Cúrsa Cumarsáide do dhaltaí Idirbhliana
Eanáir 17, 2013
Is é atá i gceist ná bhunscileanna cumarsáide a mhúineadh do dhaltaí idirbhliana.
Tabharfaidh an cúrsa seo blas de na meáin scríofa, raidió agus teilifíse. Is deis í seo do dhaltaí tuiscint a fháil ar mhodhanna éagsúla cumarsáide agus taithí a fháil ar láimhseáil trealaimh thiecniúil chun go mbeidh siad compórdach á n-úsáid. Cuirfidh siad clár raidió le chéile agus déanfar taifead air i stiúideo profaisiúnta. Anuas air sin, gheobhaidh siad blas de na bunscileanna atá riachtanach chun scannánú a dhéanamh.
Ábhar an Chúrsa
• Léiriú agus leagan amach clár raidió
• Ullmhú scripteanna
• Úsáid córais fuaime
• Teilgean gutha
• Agallóireacht
• Eagarthóireacht
Scileanna Scannánaíochta
Sa chuid seo den chúrsa déantar léiriú ar na bhunscileanna scannánaíochta.
• Ullmhú plean agus script scannánaíochta
• Úsáid cheamara
• Cumadh seatanna
• Úsáid solais
• Gluaiseacht agus líonadh frámaí
• Eagarthóireacht
Fad an chúrsa: Seachtain amháin – Luan go hAoine 9.30am go dtí 3.00pm
Uaslíon: 16 dalta ar gach cúrsa
Ionad: Gael Linn, 35 Sráid an Dáma, Baile Átha Cliath 2
Táille: €100 an duine
Breis eolais: Déan teagmháil le Gael Linn ar (01) 6751200 nó eolas@gael-linn.ie.
Foilsithe ar Gaelport.com
Cúrsa Ullmhúcháin don Bhéaltriail Ardteiste le Gael Linn
Eanáir 17, 2013
Tá Gael Linn ag tairiscint ranganna ullmhúcháin don bhéaltriail.
Clúdófar raon de thopaicí agus cuirfear nótaí ar fáil bainteach le gach topaic. Tabharfar treoir ar conas tabhairt faoin tsraith phictiúr agus déanfar cleachtadh ar na dánta. Glacfaidh gach dalta páirt i seisiúin cheisteanna agus freagraí agus cuirfear scrúdú cainte Gaeilge ar gach dalta.
Is iad seo a leanas na dátaí ar a mbeidh na cúrsaí lae ar siúl i 2013:
• 23 Márta
• 30 Márta
• 06 Aibreán
• 13 Aibreán
Ionad: Gael Linn, 35 Sráid an Dáma, Baile Átha Cliath 2
Am: 9.30am – 2.00pm
Táille: €80
Breis eolais ó Gael Linn Fón: (01) 6751200, r-phost: eolas@gael-linn.ie nó www.gael-linn.ie.
Foilsithe ar Gaelport.com
Aimsigh an cúrsa Gaeilge is fearr duitse le Gaelport.com
Eanáir 15, 2013
Tá tús curtha le bliain úr agus is iondúil go mbíonn sé mar rún Cinn Bhliana ag daoine barr feabhais a chur ar a gcuid Gaeilge nó an teanga a fhoghlaim ó bhonn.
Tá ranganna éagsúla á gcur ar fáil ar fud na tíre atá in oiriúint do gach leibhéal cumais, ó ghlantosaitheoirí go cainteoirí líofa ar mhian leo cur lena gcruinneas scríofa.
I mBaile Átha Cliath, tá neart roghanna ann ó thaobh leibhéil agus suímh de. Tá ranganna seachtainiúla do dhaoine fásta á gcur ar fáil ag Gaelchultúr, Gael Linn agus Conradh na Gaeilge i lár na cathrach agus i gCluain Dolcáin, BÁC 22, tá ranganna Gaeilge labhartha á gcur ar fáil ag Áras Chrónáin.
Ní bhíonn ranganna Chonradh na Gaeilge i gcathair Bhaile Átha Cliath amháin, tá cúrsaí ar gach leibhéal ar fáil i gcathair na Gaillimhe, Co. Mhaigh Eo, Co. Chill Dara, Luimneach, An Clár agus i Learpholl, Sasana, agus iad ag tosú idir 22 agus 24 Eanáir 2013. Bíonn ranganna Ghaelchultúir scaipthe ar fud na tíre chomh maith.
Chomh maith leis na ranganna Gaeilge do dhaoine fásta, cuireann Conradh na Gaeilge cúrsa ullmhúcháin don Bhéaltriail ar fáil do dhaltaí Ardteiste. Tugann an cúrsa seo treoir agus comhairle faoin mbealach is éifeachtaí cur síos a dhéanamh agus ceisteanna a fhreagairt ar an tsraith pictiúr atá mar chuid den scrúdú cainte. Beidh tús á chur leis na ranganna ar 15 Eanáir 2013 agus leanfaidh an téarma ar feadh 10 seachtaine.
Dóibh siúd ar mhian leo snas a chur ar a gcuid Gaeilge don agallamh le haghaidh Ard-Dioplóma Ealaíon sa Bhunoideachas i gColáiste Hibernia, tá cúrsa ullmhúcháin á chur ar fáil ag Gaelchultúr. Cuirtear béim ar scileanna labhartha agus éisteachta agus déanfar an ghramadach a mhúineadh i gcomhthéacs, de réir mar a bheidh sí ag teastáil. Leanann an cúrsa ar feadh 7 seachtaine.
Tá neart deiseanna foghlamtha agus labhartha á gcur ar fáil i mBéal Feirste don bhliain 2013 le ranganna in ionad ‘An Droichead’ i lár na cathrach agus le Cumann Cultúrtha Mhic Reachtain ar Bhóthar Aontroma. Chomh maith leis sin, tá rang Breatnaise á mhúineadh ag Máirín Hurndall, teagascóir le hOllscoil na Ríona agus Láithreoir le Raidió Fáilte, gach Déardaoin ag Cumann Chluain Ard, Sráid na Sceithe, Béal Feirste.
I ndeisceart na tíre, beidh Oidhreacht Chorca Dhuibhne ag reáchtáil Cúrsa i gCruinneas na Gaeilge i mí Feabhra 2013 in Iarthar Chiarraí dírithe ar mhúinteoirí, eagarthóirí nó duine ar bith a bhfuil suim aige/aici i gcruinneas na teanga scríofa agus i gcathair Chorcaí, tá Gael-Taca ag cur ranganna seachtainiúla ar fáil in ionad lárnach Ghael-Taca agus in ionaid éagsúla ar fud Chontae Chorcaí.
Tá na sonraí uile maidir leis na ranganna thuasluaite agus níos mó ar fáil ag www.gaelport.com/cursai. Más mian leat rang a chlárú linn sa bhunachar sonraí, is féidir é a dhéanamh saor in aisce trí ríomhphost a chur chuig eolas@gaelport.com.
Foilsithe ar Gaelport.com
Tuilleadh Suirbhéanna ar Phátrúnacht seolta ag an Aire Oideachais
Eanáir 15, 2013
Bhí dea-scéal ann do phobal Bhaile Chill Dara maidin inné le fógra an Aire Oideachais Ruairí Quinn TD go mbeidh gaelscoil úr le hoscailt sa cheantar i Meán Fómhair 2013.
D’fhógair an tAire go raibh an cinneadh déanta ag an Roinn ó chruthaigh An Foras Pátrúnachta go raibh éileamh ar an ngaelscolaíocht sa bhaile.
Dúirt Ard-Rúnaí An Foras Pátrúnachta, Caoimhín Ó hEaghra go raibh ríméad air gur ghlac an Roinn leis an éileamh áitiúil.
Inné, sheol an tAire Oideachais suirbhé níos forleithne maidir le pátrúnacht bunscoileanna.
Tabharfar an deis do thuismitheoirí i 38 ceantar ar fud na tíre páirt a ghlacadh sa phróiseas.
Is cosúil áfach go bhfuil an tAire den tuairim nach mbeidh scoileanna nua le hoscailt sna ceantair tuaithe atá luaite ach go mbeadh an deis ann labhairt leis na pátrúin atá ann maidir le pátrúnacht na mbunscoileanna a aistriú ón Eaglais Chaitliceach.
In ainneoin sin tá eagraíochtaí Gaeilge ag impí ar thuismitheoirí tacaíocht a thabhairt don ghaelscolaíocht sna suirbhéanna.
“Deis iontach é seo do thuismitheoirí ar mhaith leo oideachas lán-Ghaeilge a chur chun cinn ina gceantar. Is fiú dóibh an suirbhé a líonadh agus scoil lán-Ghaeilge faoi An Foras Pátrúnachta a roghnú”, a dúirt Caoimhín Ó hEaghra.
Is í seo an chéad chéim eile ó fógraíodh na torthaí a bhain le suirbhéanna píolótacha san Inbhear Mór, i gCaisleán an Bharraigh, i dTrá Mhór, i mBaile Átha Troim agus i bhFionnbhrú i mí na Nollag.
Bhí an tAire den tuairim gur chruthaigh na torthaí sin go raibh éileamh i measc tuismitheoirí i ngach ceann de na bailte sin ar rogha pátrúnachta níos mó.
Cuireadh i leith na Roinne áfach nach raibh na suirbhéanna sin ionadaíoch ar na ceantair sin ina n-iomlán toisc nár ghlac ach 1,788 tuismitheoir a raibh leanaí réamhscoile agus bunscoile acu páirt iontu.
Ag labhairt dó dúirt an tAire Ruairí Quinn go raibh ceachtanna foghlamtha ón gcéad suirbhé.
Dúirt se go raibh i gceist ag an Roinn an suirbhé a reáchtáil thar thréimhse níos faide agus go mbeadh sé fógartha ar bhonn níos leithne sna ceantair ina bhfuil na suirbhéanna ar bun.
Tá iarrtha aige ar thuismitheoirí ó na ceantair seo dul ar líne agus an suirbhé a líonadh roimh an Aoine, 08 Feabhra 2013. Is féidir an suirbhé a fháil ar suíomh na Roinne ag www.education.ie
Foilsithe ar Gaelport.com
Tóstal na Gaeilge 2013 le reáchtáil i mBÁC i mí Feabhra
Eanáir 15, 2013
“Beart de réir Briathair” an téama a bheidh ag Tóstal na Gaeilge 2013, a thionólfar i mBaile Átha Cliatha i lár na míosa seo chugainn.
San óstán Hilton, Plás Charlemont, Baile Átha Cliath 2, a bhaileoidh pobal Gaeilge na tíre agus cairde na Gaeilge lena chéile ar an 16 Feabhra 2013 chun plé a dhéanamh ar mhór nithe an lae i dtaobh na Gaeilge agus an tsochaí Gaelach. Tá clár cuimsitheach curtha le chéile ag lucht eagraithe an Tóstail, Comhdháil Náisiúnta na Gaeilge, don lá agus tosóidh an plé ar 09:30 agus leanfaidh sé go dtí 17:00.
Pléifear beartais an Rialtais i leith na Gaeilge ar maidin, agus díreoidh dhá phainéal éagsúil ar na beartais is déanaí atá curtha chun cinn ag an Rialtas faoi Acht na Gaeltachta 2012.
“Ag Tógáil Clainne Trí Ghaeilge” a bheidh mar theideal ar an gcéad seisiún plé, áit a bpléifear na deacrachtaí agus na dúshláin a bhaineann leis an seachadadh teanga ó ghlúin go glúin laistigh den teaghlach.
Faoi chathaoirleacht an iriseora Gormfhlaith Ní Thuairisg de chuid RTÉ Raidió na Gaeltachta a bheidh an seisiún sin, agus orthu siúd a bheidh ag roinnt a dtuairimí ar an lá beidh: Feargal Ó Cuilinn, Ceannasaí Comhluadar; Dr Briain Ó Curnáin, saineolaí ar chanúineolaíocht agus socheolaíocht na Gaeilge le hInstitiúid Ard-Léinn Bhaile Átha Cliath; Aoife Ní Shéagha, Léachtóir sa Phleanáil Teanga le OÉ, Gaillimh; agus Sorcha Ní Chéilleachair, Cathaoirleach Thuismitheoirí na Gaeltachta – Conamara.
“An Ghaeltacht in 2013” a bheidh faoi chaibidil sa dara seisiún faoi chathaoirleacht Rónán Mhic an Iomaire, Leascheannaire RTÉ Raidió na Gaeltachta. Spreagfar neart plé faoin ábhar seo leis na haoichainteoirí: Seosamh Mac Donncha, OÉ Gaillimh, Stiofán Ó Cualáin, Údarás na Gaeltachta; Treasa Ní Mhainín, Eagraíocht na Scoileanna Gaeltachta; mar aon le hionadaí ón Roinn Ealaíon Oidhreachta agus Gaeltachta.
Tar éis briseadh don lón reáchtálfar dhá sheisiún eile, áit a bpléifear “Tionchar Bheartais an Rialtais ar an nGaeilge” agus “Freagrachtaí na Stát i leith thodhchaí na teanga”. Beidh idir ionadaithe poiblí tofa agus ceannasaithe áisíneachtaí stáit i mbun díospóireachta, agus an plé sin faoi shúil ghéar Eimear Ní Chonaola, Nuacht TG4.
Fógrófar clár iomlán an Tóstail sna seachtainí beaga romhainn ar Gaelport.com agus beidh tuilleadh sonraí agus plé ar fáil ar na meáin shóisialta faoin haischlib #Tnag13.
€15 atá ar thicéad don Tóstal, agus cuirfear lón ar fáil. Is féidir ticéid a chur in áirithe trí theagmháil a dhéanamh le Máire Ní Phuirséil, Comhdháil Náisiúnta na Gaeilge, 01 6794780 nó maire@comhdhail.ie. Tá an tÓstán Hilton lonnaithe i lár chathair Bhaile Átha Cliath, le taobh stad Luas Plás Charlemont.
Foilsithe ar Gaelport.com
Camchuairt Sheimineár Buntáiste Breise na Gaeilge 2013
Eanáir 15, 2013
Mar chuid dá gcamchuairt 2013 tá Comhdháil Náisiúnta na Gaeilge ag eagrú seimineáir darb ainm ‘Buntáiste Breise na Gaeilge’ sna míonna amach romhainn.
Tá na seimineáir seo dírithe ar dhaltaí iar-bhunscoile sna ranganna sinsearacha i scoileanna ar fud na tíre. Le linn an tseimineáir pléitear na buntáistí breise a thugann an Ghaeilge duit agus tú ag dul i mbun do ghairme beatha.
Go dtí seo reáchtálamar seimineáir éagsúla ar fud na tíre. Tá na seimineáir á n-eagrú le breis is ceithre bliana agus go dtí seo bhí an-tóir orthu.
Rinne na seimineáir seo freastal ar 201 iar-bhunscoil agus suas le 6,453 dalta scoile timpeall na tíre go dtí seo.
Ar an gCéadaoin , 27 Feabhra 2013 beifear ag díriú ar dhaltaí scoile i Maigh Eo, Sligeach agus Ros Comáin nuair a bheidh an seimineár ag tabhairt cuairte ar Bhéal an Átha i gCo. Mhaigh Eo.
Ar an Déardaoin 28 Feabhra beidh an seimineár ag triall ar Thír Chonaill agus is in Óstán an Mount Errigal i Leitir Ceanainn a bheidh daltaí scoile as Tír Chonaill, Doire, Fear Manach agus Tír Eoghain ar an lá chun cluas le héisteacht a thabhairt do chainteoirí den scoth.
I measc na gcaointeoirí beidh an craoltóir Rónán Mac Aodha Bhuí ó RTÉ Raidió na Gaeltachta, Caitlín Uí Chlochláin atá ag obair mar Chomhordaitheoir Gaeilge le Comhairle Contae Dhún na nGall, an Peileadóir idirchontae Eamon Mac Aoidh mar aon le Dermot Mc Laughlin atá ina Stiúrthóir Tionscadail Ceathrú Cultúrtha 2013.
Bíonn cur i láthair na n-aoichainteoirí spreagúil, spleodrach, agus rachaidh taithí na gcainteoirí i bhfeidhm ar an lucht éisteachta, agus iad ag roghnú a ngairmeacha beatha féin amach anseo.
Mar chuid den seimineár cuirtear fáilte roimh cheisteanna ó na daltaí agus tugtar cuireadh do dhaltaí páirt a ghlacadh sa díospóireacht tar éis do na haoichainteoirí labhairt.
