Cuid de rannpháirtithe na ‘Ravelóide’ fógartha
Nollaig 10, 2015
Tá na bannaí ceoil a chloisfear ag seinm ag an bhféile cheoil nua Ghaeilge ‘Ravelóid’ fógartha tráthnóna.
Is é an láithreoir raidió, Eoghan McDermott atá ag seoladh na féile nua i mBarra an Teampaill i mBaile Átha Cliath anocht.
Is sa Mheitheamh a bheidh an fhéile cheoil ar siúl, ag Caisleán Ard Giolláin i dtuaisceart Bhaile Átha Cliath. I nGaeilge a chasfar na hamhráin ar fad a chloisfear ag Ravelóid, agus i measc na mbannaí ceoil a bheidh ag seinm ag an bhféile, tá Kíla, na Hothouse Flowers, Altan, Delorentos, Heathers, Seo Linn, The Riptide Movement, Na Firéin, Mundy agus Rís, gan ach cuid acu a lua.
Is ar an 10 agus an 11 Meitheamh a bheidh an fhéile ar siúl. Ag caint dó ar 2fm tráthnóna, dúirt duine le lucht eagraithe na féile, Tommy Ó Conghaile, go bhfuil fáilte roimh chách ann, bídís líofa i nGaeilge nó ná bíodh, agus go bhféadfaí Ravelóid a chur i gcomparáid le leithéidí Body & Soul.
Is i gCearnóg Theach an Tionóil a roinnfear an chéad chuid de chlár Raveloid leis an bpobal anocht agus tá i gceist ag lucht eagraithe na féile na ceoltóirí agus na healaíontóirí eile a bheidh páirteach ann a fhógairt as seo go tús na féile.
Beidh amhránaithe agus damhsóirí sean-nóis ina measc siúd a bheidh le cloisteáil agus le feiceáil ag an seoladh anocht.
Is féidir ticéid a cheannach le haghaidh na Féile agus tuilleadh eolais a fháil faoi ach dul chuig raveloid.ie
Deireadh tagtha le cruinnithe faoin Straitéis 20 Bliain agus tuarascáil le hullmhú
Nollaig 10, 2015
Tá deireadh tagtha le sraith cruinnithe a reáchtáil an Roinn Ealaíon, Oidhreachta agus Gaeltachta timpeall na tíre faoi dhul chun cinn na Straitéise 20 Bliain don Ghaeilge. Ba i dTúr an Chloig, ar champas na Roinne Oideachais agus Scileanna, a reáchtáladh an ‘cruinniú mullaigh’ tráthnóna inné.
I láthair ag an gcruinniú bhí ionadaithe ó eagrais éagsúla Ghaeilge, na ranna Stáit, na meáin Ghaeilge agus grúpaí eile, chomh maith le hionadaithe ón Roinn Cultúir, Ealaíon agus Fóillíochta i dTuaisceart Éireann, a bhfuil straitéis dá gcuid féin tugtha isteach acu le bliain anuas.
Tugadh léargas ar an méid, dar le dreamanna éagsúla, a baineadh amach faoin Straitéis ó tugadh isteach an chéad lá í cothrom an ama seo cúig bliana ó shin. Ina measc siúd a rinne amhlaidh, bhí Beirtí Ó hAinmhire agus Séamus Mac Giolla Chomhaill, ón Roinn Ealaíon, Oidhreachta agus Gaeltachta; Steve Ó Culáin, príomhfheidhmeannach Údarás na Gaeltachta; agus Ferdie Mac an Fhailigh, Príomhfheidhmeannach Fhoras na Gaeilge.
I ndiaidh chaint na bpríomhoifigeach, bhí díospóireacht ghrúpaí ann idir rannpháirtithe an chruinnithe, bunaithe ar chúig mhórthéama: an tOideachas; An Teaghlach agus an Pobal sa Ghaeltacht; an Teaghlach agus an pobal taobh amuigh den Ghaeltacht; Seirbhísí Poiblí; agus na Meáin Chumarsáide agus an Teicneolaíocht.
