An leanann tú Gaelscoileanna Teo. ar Twitter?
Eanáir 12, 2015
Tá áthas ar Gaelscoileanna Teo. a fhógairt go bhfuil Twitter in úsáid againn anois chun scéalta agus uasdátaithe ó earnáil an oideachais lán-Ghaeilge a roinnt ar ár leantóirí. Aithníonn an eagraíocht an tábhacht agus na buntáistí móra a bhaineann leis an idirlíon agus na meáin shóisialta faoi seach chun eolas, scéalta agus uasdátaithe ábhartha a roinnt agus chun poiblíocht agus margaíocht a dhéanamh ar ár gcuid oibre.
Tá polasaí samplach do na meáin shóisialta curtha le chéile againn gur féidir le naíonraí agus scoileanna a íoslódáil agus a chur in oiriúint dóibh féin. Tá sé seo ar fáil ó http://www.gaelscoileanna.ie/ie/resources/
Scoileanna Gaeilge agus Gaeltachta i lár an aonaigh eolaíochta
Eanáir 12, 2015
Ag Taispeántas Eolaí Óg agus Teicneolaíochta BT san RDS bhí Martha Nic Ionais (14 – ar dheis), agus Caoilfhionn Ní Dheorian (14) ó Choláiste Chillian i gCluain Dolcáin agus iad ag spraoi leis an stampa nua a d’eisigh An Post mar cheiliúradh ar a bhfuil déanta ag Éirinn ar son na heolaíochta
An bhfuil gaol idir an saghas ceoil a n-éisteann déagóirí leis agus a bpearsantacht? An bhfuil tionchar ag dath na súl ar radharc na súl ag duine? An gcabhraíonn áiseanna litrithe le daoine feabhas a chur ar a gcumas litrithe?
An féidir bogearra a chruthú le haghaidh forbairt teanga agus urlabhra? An bhfuil cumas éisteachta níos fearr ag ciotach ná mar atá ag deisealach? Cé chomh randamach is atá mód suaite nó shuffle mode an i-pod i ndáiríre?
Agus conas is féidir timpistí dréimire a sheachaint?
Seo cuid de na ceisteanna atá á gcíoradh ag scoileanna Gaeltachta agus scoileanna Gaeilge ag Taispeántas na nEolaithe Óga san RDS i mBaile Átha Cliath a dtiocfaidh deireadh leis amárach.
Tá trí cinn de thaispeántais le Gaelcholáiste Luimnigh le feiceáil ann. Scrúdaíonn eolaithe óga Luimnigh an bealach inar féidir calcalas (calculus) a úsáid chun an aimsir a thuar, rud a gcuirfidh lucht na réamhfhaisnéise an-spéis go deo ann!
Déanann siad scagadh chomh maith ar chomharthaí sóirt an tí ciceála is éifeachtaí dá bhfuil ann agus fiafraíonn siad dínn an bhfuil an citira sprús ar an gcrann is fearr chun carbón a thógáil isteach.
Tá staidéar déanta ag daltaí Phobalscoil Ghaoth Dobhair ar cé chomh randamach is atá mód suaite an i-pod i ndáiríre agus cé chomh sábháilte is atá do phasfhocal ríomhphoist.
Chomh maith leis sin, nochtann siad torthaí taighde atá déanta acu ar thimpistí dréimire agus na cúinsí a ghabhann leo, le súil is gur féidir iad a sheachaint.
Cúrsaí sábháilteachta atá ag dó na geirbe ag scoláirí Ghaelcholáiste Chiarraí freisin, a bhfuil taighde déanta acu ar thimpistí bóthair agus ar astuithe dé-ocsáid charbóin.
Féachann scoláirí Ghaelcholáiste Reachrann i mBaile Átha Cliath ar conas sinn féin a chosaint ó ghathanna UV.
Anuas ar scrúdú a dhéanamh ar an gceangal idir dath na súl agus radharc na súl, fiosraíonn daltaí Choláiste Ailigh i nDún na nGall an bhaint atá idir cumas éisteachta duine agus é a bheith deisealach nó ciotach.
