Ranganna Gaeilge do dhaoine fásta le Gaelchultúr
Meán Fómhair 17, 2012
Beidh Gaelchultúr ag cur tús lena ranganna Gaeilge oíche do dhaoine fásta an tseachtain seo chugainn (24–29 Meán Fómhair 2012) sna hionaid seo a leanas:
Baile Átha Cliath
Ceatharlach
Corcaigh
Luimneach
Beidh Ranganna Beo ar Líne acu den chéad uair an fómhar seo agus beidh siad ar fáil do dhaoine ar fud an domhain. Tabharfaidh Gaelchultúr mí saor in aisce ar a suíomh ríomhfhoghlama, ranganna.com, do gach duine a chuirfidh rang oíche in áirithe linn.
Chomh maith leis na cúrsaí thuas, beidh an Dianchúrsa Ullmhúcháin i gCruinneas na Gaeilge ag tosú Dé Sathairn, 22 Meán Fómhair, agus cuirfear tús leis an gcéad Chúrsa Gaeilge d’Iarratasóirí Hibernia eile idir 11–13 Deireadh Fómhair 2012.
Tuilleadh eolais: www.gaelchultur.com | eolas@gaelchultur.com | (01) 484 5220 | 1890 252 900
Féinmheastóireacht Scoile – Treoir ón Roinn Oideachais agus Scileanna don bhun agus iarbhunleibhéal
Meán Fómhair 14, 2012
- Féinmheastóireacht Scoile – Nuashonrú do bhunscoileanna
- Féinmheastireacht Scoile – Nuashonrú d’iarbhunscoileanna
Féach na naisc thíos d’acmhainní eile atá ar fáil anseo ar an suíomh:
- Eolas Ginearálta
- Tumoideachas
- Polasaithe Samplacha
- Foilseacháin GAELSCOILEANNA TEO.
- Staitisticí
- Feachtais
- Conarthaí Fostaíochta
- Reachtaíocht
- Ciorcláin
- Treoirlínte
Bandon Gaelscoil Opens
Meán Fómhair 12, 2012
#Gtuít: Tweetup do phobal na Gaeilge
Meán Fómhair 11, 2012
Tá fáilte roimh lucht na Gaeilge ar líne freastal ar an Gtuít, an chéad tweetup as Gaeilge sa Culture Box, 12 Sráid Essex Thoir i mBarra an Teampaill, Baile Átha Cliath, Déardaoin 27 Meán Fómhair ón 6.00-7.15. Ag an ócáid, pléifear na forbairtí is úire atá ag titim amach ar an idirlíon agus sna meáin dhigiteacha.
Is é príomhshuíomh eolais na Gaeilge, Gaelport.com atá i mbun na hócáide a eagrú. “Tá sé tráthúil go mbeidh an ócáid seo ar siúl”, dar le Niamh Ní Shúilleabháin Eagarthóir Gaelport.com, “tráth a bhfuil méadú mór ar an líon duine a bhíonn ag baint tairbhe as an nua-theicneolaíocht ar mhaithe le cumarsáid a dhéanamh agus is fíor sin i gcás na Gaeilge chomh maith”.
“Tá i gceist againn deis a thabhairt do Ghaeilgeoirí agus do dhaoine a bhfuil suim acu i gcúrsaí teicneolaíochta, gréasánú a dhéanamh lena chéile agus aithne phearsanta a chur ar na daoine a bhíonn ag tuíteáil as Gaeilge agus a bhíonn ag glacadh páirte sna líonraí sóisialta eile trí mheán na Gaeilge.
Tá an ócáid bunaithe ar mhúnla an tweetup agus is minic a bhuaileann leantóirí Twitter lena chéile ag na hócáidí seo. Meascán idir tweetup agus seisiún eolais atá i gceist agus beidh an ócáid seo oscailte do gach aon duine a bhíonn ag úsáid na láithreáin líonraithe shóisialta Twitter, Instagram, Pinterest, LinkedIn, Facebook, Google+ agus an láithreán líonraithe shóisialta Ghaeilge, Abair leat ina
measc.
“ Tá áthas orainn go mbeidh Mícheál Ó Foighil, duine de bhunaitheoirí Abair Leat i láthair ag an ócáid agus tabharfaidh sé cur síos ar fheachtas Choláiste Lurgan atá tar éis dul i bhfeidhm ar an aos óg ar líne ar YouTube agus ar na meáin shóisialta eile” a deir sí.
Chomh maith leis sin, tá beartaithe go mbeidh Fiachra Ó Marcaigh, stiúrthóir an chomhlachta comhairleoireachta idirlín Amas in ann tuar a thabhairt ar na forbairtí atá le titim amach i gcúrsaí teicneolaíochta sa bhliain atá amach romhainn.
“Táimid ag súil go gcuirfidh an #Gtuít tús leis an bplé agus go spreagfar forbróirí, blagadóirí eagraíochtaí Gaeilge agus daoine eile i dtreo tionscadail dhigiteacha úra eile a fhorbairt amach anseo a rachaidh chun tairbhe do chainteoirí Gaeilge agus d’fhoghlaimeoirí araon”, a deir Ní Shúilleabháin.
Beidh an #Gtuít ar siúl ó 6.00-7.15 sa Culture Box, 12 Sráid Essex Thoir, Barra an Teampaill, Déardaoin 27 Meán Fómhair. Beidh fáilte roimh chách. Moltar an haischlib #Gtuít a úsáid más mian le lucht an #Gtuít blagáil agus tweetáil beo a dhéanamh le linn na hócáide.
Is tionscadal digiteach de chuid Chomhdháil Náisiúnta na Gaeilge é Gaelport.com agus tá sé urraithe ag Foras na Gaeilge. Ba mhaith le Gaelport.com aitheantas a thabhairt don tacaíocht atá curtha ar fáil ag Taisce Chultúrtha Bharra Teampaill don ócáid.
Tuilleadh eolais ar fáil ó Niamh Ní Shúilleabháin: 01 679 4780/0879624868 niamh@gaelport.com
www.gaelport.com/guit
Gaelcholáiste moves one step closer
Meán Fómhair 10, 2012
Comhdháil Na Naíonraí Gaelacha
Meán Fómhair 7, 2012
Cathain: 5 & 6 Deireadh Fómhair 2012
Cá háit: Óstán Salthill, Bóthar na Trá, Gaillimh
Téama: Ár gCearta sa Naíonra
Tá an spriocdháta le clárú do Chomhdháil Na Naíonraí Gaelacha sínte go dtí an 10 M.F. 2012, mar sin ná dearmad clárú a dhéanamh anois mura bhfuil sé déanta agat cheana.
I mbliana, tá sé suas do na Stiúrthóirí a lóistín féin a chur in áirithe, mar sin bí cinnte go luann tú Comhdháil Na Naíonraí Gaelacha agus tú á dhéanamh leis an ráta speisialta a fháil.
Má tá foirm chlárúcháin sa bhreis ag teastáil, tá sí ar fáil le híoslódáil anseo. Tá gach eolas maidir le clár ama na comhdhála, sonraí teagmhála agus rátaí lóistín san óstán ar fáil inti.
Séasúr úr Chiorcal Comhrá Cois Teallaigh
Meán Fómhair 6, 2012
1 Deireadh Fómhair 2012 – 26 Samhain 2012
Agus an Fómhar linn rís arís linn beidh Comhdháil Náisiúnta na Gaeilge ag cur muintir an ardchathair ag labhairt agus ag comhrá le chéile trí mheán na Gaeilge gach tráthnóna Dé Luain ar feadh ocht seachtaine.
Cuirfear tús leis an séasúr nua den Chiorcal comhrá ar Luan, 01 Deireadh Fómhair 2012.