Mhair an plé agus an díospóireacht idir na grúpaí, ina raibh 55 duine páirteach, ar feadh tuairim is uair go leith. Ag deireadh na díospóireachta, labhair urlabhraí ó na grúpaí éagsúla os comhair an tslua agus thug léargas ar an méid a pléadh agus na topaicí is mó a tháinig chun cinn le linn an chomhrá.
Ba í Anna Davitt ó Fhoras na Gaeilge a labhair thar ceann lucht na meán cumarsáide agus na teicneolaíochta. Ba é an príomhmholadh a tháinig chun cinn ón ngrúpa sin ná cé go bhfuil freastal maith á dhéanamh ag na meáin Ghaeilge ar phobal na Gaeilge, go raibh bearna shuntasach ann do chainteoirí Gaeilge atá sna déaga agus faoi bhun 11 bliain d’aois.
Dúradh freisin go raibh gá le forbairt infreastruchtúir i gceantair tuaithe timpeall na tíre le go mbeadh teacht ag daoine sna ceantair sin ar na seirbhísí Gaeilge nach bhfuil ar fáil ach ar líne.
Labhair Muireann Ní Mhóráin, ón gComhairle um Oideachas Gaeltachta agus Gaelscolaíochta, thar ceann an ghrúpa a phléigh dul chun cinn na Gaeilge sa chóras oideachais faoin Straitéis 20 Bliain don Ghaeilge.
Leag an grúpa sin an-bhéim ar an maolú atá déanta ar an gcúrsa Gaeilge don Ardteistiméireacht le blianta beaga anuas agus dúradh go gcaithfeadh siollabas agus curaclam dúshlánach a thabhairt isteach do na daltaí scoile. Moladh, áfach, an dul chun cinn atá déanta ó thaobh an oideachais bunscoile le roinnt míonna anuas agus an iarracht atá déanta ag an Roinn Oideachais dul i ngleic leis na fadhbanna atá ann don chainteoir cumasach Gaeilge i láthair na huaire.
Ba é Julian de Spáinn, Ard-Rúnaí Chonradh na Gaeilge, a labhair faoi na tuairimí a tháinig chun cinn maidir leis an nGaeilge sa tseirbhís phoiblí. Moladh ranna éagsúla as an méid atá déanta chun an Ghaeilge a chur chun cinn ach dúradh freisin nár leor an méid a bhí á dhéanamh. Tá ‘dea-thoil sna ranna’, a dúradh, ach toisc nach bhfuil aon chaighdeán leagtha síos do na ranna ar fad, is minic a bhíonn drogall ar an bpobal seirbhísí Gaeilge a lorg.
Caithfear dul i ngleic leis an bhfadhb sin má tá ardú le theacht ar ‘líon na ndaoine a úsáideann seirbhísí Stáit trí Ghaeilge’, ceann de spriocanna na Straitéise. Moladh freisin go n-ardófaí go 30% líon na ndaoine a d’fhostófaí le Gaeilge sa Státseirbhís toisc ‘nach leor’ an céatadán díobh atá ann faoi láthair.
Labhair Lorcán Mac Gabhann, Glór na nGael, agus Máire Ní Mhainnín, Údarás na Gaeltachta, faoi na tuairimí a léiríodh faoin teaghlach agus an pobal taobh amuigh den Ghaeltacht agus taobh istigh den Ghaeltacht faoi seach. Ba é an tuairim choitianta a léirigh na grúpaí sin ná go raibh feabhas tagtha ar chúrsaí ó tugadh an Straitéis isteach sa bhliain 2010, ach arís eile go bhféadfaí i bhfad níos mó a dhéanamh chun na spriocanna a leagadh síos cúig bliana ó shin a bhaint amach faoi 2030. Tugadh suntas don ‘easpa spriocamanna’ atá luaite sa Straitéis.
Ba é cruinniú an lae inniu an ceathrú ceann agus an ceann deiridh de shraith cuinnithe a reáchtáladh sna mórchontaetha Gaeltachta le coicís anuas. Bhí trí chruinniú ann roimhe seo, ceann i nDún na nGall, ceann i nGaillimh agus ceann i gCiarraí.