Fiafraíonn daltaí Choláiste Íosagáin i mBaile Átha Cliath an bhfuil gaol idir an saghas ceoil a n-éisteann déagóirí leis agus a bpearsantacht, agus an rian a d’fhág ár muintir romhainn ar an bpearsantacht chéanna.
Cuid dár múnlú is ea an tógáil a fhaighimid agus an cothú a thugtar dúinn inár leanaí, ar ndóigh, ach scrúdaíonn daltaí Choláiste Pobail Osraí, Cill Chainnigh, an méid a tharlaíonn roimhe sin ar fad agus tochailt déanta acu ar an tionchar atá ag gearradh Caesarach ar bheathú cíche linbh.
Ní mór do leanbh ar bith a thagann ar an saol teanga, agus uaireanta cúpla teanga, a shealbhú.
Ceann de na ceisteanna is spéisiúla atá curtha ag an Taispeántas ná cén fáth nach bhfuil ag éirí linn an Ghaeilge a thabhairt linn mar is ceart, taighde atá ar bun ag daltaí Choláiste Naomh Muredach as contae Mhaigh Eo, tar éis gur scoil Bhéarla an scoil a bhfuil siad ag freastal uirthi.
Amach ón gcaint, cuid lárnach de shealbhú teanga is ea an léamh agus an scríobh agus tá anailís staitisticúil déanta ag lucht Choláiste Choilm, Corcaigh, ar an tionchar atá ag áiseanna litrithe ar chumas litrithe daoine óga.
Ar na scoileanna eile a mbeidh taispeántais leo le feiceáil san RDS, tá Coláiste Naomh Eoin, Inis Meáin; Coláiste Cholmcille, Indreabhán; Gaelcholáiste na Mara san Inbhear Mór; Gaelcholáiste an Phiarsaigh agus Coláiste Chillian, Baile Átha Cliath.
I mbliana ag Taispeántas Eolaí Óg agus Teicneolaíochta BT 2015, is féidir cúrsaí eolaíochta agus taighde a phlé i nGaeilge le hionadaí ó Ionadaíocht an Choimisiúin Eorpaigh in Éirinn. Beidh ionadaí anChoimisiúin ar fáil ó 14.00 ar aghaidh inniu ag stainnín a 30, Halla na dTionscal, san RDS.
www.tuairisc.ie
Scoláireachtaí Printíseachta á dtairiscint ag Údarás na Gaeltachta
Eanáir 7, 2015
Tá Údarás na Gaeltachta ag tairiscint Scoláireachtaí Printíseachta gur fiú níos mó ná €2,000 an ceann iad d’iarrthóirí le cáilíocht mar cheardaí a bhaint amach.
Tuilleadh eolais le fáil anseo: http://www.udaras.ie/oiliuint-fostaiocht/tionscnaimh-oiliuna/printiseachtai
Gaelcholáiste Charraig Uí Leighin i bhfoirgneamh oifigí ar bhonn sealadach amháin
Eanáir 7, 2015
Scéal iomlán ag: www.irishexaminer.com
Folúntas: Stiúrthóir Naíonra, Leamhcán, Co. Átha Cliath
Eanáir 7, 2015
Stiúrthóir naíonra ag teastáil do Naíonra Mháirín i Leamhcán, Co. Átha Cliath (5 lá sa tseachtain) ó 8.30r.n. – 2.45i.n.:
Riachtanais:
– Cumas faoi leith ag obair le leanaí óga
– Scileanna cumarsáide láidre
– Gaeilge líofa (Leibhéal TEG B2 labhartha http://www.teg.ie/_fileupload/syllabi/B2_syll.pdf)
– Dianchúrsa FNT: An Cháilíocht Stiúrthóra (nó bheith sásta tabhairt faoi go luath)
– NFQ Leibhéal 5 nó 6 i gCúram Leanaí
– Céim sna Luathbhlianta (NFQ L 7) mar thosaíocht
– Traenáil gharchabhrach
– Traenáil um chosaint leanaí
Iarratais:
Litir iarratais agus CV le hainmneacha bheirt mholtóra le seoladh faoin Aoine, 27 Feabhra 2015, le “Folúntas – Naíonra” scríofa mar theideal ar ríomhphost chuig Máirín ag maureenddowling@gmail.com
Tuilleadh eolais ar fáil ó Mháirín: 086-8222219
Dáta Deiridh:
Dé hAoine, 27 Feabhra, 2015
Líon na ndaltaí i scoileanna lán-Ghaeilge ó thuaidh dúbailte
Eanáir 7, 2015
Léiríonn figiúirí atá eisithe ag an Roinn Oideachais ó thuaidh le haghaidh 2012/13 go bhfuil líon na bpáistí scoile a bhfuiltear ag cur oideachais Ghaeilge orthu méadaithe faoi dhó le deich mbliana anuas.