Seo deis iontach do dhaoine feabhas a chur a gcuid Gaeilge labhartha in atmaisféar neamhfhoirmeálta agus bualadh le cairde nua ag an am ceanna.
Ionad:
Cois Teallaigh (Íoslach Chomhdháil Náisiúnta na Gaeilge)
46 Sráid Chill Dara
Baile Átha Cliath 2
Am: 4:00 – 5.30in gach tráthnóna Dé Luain
Costas: €12 an duine ar tréimhse 8 seachtaine
Dátaí: 01 Deireadh Fómhair – 26 Samhain 2012
(Ní bheidh aon chiorcal comhrá ann an deireadh seachtaine saoire bainc i mí Deireadh Fómhair.
Míle fáilte roimh chách a bheith i láthair agus taitneamh a bhaint as an gcomhluadar agus cupán deas tae nó caife.
Má tá spéis agat a bheith in ár gcuideachta seol ríomhphost chuig Brígíd brighid@comhdhail.ie nó cláraigh d’ianm linn ag: 01 679 4780
Foilsithe ar Gaelport.com
Faomhadh á thabhairt ag an Aire Quinn d’athstruchtúrú mór ar an Soláthar do thúsoideachas múinteoirí
Meán Fómhair 5, 2012
Leis an gcomhoibriú nua tiocfaidh sé “Lárionad Oideachas Múinteoirí” chun cinn
Tá an tAire Oideachais agus Scileanna, Ruairi Quinn T.D. chun dul ar aghaidh le pleananna bunúsacha chun ollchóiriú a dhéanamh ar an soláthar do thúsoideachas múinteoirí.
Tá an tAire Quinn tar éis glacadh leis na moltaí atá leagtha amach i dtuarascáil a choimisiúnaigh an tÚdarás um Ardoideachas maidir leis na struchtúir i gcomhair oiliúint múinteoirí. Bá í ab aidhm leis an dtuarascáil, a bhí arna hiarraidh ag an Aire, ná struchtúir fhéideartha úra a shainaithint chun feabhas a chur ar oiliúint mhúinteoirí in Éirinn i dtreo is go mbeidh sé inchurtha leis an oiliúint is fearr ar domhan.
Is é an príomh-mholadh san athbhreithniú, é déanta ag painéal idirnáisiúnta saineolaithe ar an oideachas, ná go gcuirfí oideachas múinteoirí ar fáil i sé “lárionad oideachas múinteoirí”.
Faoi láthair tá 19 soláthróirí thúsoideachas múinteoirí ann atá á maoiniú ag an Stát (agus trí chinn nach bhfuil á maoiniú ag an Stát) agus iad ag tairiscint breis is 40 clár choláiste sa mhúinteoireacht bhunscoile agus iar-bhunscoile.
Tá athruithe á ndéanamh cheana féin ar inneachar agus fad oideachas múinteoirí, agus béim níos mó á cur ar litearthacht, uimhearthacht agus scileanna oideolaíocha.
Beidh fógra an lae inniu faoi na hathruithe struchtúrtha ina chomhlánú ar na leasuithe ar an gcuraclam a bhfuil cuntas tugtha orthu cheana ag an Aire Quinn, agus ina chabhair le hÉire a chur ar thús cadhnaíochta maidir le hoideachas múinteoirí.
“Tá sé faighte amach againn ón taighde gur ar chaighdeán na múinteoirí is mó a bhraitheann caighdeán an chóras oideachais againn,” adúirt an tAire Quinn. “Is é seo an fáth go bhfuilim ag cur dlús le hathruithe, ag leibhéal an struchtúir agus ag leibhéal an inneachair, ar oideachas múinteoirí.“
“Leis na saghsanna nua comhoibrithe atá molta ag an bpainéal idirnáisiúnta beidh líon níos lú lárionad do thúsoideachas múinteoirí ann, ach beidh siad ag tairiscint oideachais ar fud líon earnálacha, oideachas luath-óige, bunoideachas, iar-bhunoideachas agus oideachas aosach.”