Labhair Tuairisc.ie le roinnt ceannairí pobail atá ag plé le pleanáil teanga sna ceantair Ghaeltachta i ndiaidh na gcruinnithe sin agus ní mó ná sásta a bhí a bhformhór leis an dul chun cinn atá déanta faoin Straitéis go dtí seo.
Dúradh gur bhraith an pobal [Gaeltachta] go raibh an Roinn tar éis iad a thréigean agus ualach na pleanála teanga á leagan anuas orthu gan acmhainní mar is ceart a chur ar fáil. In aigheacht réamhbhuiséid a d’ullmhaigh Roinn na Gaeltachta féin anuraidh, dúradh go raibh an méid a bhí i ndán don Straitéis 20 Bliain Don Ghaeilge idir dhá cheann na meá.
San aighneacht sin a chuir an Roinn faoi bhráid an Rialtais, dúradh go raibh an Straitéis ag ‘pointe leochaileach’ agus tugadh le fios go raibh an baol ann go gceapfadh pobal na Gaeltachta nach bhfuil an Stát ‘dáiríre’ ná ‘macánta’ faoin teanga.
“The implementation of the 20 Year Strategy is now at a crucial juncture and the support of Gaeltacht communities will be very important.
“It is vital that these communities feel that they have full Government back up and that the State’s efforts with regard to the language are genuine and sincere,” a dúradh in aighneacht na Roinne.
Cuirfear tuarascáil le chéile bunaithe ar an aiseolas a fuarthas ag na cruinnithe Gaeltachta agus cruinniú an lae inné san ardchathair agus cuirfear an tuarascáil sin ar aghaidh chuig an Roinn Ealaíon, Oidhreachta agus Gaeltachta roimh dheireadh mhí Eanáir na bliana 2016.
Táthar ag súil go mbeifear in ann na príomhthosaíochtaí straitéiseacha don tréimhse cúig bliana idir 2016 agus 2021 a aithint agus a fhoilsiú.
www.tuairisc.ie
Easpa seirbhísí Gaeilge ina cúis imní do Chonradh na Gaeilge agus an Straitéis á plé i mBÁC
Nollaig 9, 2015
Easpa seirbhísí Gaeilge ón Stát — sin í an cheist is mó a bhfuil Conradh na Gaeilge ag díriú uirthi ag comhdháil faoin Straitéis 20 Bliain don Ghaeilge atá ar siúl i mBaile Átha Cliath inniu.
Ag labhairt dó le Tuairisc.ie, dúirt Uachtarán Chonradh na Gaeilge, Cóilín Ó Cearbhaill, go gcaithfear fiafraí an bhfuil an Rialtas ag iarraidh go mbeadh daoine ag éileamh seirbhísí Gaeilge agus an bhfuil a ndóthain daoine ann le Gaeilge sa Státseirbhís chun an tseirbhís sin a sholáthar.
“Tá coras na scéimeanna teanga lochtach agus tá sin aitheanta ag an gCoimisinéir Teanga. Le córas caighdeánaithe, bheadh sé níos soiléire don saoránach cé na cearta atá aige agus bheadh sé níos soiléire don eagraíocht cén dualgas at orthu. Má bhíonn a fhios ag duine go díreach cad iad na seirbhisí atá sé i dteideal a fháil ó eagraíochtaí, is mó seans go ndéanfaidh sé na seirbhísí sin a éileamh,” a dúirt Ó Cearbhaill.
Anuas ar fhadhb na scéimeanna teanga, dúirt an tUachtarán go gcaithfeadh an tAire Stáit Gaeltachta, Joe McHugh ceannaireacht a léiriú agus meon na gcomhlachtaí Stáit a athrú.
Tá díospóireacht ar siúl sa Roinn Oideachais ó mhaidin faoin méid atá bainte amach faoin Straitéis Fiche Bliain don Ghaeilge ó cuireadh tús léi cúig bliana ó shin. Mar chuid den phlé sin, táthar ag breathnú chun tosaigh ar a bhfuil i ndán don Straitéis sa tréimhse cúig bliana atá amach romhainn. Cuirfidh plé an lae inniu deireadh le sraith cruinnithe atá á reáchtálil le cúpla seachtain anuas inár pléadh cur i bhfeidhm na Straitéise.
