Méid an Téacs

Post do Phríomhoide Fógraithe

Meitheamh 28, 2013

Cuireann Bord Bainistíochta Ghaelscoil Naomh Pádraig fáilte roimh iarratais do phost mar phríomhoide ag tosnú ar an 28 Lúnasa 2013. Duine fuinniúil, le fís phearsanta do fhorbairt iomlán na scoile, le taithí bainistíochta agus sárscileanna riaracháin agus cumarsáide, maraon le hardchaighdeán Gaeilge atá de dhíth. Duine a cheiliúrann uathúlacht an pháiste agus a chuirfeadh leis an ardchaighdeán oideachais atá bainte amach go dtí seo atá uainn, a dhéanfadh forbairt iomlán ar an bpáiste sna gnéithe ceoil, teicneolaíochta, timpeallachta agus spóirt.

Bunaíodh Gaelscoil Naomh Pádraig (Uimhir Rolla:19940G) i 1989 agus tá sí lonnaithe i bhfoirgneamh buan nua-aimseartha ar Bhóthar an Chaisleáin, Leamhcán, Contae Bhaile Átha Cliath ó 2000. I Mí Mheán Fómhair beidh 22 múinteoir buan ar an bhfoireann, an príomhoide san áireamh, agus 480 dalta (figiúr réamh-mheasta) ar na rollaí. Is scoil chaitliceach í faoi phátrúnacht an Ardeaspaig, i nArddeoise Bhaile Átha Cliath.

Seol an fhoirm iarratais chaighdeánach do phríomhoidí, maraon le fianaise ar cháilíochtaí, teastas oideachais reiligiún, deimhniú ar chlárú leis an gComhairle Mhúinteoireachta agus comhlíonadh ghrinnfhiosrúchán reatha na nGardaí chuig an gCathaoirleach, Gaelscoil Naomh Pádraig, Bóthar an Chaisleáin, Contae Bhaile Átha Cliath roimh an 15 Iúil 2013 ag 17.00.

Féach ar www.educationposts.ie

Gealóga – Mayo’s bright young musicians

Meitheamh 28, 2013

On Thursday June 13, Gealóga, a traditional music ensemble formed as part of the Music Generation Mayo – Music Residency Programme, performed for international delegates attending the Education Committee Meeting in Castletown House, Leixlip, a Department of Education and Skills event organised as part of Ireland’s EU presidency.

The group of 11 young talented traditional musicians, aged 12-18 years, was selected via an audition process in January 2013 and they have been progressing under the mentorship of their director, acclaimed Co Mayo musician and performer, Emer Mayock.

Nominated by the Mayo Music Education Partnership to represent their country on this international stage, Gealóga’s appearance marks the final event in Music Generation’s performance rogramme for the Department of Education and Skills EU presidency events.

Hailing from throughout Co Mayo, Gealóga, which translates as ‘bright youth’, comprises the following musicians: Kate Heneghan, Orla Mannion, Donal Parksinson (fiddle), Patrick Boyle (accordion), Marianna Tiernan (concertina), Ellen Murphy (harp), Alan Judge, Catherine Lambe, Grace McDonnell (flute), Niamh Mulhern (uilleann pipes) and Seán McGreal (bodhrán, whistle and voice). Over the past few months the ensemble has been meeting regularly to share and source material, collaborate as fellow musicians, examine the history of the ensemble in traditional music, while preparing and rehearsing for the performances which will mark the culmination of their residency programme in July 2013.

