Riachtanais an Ghaeloideachais le plé inniu i dTithe an Oireachtais
Deireadh Fómhair 7, 2015
Ainmneofar Cathaoirleach na Comhairle um Oideachas Gaeltachta agus Gaelscolaíochta (COGG) os comhair Chomhchoiste Oideachais an Oireachtais an tráthnóna chun ceisteanna a bhaineann leis an ngaeloideachas a phlé.
Cuirfidh Dónal Ó hAiniféin, Cathaoirelach ainmnithe COGG, tús leis an bplé nuair a leagfaidh sé amach na riachtanais atá roimh scoileanna Gaeilge agus Gaeltachta. Díreoidh sé chomh maith ar a bhfuil ar siúl chun dul i ngleic leis na riachtanais sin.
Dúirt Joanna Tuffy TD, Cathaoirleach an Chomhchoiste, go dtabharfadh an cruinniú le Cathaoirleach COGG deis do bhaill an choiste léargas a fháil ar na dúshláin éagsúla atá roimh scoileanna Gaeltachta agus Gaelscoileanna “ag am go bhfuil “athrú ag teacht i gcónaí” ar chúrsaí “deimeagrafacha agus teangeolaíochta”.
http://tuairisc.ie/riachtanais-an-ghaeloideachais-le-ple-inniu-i-dtithe-an-oireachtais-ar/
20 blian ag fás i nGaelscoil Chill Dara
Deireadh Fómhair 5, 2015
Campell míshásta le líon na bpáistí tosaithe i nGaelcholáiste Dhoire i mbliana
Deireadh Fómhair 5, 2015
Gregory Campbell míshsta nach bhfuil ach 14 páiste tosaithe i nGaelcholáiste Dhoire i mbliana. Scéal iomlán ar fáil ag an nasc thíos:
An Gaeilgeoir thú?
Deireadh Fómhair 1, 2015
Tá alt á scríobh ag Ailbhe Ní Riain faoi labhairt na Gaeilge. Má tá tú ag iarraidh cabhrú léí bí i dteagmháil ar an ríomhphost ag ailbheniriain@gmail.com, agus freagair na ceisteanna seo thíos:
– Cad í an cúis duit bheith ag caint as Gaeilge?
– Cathain an mbíonn tú ag labhairt as Gaeilge?
– Cá bhfeiceann sibh an Ghaeilge sa sochaí sa lá atá inniú?
Caith Vóta d’Aip Cúla 4 i nGradam Máithreachais & Naíonán Boots 2015
Meán Fómhair 30, 2015
Beidh vótáil ag teacht chun críche go luath don duais mhór ag Gradam máithreachais & naíonán Boots 2015 sa chatagóir an Aip is Fearr do Theaghlaigh/Leanaí.
Is féidir do vóta a chaitheamh d’Aip Cúla 4 ag an nasc thíos:
https://awards.maternityandinfant.ie/products/vote
Comórtas Gearrscéalaíochta do dhaoine óga faoi 25 bliain
Meán Fómhair 29, 2015
Eolas ar Chomórtas gearrscéalaíochta do dhaoine óga faoi 25 bliain d’aois atá á eagrú ag Conradh na Gaeilge, Co. na Gaillimhe sa cheangaltán.
Duaiseanna: €1000, 400 agus 250 euro.
Spriocdháta 18 Nollaig
Nuachtlitir nua na Roinne Ealaíon, Oidhreachta agus Gaeltachta maidir le forbairtí Gaeilge, Gaeltachta agus Oileán
Meán Fómhair 25, 2015
Tá an chéad eagrán de nuachtlitir na Roinne Ealaíon, Oidhreachta agus Gaeltachta maidir le forbairtí Gaeilge, Gaeltachta agus Oileán foislithe.
Is é cuspóir na nuachtlitreach léargas a thabhairt ar chlár oibre leanúnach na Roinne maidir le tacú le forbairt phobal na Gaeltachta, cothú agus cur chun cinn na Gaeilge agus feabhsú an chaighdeáin mhaireachtála ar na hoileáin.
Tá cóip den nuachtlitir ar fail ag an nasc thíos:
Nuachtlitir Gaeilge Gaeltacht agus Oileáin MF 2015
Seisiún eolais faoi dámhachtainí le Gaeilge ó Fulbright
Meán Fómhair 25, 2015
Beidh an seisiúin eolais á réachtáil in Oifigí Fhoras na Gaeilge i mBaile Átha Cliath ar an gCeadaoin 30 Meán Fómhair ag 4.30pm
Beidh cur i láthair trí Ghaeilge faoi na dámhachtainí agus an proiseas iarratais, beidh roinnt iarscoláirí Fulbright ag labhairt ar phainéal agus beidh an t-Aire Stáit do Ghnóthaí Gaeltachta, Joe McHugh TD ag labhairt faoin gclár agus faoin nGaeilge sna Stáit Aontaithe freisin.
Is deis iontach í seo do mhic léinn agus do scoláirí tuilleadh a fhoghlaim faoi na deiseanna atá ar fáil do dhaoine le Gaeilge leis na dámhachtainí Fulbright agus faoin nGaeilge sna Stáit Aontaithe inniu.
RSVP chuig lisa.nicanbhreithimh@fulbright.ie roimh 27 Meán Fómhair ar a dhéanaí.
http://www.fulbright.ie/irish-citizen-awards
Ealaín Sráide ag Paráid Fhéile Ealaíon Chathair na Mart
Meán Fómhair 25, 2015
Beidh failte roimh chách go Paráid Fhéile Ealaíon Chathair na Mart Dé Domhnaigh 4.10.15 le breathnú ar obair ealaíne sráide de chuid Stát Neamshpleách Sonais ag obair taobh le Buachail Mór Mhacnas is le páistí bhunscoileanna uile an cheantair.
Tuilleadh eolais maidir leis an imeacht ag an nasc thíos:
http://westportartsfestival.com/?portfolio=macnas-parade
Tá an Stát Neamshpleách Sonais ag obair chomh maith ar thionscadal ollmhór dátheangach Gàidhlig le píosaí ealaíne is dráma sráide a fhorbairt le thart 46 aisteoirí, damhsóirí is stiltealaíontóírí óga ó thrí chompántas ealaíne óige, le haghaidh Paráid Oíche Samhna a bheidh ar siúl ó 6pm, Dé hAoine,31ú Deireadh Fómhair i bPáislig, díreach 10 nóiméad sa charr ó Aerfort Ghlaschu na hAlban. Le cois iompróirí na lóchran atáthar ag cruthú freisin, beidh thart faoi 116 duine ag glacadh páirte sa pharáid seo agus ag obair go díreach lena n-ábhar, is 46 culaith éagsúla lámhdhéanta dá gcuid.
Amhráin Van Morrison aistirhte go Gaeilge d’fhéile IMRAM
Meán Fómhair 24, 2015
Beidh Liam Ó Maonlaí ag casadh amhráin ar nós “Damhsa na Gealaí” a d’aistrigh na filí Cathal Poirteir agus Gabriel Rosenstock d’fhéile IMRAM na bliana seo. Tá tuilleadh eolais ar fáil ag an nasc thíos:
