Oideas Gael
Eanáir 21, 2013
Tá suíomh idirlín úr Oideas Gael www.oideasgael.ie ar fáil anois agus sonraí na gcúrsaí uilig air, cúrsaí d’fhoghlaimeoirí fásta Gaeilge, laetha saoire cultúrtha agus cúrsaí do mhúinteoirí.
Ranganna Gaeilge i nDún Uladh, An Ómaigh
Eanáir 21, 2013
Rang Feabhsaitheora: Dé Máirt 7pm-8.30pm. Ag toiseacht Dé Máirt 22ú Eanáir.
Bunrang: Dé hAoine 10am-11.30am. Ag toiseacht Dé hAoine 25ú Eanáir.
Reáchtálfar Ciorcal Comhrá ó 11.30am-1pm díreach i ndiadh an ranga ar an Aoine. Cuirfear tae, caife agus soláistí ar fáil saor in aisce. Deis iontach a bheidh sa chiorcal comhrá do chuid Gaeilge a chleachtach i suíomh compórdach. Fáilte roimh chách.
Gabh i dteagmháil le Sinéad i nDún Uladh le haghaidh tuilleadh eolais: sinead@dunuladh.ie 028 822 42777
Foilsithe ar Gaelport.com
Ranganna Gaeilge i Londain
Eanáir 21, 2013
Beidh ranganna Gaeilge do dhaoine fásta á reáchtáil ag Ionad na nÉireannach i mBaile Camden, Londain in 2013.
Beidh leibhéil éagsúla á n-ofráil a bheidh feiliúnach do gach duine ag bráth ar a gcumas Gaeilge:
- Bunranganna
- Meánranganna
- Ardranganna
Cuirfear tús leis na ranganna i mí Feabhra 2013 agus tá costas £80 ar ocht seachtaine. Is féidir rang a chur in áirithe anseo.
Ionad:
The London Irish Centre
50 Camden Square
Londain NW1 9XB
Tuilleadh eolas:
Tel: 0207 916 2222
rphost: gaeilge@londonirishcentre.org
Suíomh gréasán: www.londonirishcentre.org
Foilsithe ar Gaelport.com
Gaelscoil vying to secure playground equipment through a Facebook competition
Eanáir 18, 2013
A few months ago, Gaelscoil Dara, Renmore, entered a Facebook competition run by the English company Wicksteed Playscapes, to win playground equipment to the value of £25,000.
After diligent efforts were made by parents of the students to share the link and encourage their online friends to vote for Gaelscoil Dara, 1,737 votes were secured which allows the school to progress to the next stage of the contest for which 10 schools have been shortlisted.
A panel of adjudicators will visit the schools later in the month to determine which is the one most deserving of the prize. Parents, teachers, and the student body will team up to prove their determination to win. The children must exhibit their passion through artistic media, why they believe their school should be selected to win.
Out of the 120 schools which entered from Ireland and the UK, Gaelscoil Dara earned one of the highest numbers of votes. After a 27 year wait, Gaelscoil Dara received funding to build a permanent, new, premises, which can be seen from the Dublin Road, opposite GMIT, including a playground, but nfortunately the funds ran out before its completion. Instead, you have an empty, fenced off, spacious play area void of playing equipment and full of the school’s wheelie bins.
The children would love to see the building completed with the equipment in the empty playground as there is no other playground within walking distance in the community. It would be especially advantageous to the children with special needs attending the school and those who still visit from Rosedale School beside where Gaelscoil Dara once used to be.
Michelle Kirby, school secretary of Gaelscoil Dara, and instigator of the school’s application to the competition, thanks all the people of Galway and their Facebook friends, who took time to vote for the very deserving potential winner.
www.advertiser.ie/galway
Gaelscoil nua do Chill Dara
Eanáir 17, 2013
Tá fáilte curtha ag an bhForas Pátrúnachta roimh an gcinneadh go n-osclófaí Gaelscoil i mBaile Chill DaraI MÍ Mean Fómhair seo chugainn.
D’fhógair an Roinn Oideachais tráth go raibh an baile ar cheann den 44 ceantar ina raibh suirbhéanna le déanamh ar thuismitheoirí maidir le pátrúnacht. Dúirt an Roinn an tseachtain seo go raibh sé le baint ón liosta toisc go raibh dóthain fianaise curtha faoina bhráid ag an bhForas Pátrúnachta go bhfuil éileamh ann don Ghaelscolaíocht.
