Molfar ag cruinniú Oireachtais inniu ‘go gcaithfí i dtraipisí’ an Straitéis 20 Bliain don Ghaeilge
Deireadh Fómhair 20, 2015
Molfar inniu do choiste Gaeilge an Oireachtais go gcaithfí i dtraipisí an Straitéis 20 Bliain don Ghaeilge agus go gcromfaí ar phlean teanga a cheapadh as an nua.
Is é an Seanadóir Trevor Ó Clochartaigh a dhéanfaidh an moladh sin ag cruinniú tráthnóna mar gheall ar an tuarascáil Ghaeltachta ina maítear ‘nach bhfuil an Ghaeltacht inmharthana más pobal urlabhra Gaeilge a shamhlaítear leis an nGaeltacht’.
Beidh ionadaí Ó Údarás na Gaeltachta i láthair tráthnóna ag an gcruinniú de choiste Gaeilge an Oireachtais chun fianaise a thabhairt mar gheall ar ar an Nuashonrú ar an Staidéar Cuimsitheach Teangeolaíochta ar Úsáid na Gaeilge sa Ghaeltacht, a d’fhoilsigh Údarás na Gaeltachta i ndeireadh mhí na Bealtaine.
Beidh ionadaithe ó Chonradh na Gaeilge, Tuismitheoirí na Gaeltachta agus Gaelscoileanna Teo. i láthair chomh maith ag an gcruinniú den fhochoiste Oireachtais.
Ní bheidh údair na tuarascála i láthair ag an gcruinniú, mar a bhí molta ag an Seanadóir Trevor Ó Clochartaigh, atá ag éileamh le fada go ndéanfadh an coiste Gaeilge plé ar thorthaí an Nuashonrú.
Thug Conchúr Ó Giollagáin, duine d’údair na tuarascála le fios ar maidin, nach bhfuair sé “scéal ar bith” faoin gcruinniú. “Thiocfainn agus labhróinn ag an ócáid dá bhfaighinn cuireadh a bheith i láthair,”a dúirt sé.
Tá sé i gceist ag an Seanadóir ó Shinn Féin, aird a tharraingt ag an gcruinniú ar an easpa dul chun cinn, dar leis, atá á dhéanamh maidir le feidhm a thabhairt don Straitéis 20 Bliain don Ghaeilge.
“Beidh mé ag tarraingt airde ar cheist na Straitéise. Faoi láthair níl ar siúl ach píosaí beaga den phlean a phiocadh anseo agus ansiúd. Tá sé in am an Straitéis 20 Bliain a chaitheamh i dtraipisí agus tosú as an nua. Is léir go bhfuil géarchéim teanga ann agus tá plean níos radacaí ag teastáil,” a dúirt an Seanadóir Ó Clochartaigh le Tuairisc.ie.
Cé go dtagann Iar-Aire na Gaeltachta Éamon Ó Cuív le dearcadh Uí Chlochartaigh maidir leis an easpa dul chun cinn atá á dhéanamh maidir le feidhm a thabhairt don Straitéis, feictear don Teachta Dála nach mbeadh aon chiall leis an bplean a chaitheamh i dtraipisí.
“An fhadhb atá ann ná go bhfuil an Straitéis anois cosúil leis an gcreideamh Criostaí agus an Roinn ag roghnú rudaí beaga as de réir mar a oireann dóibh. Bhí sé i gceist i gcónaí go gcuirfí an rud ar fad i bhfeidhm mar thuig muid nach mbeadh aon mhaitheas ann mura gcuirfí an rud ar fad i bhfeidhm.
