Ceolchoirm ar son Gaelscoil Ráth Tó
Feabhra 10, 2011
Beidh Ceolchoirm Mór ag Gaelscoil Chill Dara do Ghaelscoil Rath Tó ar an Déardaoin, 10ú Márta i nGaelscoil Chill Dara le John Spillane, Eoin Dillon (Kila) agus ceoltóirí eile. Ticéid €10 ar fáil sa scoil.
Is scoil comhoideachais lán-Ghaeilge í Gaelscoil Ráth Tó, le sainmheon Caitliceach faoi phátrúnacht an Fhorais Pátrúnachta. Tá an scoil lonnaithe in Ionad Pobail Ráth Tó, Co. na Mí. Cuireann an scoil lán-fháilte roimh páistí d’aon chúlra teanga, sóisialta nó creidimh agus d’aon náisiúntacht. Bunaíodh an scoil sa bhliain 2010 mar thoradh ar fheachtas tuismitheoirí áitiúla a theastaigh oideachas lán-Ghaeilge dá bpáistí uathu, agus cuirfear fáilte go fóill roimh tuismitheoirí gur mhaith leo a bpaistí a chlárú don téarma reatha. Feidhmíonn an scoil de réir rialacha na Roinne Oideachais agus Scileanna mar scoil gan táille, cé nach bhfuil aitheantas faighte ag an scoil ón Roinn go fóill. Tá súil againn go dtiocfaidh an t-aitheantas sin i 2011. Faoi láthair, tá Gaelscoil Ráth Tó maoinithe le cúnamh ó eagraíochtaí Gaeilge náisiúnta, chomh maith le hairgead atá tiomsaithe ag pobal na scoile.
