Lá den scoth – Comórtas Tras-Tíre 2012
Márta 6, 2012
Ar an gCéadaoin, Feabhra 29ú 2012, chas na paistí le chéile i nDroichead na hInse ó Ghaelscoil Inse Chór, Gaelscoil Bharra, Gaelscoil Naomh Pádraig, Gaelscoil Lios na n-Óg agus Gaelscoil na Camóige. Ar lá breá bog, foirfe chun dul ag rith, chuaigh na páistí chuig an líne réidh don rás.
Is iad na cailíní faoi 10 a thosaigh ar chúrsa 400m, le hAoibh Nic an tSaoir (GSIC) a bhuaigh. B’iad Gaelscoil na Camóige a bhuaigh an comórtas foirne. Lean na buachaillí faoi 10 iad ar chúrsa 500m, le Warren Ó Curráin (GSIC) trasna an líne ar dtús agus a fhoireann taobh thiar mar an chéad fhoireann.
Sna rásaí sinsir, bhuaigh Caoimhe Ní Nualláin (GSIC) a rás 600m ar fhad, le Gaelscoil na Camóige an chéad fhoireann agus b’é Conchúr Ó Broin (Gaelscoil na Camóige) a bhuaigh rás na mbuachaillí thar chúrsa 800m lena fhoireann á leanúint don chéad áit sa chomórtas foirne.
Sár lá a bhí ann don Ghaeilge agus don lúthchleasaíocht le boinn roinnte idir na scoileanna ar fad. Bhí moladh ar leith faighte ón lúthchleasaí Seán Hehir, a bhronn na boinn ar na páistí. Maith sibh a pháistí agus leanaigí ag rith!
Teacher’s Pet
Márta 6, 2012
Irish language endangered by austerity measures
Márta 6, 2012
School cuts protest planned following Glenties meeting
Márta 6, 2012
Plean Gníomhaíochta don Ghaeilge i gCorcaigh
Márta 6, 2012
An Straitéis fiche bliain don Ghaeilge agus na deiseanna atá ann do mhuintir Chorcaí a bheidh á bplé ag seimineár poiblí a reáchtálfar in Óstán an Imperial ar an Meal Theas ar an gCéadaoin 7 Márta ag 7.30 i.n.
Plé oscailte ar an Straitéis a bheidh ann agus ansin roinnfear daoine suas i ngrúpaí éagsúla bainteach le gnéithe éagsúla do shaol na Gaeilge.
Cuirfear béim ar ghníomhaíocht ag an Seimineár, chun cur leis an dea-obair atá déanta ag Gaeilgeoirí Chorcaí go dtí seo agus cruthófar plean gníomhachta don chathair ina dhiaidh sin.
Cuirfear fáilte roimh dhaoine ar bheagán nó ar mhórán Gaeilge, ach go bhfuil suim acu i cur chun cinn na teanga, agus todhchaí na Gaeilge i gCorcaigh. Beidh gach eolas faoin seimineár ar fáil ar shuíomh idirlín Gael-Taca nó cuir glaoch ar an oifig ar 021 4310841.
Áiseanna d’fhoghlaim agus do theagasc trí Ghaeilge
Márta 6, 2012
Tugtar cuireadh do chomhlachtaí, d’institiúidí nó do dhaoine aonair iarratais a dhéanamh ar thacaíocht mhaoinithe d’fhorbairt áiseanna teagaisc agus foghlama (téacsleabhair agus leabhair eile, cluichí oideachasúla, ábhar ar líne, mar shampla) do bhunscoileanna agus d’iarbhunscoileanna Gaeltachta agus lán-Ghaeilge nó do theagasc na Gaeilge i scoileanna uile na tíre.
Ní ghlacfar le haon iarratas i ndiaidh 4pm Dé hAoine 16 Márta 2012.
Applications for financial support are invited from companies, institutions and individuals for the development of teaching and learning resources for Irish medium schools and for the teaching of Irish in all schools.
Foirm iarratais le fáil le híoslódáil ar www.cogg.ie.