“Ach ní hé leigheas an scéil fáil réidh léi. Ba chóir í a chur i bhfeidhm agus ansin rudaí breise a chur ann de réir a chéile agus de réir mar is gá. Dá bhfaighfí réidh léi bheadh trí nó ceithre bliana curtha amú agus bheadh mórán an rud céanna sa deireadh agat,” a dúirt Éamon Ó Cúiv.
www.tuairisc.ie
Leabhair Ghaeilge ó The O’Brien Press
Deireadh Fómhair 20, 2015
Sraith leabhar do léitheoirí óga atá maisithe go hálainn. Bealach fíorspreagúil í an tsraith seo leis an nGaeilge a shaothrú sa seomra ranga. Áis iontach í freisin do thuismitheoirí ar mhaith leo léamh na Gaeilge a chur chun cinn sa bhaile. Breathnaigh ar an gcatalóg anseo
Folúntas: Gaelcholáiste Reachrann, Baile Átha Cliath
Deireadh Fómhair 19, 2015
Tá ionadaí do shaoire mháithreachais de dhíth i nGaelcholáiste Reachrann. Tuilleadh sonraí ag an nasc thíos:
http://educationposts.ie/adverts/second_level/employee/16504/
Sraith nua drámaíochta ar Meon Eile – ‘Idir Mise Agus Tusa’
Deireadh Fómhair 19, 2015
Tá tús á chur inniu le sraith nua drámaíochta ar Meon Eile, ‘Idir Mise Agus Tusa’. As seo go dtí an Nollaig beidh deich n-agallamh beirte le feiceáil ar an suíomh agus daoine óga as gach cearn de Chúige Uladh páirteach iontu.
Seo nasc leis an chéad ceann atá foilsithe inniu fá phóitín a smuigleáil isteach sa flaithis! http://www.meoneile.ie/ailt/idir-mise-agus-tusa-agallamh-beirte-uladh
DÁTA | AGALLAMH BEIRTE | PÁISTE 1 & SCOIL | PÁISTE 2 & SCOIL | CONTAE |
15/10 | An Peacach Glic
le Ray Mac Mánais |
Rónán Mac Eamharcaigh
Scoil Oilibhéir Pluincéid, Rann na Feirste |
Cathal Ó Cathasaigh
Scoil Oilibhéir Pluincéid, Rann na Feirste |
DnaG |
22/10 | Thuaigh vs Theas
le Pádraig Mac Suibhne |
Eimear Drain
Bunscoil Phobal Feirste |
Siún McSherry
Bunscoil Phobal Feirste |
Aontroim |
29/10 | Oíche Shamhna
le Antaine Ó Donnaile |
Sadhbh Ní Dhonnaile
Bunscoil Ard Mhacha |
Lughaidh Ó Donnaile
Bunscoil Ard Mhacha |
Ard Mhacha |
5/11 | Súgradh Istigh, Súgradh Amuigh
le Séamas Mac Annaidh |
Kirsten Roberts
Bunscoil Naomh Phádraig, Dún Phádraig |
Emmet Johnston
Bunscoil Naomh Phádraig, Dún Phádraig |
An Dún |
12/11 | Páistí ag Rialú an Domhain
le Antaine Ó Donnaile |
Sadhbh Ní Dhonnaile
Bunscoil Ard Mhacha |
Caoimhe Farnan
Bunscoil Ard Mhacha |
Ard Mhacha |
19/11 | Connallach vs Machach
le Antaine Ó Donnaile |
Emma Ní Ghallachóir
Scoil Oilibhéir Pluincéid, Rann na Feirste |
Lughaidh Ó Donnaile
Bunscoil Ard Mhacha |
DnaG
Ard Mhacha |
26/11 | Saol an Mhadaidh Bháin le Méabh Fields | Cadhla McCabe
Bunscoil Eoin Baiste Port an Dúnáin |
Aoife Ní Ágáin – Fontes
Bunscoil Eoin Baiste Port an Dúnáin |
Ard Mhacha |
3/12 | An Bhean Fháistine
le Ray Mac Mánais |
Aoife Murray
Bunscoil Phobal Feirste |
Caolán Johnston
Bunscoil Phobal Feirste |
Aontroim |
10/12 | Iomanaíocht na hIomána le Eithne Ni Ghallchobhair | Lucy Marie Cadden
Bunscoil an Traonaigh, Fear Manach |
Alyssa Ní Shúilleabháin
Scoil Oilibhéir Pluincéid, Rann na Feirste |
Fear M.