An exceptionally accomplished young ensemble, members of Gealóga have successfully competed and received top prizes in the Connacht and national Fleadh Cheoil na hÉireann competitions. They have graced many prestigious performance stages as individual musicians and in groups, having been taught and influenced in their musical development by the cream of Irish traditional musicians both in Co Mayo and neighbouring counties. “Each individual member is an accomplished musician in their own right,” noted ensemble director, Emer Mayock, “now as part of the ensemble they bring their own musical imagination and energy to create a dynamic and vibrant sound.” To celebrate Love Live Music – International Music Day, members of Gealóga undertook a whistle-stop tour of Mayo on Friday June 21 and are looking forward to their main performances at the Linenhall Arts Centre, Castlebar, on Friday July 12 (booking 094 902 3733)and the Ballina Arts Centre on Saturday July 13 (booking 094 902 3733).

Tickets are €5 for adults, under 18s free of charge. Visit www.musicgenerationmayo.ie for more information.

www.advertiser.ie/mayo

Foilsithe ar Gaelport.com 28 Meitheamh 2013

Mayo Advertiser

Sladmhargadh Chló Iar-Chonnacht

Meitheamh 28, 2013

Tá sladmhargadh samhraidh fógartha ag Cló Iar-Chonnacht agus bainfear 25% de phraghas dhlúthdhioscaí an chomhlachta, i siopa Chló Iar-Chonnacht in Indreabhán agus ar an suíomh www.cic.ie.

Tá lascaine 20% le fáil ar réimse leabhar do pháistí, agus do dhaoine fásta tá tairiscint speisialta ina bhfuil siad ag tabhairt amach fiche cúig phacáiste leabhar ar phraghas speisialta €200 an ceann, pacáil agus postáil go dtí áit ar bith in Éirinn san áireamh. Tá céad caoga leabhar sa phacáiste, chomh maith le Rí an Fhocail agus Máirtín Ó Cadhain sa gCnocán Glas agus an leagan drámata de Chré na Cille ina bhfuil ocht CD.

Tá Cló Iar-Chonnacht freisin ag tairiscint beart mór leabhar ar €290, de chuid Sáirséal Ó Marcaigh / Sáirséal agus Dill, mar aon le roinnt teideal ó Mercier, FNT agus Cló Chois Fharraige, pacáil agus postáil chuig aon áit in Éirinn san áireamh. Is féidir iad a cheannach ar líne anseo, ar an nguthán ag 091 593307, nó i siopa Chló Iar-Chonnacht, atá suite i bPáirc Ghnó Shailearna in Indreabhán.

www.advertiser.ie/galway

Foilsithe ar Gaelport.com 28 Meitheamh 2013

Galway Advertiser – Lár Sráide

Music and authors in Ballinamore

Meitheamh 27, 2013

Ballinamore Seán O’Heslin’s GAA club is hosting a major weekend of Music and Literature at Páirc Sheáin Uí Eislin this weekend.

The event starts with a big Cultural Concert this Thursday night, June 27 with doors opening at 9pm.
Eleanor Shanley along with Paul Kelly and Frankie Lane as well as Charlie McGettigan top the bill. Cavan’s famed Martin Donohoe and family bring some Irish traditional music and the Ulster Scots’ tradition will be represented by David Angus.

Then there is Edwina Guckian with some sean-nós dancing, lilter Séamus Fay from Cavan and John Shanley and Paul McCarthy on the pipes.

It is an exceptional evening of music and song and the admission is only €10 with full bar facilities.

The event is part of the Dialogues Through Literature weekend which is supported by the IFI (International Fund for Ireland). Dialogues through Literature is a cross community and cross border Readers Network. The project is engaging readers from across the Leitrim, Fermanagh border as well as counties Cavan and Tyrone. It offers readers the opportunity to meet together, hear authors read and to engage with speakers about literature.

On Friday morning, June 28 the Dialogues Through Literature Symposium starts at 10.30am with registration.
Speakers include Carlo Gébler, Darren McCann, Claire Kilroy, Jennifer Johnston and Susan McKay.

On the Saturday, June 29 speakers include DBC Pierre, Michael Harding, Martina Devlin, Rebecca O’Connor and Ted Sheehy. There is a discussion on the Irish Language with Gordon McCoy, Seosamh Mac Donnacha and Eilís Ní Dhuibhne as well as a seisiúin as Gaeilge with Eilís Ni Dhuibhne.