Dúirt an tAire Oideachais, Ruairí Quinn, chomh maith go bhfuil bunscoil ag Educate Together i mBaile Chill Dara cheana féin.
“Tá ríméad orainn do mhuintir Chill Dara a,” arsa Ard-Rúnaí an Fhorais, Caoimhín Ó hEaghra. “Tá éileamh ollmhór do scoil lánGhaeilge sa cheantar rud atá léirithe sna liostaí feithimh a bhíonn ag na scoileanna lánGhaeilge eile sa cheantar.” “Tá an Foras Pátrúnachta buíoch don Roinn as freagra dearfach a thabhairt ar ár n-iarratas ar son Chill Dara.”
Beidh an scoil nua ar an seachtú bunscoil lánGhaeilge i gCill Dara. Tá na cinn eile lonnaithe i mBaile Átha Í, i gCill Droichid, i gCill Choca, sa Nás, i Léim an Bhradáin, i Maigh Nuad agus ar an gCurrach, gar don Droichead Nua.
www.gaelsceal.ie
Cúrsa Scannánaíochta do dhaltaí Iarbhunscoile
Eanáir 17, 2013
Is chun bunscileanna scannánaíochta a thabhairt do dhaltaí iarbhunscoile an cúrsa seo. Foghlaimeoidh siad cén chaoi scannán a chur le chéile, ó phleanáil agus eagrú go húsáid trealaimh agus eagarthóireacht. Beidh deis acu gearrscannán a phleanáil, a dhéanamh agus a chur in eagar iad féin. Beidh cóip dá saothar acu ar DVD ag deireadh an chúrsa.
Ábhar an chúrsa:
- scríobh scripte
- cruthú clárscéil
- eagrú foirne & suíomh
- úsáid ceamara
- cumadh seatanna
- úsáid solais
- taifeadeadh fuaime
- eagarthóireacht
Suíomh an Chúrsa: Ionad Gael Linn, Eachléim, [An Fód Dubh], Co. Mhaigh Eo.
Fad an Chúrsa: Tráthnóna Domhnaigh go tráthnóna Aoine
Uaslíon: 20 dalta
Táille: Clúdaíonn an táille de €200 an dalta, teagasc, lóistín & béilí. Níl taisteal san áireamh
Eolas: Fergus Mac Suibhne ag 086.8843489 nó fergus@gael-linn.ie.
Foilsithe ar Gaelport.com
Cúrsa Cumarsáide do dhaltaí Idirbhliana
Eanáir 17, 2013
Is é atá i gceist ná bhunscileanna cumarsáide a mhúineadh do dhaltaí idirbhliana.
Tabharfaidh an cúrsa seo blas de na meáin scríofa, raidió agus teilifíse. Is deis í seo do dhaltaí tuiscint a fháil ar mhodhanna éagsúla cumarsáide agus taithí a fháil ar láimhseáil trealaimh thiecniúil chun go mbeidh siad compórdach á n-úsáid. Cuirfidh siad clár raidió le chéile agus déanfar taifead air i stiúideo profaisiúnta. Anuas air sin, gheobhaidh siad blas de na bunscileanna atá riachtanach chun scannánú a dhéanamh.
Ábhar an Chúrsa
• Léiriú agus leagan amach clár raidió
• Ullmhú scripteanna
• Úsáid córais fuaime
• Teilgean gutha
• Agallóireacht
• Eagarthóireacht
Scileanna Scannánaíochta
Sa chuid seo den chúrsa déantar léiriú ar na bhunscileanna scannánaíochta.
• Ullmhú plean agus script scannánaíochta
• Úsáid cheamara
• Cumadh seatanna
• Úsáid solais
• Gluaiseacht agus líonadh frámaí
• Eagarthóireacht
Fad an chúrsa: Seachtain amháin – Luan go hAoine 9.30am go dtí 3.00pm
Uaslíon: 16 dalta ar gach cúrsa
Ionad: Gael Linn, 35 Sráid an Dáma, Baile Átha Cliath 2
Táille: €100 an duine
Breis eolais: Déan teagmháil le Gael Linn ar (01) 6751200 nó eolas@gael-linn.ie.