DnaG |
17/12 | An Trampailín
le Eithne Ni Ghallchobhair |
Lily-Jo Ní Chonchuir
Bunscoil Naomh Phádraig, Dún Phádraig |
Darragh Coyle
Bunscoil Naomh Phádraig, Dún Phádraig |
An Dún |
24/12 | Mura dTaga Leat Dar Leo le Seán Mac Labhraí | Bláithín Drain
Bunscoil Phobal Feirste |
Dúana Coleman
Bunscoil Phobal Feirste |
Aontroim |
Moill fós ann ar fhorbairt Gaelscoil de hÍde
Deireadh Fómhair 19, 2015
Ta moill fós ar scoil nua do Ghaelscoil de hÍde i gCorcaigh. Scéal iomlán ag an nasc thíos:
Folúntas: Coláiste Cois Life, Baile Átha Cliath
Deireadh Fómhair 19, 2015
Tá Coláiste Cois Life i mBaile Átha Cliath ag lorg ionadaí do shaoire mháithreachais. Tuilleadh eolais ag an nasc thíos:
http://educationposts.ie/adverts/second_level/employee/16488/
Folúntas: Gaelscoil Átha Í, Cill Dara
Deireadh Fómhair 19, 2015
Tá Gaelscoil Átha Í ag lorg múinteoir tacaíochta foghlama. Tá tuilleadh sonraí ag an nasc thíos:
http://educationposts.ie/adverts/primary_level/employee/23848/
€91,000 an costas tosaithe ar Ghaelcholáiste Dhoire
Deireadh Fómhair 16, 2015
Scéal iomlán ag an nasc thíos:
Scoil Chonamara ag tabhairt faoi churiarracht dhomhanda i rás sealaíochta
Deireadh Fómhair 16, 2015
Ghlac daltaí ó Scoil Náisiúnta Cholm Cille, Ros a’ Mhíl, dúshlán mór le deireanas nuair a thug siad faoi churiarracht dhomhanda a bhaint amach i rás sealaíochta 5,000 méadar an fhaid is a bhí daltaí ó scoileanna eile timpeall na cruinne ag tabhairt faoin dúshlán céanna.
Ba é Sportshall, eagraíocht spóirt le haghaidh scoileanna i Sasana, a d’eagraigh an ócáid.
“Ba muide an t-aon bhunscoil in Éirinn a ghlac páirt ann, go bhfios dúinn, agus bhain muid an-taitneamh go deo as,” a dúirt Síle Nic Con Iomaire, príomhoide na scoile.
“Shocraigh muid i mbliana cur le haclaíocht sa scoil agus an múinteoir Mary Jennings i mbun traenála. Ghlac muid páirt i rásaí trastíre i Meán Fómhair agus tá sé i gceist ag Rang a cúig páirt a ghlacadh i rása 5k, a bheas ag Scoil Chuimsitheach Chiaráin ar an gCeathrú Rua níos deireanaí sa mí.”
Ba i ngrúpaí a bhí na gasúir agus rith chuile dhuine acu timpeall na páirce (200m) uilig.
Ba iad an grúpa gorm a tháinig sa gcéad áit agus an rás rite acu in imeacht 20 nóiméad agus 49 soicind. 20:59 an t-am a bhí ag an bhfoireann ghlas; 21:04 a bhí ag an bhfoireann bhuí agus 21:10 a bhí ag an bhfoireann dhearg.
“Tá muid fíorbhuíoch do Cliff Jennings,”a deir Síle, a thug cúnamh agus tacaíocht dúinn agus do na cuiditheoirí a bhí ann ar an lá.
“Cé nár éirigh linn aon churiarracht a bhaint amach, bhí na gasúir fíorshásta leo féin,” a dúirt sí.
Folúntas: Coláiste Ghobnatan, Co Chorcaí
Deireadh Fómhair 16, 2015
Tá Colaiste Ghobnatan i gCo Chorcaí ag lorg múinteoir. Tuilleadh sonraí ar fáil ag an nasc thíos:
http://educationposts.ie/adverts/second_level/employee/16478/