There is no charge to any of the Dialogues events on the Friday and Saturday and lunch is provided free as well.

To book call Caroline McCartin at Leitrim County Library (071) 9645546.

www.leitrimobserver.ie

Foilsithe ar Gaelport.com 27 Meitheamh 2013

Leitrim Observer

Maoiniú do ghearscannáin Ghaeilge

Meitheamh 27, 2013

Agus Féile Scannán na Gaillimhe nach mór buailte linn, tá sé tráthúil go bhfuil sé fógartha ag Bord Scannán na hÉireann go gcuirfear maoiniú €10,000 an ceann ar fáil le haghaidh dá gearrscannán Gaeilge, ocht nóiméad ar fhad, faoin scéim mhaoinithe scannánaíochta Ghaeilge, Gearrscannáin.

Tá sé mar aidhm ag an scéim daoine nua a spreagadh le gearrscannáin nuálacha a dhéanamh, a bheadh oiriúnach do lucht féachana faoi chúig bliana déag d’aois. Ba chóir go mbeadh suim ag gach sórt aoisghrúpa in ábhar na ngearrscannán.

Bhí an-rath ar an scéim seo le blianta beaga anuas, le scannán ar nós Yu Ming is Ainm Dom’ Lipservice, Cáca Milis, Rolla Saor agus New Boy déanta dá bharr agus tá an gearrscannán Clare sa Spéir in úsáid ar shiollabas na hArdteiste.

Is gá d’iarrthóirí a léiriú go bhfuil saothar scannánaíochta curtha i gcrích acu cheana féin, nach ábhar ollscoile atá ann, agus ní ghlacfar le hiarratais ó mhic léinn lánaimseartha. Is é 26 Iúil an spriocdháta le haghaidh iarratas.

Beidh an focal scoir ag painéal moltóirí Bhord Scannán na hÉireann. Tá tuilleadh eolais faoin scéim, mar aon lena rialacha, ar fáil ar shuíomh Bhord Scannán na hÉireann, www.irishfilmboard.ie.

www.advertiser.ie/galway

Foilsithe ar Gaelport.com 27 Meitheamh 2013

The Galway Advertiser – Lár Sráide, Peadar Mac Fhlannchadha

Tionól Gaeltachta ar oileán Árainn Mhóir

Meitheamh 27, 2013

Beidh Anna Ní Ghallachair, Cathaoirleach Bhord Údarás na Gaeltachta, ina haoi-chainteoir ag an seimineár atá á eagrú ag Conradh na Gaeilge ag Tionól Gaeltachta an Chonartha ar oileán Árann Mhóir, Tír Chonaill.

Pleanáil teanga sa Ghaeltacht atá mar théama ag an seimineár, ócáid a bheidh ar siúl in ionad Chomharchumainn Árainn Mhóir ar 8.00in oíche Aoine, 5 Iúil.

Cuirfear tús le Tionól Gaeltacht Chonradh na Gaeilge tráthnóna Déardaoin seo chugainn, 4 Iúil agus beidh turas báid ar na hoileáin bheaga timpeall ar Oileán Árainn Mhóir ar cheann de bhuaicphointí an Tionóil.

Tá pacáiste speisialta ar phraghas €240 curtha le chéile ag Conradh na Gaeilge a chlúdaíonn leaba agus bricfeasta don deireadh seachtaine ón Déardaoin – Domhnach, béilí tráthnóna, turas ar na hoileáin Inis Doirn, Inis Cú & An tÍochtar, agus Inis Chaorach, seimineár, dráma agus na himeachtaí sóisialta ar fad.