Díreofar ar dheich gcinn de shaincheisteanna mar chuid den díospóireacht inniu:
– Cé na gníomhaíochtaí atá ag feidhmiú go héifeachtach?
– Cé na gníomhaíochtaí nach bhfuil ag feidhmiú go héifeachtach?
– Cé na céimeanna is gá a thabhairt chun gníomhaíochtaí nach bhfuil ag feidhmiú a chur i gcrích?
– Céard is féidir a dhéanamh chun feabhas a chur ar sholáthar seirbhísí poiblí i nGaeilge?
– Céard is féidir a dhéanamh chun feasacht teanga an phobail, státseirbhísigh agus seirbhísigh phoiblí i leith na Gaeilge a fheabhsú?
– Cén bhail atá ar na struchtúir atá ann chun an Straitéis a chur i bhfeidhm?
– Cén chaoi ar féidir gníomhaíochtaí ábhartha na Straitéise a chur i bhfeidhm ar fud an Státchórais?
– Cén chaoi ar féidir an próiseas pleanála a chur i bhfeidhm?
– Cé na gníomhaíochtaí ar chóir tosaíocht a thabhairt dóibh do na cúig bliana amach romhainn?
– Cén t-ord tosaíochta ba cheart a thabhairt do ghníomhaíochtaí ar leith do na cúig bliana amach romhainn?
Tugadh an Straitéis isteach i mí na Nollag 2010 tar éis di tacaíocht a fháil ó na páirtithe uile i dTithe an Oireachtais agus tar éis próiseas comhairliúcháin agus taighde.
Leagadh naoi réimse gnímh amach sa Straitéis chun trí bhunsprioc na Straitéise a chur i gcrích: líon na gcainteoirí laethúla taobh amuigh den chóras oideachais a ardú go 250,000; líon na gcainteoirí Gaeltachta a ardú faoi 25%; agus líon na ndaoine a úsáideann na seirbhísí Stáit i nGaeilge agus a bhfuil teacht acu ar an teilifís, an raidió agus na meáin chlóite i nGaeilge, a mhéadú.
www.tuairisc.ie
McHugh ‘sásta’ le scéimeanna teanga ainneoin mhian an Choimisinéara córas nua a chur i bhfeidhm
Nollaig 8, 2015
Tá 285 comhlacht poiblí a thagann faoi scáth Acht na dTeangacha Oifigiúla 2003 gan aon scéim teanga aontaithe le Roinn na Gaeltachta faoi láthair, agus an bhliain seo chugainn, beidh deich mbliana ann ó chéadiarradh ar sé cinn de na comhlachtaí sin scéim teanga a dhréachtú.
Ar na comhlachtaí nach bhfuil aon scéim teanga acu, tá Feidhmeannacht na Seirbhíse Sláinte (FSS), dream ar iarradh orthu scéim teanga a réiteach sa bhliain 2007. Tá scéim teanga i bhfeidhm ag craobh Limistéir an Iarthair den FSS faoi láthair.
Is iad na comhlachtaí a mbeidh deich mbliana caite acu i mbun scéim teanga a aontú le Roinn na Gaeltachta ná Leabharlann Náisiúnta na hÉireann, Ard-Mhúsaem na hÉireann, An Chomhairle Oidhreachta, Amharclann na Mainistreach, An Coimisiún um Scrúdaithe Stáit agus An Ceoláras Náisiúnta.
Tá Coláiste na hOllscoile, Baile Átha Cliath, an coláiste tríú leibhéal is mó sa tír, gan scéim teanga ó bhí an bhliain 2009 ann.
In ainneoin líon mór na gcomhlachtaí stáit nach bhfuil aon scéim teanga aontaithe acu, thug an tAire Stáit Gaeltachta Joe McHugh le fios sa Dáil go raibh sé sásta le córas na scéimeanna teanga.