Beidh na seimineáir á reáchtáil sna réigiúin seo a leanas tar éis bhriseadh an tsamhraidh:
Cora Droma Rúisc, Co Liatroma – Dé Céadaoin, 16 Deireadh Fómhair 2013
Gaillimh – Déardaoin, 17 Deireadh Fómhair 2013
Silver Springs Moran Hotel, Cathair Chorcaí – Dé Céadaoin, 13 Samhain 2013
The Malton Hotel, Cill Airne, Co Chiarraí – Déardaoin, 14 Samhain 2013
Más spéis le do scoil páirt a ghlacadh sa seimineár, déan teagmháil go luath le Comhdháil Náisiúnta na Gaeilge: +353 (0)1 679 4780 / R: eolas@gaelport.com nó téigh chuig: www.gaelport.com/bbnag.
Foilsithe ar Gaelport.com
WHY BILINGUALISM? Two Languages Are Better Than One
Eanáir 15, 2013
Físeán maidir leis na buntáistí a bhaineann leis an dátheangachas: Why Bilingualism?
Leabhar gleoite do phaistí le buachan ó Gaelport.com
Eanáir 15, 2013
An tseachtain seo, beidh deis iontach ag duine dhá leabhar ghleoite do ghasúir a buachan, leabhair atá foilsithe ag Comharchumann Forbartha an Leith-Triúigh atá lonnaithe in iarthar Chiarraí.
Rugadh agus tógadh an t-údar Máiréad Mag Uidhir i Luimneach. Chaith sí a saol ag múineadh ina cathair dhúchais, ag teagasc leanaí le Riachtanais Speisialta i Scoil Naomh Iosaf i Lios na Groí ar dtús agus ina dhiaidh sin ar feadh tríocha bliain i Scoil Íde, Corrbhaile.
Is leabhar beag álainn do pháistí é ‘Sicín’. Tá scéal iontach ann faoi ghearrcaigh bheaga atá ar tí an nead a thréigean. Tá trí cinn de ghearrcaigh ann ar fad: Mattie, Jenny agus Tiny.
Tarlaíonn na heachtraí sa scéal ar an Lá Speisialta a bhfuil na héin bheaga chun dul ag eitilt agus an nead a fhágáil den chéad uair ina saol. Is é Tiny laoch an scéil. Ceapann gach aon duine nach bhfuil sé cróga go leor chun dul ag eitilt as a stuaim féin ach cuireann sé an dubh ina gheal orthu go léir!
Is laochscéal beag deas é seo do pháistí san aoisghrúpa 4 – 8. Is scéal simplí, greannmhar dea-scríofa é faoi conas is féidir snámh in aghaidh an tsrutha agus tá ceacht tábhachtach le foghlaim ann: is féidir le gach duine a bheith ina laoch sa saol má tá sé/sí cróga go leor.
Tá an leabhar maisithe go hálainn le léaráidí deasa, daite ag Mary agus Emma Gilleece. Bheadh an leabhar seo an-oiriúnach sa rang do pháistí bunscoile san aoisghrúpa 4 – 8.
Ceist na seachtaine seo:
Ainmnigh údar an leabhair ‘Sicín’?
• Éilís Ni Dhuibhne
• Anna Heussaff
• Ríona Ní Congáil
• Máiréad Mag Uidhir
Seol freagraí agus ainm do scoile chuig an seoladh ríomhphoist seo a leanas: duais@comhdhail.ie roimh mheán lae, 24 Eanáir 2013 agus bíodh na focail “Comórtas Gaelport” mar ábhar an ríomhphoist.
Táimid fíorbhuíoch de Chomharchumann Forbartha an Leith Triúigh Teoranta a bhronn an duais iontach seo orainn.
Comhghairdeas le Padaí Ó Mianáin as Doire a bhuaigh na dlúthdhioscaí in eagrán na Nollag.
Foilsithe ar Gaelport.com
Comhrá Gaeilge do mhicléinn i gCeatharlach
Eanáir 15, 2013
Eagróidh Glór Cheatharlach sraith nua den Chiorcal Comhrá Gaeilge Iarscoile do lucht na hardteistiméireachta an téarma seo.
Díreoidh an ciorcal ar mhicléinn atá ag lorg deiseanna breise chun Gaeilge a labhairt go neamhfhoirmiúil lasmuigh den seomra ranga. Cuirfidh scoláirí an-fháilte roimh gach deis chun feabhas a chur ar a gcuid Gaeilge go háirithe agus méadú mór go daichead fán gcéad de mharcanna iomlán an ábhair i scrúdú na hArdteistiméireachta ag dul don bhéaltriail.
Beidh an Ciorcal Comhrá ar siúl in Ionad Phobail New Oak, Ceatharlach gach Céadaoin tar éis scoile ó 4.30 go 5.30i.n. le tosú ar 23ú Eanair. Leanfaidh na seisiúin cainte seo ar aghaidh go dtí an Cháisc. An táille don téarma iomlán ná €20. Tá líon na rannpháirtithe teoranta agus ní foláir clárú go luath chun áit a chinntiú.
Chun clárú is féidir dul i dteagmháil le Glór Cheatharlach, Sráid an Choláiste, Ceatharlach ar eolas@glorcheatharlach.ie nó glaoch a chur ar 085 1340047 nó 059 9158105.
www.carlow-nationalist.ie
Campaign for small schools to continue
Eanáir 15, 2013
Education campaigners in Donegal say department policies continue to threaten small schools, particularly minority faith and language schools, and said their protests will continue this year.
“There has been widespread debate about the consequences of last year’s budget with regard to small schools, and the result of the pupil-teacher ratio cuts in these schools,” said Father John Joe Duffy, Ballybofey curate and campaigner for small schools.
Father Duffy said the results of last year’s measures will be felt over the coming years, and fully realised in 2016-2017. He said the decision by Education Minister, Ruairi Quinn, TD, to reverse cuts last year to urban schools in the Delivering Equality of Opportunity in Schools (Deis) scheme but not to reverse the cuts for rural Deis schools, “clearly demonstrate a government who do not seem to understand that rural Ireland is suffering from social, educational and financial disadvantage, and the legacy of deprivation in rural towns and villages”.
Small Donegal schools have been particularly hard hit by government proposals to increase the number of pupils a national school must enrol to maintain staffing levels. The new staffing scheme takes effect over three years, with required enrolment increasing each year.
The past year has been “one of anxiety and worry and stress about the future of our schools,” schools campaigner and Church of Ireland Rev. John Deane said. “We’re worried about the pupil-teacher ratio being increased. We’re worried about the capitation moneys we get from the government that are being cut as well, and those two put together are very worrying for us.”
Church of Ireland schools are at the heart of local community and parish life, but the distances between them would make amalgamation impossible, Rev. Deane said. He used the Wood School in Ardara as an example, noting that the nearest minority-faith school to the north is in Dunfanaghy; the nearest to the south is in Dunkineely.
“It’s guaranteed in our constitution that minorities will be protected and looked after, but to me that is not happening at the moment,” Rev. Deane said. He said minority-faith schools have received significant capital investments but said there are a number of schools “coming very, very near the cut-off point” in terms of enrolment.
Rev. Deane added that minority-faith schools have also received great support from the Catholic community, and also credited the work of Father Duffy. “Don’t get me wrong,” Rev. Deane said. “We have the best of community relations here but we would like to be able to hold on to our own ethos and culture that we have in our small schools.”
Rev. Deane and Father Duffy were among Donegal’s most prominent campaigners for small schools last year, working together to highlight the impact of department decisions on small rural schools. “The most damning indictment of the government’s policy of severe cuts in pupil-teacher ratios was the severe consequence this had on Protestant and linguistic-minority schools,” Father Duffy said. He said the cuts will continue to have a much more severe effect “on the very future and survival of the schools”.
Though Father Duffy said he accepted Minister Quinn had not intended to disproportionately affect those schools, he said, “His actions, in many cases, will result in the closure of Protestant and minority linguistic schools”.
Father Duffy said Budget 2013 missed an opportunity “to show that we are a truly pluralistic society, that we are a truly inclusive country and that we are a democracy in which there is a place for minorities. “I believe now is the time for this government to show all the people on the island of Ireland, north and south, that we give equal rights and equal opportunities to all our children in our country, where class, creed and language ought to be treated equally,” he said.
Father Duffy and Rev. Deane addressed a protest against education cuts held in March of 2012 that drew up to 2,500 people to Letterkenny. They said the campaign will continue this year. “We’re looking to reinvigorate the protest we had,” Rev. Deane said. He said they have lobbied Donegal’s Oireachtas members, though results have been disappointing. “We’ve been promised nothing and we’ve certainly got nothing, to be honest with you,” he said.
Father Duffy said he had also been disappointed by the lack of political engagement and leadership on the issue in Donegal and nationally. “The issues are very much alive and require political leadership in order to solve them,” he said. “Therefore our campaign continues.”
www.donegaldemocrat.ie
