MSc i nGnó agus i dTeicneolaíocht an Eolais
Lúnasa 24, 2012
Tá Fiontar DCU ag taisicint scoláireachtaí de luach €2,000 don chúrsa MSc i nGnó agus i dTeicneolaíocht an Eolais.
Clár páirtaimseartha atá ann thar dhá bhliain atá dírithe ar chéimithe ar mhian leo postanna bainistíochta agus forbartha a bhaint amach sna hearnálacha príobháideacha agus poiblí, an t-oideachas san áireamh. Reáchtálfar ranganna ag an deireadh seachtaine.
Le haghaidh tuilleadh eolais is féidir dul i dteagmháil le Sally Mhic Dhomhnaill ag 01 7005614 nó ríomhphost a chur chuig fiontar@dcu.ie.
Is é 31 Lúnasa 2012 an spriocdháta le haghaidh iarratas.
Dianchúrsa i Scríobh an Ghearrscéil & an Úrscéil
Lúnasa 22, 2012
Cuirfidh MINN cúrsa cuimsitheach 6 deireadh seachtaine i ‘Scríobh an Ghearrscéil agus an Úrscéil’ ar fáil sa Scríobhlann, áras traenála MhINN i mBaile Uí Bheachin, Co. an Chláir.
Tabharfar áit d’ochtar (8) ar an gcúrsa agus is é an scríbhneoir Ré Ó Laighléis a bheidh mar stiúrthóir/teagascóir ar an gcúrsa. Cuirfear tús leis ar dheireadh seachtaine 22/23 Meán Fomhair.
Tá ábhar agus gach costas teagaisc don Dianchúrsa seo n-íoc ag Foras na Gaeilge, ach is faoi na rannpháirtithe féin a bheidh sé íoc as a gcuid lóistín agus taistil (cuirfidh MINN liosta de thithe lóistín agus óstáin an cheantair ar fáil don ochtar a roghnófar).
Satharn 10 am – 12.30 pm agus 2.30 pm – 4 pm agus Domhnach 10.30 am – 12.30 pm a bheidh i gceist ar gach ceann de na dáta seo leanas:
- Deireadh Seachtaine 1: 22/23 Meán Fómhair
- Deireadh Seachtaine 2: 6/7 Deireadh Fómhair
- Deireadh Seachtaine 3: 20/21 Deireadh Fómhair
- Deireadh Seachtaine 4: 3/4 Samhain
- Deireadh Seachtaine 5: 17/18 Samhain
- Deireadh Seachtaine 6: 1/2 Nollaig
Tabharfar aghaidh sa chúrsa seo ar Bhun-eilimint agus Struchtúir an Ghearrscéil agus an úrscéil. Tabharfar teagasc ar bhun-eilimint amháin gach aon deireadh seachtaine: Carachtracht / Plota / Comhrá / Inseoireacht (agus an t-eadarghaol idir Inseoireacht agus Comhrá)/ Céimeanna éagsúla an Chomhrá / Srl
Tá gach eolas agus Foirm Iarratais* ar fáil ó:
Ailsa Ellis, MINN, Loch Reasca, Baile Uí Bheachin, Co. an Chláir.
Fón 065 707 7256 / ríomhphost: moinin@eircom.net .
*Dáta deiridh le haghaidh iarratais is ea an Luan 3 Meán Fómhair 2012
Stiúrthóir Naíonra á lorg – Corcaigh
Lúnasa 21, 2012
Tá Stiúrthóir Naíonra páirtaimseartha á lorg ag Crèche Cois Laoi, Ollscoil Chorcaí.
Riachtanais:
-Taithí
-Gaeilge mhaith
Iarratais:
Seol iarratas agus CV trí ríomhphost chuig creche@ucc.ie.
Is féidir gach eolas a fháil trí ghlaoch ar 021-4901606.
Rúnaí Scoile
Lúnasa 21, 2012
Tá rúnaí scoile á lorg ag Scoil Oilibhéir, Baile Átha Cliath.
Tréimhse 4 mhí a bheidh i gceist leis an bpost seo.
Glacfar le hiarratais tríd an bpost chuig:
FAO: An Cathaoirleach
Scoil Oilibheir
An Chúl Mhín
Cluain Saileach
BÁC 15
Nó ar ríomhphost chuig: scoiloilibheir@yahoo.ie
Bíodh ardscileanna ríomhaireachta agus suim sa Ghaeilge ag iarratasóirí.
Bíodh CV neamhcheangailte agus teistiméireachtaí (Ainm, teideal, teagmháil) iniata le gach iarratas.
Spriocdháta: 31 Lúnasa 2012
Dianchúrsa Traenála i Scileanna Raidió ó Raidió Fáilte
Lúnasa 20, 2012
Ar mhaith bheith i do chraoltóir raidió? Tá Raidió Fáilte ar lorg Gaeilgeoirí le páirt a ghlacadh i gcúrsa traenála atá á reáchtáil i gcomhar le Ciste Craoltóireachta na Gaeilge le tacaíocht ó Northern Ireland Screen.
