Riachtanais na Gaeilge san Oideachas le plé ag Comhdháil COGG
Bealtaine 7, 2013
Beidh Comhdháil an Chomhairle um Oideachas Gaeltachta agus Gaelscolaíochta (COGG) dar teideal ‘Riachtanais na Gaeilge san Oideachas’ á reáchtáil ar an Déardaoin 23 Bealtaine 2013.
Tá sé mar aidhm ag an gcomhdháil seo 10 mbliana d’obair COGG a mharcáil, na dúshláin don Ghaeilge a phlé agus aghaidh a thabhairt ar na tacaíochtaí a bheidh de dhíth don oideachas trí Ghaeilge agus do theagasc na Gaeilge sna blianta romhainn.
Is iad na cainteoirí a leanas a bheidh i láthair ar an lá: Sean Ó Foghlú, Uasal, Ard-Rúnaí na Roinne Oideachais agus Scileanna; Seosamh Mac Donnacha, Ollscoil na hÉireann, Gaillimh; An Dr Conchúr Ó Giollagáin, Ollscoil na hÉireann, Gaillimh; An Dr. Brian Ó Curnáin, Institiúid Ard-Léinn Bhaile Átha Cliath; Tamás Péterváry, Ollscoil na hÉireann, Gaillimh; An tOllamh Alison Henry, Ollscoil Uladh agus An Dr Sarah Fitzpatrick, NCCA
Mairfidh an chomhdháil ó 9.30rn go 4in ag Óstán Bewley’s , Baile na Lobhar, Baile Átha Cliath. Ócáid dhátheangach a bheidh ann mar sin cuirfear seirbhís aistriúcháin chomhuainigh ar fáil. Ní mór clárú trí ríomhphost a chur chuig eolas@cogg.ie. Is é 15 Bealtaine an spriodháta le haghaidh clárúcháin.