Tá an Tionól arna eagrú i gcomhar le Comharchumann Oileán Árainn Mhóir le tacaíocht ó Údarás na Gaeltachta agus is féidir clárú don deireadh seachtaine ar www.cnag.ie/siopa.

www.advertiser.ie/galway
Foilsithe ar Gaelport.com 27 Meitheamh 2013

The Galway Advertiser – Lár Sráide, Peadar Mac Fhlannchadha

Blaise de chlú na teilifíse d’údair agus eolaithe óga Mhúscraí

Meitheamh 26, 2013

NÍORBH leor dóibh a bheith ina réalta ar shraith teilifíse, anois tá na daltaí ó scoil i nGaeltacht Mhúscraí tar éis a mbliain acadúil a thabhairt chun críche agus iad mar aíonna i leabhar dá gcuid féin chomh maith.

Beidh lucht féachana TG4 in ann daltaí Scoil Abán Naofa i mBaile Mhúirne a fheiscint ag léiriú a gcuid eolais ghinearálta ar an gclár tráth na gceist ‘Bog Stop’ i dtreo deireadh na bliana seo, tar éis d’fhoireann ón scoil náisiúnta taisteal go Gaillimh chun sé chlár a thaifeadadh don sraith.

Thug bus daltaí agus múinteoirí faoin turas fada chun tacaíocht a thabhairt don fhoireann seisear – Molly Ní Bhriain, Sarah Apraku, Aodhán Ó Luasa, Caoimhín Ó Donnchú, Cathal Ó Spiolláin agus Darragh Ó Loingsigh – a bhí san iomaíocht i gcoinne daltaí ó scoileanna i gConamara agus Luimneach.

Taispeánfar an sé chlár thar tréimhse coicíse, le dalta amháin á thaispeáint in aghaidh an lae ar shraith úd TG4, á chur i láthair ag Máire Treasa Ní Dhubhghaill.

Ar shroicheadh an Taibhdhearc (Black Box Theatre) sa Ghaillimh dóibh, chuir beirt iardhalta de chuid Scoil Abán Naofa, Eibhlín Ní Chríodáin agus láithreoir Páidí Ó Lionáird, fáilte roimh na daltaí, a bhí faoi géarshúil na gceamaraí teilifíse agus iad ag bogadh trí ‘Chrios’ na scáileán plasma le ceisteanna á fhreagairt i gceart acu.

Go húr óna gcuid éachta teilifíse, bhí na daltaí ina n-údair foilsithe faoi dheireadh na scoilbhliana nuair a cuireadh a gcuid dánta agus scéalta san áireamh sa leabhar ‘Is Scríbhneoirí Sinn’, foilsithe ag Scholastic.

Chuir an 118 dalta, ó naíonáin bheaga go rang a sé, a gcuid saothair leis an tionscadal, faoi threoir an mhúinteora tacaíocht foghlama sa scoil, Marguerite Ní Chonchubhair.
“Scríobh gach duine acu saothar amháin ar a laghad, i nGaoluinn nó i mBéarla,” a mhínigh príomhoide na scoile Conchúr Ó Luasa. “Cheap cuid acu scéalta dá gcuid féin agus fuair cuid eile acu a gcuid inspioráide óna dtuismitheoirí agus seantuismitheoirí, ansan clóbhualadh na saothair ar fad agus cuireadh go Baile Átha Cliath iad le haghaidh foilsithe.”

Leis an tionscadal litearthachta san oiliúint, níor deineadh beag is fiú de ghnéithe eile an churaclaim ach an oiread, le Scoil Abán Naofa ag gnóthú a céad ghradam de chuid Discover Primary Science and Maths Excellence dá cuid oibre ag tabhairt na heolaíochta chun beogachta do na daltaí i réimse leathan slite praiticiúla.

Dhein na daltaí ó rang a trí agus ceathair staidéar ar insliú, téamh agus fuarú, mar aon le hionad breathnaithe aimsire a bhunú, le tomhas baistí dá gcuid féin. Ghlac siad páirt sa tionscnamh Greenwave Signs of Spring, ag uaslódáil sonraí nádúir chuig an suíomh gréasáin náisiúnta, agus d’eagraigh siad lá spraoi eolaíochta chun a gcuid taighde a thaispeáint don chuid eile den scoil.