Dianchúrsa i scileanna raidió agus craoltóireachta atá i gceist. Foghlaimeoidh na rannpháirtithe an dóigh lenagclár raidió féin a ullmhú, a chur i láthair, a thaifead agus a chur in eagar.
Le cois bunscileanna raidió, beidh na rannpháirtithe ag foghlaim scileanna agallaimh agus cur i láthair, an dóigh le trealamh ardteicniúil taifeadta agus eagarthóireachta Raidió Fáilte a úsáid taobh istigh den stiúideo agus úsáid ghléasanna taifeadta in-iompraithe le hagallaimh, vox-pops agus imeachtaí a thaifead taobh amuigh den stiúideo, chomh maith le modhanna taighde agus scríobh scripteanna le haghaidh clár raidió, agus eagarthóireacht agus meascadh fuaime.
Seo an dara dianchúrsa traenála a reáchtáil Raidió Fáilte i mbliana. D’éirigh thar barr leis an 7 traenálaithe a ghlac páirt sa dianchúrsa a reáchtáil muid i mí Belataine/Meithimh agus tá cuid acu ina gcraoltóirí reatha ar Raidió Fáilte anois.
Bíonn Raidió Fáilte ag craoladh scoth na gclár Gaeilge – 7 lá na seachtaine, 24 uair sa lá – óna stiúideo úrnua ar Bhóthar na bhFál i gCeathrú Ghaeltachta Bhéal Feirste.
Deis iontach atá sa chúrsa traenála seo tús a chur le slí bheatha sna meáin chumarsáide mar láitheoir raidió nó mar iriseoir agus do chlár raidió féin a chruthú ar stáisiún raidió lán-Ghaeilge.
Beidh aoi-chainteoirí ag teacht isteach ó na meáin chumarsáide náisiúnta le comhairle a thabhairt do dhuine ar bith atá ag smaoineamh faoi shlí bheatha in earnáil an raidió nó sna meáin chumarsáide.
Anuas air seo, beidh an deis ag na rannpháirtithe a slot féin a fháil ar sceideal gnóitheach Raidió Fáilte– an t-aon staisiún lán-Ghaeilge sa Tuaisceart!
Ná cailligí an deis!
Gabh i dteagmhéal le Dónall Chaoimhín Mac Murchaidh ar 028 90 310013 nó seol ríomhphost chuig donall@raidiofailte.com roimh an 03 Meán Fómhair.
Dónall Chaoimhín Mac Murchaidh
Oifigeach Traenála agus Léiriúcháin
Training and Production Officer Raidió Fáilte 107.1 FM
Teach Uí Chorráin/Curran House
Ionad an Dá Spuaic/Twin Spires
155 Sráid Northumberland
Bóthar na bhFál Iochtarach/Lower Falls Road
BT13 2JF Béal Feirste/Belfast
+44 (28) 90310013
oifig@raidiofailte.com
http://www.facebook.com Ag craoladh i mBéal Feirste agus ar fud an domhain
Irish language radio broadcasting worldwide from Belfast
www.raidiofailte.com
Le tacaíocht ón Choiste Craoltóireachta Gaeilge agus Northern Ireland Screen
Supported by Irish Language Broadcast Fund agus Northern Ireland Screen
Múinteoir Gaelscoile – Scoil na gCeithre Máistrí
Lúnasa 13, 2012
Tá múinteoir á lorg ag Scoil na gCeithre Máistrí, Co. na hIarmhí.
Cuirfear tús leis an tréímhse oiliúna ar an 3 Meán Fómhair 2012.
Glacfar le hiarratais ar ríomhphost amháin chuig: postceithremaistri@gmail.com
Bíodh an t-eolas a leanas iniata le gach iarratas:
- Teistiméarachtaí (Ainm, teideal, teagmháil)
- Tuairiscí cigireachta
- Clárú na Comhairle Múinteoireachta
- An Ghnáth fhoirm iarratais don Mhúinteoireacht
Spriocdháta: 23 Lúnasa 2012
Múinteoir Gaelscoile – Gaelscoil na bhFilí
Lúnasa 13, 2012
Tá múinteoir á lorg ag Gaelscoil na bhFilí, Gaillimh.
Is Gaelscoil ilchreidmheach í Gaelscoil na bhFilí. Ard-chaighdeán sa Ghaeilge ag teastáil.
Is post buan é seo. Beidh trí lá lonnaithe i nGaelscoil na bhFilí, Gort Inse Guaire agus dhá lá eile lonnaithe i nGaelscoil eile i gcathair na Gaillimhe.
Treoracha:
1. Seol gach rud ar ríomhphost amháin le do thoil.
2. Seol gach rud mar cháipéis PDF amháin chuig gsfgaillimh2012@gmail.com más féidir.
3. Glacfar le doiciméad Word freisin chuig gsfgaillimh2012@gmail.com.
Spriocdháta: 22 Lúnasa 2012
Múinteoir Gaelscoile – Gaelscoil Thaobh na Coille
Lúnasa 13, 2012
Tá múinteoir Gaelscoile á lorg ag Gaelscoil Thaobh na Coille i mBaile Átha Cliath.
Ceapachán Buan faoi stádas scoil ag forbairt gur gá a líonadh ar théarma seasta suas go dtí an 26/10/12 ach atá le buanú le cead na Roinne Oideachais i ndiaidh an dáta sin.
Bunscoil lán-Ghaeilge, chaitliceach, le stádas forbartha í Gaelscoil Thaobh na Coille. Beifear ag súil go mbeidh ard-chaighdeán Gaeilge labhartha & scríofa maraon le suim mhór sa Ghaeloideachas ag iarratasóirí a chuireann isteach ar an bpost seo.
Tuilleadh eolais faoin scoil ar fáil ag www.taobhnacoille.ie.
Iarratais:
Glacfar le hiarratais tríd an bpost chuig:
An Cathaoirleach
Gaelscoil Thaobh na Coille
Beallairmín
An Chéim
B.Á.C. 18
Bíodh an t-eolas a leanas iniata le gach iarratas:
- Litir iarratais
- Teistiméarachtaí scríofa
- Teistiméarachtaí (Ainm, teideal, teagmháil)
- Gráid an chleachtaidh teagaisc
- CV (Neamhcheangailte/Unbound)
- Clárú na Comhairle Múinteoireachta
Spriocdháta: 16 Lúnasa 2012
Cuirfear tús leis an tréimhse oiliúna ar an 30 Lúnasa 2012
Rúnaí Scoile – Gaelscoil na Mí
Lúnasa 13, 2012
Tá rúnaí scoile páirtaimseartha á lorg ag Gaelscoil na Mí.
Bunscoil lán-Ghaeilge, ilchreidmheach, le stádas forbartha í Gaelscoil na Mí.
Post páirt-aimseartha (9 uair a choig) atá i gceist i dtosach.
Riachtanais:
1.Inniúlacht sa Ghaeilge
2.Taithí riaracháin & eagrúcháin
3.Discréíd & rúndacht
4.Scileanna cumarsáide & idirphearsanta
5.Scileanna teicneolaíochta & Innúlacht ar Word & Excel
6.Taithí oifige / rúnaíochta
7.Seiceáil an Gharda
Iarratais:
Glacfar le hiarratais tríd an bpost chuig:
An Cathaoirleach
CLG Domhnach Mór Cill Dhéagláin,
Cill Dhéaglain Thiar,
Co na Mí
Bíodh an t-eolas a leanas iniata le gach iarratas:
- Litir iarratais
- Teistiméarachtaí scríofa
- Teistiméarachtaí (Ainm, teideal, teagmháil)
- CV (Neamhcheangailte/Unbound)
Spriocdháta: 15 Lúnasa 2012
Túsdáta: 29 Lúnasa 2012
Dianchúrsa Traenála i Scileanna Raidió
Lúnasa 8, 2012
Ar mhaith leat cur le do chuid scileanna craoltóireachta?
Tá Raidió Fáilte ar lorg Gaeilgeoirí le páirt a ghlacadh i gcúrsa traenála atá á reáchtáil i gcomhar le Ciste Craoltóireachta na Gaeilge le tacaíocht ó Northern Ireland Screen
Dianchúrsa i scileanna raidió agus craoltóireachta atá i gceist. Foghlaimeoidh na rannpháirtithe cén chaoi clár raidió a ullmhú, a chur i láthair, a thaifead agus a chur in eagar.
Le cois bunscileanna raidió, beidh na rannpháirtithe ag foghlaim scileanna agallaimh agus cur i láthair, cén chaoi trealamh ardtheicniúil taifeadta agus eagarthóireachta Raidió Fáilte a úsáid taobh istigh den stiúideo agus úsáid ghléasanna taifeadta in-iompraithe le hagallaimh, vox-pops agus imeachtaí a thaifead taobh amuigh den stiúideo, chomh maith le modhanna taighde agus scríobh scripteanna le haghaidh clár raidió, agus eagarthóireacht agus meascadh fuaime.
Bíonn Raidió Fáilte ag craoladh scoth na gclár Gaeilge – 7 lá na seachtaine, 24 uair sa lá – óna stiúideo úrnua ar Bhóthar na bhFál Iochtarach, i gCeathrú Ghaeltachta Bhéal Feirste.
Deis iontach atá sa chúrsa traenála seo le tús a chur le slí bheatha sna meáin chumarsáide mar láitheoir raidió nó mar iriseoir agus do chlár raidió féin a chruthú ar stáisiún raidió lán-Ghaeilge.
Beidh aoi-chainteoirí ag teacht isteach ó na meáin chumarsáide náisiúnta le comhairle a thabhairt do dhuine ar bith atá ag smaoineamh faoi shlí bheatha in earnáil an raidió nó sna meáin chumarsáide.
Anuas air seo, beidh an deis ag na rannpháirtithe a slot féin a fháil ar sceideal gnóthach Raidió Fáilte– an t-aon staisiún lán-Ghaeilge sa Tuaisceart!
Le tuilleadh eolais a fháil téigh i dteagbháil le Dónall Chaoimhín Mac Murchaidh ar 028 90 310013 /donall@raidiofailte.com roimh an 03 Méan Fomhair 2012.