Cómórtas Aiste Staire trí mheán na Gaeilge
Márta 5, 2012
Mar chuid den iarracht chun Stair trí Ghaeilge a spreagadh in iar-bhunscoileanna, beidh comórtas aiste á reachtáil ag Cumann Múinteoirí Staire na hÉireann arís i mbliana. Tá an spriocdháta le haghaidh seo ar an 16ú Márta.
Glacfar le hiarrtais ó dhaltaí a mbeidh scrúdú na hArdteistiméireachta sa Stair á dhéanamh acu i 2012 nó 2013.
Treoir agus Coinníollacha:
• Scríobh aiste i nGaeilge (ar nós an TST san Ardteistiméireacht) ina mbeidh na heilimintí seo a leanas:
– teideal cruinn soiléir le fócas cúng
– ábhar suntasach stairiúil atá sainmhínithe go soiléir
– struchtúr cuí, le réamhrá agus conclúid
– líne forbartha loighciúil
– dhá bhunfhoinse ar a laghad
• Bíodh an aiste idir 800 agus 1200 focal, í cló-scríofa ar thaobh amháin de leathanach
• Spriocdháta: 16ú Márta 2012
• Seol an fhoirm iarratais in éineacht leis an aiste
• Iarrfar ar an mbuaiteoir an aiste a sheoladh le ríomhphost níos déanaí
Scéim Marcála:
Marcálfar an aiste sa tslí chéanna is a ndéantar i gcás an TST i scrúdú na hArdteiste ach amháin na hathruithe seo a leanas:
Eolas Stairiúil 50
Scileanna Taighde 30
Cur i láthair 10
Foinsí 10
Duaiseanna:
An chéad duais: €200
An dara duais: €100
- Ní bhronnfar duaiseanna muna bhfuil caighdéan áirithe sroichte.
- Ní féidir dul thar mholadh an mholtóra.
- Foilseofar an aiste is fearr i STAIR 2012.
Buaiteoirí Scléip – Connacht
Márta 5, 2012
Bhí spraoi agus Scléip den scoth againn ag babhta Connacht sa Town Hall Theatre ar an 2 Márta. Bhí 2 scoil linn ar an lá agus tá ardmholadh ag dul do na rannpháirtithe uile, bhí an caighdeán an-ard i mbliana agus ba dheacair na cinntí a bhí le déanamh ag an moltóir. Seo thíos liosta na mbuaiteoirí, tá áit faighte acu sa chraobh ceannais:
Ceol nua-aimseartha (aonair):
- Meabh Nic an Chrosáin, Coláiste an Eachréidh (sóisear)
Ceol nua-aimseartha (grúpaí):
- Teannas, Coláiste an Eachréidh (sóisear)
- Armóin, Coláiste an Eachréidh (sinsear)
Rogha na Moltóirí:
- Jade Tierney, Coláiste an Eachréidh (sóisear)
Foilseachán nua – Lámhleabhar do phríomhoidí i scoileanna lán-Ghaeilge
Márta 1, 2012
Lámhleabhair eolais do phríomhoidí bunscoile, dírithe ar phríomhoidí nua ach go háirithe. Leagann sé moltaí maidir le nithe praiticiúla gur gá do phríomhoidí tabhairt faoi le linn a bpost. Is comhfhiontar é idir Gaelscoileanna Teo. agus an Foras Pátrúnachta.
Lámhleabhar do phríomhoidí i scoileanna lán-Ghaeilge
Agóid i gcoinne ciorruithe i scoileanna tuaithe
Márta 1, 2012
Páirc Uí Chaoimh, Corcaigh, Domhnach 18ú Márta 2012
Cluiche Ciarraí v. Corcaigh.
Cead faighte ó bhord an chontae (CLG) i gCorcaigh
Eagraithe ag SOSS, ESG Teo & craobhacha áitiúla CMÉ.
Bígí ann chun bhur dtacaíocht a thabhairt do scoileanna beaga Gaeltachta agus tuaithe!