Tar éis dóibh cuairt a thabhairt ar an Lifetime Lab i gCorcaigh thaifead siad a gcuid turgnamh agus taighde ar fad i leabhrán eolaíochta.
Tá a ngradam sármhaitheasa ar taispeáint anois i bhforhalla na scoile, tar éis d’uachtarán an Chumann Lúthchleas Gael, é a nochtadh le linn a chuairt ar cheantar Mhúscraí le déanaí.

Ghlac an scoil páirt don chéad uair chomh maith i gcomórtas peile Gael Linn a bhí ar siúl sa Rinn, agus i dteannta leis sin d’ardaigh an tUasal Ó Néill tríú brat glas na scoile, a bronnadh uirthi dá cuid caomhnú uisce.

Tá dhá bhrat bronnta ar an scoil cheana féin i gcomhair fuinneamh agus athchúrsáil agus bhain an tríú ceann le leibhéil ídithe uisce na scoile a thaifeadadh agus iad a laghdú dá réir sin trí an méid uisce i ngach sistéal leithris a laghdú agus buta uisce lasmuigh a shuiteáil.

Eagraíodh comórtas sluáin, leis an iontráil bhuaiteach ag Aodhán Ó Luasa, ‘Úsáid é, Sabháil é agus ná dearmad Cas as é’ ar taispeáint anois i ngach seomra ranga leis an tábhacht a bhaineann le sconnaí a mhúchadh a chur i gcuimhne do dhaltaí na scoile.

“Chabhraigh sé seo chun daltaí a chur ar an eolas faoi chaomhnú uisce, agus bhí roinnt suirbhéanna le déanamh ag na daltaí sa bhaile maidir le húsáid uisce i gcócaireacht agus gnáthúsáid teaghlaigh, agus ba mhór an t-ionchur a bhí ag an scoil trí chéile dá réir,” a dúirt Conchúr Ó Luasa.

Tar éis dóibh laghdú 19% a ghnóthú san ídiú uisce, tá pleananna idir lámha cheana féin ag foireann agus daltaí broidiúla na scoile dá gceathrú brat glas agus tá tús curtha acu le suirbhéireacht a dhéanamh ar na modhanna iompair a mbaineann na daltaí úsáid astu ag teacht chun na scoile dóibh.

www.eveningecho.ie

Foilsithe ar Gaelport.com 26 Meitheamh 2013

Evening Echo -Scéalta ó Mhuscraí – Pet O’ Connell

Tá Fíbín deich mbliana i mbun samhlaíochta agus iontais

Meitheamh 26, 2013

Nuair a d’éirigh Darach Ó Tuairisg as an ról a bhí aige mar Liam sa sobaldráma Ros na Rún, dúirt an-chuid daoine leis go raibh sé “craiceáilte”.

N’fheadar cad dúirt na daoine céanna leis nuair a d’fhógair sé go gairid ina dhiaidh sin go raibh sé ag clárú le cúrsa puipéadóireachta.
Ach níor chaill fear an mhisnigh riamh é agus tá Fíbín, an comhlacht drámaíochta do dhaoine óga a bhunaigh an t-aisteoir óg as Conamara agus beirt fhear mhisniúla eile, ag ceiliúradh deich mbliana ar an bhfód i mbliana.

“Mícheál Ó Domhnaill a tháinig aníos leis an smaoineamh mar gur shíl sé go raibh go leor tallainn nua tagtha chun cinn le linn an chúrsa sin a d’eagraigh TG4 le comhlacht Jim Henson ag an am.