“Beidh mais chriticiúil ag na lárionaid oideachas múinteoirí seo chomh fada is a bhaineann le cumas chun taighde a dhéanamh, rud nach mbíonn amhlaidh i gcónaí in institiúidí níos lú ná sin. Leis na cumraíochtaí úra beidh boinn láidre taighde daingnithe i ngach aon lárionad.”
Tá sé molta sa tuarascáil faoi Struchtúr an tSoláthair do Thúsoideachas Múinteoirí in Éirinn a tháinig ón bpainéal idirnáisiúnta athbhreithnithe go mbeadh na cumraíochtaí seo a leanas ann:
Ollscoil Chathair Bhaile Átha Cliath – Coláiste Phádraig, Droim Conrach – Institiúid Oideachais Mater Dei
Coláiste na Tríonóide Baile Átha Cliath – Institiúid Oideachais Marino – Coláiste na hOllscoile Baile Átha Cliath – An Coláiste Náisiúnta Ealaíon agus Deartha
Ollscoil na hÉireann Má Nuad –Coláiste Froebel
Ollscoil Luimnigh – Coláiste Mhuire gan Smál – Institiúid Teicneolaíochta Luimnigh
Coláiste na hOllscoile, Corcaigh – Institiúid Teicneolaíochta Chorcaí
Ollscoil na hÉireann Gaillimh – Coláiste Naomh Angela Sligeach
Mhol an Painéal Athbhreithnithe chomh maith go mbeadh Coláiste Oideachais Eaglais na hÉireann i gcumas gabháil go hoiriúnach le ceann ar bith de na chéad trí chumraíocht úra.
Tá an t-athbhreithniú de réir na moltaí sa Straitéis Náisiúnta um Ardoideachas 2030, nó Tuarascáil Hunt, ina meastar gurb é an comhoibriú áitiúil, réigiúnach agus idirnáisiúnta atá mar eochair le forbairt an chóras ardoideachais. Beidh sé chomh maith ina chuid d’athbhreithniú níos leithne ar thírdhreach iomlán an ardoideachais atá faoi láthair idir lámha ag an Údarás um Ardoideachas.
Tá iarrtha ag an Aire Quinn ar an Údarás um Ardoideachas anois tuarascáil mhionsonraithe a chur faoina bhráid, roimh dheireadh na bliana, faoin gcaoi le moltaí an Phainéil a chur i bhfeidhm. Tabharfaidh sé tuairisc ansin don Chomh-aireacht agus moltaí níos foirmeálta inti, impleachtaí airgeadais ina measc.
“Tá Éire i gcónaí ag mealladh mac léinn den mhianach is fearr isteach i ngairm na múinteoireachta. Creidim go gcinnteoidh an t-athstruchtúrú ar oideachas múinteoirí atá á tosnú anois agam go bhfaighidh na mic léinn ard-ghnóthachtála seo oideachas a chuirfidh ar a gcumas bheith ina múinteoirí ar an gcaighdeán is airde,” adúirt an tAire Quinn mar fhocal scoir.
D’iarr an tAire Quinn ar an Údarás um Ardoideachas comhairle a chur air maidir le struchtúr an tsoláthair do thúsoideachas múinteoirí sa Stát níos luaithe i mbliana. I mí Aibreáin, cuireadh Painéal Idirnáisiúnta Athbhreithnithe ar bun chun na críche seo.
Ba iad baill an Phainéil ná An tOllamh Pasi Sahlberg (Cathaoirleach), Ard-Stiúrthóir CIMO (san Aireacht Oideachais), Helsinki, An Fhionlainn agus Ollamh Taca ag Ollscoil Helsinki agus Ollscoil Oulu, An tOllamh Pamela Munn, Ollamh Emeritus ag Ollscoil Dhún Éideann agus An tOllamh John Furlong, Iar-Stiúrthóir Ollscoil Oxford.
