Gaelscoil Thulach na nÓg – Lá Spraoi Trí Ghaeilge
Bealtaine 25, 2010
Bhí tráth na gceist trí Ghaeilge againn. Bhí an dá scoil measctha le cheile agus bhain na páistí an-sult as an gcomhluadar difriúil. Tar éis lóin, reáchtáladh cluiche peile idir an dá scoil sna páirceanna peile in aice leis an scoil. Cé go raibh Gaelscoil na Cille ró-láidir le haghaidh Gaelscoil Thulach na nÓg, bhain gach páiste fíor-thaitneamh as an gcluiche. Bhí an lá an-ghrianmhar agus chabhraigh sé sin go mór le gach rud! Fuair gach páiste a ghlac páirt sna himeachtaí mála le deoch agus le milseáin móide bonn óir. Ní haon ionadh gur imigh siad go léir abhaile sona sásta leo féin!
Scoil Phobail Mhic Dara – Corn Uí Neachtain
Bealtaine 25, 2010
Seo comórtas bliantúil peile a reáchtálann Coláiste Chroí Mhuire, an Spidéal in onóir do Phádraic Ó Neachtain, iar-mhúinteoir na scoile sin, nach maireann. I mbliana, beidh siad ag comóradh fiche bliain an chomórtais. Bhí Pádraic Ó Neachtain i gcroílár chúrsaí spóirt ach go háirithe an Pheil Ghaelach i gColáiste Chroí Mhuire, an Spidéal. Is iad foirne meánscoile ó Ghaeltacht Chonamara formhór na n-iarrthóirí agus is faoi sé bliana déag a imríonn siad. Bíonn a lán tacaíochta le fáil ón gclub áitiúil, Cumann Luthchleas Ghael an Spidéal agus ó na réiteoirí áitiúla. Cruthaíonn an comórtas seo dea-chaidreamh i measc scoláirí Gaeltachta Chonamara. Tá sé fíor le rá gur iomaí cairdeas buan a bhí mar thoradh ar an gcomórtas seo.
Gairmscoil Chú Uladh – Bliots Cispheile
Bealtaine 25, 2010
Bhí tri scoil san iomlán páirteach sa chomórtas, Pobalscoil Gaoth Dobhair, Gairmscoil Srath an Urláir agus muid fhéin, Gairmscoil Chú Uladh. B’ iad na príomh spriocanna den la na deis a thabhairt do na girseacha fheabhas a cur ar a gcuid scileanna cispheile ina dteannta lena gcuid Gaeilge. Cuireadh béim ar leith, Gaeilge a úsáid mar mheán cumarsáide le linn an lae. Bhain na girseacha uilig tairbhe as an imeacht o thaobh an Gaeilge de. Fiú amháin na girseacha on scoil bhéarla in san dóigh is nach raibh faitíos orthu an Gaeilge a úsáid. San iomlán bhí atmaisféir spreagúil agus dearfach le feiceáil sna cluichí iomaíoch, spórtúil agus siamsúil.
Meánscoil Gharman – Díospóireacht
Bealtaine 25, 2010
Thug an Dara Bliain ó Ghaelcholáiste Chill Dara cuairt ar Mheánscoil Gharman in Inis Cóirthidh i Loch Garman. Bhí cúpla imeacht eagraithe don lá ach an chéad cheann a bhí ann ná an dá scoil ag dul i gcoinne a chéile i ndá dhíospóireacht. Tar éis am lóin bhí Dáta Daill ar siúl. Bhí ár Cilla Black féin againn don lá, Séamus ó GCCD. Chuir sé na cailíní is na buachaillí in iúl don lucht féachana is chuir sé iad ar a suaimhneas! Ag deireadh an lae fuair na buaiteoirí ón díospóireacht comhraimh agus fuair na daltaí a ghlac páirt bosca seacláide. Bhí sé soiléir ag deireadh an lae go raibh an-lá ag gach duine agus b’fhiú an imeacht. Tá an nasc idir an dá scoil níos láidre agus tá súil ag gach éinne go leanfaidh sé ar aghaidh sa todhchaí.
Gaelscoil Adhamhnáin – Cuairt Scoile
Bealtaine 25, 2010
D’imir siad cluichí boird istigh sa seomra ranga agus cluichí spóirt sa halla. Tar éis am sosa bhí tráth na gceist sa halla againn. Bhí beirt pháiste ó Bhunscoil Cholmcille agus beirt ó Ghaelscoil Adhamhnáin ar gach fhoireann. Ní raibh muid amuigh mar gheall ar an drochaimsir ach tar éis am lón bhí cluiche bingo sa rang agus féasta beag, chomh maith le bronnadh na nduaiseanna. Bhain idir daltaí agus múinteoirí an-sult as an lá, agus tá sé ar intinn againn bheith i dteagmháil trí ríomhphost amach anseo.
An Mhodhscoil – Bliots Liathróid Láimhe
Bealtaine 25, 2010
Bain na daltaí ar fad an-sult as agus bhí deis acu bualadh lena chéile agus Gaeilge a labhairt lena chéile i suíomh spraíúil. Bhí seans ag cuid de na daltaí sa lucht féachana cluichí a imirt in aghaidh a chéile chomh maith. Bhí lá iontach againn le chéile agus tá sé beartaithe againn é a dhéanamh arís sa téarma earraigh.