“Bhunaíomar comhlacht le ¤3,000 ó Ealaín na Gaeltachta agus tháinig 2,000 duine ag féachaint ar an chéad dráma a rinneamar, An Gabha agus an
Gasúr. Tháinig daoine óga nach bhfaca dráma Gaeilge riamh cheana,” a dúirt Ó Tuairisg.

Obair fhónta

Thuig Ó Tuairisg láithreach go raibh obair fhónta ar bun ag Fíbín: “Bíonn tú chomh sáite sa rud ní bhíonn a fhios agat go dtí an oíche oscailte an bhfuil aon mhaith leis. Ach nuair a chas an seit imrothlach a bhí againn timpeall chonaic mé an t-iontas a bhí ar aghaidheanna na ngasúr.

“Ba rud mór domsa go pearsanta é an t-iontas sin a fheiceáil ar aghaidheanna 200 gasúr istigh i halla pobail i gConamara.”
Ó shin i leith, tá 26 dráma curtha ar stáitse ag Fíbín in áiteanna chomh héagsúil óna chéile le Maláiv na hAfraice agus an Ballroom of Romance i mBaile Hamaltúin. Bhí sé mar aidhm riamh ag Fíbín drámaí Gaeilge a thabhairt go dtí áiteanna nach dtéann drámaí ann de ghnáth. Tá Ó Tuairisg chomh bródúil céanna as an turas go dtí an Ballroom of Romance is atá sé as an turas chun na Maláive.

Le deich mbliana anuas, tá cáil bainte amach ag Fíbín de bharr na samhlaíochta agus ceannródaíochta a bhaineann lena léirithe fisiciúla físiúla.
Tá cúigear fostaithe go lánaimseartha ag an gcomhlacht agus fostaítear 19 duine eile go páirtaimseartha gach bliain.

Ní mhaireann seónna Fíbín riamh níos faide ná uair an chloig: “Táimid ag iarraidh a thaispeáint do dhaoine go bhfuil drámaíocht na Gaeilge fós beo. Níl éinne ag iarraidh suí in amharclann ar feadh trí uair an chloig muna bhfuil rud fíor-speisialta ann.

“Cuid mhaith den am bíonn Fíbín ag iarraidh seanscéalta a insint ar bhealach a thuigeann an ghlúin nua. Seo dream a bhfuil ríomhairí beaga ina lámha acu agus nach bhfuil mórán foighde acu. Sin an phríomhchúis nach mbíonn aon dráma againn níos faide ná uair an chloig.”

Tá Ó Tuairisg ar bís agus agus é caint faoin úsáid atá á bhaint anois ag an gcomhlacht as an nuatheiceolaíocht, an fhísealaín, mascanna agus an scáilphuipéadóireacht.

Ach cé go bhfeictear dó gurb é an t-aon slat tomhais le hobair Fíbín a mheas ná caighdeán a léirithe, tuigeann sé leis gur féidir draíocht na hamharclan-naíochta a chur ag obair ar son na teanga: “Thart ar 80 faoin gcéad de na daoine óga a fheiceann dráma Fíbín, sin an t-aon uair i gcaitheamh a saoil a fheicfidh siad dráma Gaeilge.

“Táimid ag cruthú ealaíne ní ag múineadh na Gaeilge, ach tá sé tábhachtach íomhá dhearfach den teanga a thabhairt do na daoine seo trí dhraíocht na hamharclan-naíochta. Is féidir linn a thaispeáint gur féidir leis an nGaeilge a bheith barrúil, gur teanga í atá beo fós.”

Rath
Faraor, níl an rath céanna faoi láthair ar dhrámaíocht na Gaeilge trí chéile is atá ar leithéidí Fíbín agus Branar, comhlacht Gaillimheach eile atá dírithe ar an aos óg.

Ceann de na fadhbanna móra atá ann, dar le Ó Tuairisg, ná nach bhfuil dóthain á dhéanamh le scríbhneoirí a mhealladh chun drámaí a scríobh:
“Tá sé cosúil leis an ubh agus an chearc, níl aon phobal ann mar nach bhfuil aon scríbhneoirí ann ach níl aon scríbhneoirí ann mar nach bhfuil aon phobal ann.”

Bíodh sin mar atá, tá a chion déanta ag Fíbín le deich mbliana anuas chun pobal do dhrámaíocht na Gaeilge a thógaint.
Tá na céadta mílte daoine óga tar éis freastal ar a seónna agus chonaic 6,000 duine an dráma deireanach leo, Setanta, an chéad cheann uathu a bhí dírithe ar mhic léinn ollscoile.

Tá siad ag obair ar dhráma nua faoi láthair a bhainfidh leas as an mapáil físe chun stair na gCeilteach (de réir Fíbín) a insint.
Tá cuireadh faighte acu freastal ar fhéile drámaíochta in Manhattan agus tá nasc oifigiúil á dhéanamh acu le hOllscoil Notre Dame in Indiana.
Munar leor sin, tá an comhlacht teilifíse atá ag Ó Tuairisg agus Mícheál Ó Domhnaill ag obair ar shraith phuipéadóireachta do TG4 –
An Saol faoi Shráid – a bhfuil buiséad milliún euro aici.

Mar chuid den tionscnamh teilifíse, beidh Fíbín ag reachtáil cúrsa puipéadóireachta.
Nach ait an mac an saol gurb iad féin anois atá ag stiúradh na gcúrsaí puipéadóireachta?

Déanann Ó Tuairisg gáire: “Níor chuimhnigh mé mar sin air ach tá an ceart agat. B’fhéidir go bhfuil sé in am é a chaitheamh in aer!”

www.irishtimes.com

Foilsithe ar Gaelport 26 Meitheamh 2013

The Irish Times – Seán Tadhg Ó Gairbhí

Ciorcail Ghaeilge i gCeatharlach ag scor don samhradh

Meitheamh 25, 2013

Reachtáilfear na ciorcail Ghaeilge deireannacha i gCeatharlach an tseachtain seo roimh bhriseadh an tsamhraidh.

Cuirfear fáilte roimh chainteoirí agus foghlaimeoirí na teanga ag “Is Leor Beirt” ins an leabharlann maidin Dé Máirt, 25 Meitheamh ag tosnú ag 10.30r.n. Tionólfar an ciorcal “Sult” sa Teach Bar ar an Déardaoin, 27 Meitheamh ag 9.00i.n.

Ina dhiaidh sin scorfaidh an dá chiorcal chomh maith le “Gaeilge Le Chéile” i dteach tábhairne Reddys don samhradh le filleadh ar ais arís sa fómhar.

www.carlow-nationalist.ie

Foilsithe ar Gaelport.com 25 Meitheamh 2013

Campaí na nÓg agus Coláiste Samhraidh i gCeatharlach beagnach lán

Meitheamh 25, 2013

Tá an-éileamh ar áiteanna sa choláiste samhraidh agus sna campaí samhraidh a bheidh ar siúl i gCeatharlach i Mí Iúil.

Beidh an coláiste samhraidh, a bheidh oiriúnach do dhéagóirí i Rang 6 go Bliain 6, ar siúl ar feadh coicíse ó 1-12 Iúil. Beidh rogha de dhá sheachtain ag Campa na nÓg do pháistí aois 4-6 bliana ó 8-12 agus ó 15-19 Iúil agus déanfaidh an campa samhraidh freastal ar pháistí bunscoile ó 15-19 Iúil.

Chun áit a chur in áirithe ní foláir dul i dteagmháil gan mhoill le Glór Cheatharlach. Buail isteach chuig an oifig ar Shráid an Coláiste atá díreach trasna ón Ardeaglais. Is féidir glaoch a chur ar 085 1340047, 087 2857048 nó scríobh chuig emma@glorcheatharlach.ie

www.carlow-nationalist.ie

Next Page »