Foilsithe ar Gaelport.com
Cúrsa Ullmhúcháin don Bhéaltriail Ardteiste le Gael Linn
Eanáir 17, 2013
Tá Gael Linn ag tairiscint ranganna ullmhúcháin don bhéaltriail.
Clúdófar raon de thopaicí agus cuirfear nótaí ar fáil bainteach le gach topaic. Tabharfar treoir ar conas tabhairt faoin tsraith phictiúr agus déanfar cleachtadh ar na dánta. Glacfaidh gach dalta páirt i seisiúin cheisteanna agus freagraí agus cuirfear scrúdú cainte Gaeilge ar gach dalta.
Is iad seo a leanas na dátaí ar a mbeidh na cúrsaí lae ar siúl i 2013:
• 23 Márta
• 30 Márta
• 06 Aibreán
• 13 Aibreán
Ionad: Gael Linn, 35 Sráid an Dáma, Baile Átha Cliath 2
Am: 9.30am – 2.00pm
Táille: €80
Breis eolais ó Gael Linn Fón: (01) 6751200, r-phost: eolas@gael-linn.ie nó www.gael-linn.ie.
Foilsithe ar Gaelport.com
Aimsigh an cúrsa Gaeilge is fearr duitse le Gaelport.com
Eanáir 15, 2013
Tá tús curtha le bliain úr agus is iondúil go mbíonn sé mar rún Cinn Bhliana ag daoine barr feabhais a chur ar a gcuid Gaeilge nó an teanga a fhoghlaim ó bhonn.
Tá ranganna éagsúla á gcur ar fáil ar fud na tíre atá in oiriúint do gach leibhéal cumais, ó ghlantosaitheoirí go cainteoirí líofa ar mhian leo cur lena gcruinneas scríofa.
I mBaile Átha Cliath, tá neart roghanna ann ó thaobh leibhéil agus suímh de. Tá ranganna seachtainiúla do dhaoine fásta á gcur ar fáil ag Gaelchultúr, Gael Linn agus Conradh na Gaeilge i lár na cathrach agus i gCluain Dolcáin, BÁC 22, tá ranganna Gaeilge labhartha á gcur ar fáil ag Áras Chrónáin.
Ní bhíonn ranganna Chonradh na Gaeilge i gcathair Bhaile Átha Cliath amháin, tá cúrsaí ar gach leibhéal ar fáil i gcathair na Gaillimhe, Co. Mhaigh Eo, Co. Chill Dara, Luimneach, An Clár agus i Learpholl, Sasana, agus iad ag tosú idir 22 agus 24 Eanáir 2013. Bíonn ranganna Ghaelchultúir scaipthe ar fud na tíre chomh maith.
Chomh maith leis na ranganna Gaeilge do dhaoine fásta, cuireann Conradh na Gaeilge cúrsa ullmhúcháin don Bhéaltriail ar fáil do dhaltaí Ardteiste. Tugann an cúrsa seo treoir agus comhairle faoin mbealach is éifeachtaí cur síos a dhéanamh agus ceisteanna a fhreagairt ar an tsraith pictiúr atá mar chuid den scrúdú cainte. Beidh tús á chur leis na ranganna ar 15 Eanáir 2013 agus leanfaidh an téarma ar feadh 10 seachtaine.
Dóibh siúd ar mhian leo snas a chur ar a gcuid Gaeilge don agallamh le haghaidh Ard-Dioplóma Ealaíon sa Bhunoideachas i gColáiste Hibernia, tá cúrsa ullmhúcháin á chur ar fáil ag Gaelchultúr. Cuirtear béim ar scileanna labhartha agus éisteachta agus déanfar an ghramadach a mhúineadh i gcomhthéacs, de réir mar a bheidh sí ag teastáil. Leanann an cúrsa ar feadh 7 seachtaine.
Tá neart deiseanna foghlamtha agus labhartha á gcur ar fáil i mBéal Feirste don bhliain 2013 le ranganna in ionad ‘An Droichead’ i lár na cathrach agus le Cumann Cultúrtha Mhic Reachtain ar Bhóthar Aontroma. Chomh maith leis sin, tá rang Breatnaise á mhúineadh ag Máirín Hurndall, teagascóir le hOllscoil na Ríona agus Láithreoir le Raidió Fáilte, gach Déardaoin ag Cumann Chluain Ard, Sráid na Sceithe, Béal Feirste.
