Litearthacht sna scoileanna lán-Ghaeilge le plé ag comhdháil Ghaelscoileanna
Samhain 1, 2011
Díreoidh Comhdháil Bhliantúil Ghaelscoileanna 2011 ar chúrsaí litearthachta agus uimhearthachta sna scoileanna lán-Ghaeilge.
Tionólfar an in Óstán an Tullamore Court ar An Tulach Mhór ar an 25 agus 26 Samhain 2011.
Bíonn an chomhdháil dírithe ar gach duine atá bainteach leis an scolaíocht lán-Ghaeilge, múinteoirí agus príomhoidí na scoileanna ag an mbun- agus iar-bhunleibhéal ach go háirithe. Eagraítear cruinniú cinn bhliana na heagraíochta le linn na comhdhála.
Ag Saibhriú Saol Páistí is téama don Chomhdháil i mbliana. Mar is gnách le linn na Comhdhála beidh léachtaí éagsúla a dtabhairt maille le seisiúin chainte. Beidh ábhair éagsúla maidir le cúrsaí scoile agus ceisteanna reatha oideachais á bplé ag an deireadh seachtaine chomh maith.
Beidh neart ceardlann ar úsáid na teicneolaíochta agus áiseanna eile sna scoileanna lán-Ghaeilge ar siúl freisin agus beidh go leor seastán eolais i láthair thar an deireadh seachtaine.
©Foilsithe ar Gaelport.com