D’ordaigh na téarmaí tagartha don phainéal idirnáisiúnta “athbhreithniú a chur i gcrích ar struchtúr an tsoláthair do thúsoideachas múinteoirí, agus struchtúir fhéideartha úra a shainaithint a aithneoidh agus a dhíreoidh ar na réimsí laga sa chóras oideachas múinteoirí; cur leis na láidreachtaí atá sa chóras faoi láthair; agus straitéisí nuálacha a shamhlú i dtreo is go mbeidh Éire in ann réimeas oideachas múinteoirí a chur ar fáil a bheidh inchurtha leis an réimeas is fearr ar domhan.”
EDUCATION.IE
Lá Idirnáisiúnta Litearthachta Domhanda
Lúnasa 31, 2012
Léiríonn taighde gurb é léitheoireacht os ard an rud is tábhachtaí gur féidir le tuismitheoir nó oideoir a dhéanamh do pháiste maidir le forbairt agus rath acadúil. Tá dlúthchaidreamh idir litearthacht agus teanga – caithfidh bunús láidir teanga a bheith ag páiste le bheith ina léitheoir maith, agus ar an gcuma chéanna, forbróidh léitheoireacht forbairt teanga an pháiste.
Lá Idirnáisiúnta Litearthachta Domhanda atá ann Dé Sathairn, 8 Meán Fómhair. Molann muid an lá seo a úsáid le ham a chaitheamh ag léamh le do pháiste agus ag baint sult as an ngníomh agus as forbairt stór foclaíochta an pháiste ag an am céanna.
*Mar chuid den ‘Straitéis Náisiúnta chun an Litearthacht agus an Uimhearthacht a Fheabhsú i measc Leanaí agus Daoine Óga 2011-2020’, tá leabhar saor in aisce, Ruairí agus Úna, á thabhairt ag FNT do gach páiste sa tír atá ag freastal ar Naíonra. Má tá an leabhar faighte ag do pháiste, seo deis iontach len é a léamh leis!
Tuilleadh eolais faoin lá ar fáil ar www.unesco.org.
Foinse: Forbairt Naíonraí Teo.
Bí mar chuid don tionscadal náisiúnta: Our Life in One Day
Lúnasa 31, 2012
Tá RTÉ agus Macalla Teoranta ag iarraidh orthu siúd faoi 18 dul i bpáirt leo chun clár faisnéise neamhghnách a dhéanamh.
Ar an Máirt an 25 Meán Fómhair déanfaidh na céadta daoine óga ó gach cearn d’Éirinn taifeadadh físe thart ar dhá nóiméad a chur isteach chugainn de rud a rinne siad, a chonaic siad, a bhraith siad nó a rith leo an lá sin.
Níl teora leis: coinne fiaclóra, obair bhaile á críochnú ar an mbus, bearradh gruaige, amhrán, bó á crú ag breacadh an lae, ag teacht ar ghráinneog sa gháirdín, teacht le chéile teaghlaigh, cnónna capall á mbailiú ar an tslí abhaile ón scoil, físeán mearscaipthe nó seisiún Facebook.
Maidir le rudaí teicniúla, is féidir na físeáin a thaifeadadh ar ghuthán cliste, ar i-phone, ar cheamara físe, pé rud. Is féidir le héinne ar leis gléas taifeadta bheith páirteach sa chlár faisnéise uathúil seo a chraolfar níos moille sa bhliain ar RTÉ.
Beidh tuilleadh eolais faoin dtionscadal seo ar fáil go luath ar www.rte.ie/trte/ourlife.html nó is féidir leat teangmháil a dhéanamh le Macalla Teoranta (01) 6703880, (01) 670 4012 nó (01) 670 4895 nó trí r-phost ourlifeinoneday@gmail.com.