Post i nGaelcholáiste Oiriall, Muineachán
Deireadh Fómhair 16, 2015
Múinteoir Matamaitice (sóisearach) agus Eolaíochta (sóisearach)
Má tá suim agat, déan teagmháil leis an Phríomhoide, Brendan Ó Dufaigh ag 086 3815672
An Tionscnamh Teanga: 40 Bliain ar Aghaidh
Deireadh Fómhair 16, 2015
Clár Faisnéise ar Raidió na Life
Dé Satharn 24ú Deireadh Fómhar
Éist leis ar Raidió na Life ar 106.4FM nó ag www.raidionalife.ie
Craolfar clár faisnéise ‘An Tionscnamh Teanga: 40 Bliain ar Aghaidh’ ar Raidió na Life 106.4 FM Dé Satharn, 24ú Deireadh Fómhar ag 11.00 r.n. Díríonn sé isteach ar ghluaiseacht raidiceach a d’fhás sna 60aidí; gluaiseacht ón bpobal aníos a d’éiligh bunscoileanna trí Ghaeilge i ngalltachtaí BÁC. 40 bliain ó shin tháinig 7 scoil lán-ghaelach ar an saol sa chathair laistigh de 10 mbliain. Bunaíodh iad sna gceantracha uirbeacha in áiteanna go raibh borradh tagtha ar an daonra & i gceantracha lucht oibre nach raibh traidisiúin Gaeilge ann. Roghnaigh Dubs & daoine a bhí bogtha ón tuatha; daoine le Gaeilge & gan Ghaeilge; daoine le tuairimí láidre polaitiúla & iad siúd nach raibh, dul sa tseans & oideachas trí ghaeilge a roghnú dá leanaí.
Labhrann na daoine seo le Jane Farley faoi na dúshláin a bhí rompu ag an am & na seifteanna a bhí riachtanach chun teacht timpeall ar chonstaicí ón Stáit & ón Eaglais. Bhí troid & achrann ann; cairdeas & polaitíocht; fadhbanna le séarachas & francaigh; An Poc ar Buile, Slógadh & Fame.
Is le cúnamh airgeadais ó scéim mhaoinithe chraoltóireachta Fuaim agus Fís Údarás Craolacháin na hÉireann agus le tacaíocht bhreise ó Fhoras na Gaeilge a rinneadh an léiriúchán seo.
Le haghaidh tuilleadh eolais faoin gclár déan teagmháil le:
Jane Farley, MACALLA TEO – Léiritheoir agus Láithreoir ‘An Tionscnamh Teanga: 40 Bliain ar Aghaidh’ ag 01 6703880 / 087 3185216 nó macallateo@gmail.com
€1,500 le sábháil ag tuistí i gcostais cúraim leanaí
Deireadh Fómhair 14, 2015
Pleananna caiteachais oideachais ó Bhuiséad 2015
Deireadh Fómhair 14, 2015
Scéal iomlán ag an nasc thíos:
Folúntas: Gaelscoil Eiscir Riada, Baile Átha Cliath
Deireadh Fómhair 14, 2015
Tá Gaelscoil Eiscir Riada ag lorg ionadaí do mhúinteoir tacaíochta ar shaoire máithreachas. Tá tuilleadh sonraí ar fáil thíos:
http://educationposts.ie/adverts/primary_level/employee/23820/
Príomhoide
Deireadh Fómhair 14, 2015
Tá Bunscoil Phobal Feirste ag iarraidh príomhoide a cheapadh a léiríonn go soiléir, ag staid an iarratais agus ag staid an agallaimh araon, fís ghlinn don scoil, a bhfuil ardscileanna labhartha agus scríofa i nGaeilge aici/aige agus a chuireann agus a fhorbraíonn an t-éiteas Gaelscolaíochta agus a éascaíonn atmaisféar ina n-aithnítear fiúntas gach duine agus ina gcuirtear misneach i ngach duine.
Critéir Riachtanacha:
- Bunchéim agus cáilíocht aitheanta teagaisc agus bheith cláraithe le GTCNI faoi dháta an cheapacháin
- 8 mbliana ag obair i nGaelscoil nó in earnáil ábhartha chuí le 11 bhliain anuas
- 2 phointe bainisteoireachta le 3 bliana ar a laghad
- Taithí inléirithe i mbainisteoireacht daoine agus acmhainní
- Ardscileanna cumarsáide sa Ghaeilge
Critéir Inmhianaithe:
- PQH nó cúrsa iarchéime ábhartha breise a bhronnann cáilíocht
- Bheith ina p(h)ríomhoide nó ina leas-phríomhoide
Chun foirm iarratais agus tuilleadh eolais a fháil gabh i dteagmháil le;
An Rúnaí, Bunscoil Phobal Feirste, 11 Páirc Rosgoill, Bóthar Seoighe, Béal Feirste BT11 9QS.
