An Dioplóma Iarchéime san Aistriúchán á thairiscint ag Gaelchultúr arís
Iúil 8, 2014
Tá áthas ar Choláiste na hÉireann/Gaelchultúr (www.gaelchultur.com) a fhógairt go mbeidh an Dioplóma Iarchéime san Aistriúchán, an chéad chúrsa iarchéime de chuid na hinstitiúide, á thairiscint den dara huair ó mhí Mheán Fómhair ar aghaidh.
I mí Iúil anuraidh a bhronn an comhlacht rialtais Dearbhú Cáilíochta agus Cáilíochtaí Éireann (QQI, nó HETAC mar a bhí) an stádas mar institiúid tríú leibhéal ar Ghaelchultúr agus roghnaigh an chuideachta Coláiste na hÉireann mar ainm don tionscadal nua.
Cuireadh tús leis an Dioplóma Iarchéime san Aistriúchán ag deireadh mhí Mheán Fómhair 2013 agus tá aon mhac léinn déag ina bhun faoi láthair.
Tá an Dioplóma ag leibhéal 9 den Chreat Náisiúnta Cáilíochtaí agus maireann sé trí sheimeastar ar fad. Tá sé dírithe orthu siúd a bhfuil cumas maith sa Ghaeilge acu cheana féin ach ar mhaith leo scileanna aistriúcháin a fhoghlaim nó cur lena scileanna sa réimse sin. Tá sé oiriúnach chomh maith do dhaoine a bhíonn ag obair trí mheán na Gaeilge ar bhonn laethúil – múinteoirí agus iriseoirí, mar shampla – ar mian leo barr feabhais a chur ar a gcuid scileanna scríofa Gaeilge. Rachaidh an cúrsa chun sochair freisin dóibhsean ar spéis leo post a bhaint amach mar aistritheoir, riarthóir nó dlítheangeolaí in institiúid de chuid an Aontais Eorpaigh.
Bíonn léachtaí agus ranganna teagaisc an chúrsa ar siúl Satharn amháin sa mhí i gceanncheathrú Choláiste na hÉireann/Ghaelchultúir i lár chathair Bhaile Átha Cliath. Tá go leor d’ábhar an chúrsa le fáil ar shuíomh ríomhfhoghlama Ghaelchultúir, ranganna.com, agus dá bhrí sin is féidir le daoine as gach cearn den tír tabhairt faoin gclár (tá mac léinn as Toraigh agus mac léinn as Gaeltacht Chiarraí sa ghrúpa atá á dhéanamh faoi láthair, mar shampla).
Beidh seisiúin eolais maidir leis an Dioplóma Iarchéime san Aistriúchán ar siúl i gColáiste na hÉireann/Gaelchultúr, 11 Sráid an Chláraigh, Baile Átha Cliath 2 ag na hamanna agus ar na dátaí seo a leanas:
6.00–7.00pm, Dé Máirt, 26 Lúnasa 2014
12.00–1.00pm, Dé Sathairn, 30 Lúnasa 2014
Chun teacht ar thuilleadh eolais faoin Dioplóma Iarchéime san Aistriúchán, mar aon le bróisiúr an chúrsa agus foirm iarratais, téigh go http://gaelchultur.com/iarcheim.aspx. Is féidir teacht ar eolas breise freisin ach glaoch ar (01) 484 5220 nó scríobh chuig eolas@gaelchultur.com.
Is é an spriocdháta d’iarratais ná Dé Máirt, 2 Meán Fómhair 2014.
Error-laden pidgin or creative creole? The Irish of the Gaelscoil
Iúil 8, 2014
Is the mixture of Irish vocabulary and English grammar spoken by students in immersion courses simply incorrect language… or a linguistic gem?
In an exploration of the weird and wonderful linguistic features of the Irish language spoken in gaelscoileanna, Breandán Mac Ardghail offers an alternative perspective on the non-native schoolyard Irish of pupils.
Is the Irish students speak error-laden pidgin or a deviously creative creole?
In 2012, Breandán was a Fulbright Foreign Language Teaching Assistant at the University of Montana. He holds a Masters and a Batchelors degree in Modern Irish and is currently reading Applied Linguistics at Trinity College Dublin.
www.thejournal.ie
Folúntas: Gaelscoil Iarfhlatha
Iúil 8, 2014
Sonraí ar www.educationposts.ie.
Folúntas: Gaelscoil Thulach na nÓg
Iúil 7, 2014
Sonraí ar www.educationposts.ie.
An Chéád Straitéis Náisiúnta Éireannach don Oideachas don Fhorbairt Inbhuanaithe (OFI) á foilsiú ag an Aire Quinn
Iúil 7, 2014
Inniu, d’fhoilsigh an tAire Oideachais agus Scileanna, Ruairí Quinn, T.D., “An Straitéis Náisiúnta Éireannach don Oideachas don Fhorbairt Inbhuanaithe, 2014-2020”, an chéad straitéis dá leithéid ag Éirinn.
Leis an oideachas don fhorbairt inbhuanaithe cothaítear agus neartaítear cumas daoine aonair chun breithiúnais agus roghanna a dhéanamh i bhfabhar na forbartha inbhuanaithe.
Tá sé mar aidhm ag an Straitéis a chinntiú go bhfuil an t-eolas cuí ag foghlaimeoirí, agus na príomhscileanna agus luachanna acu, mar aon leis an meon, a spreagfaidh agus a chumasóidh iad chun bheith ina saoránaigh eolasacha ag gníomhú ar mhaithe le todhchaí níos inbhuanaithe.
Tá ocht ‘réimse tosaíochta aicsin’ sainaitheanta. Orthu siúd tá ceannaireacht agus comhordú, bailiú sonraí agus tomhas bunlíne, agus rannpháirtíocht a chur chun cinn i measc daoine óga i gcinnteoireacht a théann i gcion orthu.
Tá sraith moltaí ag gach aon cheann de na hocht réimse tosaíochta. Cuimsíonn na moltaí seo gach réimse den chóras oideachais, ón réamhscoil go dtí an bhreisoideachas agus an t-ardoideachas, mar aon le hoideachas neamhfhoirmeálta agus oideachas pobail, agus earnáil na hÓige.
Cuireann an plean OFI rannpháirtíocht bhreisithe chun cinn i measc páistí agus daoine óga sa chinnteoireacht a théann i gcion orthu san earnáil oideachais, rud a dhéanfar go príomha trí chomhairlí mac léinn. Tá sé seo i gcomhréir le feachtas an Aire chun a chinntiú go gcuirfear guth na mac léinn san áireamh san oideachas. Spreagfar scoileanna chun tuilleadh comhairlí mac léinn a bhunú ag an mbunleibhéal, agus déanfar athbhreithniú ar an tsamhail chomhairle mac léinn atá ann faoi láthair ag an iar-bhunleibhéal.
Ag cur fáilte roimh an Straitéis dó, d’aibhsigh an tAire Quinn an tábhacht a bhain leis an Roinn Oideachais agus Scileanna bheith ag cur na hinbhuanaitheachta chun cinn ina cleachtas féin, “Mar ailtire, tá áthas orm go bhfuil gradaim buaite ag an Roinn don dearadh inbhuanaithe in ár gcuid tionscadal tógála scoileanna.
“Leis an Straitéis seo OFI, tá an Roinn tiomanta d’infreastruchtúr a thógáil i gcónaí atá ceannródaíoch maidir lena inbhuanaitheacht, chomh maith le bheith ag iarraidh úsáid an fhuinnimh aici féin agus ag institiúidí eile san earnáil oideachais a laghdú.”
“Is mian liom a rá gur mór agam an cion fial ama agus saineolais a tugadh don obair seo. Agus sinn ag cur na Straitéise OFI i bhfeidhm beidh an Roinn ag iarraidh bheith ag obair go dlúth libhse a rinne an obair sin sa réimse tábhachtach seo.”
Táthar chun Grúpa Comhairleach OFI a bhunú, a bheidh ionadaíoch do pháirtithe leasmhara, agus a mbeidh oifigeach de chuid na ROS ina chathaoirleach air, chun an dea-chleachtas a mhalartú, chun comhpháirtíochtaí a thógáil agus chun páirtithe leasmhara a shlógadh.
Le foilsiú na Straitéise Náisiúnta don OFI, comhlíontar tiomantais na hÉireann faoi Dheich mBliana an Oideachais don Fhorbairt Inbhuanaithe ag na Náisiúin Aontaithe. Ceann de na tiomantais é chomh maith in Our Sustainable Future, an Straitéis Náisiúnta don Fhorbairt Inbhuanaithe, a d’fhoilsigh an Roinn Comhshaoil, Pobail agus Rialtais Áitiúil in 2012.
Na hocht réimse tosaíochta aicsin:
1. Ceannaireacht agus comhordú
2. Bailiú sonraí agus tomhas bunlíne
3. Curaclam sa réamhscoil, bunscoil agus iar-bhunscoil
4. Forbairt phroifisiúnta
5. Breisoideachas agus breisoiliúint
6. Ardoideachas agus taighde
7. Rannpháirtíocht i measc daoine óga a chur chun cinn
8. Inbhuanaitheacht á cur i ngníomh
Tá an Tuarascáil le fail ag : http://www.education.ie/en/Publications/Education-Reports/National-Strategy-on-Education-for-Sustainable-Development-in-Ireland-2014-2020.pdf
Folúntas: Scoil an Fheirtéaraigh
Iúil 7, 2014
Sonraí ar www.educationposts.ie.
Folúntas: Gaelscoil de hÍde (Rúnaí)
Iúil 7, 2014
Sonraí ar www.educationposts.ie.
Folúntas: Gaelscoil Osraí
Iúil 7, 2014
Sonraí ar www.educationposts.ie.
Folúntas: Gaelscoil Thaobh na Coille
Iúil 7, 2014
Sonraí ar www.educationposts.ie.
Folúntas: Gaelscoil Aogáin
Iúil 7, 2014
Sonraí ar www.educationposts.ie.