I ndeisceart na tíre, beidh Oidhreacht Chorca Dhuibhne ag reáchtáil Cúrsa i gCruinneas na Gaeilge i mí Feabhra 2013 in Iarthar Chiarraí dírithe ar mhúinteoirí, eagarthóirí nó duine ar bith a bhfuil suim aige/aici i gcruinneas na teanga scríofa agus i gcathair Chorcaí, tá Gael-Taca ag cur ranganna seachtainiúla ar fáil in ionad lárnach Ghael-Taca agus in ionaid éagsúla ar fud Chontae Chorcaí.
Tá na sonraí uile maidir leis na ranganna thuasluaite agus níos mó ar fáil ag www.gaelport.com/cursai. Más mian leat rang a chlárú linn sa bhunachar sonraí, is féidir é a dhéanamh saor in aisce trí ríomhphost a chur chuig eolas@gaelport.com.
Foilsithe ar Gaelport.com
Tuilleadh Suirbhéanna ar Phátrúnacht seolta ag an Aire Oideachais
Eanáir 15, 2013
Bhí dea-scéal ann do phobal Bhaile Chill Dara maidin inné le fógra an Aire Oideachais Ruairí Quinn TD go mbeidh gaelscoil úr le hoscailt sa cheantar i Meán Fómhair 2013.
D’fhógair an tAire go raibh an cinneadh déanta ag an Roinn ó chruthaigh An Foras Pátrúnachta go raibh éileamh ar an ngaelscolaíocht sa bhaile.
Dúirt Ard-Rúnaí An Foras Pátrúnachta, Caoimhín Ó hEaghra go raibh ríméad air gur ghlac an Roinn leis an éileamh áitiúil.
Inné, sheol an tAire Oideachais suirbhé níos forleithne maidir le pátrúnacht bunscoileanna.
Tabharfar an deis do thuismitheoirí i 38 ceantar ar fud na tíre páirt a ghlacadh sa phróiseas.
Is cosúil áfach go bhfuil an tAire den tuairim nach mbeidh scoileanna nua le hoscailt sna ceantair tuaithe atá luaite ach go mbeadh an deis ann labhairt leis na pátrúin atá ann maidir le pátrúnacht na mbunscoileanna a aistriú ón Eaglais Chaitliceach.
In ainneoin sin tá eagraíochtaí Gaeilge ag impí ar thuismitheoirí tacaíocht a thabhairt don ghaelscolaíocht sna suirbhéanna.
“Deis iontach é seo do thuismitheoirí ar mhaith leo oideachas lán-Ghaeilge a chur chun cinn ina gceantar. Is fiú dóibh an suirbhé a líonadh agus scoil lán-Ghaeilge faoi An Foras Pátrúnachta a roghnú”, a dúirt Caoimhín Ó hEaghra.
Is í seo an chéad chéim eile ó fógraíodh na torthaí a bhain le suirbhéanna píolótacha san Inbhear Mór, i gCaisleán an Bharraigh, i dTrá Mhór, i mBaile Átha Troim agus i bhFionnbhrú i mí na Nollag.
Bhí an tAire den tuairim gur chruthaigh na torthaí sin go raibh éileamh i measc tuismitheoirí i ngach ceann de na bailte sin ar rogha pátrúnachta níos mó.
Cuireadh i leith na Roinne áfach nach raibh na suirbhéanna sin ionadaíoch ar na ceantair sin ina n-iomlán toisc nár ghlac ach 1,788 tuismitheoir a raibh leanaí réamhscoile agus bunscoile acu páirt iontu.
Ag labhairt dó dúirt an tAire Ruairí Quinn go raibh ceachtanna foghlamtha ón gcéad suirbhé.
Dúirt se go raibh i gceist ag an Roinn an suirbhé a reáchtáil thar thréimhse níos faide agus go mbeadh sé fógartha ar bhonn níos leithne sna ceantair ina bhfuil na suirbhéanna ar bun.
Tá iarrtha aige ar thuismitheoirí ó na ceantair seo dul ar líne agus an suirbhé a líonadh roimh an Aoine, 08 Feabhra 2013. Is féidir an suirbhé a fháil ar suíomh na Roinne ag www.education.ie
Foilsithe ar Gaelport.com