Is faoin gcóras seo a leagtar dualgais teanga ar leith ar chomhlachtaí poiblí faoi Acht na dTeangacha Oifigiúla. Ag freagairt ceist Dála ó Aengus Ó Snodaigh, dúirt an tAire McHugh go bhfuil scéimeanna teanga aontaithe le comhlachtaí a mbíonn an plé is mó acu leis an bpobal.
“Tá 107 scéim teanga reatha i bhfeidhm agus tá 115 comhlacht poiblí clúdaithe faoi na scéimeanna sin. Clúdaíonn na scéimeanna teanga sin mórchuid na gcomhlachtaí poiblí a mbíonn plé idirghníomhach ag an phobal leo ar bhonn rialta, lena n-áirítear ranna agus oifigí Stáit, údaráis áitiúla, institiúidí oideachais agus comhlachtaí poiblí eile nach iad,” a dúirt an tAire.
Tá sé ráite go minic ag an gCoimisinéir Teanga, Rónán Ó Domhnaill go bhfuil córas na scéimeanna teanga lochtach agus gur chóir córas nua a thabhairt isteach. Bhí na laigeachtaí a chonacthas dó a bhí ar chóras na scéimeanna teanga i measc na gcúiseanna a luaigh an t-iar-Choimisinéir Teanga, Seán Ó Cuirreáin, lena chinneadh éirí as an ról i mí Feabhra 2014.
www.tuairisc.ie
(English) It was a British Army base for more than 150 years, now Ebrington could soon be home to an Irish language school
Nollaig 4, 2015
Glactha ag Comhairle an Aontais Eorpaigh le plean an Rialtais maidir le maolú na Gaeilge
Nollaig 4, 2015
Tá glactha ag Comhairle an Aontais Eorpaigh le plean an Rialtais go gcuirfí leis na seirbhísí atá ar fáil i nGaeilge ón AE nó go rachaidh maolú na Gaeilge in éag faoi cheann cúig bliana.
I mí Iúil d’fhógair an Rialtas go mbeifeá ag éileamh go gcuirfí siar cúig bliana dáta éagtha maolú na Gaeilge sa AE seachas deireadh a chur láithreach leis.
Ciallaíonn maolú na Gaeilge nach gá don AE na seirbhísí céanna a chuirtear ar fáil i dteangacha eile a chur ar fáil i nGaeilge.
Chuir Aire Stáit na Gaeltachta fáilte tráthnóna roimh chinneadh na Comhairle Eorpaí glacadh le plean an Rialtais faoina bhfuil sé i gceist cur leis an méid reachtaíochta a chaithfear a aistriú go Gaeilge as seo go ceann cúig bliana.
Agus fáilte á cur aige roimh an gcomhaontú, dúirt Aire Stáit na Gaeltachta Joe McHugh go raibh sé “iontach tábhachtach don Rialtas go mbeidh an Ghaeilge ina teanga iomlán oibre d’institiúidí an AE”.
“Cé go bhfuil an Ghaeilge ina teanga oifigiúil den Aontas Eorpach ó bhí 2007 ann, cuireann an Rialtas fáilte roimh an chur chuige a chomhaontaigh an Chomhairle inniu chun na catagóirí reachtaíochta atá le haistriú a mhéadú agus leanúint le méadú réamhghníomhach an eolais a chuirtear ar fáil i nGaeilge faoi ghníomhaíochtaí an AE,” a dúirt McHugh.
Dúirt an tAire go mbeadh an Rialtas “ag obair go dlúth leis an Choimisiún Eorpach agus leis na hinstitiúidí AE eile” chun a chinntiú go mbeadh dóthain aistritheoirí Gaeilge ann chun tabhairt faoin obair a bheidh le déanamh as seo go ceann cúig bliana.
