceptable and he wants the Catholic authorities to develop definitive solutions. The SELB report announced that merger plans have drawn closure for Dungannon’s Catholic secondary schools.
Following consultation, the Catholic Council for Maintained Schools has found that the best model for the future of St Patrick’s Academy and St Patrick’s College involves the development of a shared educational campus, while retaining the identity and status of both schools, said the report.
With regards to the proposed merger of St Joseph’s College Donaghmore, and St Joseph’s Coalisland, the CCMS said it had taken into account concerns around Irish Medium provision and the expressed view that St Joseph’s Grammar School Donaghmore is a sustainable and viable school.
The report said: “The proposed model is for an 11 – 19 co-educational school, inclusive of Irish Medium provision, in St Joseph’s Grammar School, Donaghmore with an 11 – 16 co-educational school in St Joseph’s High School, Coalisland.
“The potential for the establishment of a formal partnership to maximize opportunities for pupils in both schools, particularly at post 16, should be researched, evaluated and presented to the Trustees for further consideration by June 2013.”
Dungannon District’s primary schools are the next target and the Education Minister will reveal proposals by the middle of March. There are more than 80,000 empty places in schools and the minister has said some may have to close to improve the quality of education children receive.
www.tyronetimes.co.uk
Sparánacht taighde – COGG
Márta 7, 2013
Forbairt na huimhearthachta i scoileanna lán-ghaeilge/ The development of numeracy in Irish medium schools
Fáilteoidh an Chomhairle um Oideachas Gaeltachta agus Gaelscolaíochta roimh thairiscintí ó mhic léinn ag leibhéal dochtúireachta nó ó thaighdeoirí eile ar mian leo taighde a dhéanamh maidir le forbairt na huimhearthachta i mbunscoileanna nó in iar-bhunscoileanna lán-Ghaeilge.
Ní bhaineann aon luach faoi leith leis an sparánacht ach d’fhéadfaí sparánacht taistil, sparánacht foilsitheoireachta, sparánacht riaracháin, sparánacht táillí agus/nó costais bliana nó níos faide a bheith i gceist.
Foirm iarratais le fáil le híoslódáil ar www.cogg.ie
Ní ghlacfar le haon iarratas i ndiaidh 4pm Dé Luain 25 Márta 2013.
Áiseanna d’fhoghlaim agus do Theagasc trí Ghaeilge agus do theagasc na Gaeilge – COGG
Márta 7, 2013
Tugtar cuireadh do chomhlachtaí, d’institiúidí nó do dhaoine aonair iarratais a dhéanamh ar lorg thacaíocht mhaoinithe le haghaidh fhorbairt áiseanna teagaisc agus foghlama do bhunscoileanna agus d’iar-bhunscoileanna Gaeltachta agus lán-Ghaeilge nó do theagasc na Gaeilge i scoileanna uile na tíre.
Ní ghlacfar le haon iarratas i ndiaidh 4pm Dé Luain 25 Márta 2013.
Applications for financial support are invited from companies, institutions and individuals for the development of teaching and learning resources for Irish medium schools or for the teaching of Irish in all schools.
Foirm iarratais le fáil le híoslódáil ar www.cogg.ie