Tá beagán faoi bhun 5,000 dalta i dTuaisceart Éireann ag fáil a gcuid oideachais trí mheán na Gaeilge anois, cé nach bhfuil ach 830 díobh sin á fháil i meánscoileanna.
In ainneoin nach bhfuil ach meánscoil lán-Ghaeilge amháin sna sé chontae – Coláiste Feirste i mBéal Feirste – tá deich gcinn de scoileanna eile sa stát ó thuaidh a bhfuil sruthanna Gaeilge iontu.
Chomh fada is a bhaineann le páistí óga, tá 28 bunscoil lán-Ghaeilge i dTuaisceart Éireann i láthair na huaire.
Tugtar le fios sna figiúirí i gcomhair 2012/13 gur cuireadh seirbhísí réamhscoile ar fáil i nGaeilge do 803 leanbh. Bhain 3,061 dalta leas as seirbhísí Gaeilge i mbunscoileanna agus 769 scoláire meánscoile.
Bhunaigh an tAire Oideachais grúpa comhairliúcháin anuraidh d’fhonn scagadh a dhéanamh ar a bhfuil i ndán don oideachas Gaeilge in iar-bhunscoileanna an stáit ó thuaidh. Rinne an grúpa 33 moladh an mhí seo caite de réir a gcuid staidéir.
Ag eascairt as an staidéar sin, mhol siad go ndéanfaí taighde ar an líon tuismitheoirí ar mhian leo a bpáistí a chur chuig meánscoileanna lán-Ghaeilge, agus go ndéanfaí cíoradh ar na feidireachtaí a bhainfeadh le soláthar oideachais trasteorann a chur ar fáil i gcontae Fhear Manach, mar aon le sparántachtaí a chur ar fáil i dtreo is go bhféadfaí oiliúint a chur ar mhúinteoirí chun líofacht a bhaint amach sa teanga.
Mhol an grúpa, leis, go gcuirfí pleanáil i bhfeidhm agus borradh earnáil na scolaíochta Gaeilge á bheartú. Bheadh tábhacht nach beag, a dúirt siad, leis na háiteanna ina lonnófaí meánscoileanna nua.
Ba ghá a chur in iúl agus a dheimhniú do thuismitheoirí go raibh dóthain múinteoirí ann a bhfuil Gaeilge acu, a dúirt baill an ghrúpa, go háirithe i gcomhair sainábhar amhail an eolaíocht, mar shampla.
Mheabhraigh an tAire Oideachais, John O’Dowd, don ghrúpa go bhfuil Feidhmeannacht Thuaisceart Éireann gann ar phinginí faoi láthair agus go gcaithfí cuimhneamh ar an méid sin agus scoileanna nua á mbeartú.
As na deich scoil a bhfuil aonaid Ghaeilge iontu, tá seacht gcinn acu ina mbunscoileanna agus trí cinn ina n-iar-bhunscoileanna.
De réir eolais atá curtha ar fáil ag an Roinn Oideachais, tá 60 folúntas i gColáiste Feirste agus 952 folúntas sna hocht mbunscoil is fiche.
Kevin Hickey www.tuairisc.ie
‘Cur i gcéill’ atá sa phleanáil teanga gan polasaí oideachais Gaeltachta
Eanáir 7, 2015
Seán Tadhg Ó Gairbhí
Dé Céadaoin, Eanáir 7 2015 ag 7:25 am
Sa bhfómhar anois a fheicfear polasaí na Roinne Oideachais do scoileanna Gaeltachta agus Gaelscoileanna, léiriú eile ‘ar chur i gcéill’ an Rialtais i leith na Gaeilge, dar leis an bhfreasúra
Tá sé tugtha le fios ag an Roinn Oideachais gur sa bhfómhar ar a luaithe a chuirfear a bpolasaí do scoileanna Gaeltachta agus Gaelscoileanna ar fáil, in ainneoin gur gealladh go bhfoilseofaí dréachtpholasaí Gaeltachta faoi lár na bliana seo caite.
Idir an dá linn, tá sé faighte amach ag Tuairisc.ie gur pléadh an gá le foilsiú gan mhoill an pholasaí oideachais Gaeltachta ag cruinnithe ardleibhéil de ghrúpa oibre a bunaíodh faoin Straitéis Fiche Bliain don Ghaeilge.
Cuireadh miontuairiscí na gcruinnithe seo ar fáil do Tuairisc.ie i ndiaidh dúinn iarratas a dhéanamh leis an Roinn Ealaíon, Oidhreachta agus Gaeltachta.
Léiríonn na miontuairiscí gur pléadh an gá le foilsíu an pholasaí chomh fada siar le hEanáir 2013 nuair a chuir Údarás na Gaeltachta in iúl don Roinn Oideachais go raibh práinn ag baint le foilsiú a bpolasaí agus tús á chur leis an bpróiseas pleanála teanga sa Ghaeltacht, próiseas ina bhfuil sé i gceist go mbeadh ról lárnach ag scoileanna Gaeltachta.
Ó shin i leith, tá tús curtha leis an bpróiseas pleanála teanga i gceantair Ghaeltachta éagsúla, ach gan aon radharc fós ar pholasaí oideachais Gaeltachta na Roinne.
Dúirt Iar-Aire na Gaeltachta Éamon Ó Cuív le Tuairisc.ie aréir “gur léiriú eile ar chur i gcéill an Rialtais” maidir leis an Straitéis Fiche Bliain don Ghaeilge a bhí sa scéal seo.
Dúirt an Teachta Dála ó Fhianna Fáil go raibh “ualach na pleanála teanga” leagtha ar phobal na Gaeltachta féin agus gur léir anois gur ar éigean go mbeadh “fiú leathpholasaí oideachais acu” faoin am go mbeadh tréimhse an Rialtais istigh.
Dar leis an Seanadóir Trevor Ó Clochartaigh, urlabhraí Gaeltachta Shinn Féin, go bhfuil an Roinn Oideachais ag “tarraingt na gcos” agus gur léir “nach tosaíocht acu ceist na Gaeilge ná na Gaeltachta”.
“Is minic a chuirtear an milleán ar ar mhúinteoirí agus scoileanna ach mura dtugtar treoir dóibh, céard is féidir leo a dhéanamh? Níl an Roinn ná an Rialtas dáiríre faoin scéal seo, níl éinne á thiomáint mar níl an oiread sin spéise ag an Aire ann,” a dúirt an Seanadóir Ó Clochartaigh.
Ag cruinniú den Ghrúpa Oibre idir Roinn na Gaeltachta, an Roinn Oideachais, COGG, Údarás na Gaeltachta agus Foras na Gaeilge ar an 23 Eanáir 2013, thug ionadaí an Údaráis le fios don Roinn Oideachais go raibh ‘gá’ le foilsiú an pholasaí Ghaeltachta “chomh luath agus is féidir”.
Ag an gcéad chruinniú eile ag an ngrúpa oibre ar an 10 Aibreán, thug an Roinn Oideachais le fios go mbeadh “an polasaí féin réidh faoi 2014”.