Thíos tá an clár ama do mhéadú céimnitheach na reachtaíochta atá le haistriú go Gaeilge.
| Achtanna
|
Dátaí |
| Treoracha glactha ag Parlaimint na hEorpa agus ag an gComhairle | Tráth nach déanaí ná an 1 Eanáir 2017 |
| Cinntí glactha ag Parlaimint na hEorpa agus ag an gComhairle | Tráth nach déanaí ná an 1 Eanáir 2018 |
| Treoracha glactha ag an gComhairle atá dírithe ar gach Ballstát | Tráth nach déanaí ná an 1 Eanáir 2020 |
| Rialacháin glactha ag an gComhairle | Tráth nach déanaí ná an 1 Eanáir 2020 |
| Cinntí glactha ag an gComhairle nach bhfuil sé sonraithe iontu cé air a bhfuil siad dírithe | Tráth nach déanaí ná an 1 Eanáir 2020 |
| Rialacháin glactha ag an gCoimisiún | Tráth nach déanaí ná an 1 Eanáir 2021 |
| Treoracha glactha ag an gCoimisiún atá dírithe ar gach Ballstát | Tráth nach déanaí ná an 1 Eanáir 2021 |
| Cinntí glactha ag an gCoimisiún nach bhfuil sé sonraithe iontu cé air a bhfuil siad dírithe | Tráth nach déanaí ná an 1 Eanáir 2021 |
www.tuairisc.ie
Taispeántas Ealaíne Na Nollag le Tristan Rosenstock
Nollaig 4, 2015
Fearann
TONN DÍLEANN
FáILTE ROMHAT CHUIG
CLUB AN CHONARTHA
6 SráID FHEARCHAIR, BAILE ÁTHA CLIATH 2
8in. dé MáIRT
8 NOLLAIG 2015
NUAIR A OSCLóIDH
TRISTAN ROSENSTOCK
TAISPEáNTAS EALAíNE NA NOLLAG
FíON AGUS SóLAISTí
(English) Irish-Medium eLearning Conference
Nollaig 3, 2015
Coláiste Eoin i mBÁC ar an scoil is mó a sholáthraíonn mic léinn d’institiúidí tríú leibhéal de réir liosta nua
Nollaig 3, 2015
Cuid mhaith scoileanna lán-Ghaeilge ar an liosta nua de na scoileanna is mó a sholáthraíonn mic léinn d’institiúidí tríú leibhéal. Colásite Croí Mhuire gan Smál ar an Spidéal an scoil Gaeltachta is airde ar an liosta.
Tá Coláiste Eoin, scoil lán-Ghaeilge i mBaile Átha Cliath, ar an scoil is mó sa stát a sholáthraíonn mic léinn d’institiúidí tríú leibhéal, de réir tábla atá foilsithe ar maidin san Irish Times.
I measc na scoileanna Gaeilge eile atá ar an liosta nua de na scoileanna is mó a sholáthraíonn mic léinn d’institiúidí tríú leibhéal, tá Coláiste Íosagáin i mBaile Átha Cliath; Gaelscoil Luimnigh agus Laurel Hill Coláiste FCJ i gcathair Luimnigh; Coláiste na Coiribe sa Ghaillimh; agus Coláiste Oriall i Muineachán.
Is í an scoil Ghaeltachta is airde ar an liosta ná Coláiste Croí Mhuire gan Smál ar an Spidéal i gConamara.
Tuairiscíonn an Irish Times go bhfuil scoileanna lán-Ghaeilge go mór sa treis ar an liosta agus máitear go bhfuil an scéal amhlaidh mar go mbíonn togha agus rogha na ndaltaí ag scoileanna áirithe.
“Some over-subscribed fee-paying schools and gaelscoileanna are also in a position to cherry-pick students, unlike those in less well-off areas which therefore tend to have a higher proportion of students with additional needs,” a deir an Irish Times.
Is minic éilíteachas curtha i leith scoileanna Gaeilge agus is minic líomhaintí dá leitheid séanta go láidir ag na scoileanna féin agus ag eagraíochtaí gaeloideachais.
Bíonn conspóid ag baint chomh maith leis na táblaí scoileanna a fhoilsítear gach bliain san Irish Times.
Sna liostaí ‘feeder schools’ seo, déantar iarbhunscoileanna a mheas bunaithe ar líon na ndaltaí a théann ar aghaidh uathu go dtí an tríú léibhéal tar éis na hArdteistiméireachta, slat tomhais róchúng ar chaighdeán agus fairsinge an oideachais, dar le mórán.