Scoil Lorcáin agus Gaelscoil Thaobh na Coille – Lá idirscoile
Bealtaine 25, 2010
Tháinig 90 páiste as Scoil Lorcáin agus Gaelscoil Taobh na Coille le chéile chun aithne a chur ar chéile trí cheardlanna ealaíne a dhéanamh. Lá gan téacsleabhair agus cóipleabhair – bhíodar ar bís! Roinneadh suas na páistí i dtrí chuid idir bhuachaillí agus chailíní. Bhí orthu eolas a bhailiú faoina chéile agus rún éigin fúthu féin a roinnt – caitheamh aimsire srl. Ansin lean siad orthu ag cur aithne ar a chéile i rith an lae; sna ceardlanna, ag spraoi sa chlós agus ag ithe bunóga agus criospaí! Rinneadar ceardlann drámaíochta le Marc as Branar, ceardlann damhsa agus ceoil le Clodagh Nic Gabhann agus ceardlann ealaíne leis an ealaíontóir clúiteach Carol Cronin.
Gaelscoil Riabhach – Lá Scátála
Bealtaine 25, 2010
Le maoiniú ó Ghaelscoileanna Teo. d’eagraigh Gaelscoil Riabhach agus Gaelscoil Riada lá scátála i gcathair na Gaillimhe ar an 17ú Mí na Nollag. Bhí sceitimíní ar na páistí go léir, mar nach raibh éinne acu i ndiaidh a bheith ag scátáil oighir ariamh. Nach iontach é go raibh scoil Ghaeltachta ag dul scátáil ag an am céanna. Ní raibh Béarla ar bith le cloisteáil ar an oighear-rinc! Canadh agus ceol nollag a bhí le cloisteáil ar an mbus abhaile, agus an t-aon cheist ag bhí ag na páistí uilig ná “An bhfuil cead againn dul arís!”.
Coláiste an Phiarsaigh – Comórtas Caide agus Cispheile
Bealtaine 25, 2010
Comórtas caide is cispheile a bhí sa tsiúl againn is do ghlac idir chailíní is bhuachaillí ó mheánscoileanna lán -Ghaelainne páirt sna comórtaisí. Bhí an aimsir go haoibhinn is do chabhraigh sé sin go mór le imeachtaí an lae. B’iontach an céiliúradh é is tá súil agam go leanfaidh an fraidisiún ar aghaidh ia ar aghaidh.
Siollabas nua le plé
Bealtaine 20, 2010
Beidh cruinniú náisiúnta á thionól ar maidin inniu ag Eagraíocht na Scoileanna Gaeltachta, in Órán Mór, i gCo. na Gaillimhe. Beidh sé ann chun moltaí agus tuairimí na múinteoirí Gaeilge i scoileanna Gaeltachta maidir leis na dúshláin agus na himpleachtaí a bhaineann leis an siollabas nua Gaeilge ag leibhéal na hArdteistiméireachta a bhailiú. Reáchtálfar an cruinniú i gcomhar leis an gComhairle um Oideachas Gaeltachta agus Gaelscolaíochta (COGG).
Tá Meitheal Ghaeilge Ardteistiméireacht Ardleibhéal (ATAL) bunaithe, idir ionadaithe ó Ghaelscoileanna Teoranta, Eagraíocht na Scoileanna Gaeltachta, COGG, agus ionadaithe aonair. Deir Cathaoirleach na Meithle Gaeilge, Anna Ní Ghallachair, ó Ionad na dTeangacha, Ollscoil na hÉireann, Má Nuad, go dteastaíonn ón Mheitheal Ghaeilge ATAL go ndéanfaí “freastal ceart san Ardteistiméireacht do dhaltaí ar ardchumas Gaeilge, bíodh siad sin sa Ghaeltacht nó lasmuigh di”.
Dar leis an Meitheal Ghaeilge ATAL nach bhfuil siollabas nua na Gaeilge san Ardteistiméireacht ag tabhairt aitheantais cuí do chainteoirí ó dhúchas, do dhaltaí na Gaelscolaíochta nó do dhaltaí cumasacha eile, ar mhian leo staidéar a dhéanamh ar an nGaeilge, ar leibhéal a thabharfaidh deis dóibh an teanga a shealbhú mar is ceart.
Ó Mheán Fómhair seo chugainn, beidh 40% de na marcanna i scrúdú Ardteistiméireachta na Gaeilge ag dul don bhéaltriail, agus 10% ag dul don triail chluastuisceana. Is cúis imní don Mheitheal Ghaeilge ATAL nach bhfuil soiléiriú curtha ar fáil go fóill ón Roinn Oideachais agus Scileanna maidir leis an gcóras measúnaithe a bheidh á chur i bhfeidhm don siollabas nua, agus don bhéaltriail ach go háirithe. Dar leis an Mheitheal go mbeidh an-tionchar ag an gcóras measúnaithe ar an mbealach a dhéanfar an teanga a theagasc sna scoileanna.
Tá tacaíocht faighte ag Meitheal Ghaeilge ATAL ó eagraíochtaí Gaeilge eile, Comhar na Múinteoirí Gaeilge ina measc dá éileamh ábhar nua, Saíocht agus Litríocht na Gaeilge, a chur ar fáil.
Deir Anna Ní Ghallachair, Cathaoirleach Mheitheal na Gaeilge ATAL, gurb é ‘an rud is tábhachtaí ó thaobh an tsiollabais de, ná go mbeadh cúrsa Gaeilge ann a bheadh dúshlánach go leor do dhaltaí díograiseacha, chun an cúlra teanga ceart a thabhairt dóibh le go mbeidh siad in ann tabhairt faoi na hábhair eile trí Ghaeilge ag an dara leibhéal, feidhmiú go cumasach sa teanga, agus tabhairt fúithi mar ábhar acadúil ag an tríú leibhéal más é sin atá uathu’.
Foinse
19 Bealtaine 2010