Ba go gairid ina dhiaidh sin, i mBealtaine 2013, a d’fhógair ardrúnaí na Roinne Oideachais, Seán Ó Foghlú, go poiblí go raibh cinneadh déanta ag an Roinn Oideachais “athbhreithniú a dhéanamh ar an soláthar oideachais trí Ghaeilge i scoileanna Gaeltachta le cúlraí teanga difriúla”.
Dúirt Ó Foghlú gurbh é cuspóir an athbhreithnithe “ná roghanna éagsúla a aithint maidir le hoideachas trí Ghaeilge a sholáthar a bheidh ag teacht le riachtanais na bpobal Gaeltachta agus le riachtanais phleanála na gceantar Gaeltachta de réir Acht na Gaeltachta 2012”.
Bhunófaí próiseas comhairliúcháin leis na “páirtithe leasmhara” agus bheadh an t-athbhreithniú déanta faoi lár 2014, a dúirt Ó Foghlú.
Thug an Roinn Oideachais le fios do Tuairisc.ie inné, áfach, gur i dtreo dheireadh an earraigh a chuirfear tús leis an bpróiseas comhairliúcháin faoina dréachtpholasaí Gaeltachta agus gur ina dhiaidh sin arís a fhoilseofar an leagan deireanach den pholasaí.
Shéan urlabhraí na Roinne go raibh aon mhoilleadóireacht ag baint le dréachtadh ná foilsiú an pholasaí.
Thug an t-urlabhraí le fios gur obair ‘chasta’ atá i gceist le hathbhreithniú na Roinne ar a bpolasaí Gaeltachta a dteastaíonn “am agus comhairliúchán chuige”.
Dúirt an t-urlabhraí go gcaithfí scagadh a dhéanamh ar pholasaithe náisiúnta agus idirnáisiúnta agus go raibh dréacht-tuairiscí éagsúla á n-ullmhú faoi láthair ag an Roinn.
Chuirfí críoch leis na tuairiscí sin sna míonanna amach romhainn agus d’fhoilseofaí iad i dteannta an dréachtpholasaí nuair a chuirfí tús leis an bpróiseas comhairliúcháin “i dtreo dheireadh an earraigh”.
www.tuairisc.ie
Government inaction leads to childcare revolt
Eanáir 6, 2015
Fianna Fáil Spokesperson on Children Robert Troy TD today announced he fully supports the national protest being planned by childcare professionals on February 17th. Deputy Troy said, “this protest is a result of the frustration felt due to the lack of investment and the total inaction by the Government in this area. This was very evident in the consultation evenings which I arranged with the sector around the country late last year.
Recent reports again highlighting the high cost of childcare together with a revolt by the sector are the result of Government inaction in this area. This was most recently evidenced in the Budget 2015 where Minister Reilly failed to deliver any increase in investment.”
Deputy Troy continued,”Fianna Fáil produced a budget submission which addressed the complexities of issues facing this crucial sector. The proposal entitled The Enabling Strategy put forward three central planks, ‘Enabling Children’ by investing in quality provision, providing equality of opportunity for children with special educational needs and protecting all children through legislation reform. Enabling Parents to improve the life chances of their children by accessing employment and availing of increased choices by making childcare more accessible and affordable.
Enabling the Workforce and Childcare Service Providers by extending eligibility for the Learner Fund, providing appropriate remuneration and working conditions and by activating a national commercial rates exemption clause for government funded early childhood services.
Hopefully this protest on 17th February will act as catalyst and the Government will take notice of the major issues facing this sector. The time for lip service is over. Minister Reilly needs to listen to what the sector are saying and ensure that necessary supports are put in place,” concluded Deputy Troy.
Folúntas: Cúntóir Riachtanas Speisialta i nGaelcholáiste Mhuire (A.G.), Corcaigh
Eanáir 6, 2015
Spriocdháta: 12ú Eanáir 2015
Sonraí ar www.educationposts.ie.
Folúntas: Múinteoir Ranga Príomhshrutha i Scoil Chrónáin, Baile Átha Cliath
Eanáir 6, 2015
Spriocdháta: 20ú Eanáir 2015
Sonraí ar www.educationposts.ie.