Dúirt Finín Máirtín, príomhoide Choláiste Eoin i Stigh Lurgan, an scoil a bhain barr liosta an Irish Times amach i mbliana, gurb fhíor go bhfuil an scoil lan-Ghaeilge lonnaithe i gceantar atá go maith as ach nach raibh sa mhéid sin ach cuid den scéal.
Bhí baint chomh maith ag múinteoirí agus tuismitheoirí ‘díograiseacha’ na scoile leis an rath a bhí uirthi, a dúirt Mairtín.
“If a parent decides to send their child to an all-Irish school, they perhaps know they will have to be more involved in their child’s education. It’s nice to top lists but it’s not something we set out to do,” a dúirt Máirtín agus é faoi agallamh i mBéarla san Irish Times.
Fee-paying schools dominate high-points courses
Nollaig 3, 2015
Table-topping Coláiste Eoin in Stillorgan bucks trend as one of just three non-fee-paying schools in top 10 with high progression rates.
Fee-paying schools continue to dominate the tables showing how many students progressed to high-points courses in college.
What we have designated as high-points courses are those at the seven universities, the teacher training colleges such as Mary Immaculate College; plus the Royal College of Surgeons and DIT. Generally, courses in these colleges require a higher level of points for entry than other colleges, including some institutes of technology.
Fee-paying schools largely command the top 30 in this table. This has been an ongoing trend in The Irish Times Feeder Schools tables for a number of years. Given that the State pays for these schools’ teachers’ salaries, it leaves scope for the use of fees for educational resources and facilities that can greatly benefit their students’ education. Some fee-paying schools may also resist enrolling children with educational difficulties.
While the fee-paying schools dominate, a boys’ Gaelscoil in Stillorgan tops this year’s table. Last year Coláiste Eoin had a progression rate of 89 per cent (joint 15th) but climbed to first this year with a 115 per cent progression rate to high points courses.
This figure includes students who sat the Leaving Cert in Coláiste Eoin in other years, and then accepted a place on an undergraduate course this year.
Coláiste Eoin’s sister school, Coláiste Íosagáin, ranked joint ninth in this year’s table with Muckross College, Dublin.
Both schools have a high-points course progression rate of 96 per cent. These three schools are the only non-fee paying schools that cracked the top 10 list. Other schools in the top 10 are Gonzaga College at number two with 109 per cent, St Vincent’s Castleknock College at number three with 108 per cent and the Teresian School, which falls from first to fourth place, at 105 per cent.
Gaelscoileanna continue to do well in sending students to high-point courses. Seven Irish-speaking schools feature in the top 30 list. These include Coláiste Cois Life, Lucan, with 83 per cent; Gaelcholáiste na Mara, Arklow, with 78 per cent; Meanscoil Garman 73 per cent and Coláiste na Coiribe, Galway with 74 per cent.
A bilingual school, Coláiste Iognáid in Galway, takes the 19th spot with an 84 per cent progression rate.
These figures do not tell us specifically where the class of 2015 ended up. The progression rates detailed here include not only this year’s Leaving Cert students, but also students who previously attended the schools listed. They may have deferred their place, they may be going back to college as mature students, or they may have repeated their Leaving Cert in another school or a grind school.
Schools in university towns or cities tend to have a large proportion of their students opting to attend the local university. Cork, Kildare, Limerick and Galway schools feature in the top 30 list but are largely outnumbered by Dublin.
Only two schools in the top 10 are outside of the capital. These are Cistercian College, Roscrea, with a student progression rate on to high-points courses of 103 per cent (fifth); and Clongowes Wood College in Kildare with 97 per cent (joint eighth). Both are fee-paying schools.
Some non-university counties are listed in the top 30. These include Gaelcholáiste na Mara in Arklow with 78 per cent; St Peter’s College in Meath with 78 per cent and Loreto College Cavan with 72 per cent.
Kilkenny College with 77 per cent (joint 25th) also features.
http://www.irishtimes.com/news/education/fee-paying-schools-dominate-high-points-courses-1.2451891