Guthán: 028 90301598 nó ledwards064@c2kni.net
Dáta druidte: 3.i.n. Dé Luain, 2ú Samhain 2015
Is fostóir comhionannais é Bunscoil Phobal Feirste
Folúntas: Scoil Santain, Baile Átha Cliath
Deireadh Fómhair 14, 2015
Tá múinteoir ranga de dhíth i Scoil Santain i mBaile Átha Cliath. Tá tuilleadh eolais ar fáil ag an nasc thíos:
http://educationposts.ie/adverts/primary_level/employee/23814/
Tá Tyrone Productions ag Lorg na mBunscoileanna Lán-Ghaeilge is Siamsúla in Éirinn
Deireadh Fómhair 13, 2015
An í do bhunscoil áitiúil an scoil is éirimiúla sa tír? An bhfuil na daltaí, tuismitheoirí, múinteoirí agus an fhoireann cliste críonna? Ar bhreá leat deis dul ag obair le réalta móra na Gaeltacha Seo Linn?
Tá muid ag lorg na mbunscoileanna lán-Ghaeilge is siamsúla agus éirimiúla in Éirinn chun páirt a ghlacadh i sraith teaghlaigh nua agus spleodrach le haghaidh TG4.
Tá muid ag iarraidh go bhfeicfidh an lucht féachana cé chomh suáilceach agus cumasach atá do chuid daltaí, chomh maith le ceiliúradh a dhéanamh ar obair chrua foirne na scoile. Is deis iontach, faoi leith í seo taispeáint don tír cé chomh speisialta agus atá do scoil!
Cuirfidh muid an tallann is fearr i láthair – mar sin, má tá teaghlach iontach ceolmhar, banna scoile den scoth, scil aisteach nó ar leith, píosa grinn, taispeántas spóirt suntasach, filíocht fonnmhar nó cleas draíochta dochreidte ag tárlú i do scoilse, tá muid ag iarraidh cloisteáil uait.
Gheobhaidh na scoileanna a roghnófar an deis dul ag obair le mórcheoltóirí na Gaeilge, Seo Linn, a bhfuil fíor-ghaisce déanta acu ar YouTube lena gcuid físeáin ceoil spreagúla Coláiste Lurgan. Le cabhair ó Seo Linn, ullmhóidh na scoileanna léiriúcháin ceoil den chéad scoth, as amhrán reatha aistrithe go Gaeilge, agus beidh sé seo mar bhuaicphointe de gach clár.
Mar sin, má theastaíonn uaidh do scoilse clú agus cáil a bhaint amach, tapaigh do dheis!
Níl ort ach ríomhphost a sheoladh chuig scoileanna@tyrone-productions.ie le haghaidh na sonraí ar fad agus foirm iarratais.
Seol isteach do iarratas chomh luath agus is féidir – Is é an Spriocdáta le haghaidh iarratais ná 30ú Deiridh Fómhair, 2015.
An ‘Nuashonrú’ ar staid na Gaeilge sa Ghaeltacht le plé i dTithe an Oireachtais
Deireadh Fómhair 13, 2015
Tá plé le déanamh i dTithe an Oireachtais an tseachtain seo chugainn ar an tuarascáil Ghaeltachta ina maítear ‘nach bhfuil an Ghaeltacht inmharthana más pobal urlabhra Gaeilge a shamhlaítear leis an nGaeltacht’.
Seachtain ón lá amárach, Dé Máirt, an 20 Deireadh Fómhair, tionólfar cruinniú den fhochoiste Oireachtais a fhéachann i ndiaidh cúrsaí Gaeilge chun plé a dhéanamh ar an Nuashonú ar an Staidéar Cuimsitheach Teangeolaíocht ar Úsáid na Gaeilge sa Ghaeltacht, a d’fhoilsigh Údarás na Gaeltachta i ndeireadh an Bealtaine.
Chuir an Seanadóir Trevor Ó Clochartaigh fáilte roimh an scéal go raibh cruinniú beartaithe “sa deireadh” ag an bhFochoiste chun plé a dhéanamh ar ábhar na tuarascála.
Is ar an 9 Meitheamh a chuir an Seanadóir ó Shinn Féin a chéad iarratas ar chruinniú faoi bhráid an choiste a bhfuil cúram na Gaeilge agus na Gaeltachta air.
Dar leis an Seanadóir ó Shinn Féin gur deineadh “neamhaird iomlán” ar feadh i bhfad ar a iarratais ar chruinniú faoin “ngéarchéim teanga” sa Ghaeltacht.
Mhol an Seanadóir Ó Clochartaigh go dtabharfaí cuireadh d’Údarás na Gaeltachta, Conchúr Ó Giollagáin, duine d’údair na tuarascála, agus ionadaithe ó Chonradh na Gaeilge, Tuismitheoirí na Gaeltachta agus Gaelscoileanna le fianaise a thabhairt maidir leis an Nuashonrú.
www.tuairisc.ie
Folúntas: Naíonra Chill Mhantáin
Deireadh Fómhair 12, 2015
Tá Naíonra Chill Mhantáin ag lorg stiúrthóir páirt-aimseartha. Tuilleadh sonraí ar fáil ag an nasc thíos:
