Comhsheimineár Gaelscoileanna Teo. agus Forbairt Naíonraí Teo.
Feabhra 14, 2011
Tá comhsheimineár á reáchtáil ag Gaelscoileanna Teo. le Forbairt Naíonraí Teoranta a phléfidh leis an ngaol atá idir an Curaclam Bunscoile agus Aistear (Creatchuraclam na Luathóige) agus Síolta (An Chreatlach Náisiúnta Cáilíochta d’Oideachas na Luath-Óige) . Beidh nua-shonrú á dhéanamh chomh maith ar fhorbairt moltaí maidir leis an aistriú ón naíonra chuig an mbunscoil lán-Ghaeilge. Reáchtáilfear an seimineár san Alexander Hotel, Sráid na bhFíníní, maidin Sathairn, 12 Márta 2011.
Tá cuireadh chuig an seimineár ag dul chuig príomhoidí na mbunscoileanna, múinteoirí na naíonáin agus stiúrthóirí naíonraí le féachaint ar na struchtúir seo don luath-oideachas. Beidh rannpháirtíocht ón dá leibhéal an-tábhachtach chuige seo agus ba bhreá linn múinteoirí na naíonáin a spreagadh le freastal air. Tugann a leithéid de seimineár deiseanna do stiúrthóirí naíonraí, príomhoidí agus múinteoir naíonáin teacht le chéile agus plé a dhéanamh agus foghlaim faoi obair a chéile.
Ní bheidh ach €30 an rannpháirtithe ar an seimineár agus cuirfear lón ar fáil díreach i ndiaidh an tseimineár. Tá bileog eolais le clár agus foirm clárúcháin le fáil ach ríomhphost a sheoladh ag oifig@gaelscoileanna.ie
Má tá aon cheist agat maidir leis an seimineár tá fáilte romhat teagmháil a dhéanamh linn ar 01-8535191.
