New Gaeltacht Placement – Tréimhse Foghlama sa Ghaeltacht
Iúil 9, 2012
Scléip 2012 ar Raidió na Gaeltachta
Iúil 6, 2012
Rinne Raven Productions 5 chlár do Raidió na Gaeltachta as na babhtaí agus craobh Scléip 2012 agus craoladh iad ar na dátaí thíos:
- Babhta Laighean: 9ú Meitheamh 2012 @ 9.00 r.n
- Babhta Mumhan: 16ú Meitheamh 2012 @ 9.00 r.n
- Babhta Ulaidh: 23ú Meitheamh 2012 @ 9.00 r.n
- Babhta Chonnachta: 30ú Meitheamh 2012 @ 9.00 r.n
- Craobh Ceannais: 7ú Iúil 2012 @ 9.00 r.n
Ar chaill tú Scléip ar Raidió na Gaeltachta? Éist leis an gclár ar líne!
Comhghairdeas arís leis na buaiteoirí agus a gcuid scoileanna agus ár mbuíochas mór le Fiachna Ó Braonáin agus a fhoireann as Raven Productions, a rinne taifead ar an gcomórtas i mbliana thar ceann Raidió na Gaeltachta.
Grúpa nua tuistí agus leanaí bunaithe i gCeatharlach
Iúil 5, 2012
Tá an-áthas ar Ghlór Cheatharlach a fhógairt go gcuirfear tús le grúpa nua dátheangach Tuistí agus Leanaí dar teideal SPRAOI ar an Mháirt an 10ú Iúil.
Eagraithe faoi scath Comhluadar Teo tiocfaidh an grúpa le chéile gach maidin Mháirt ó 10-12 meánlae in Ionad Phobail New Oak.
Beidh cupán tae nó caife ar fáil do na tuismitheoirí agus comhrá dátheangach ar siúl acu fhad is a bheidh na páistí ag súgradh. Cuirfear fíór fáilte roimh éinne go bhfuil suim acu Gaeilge a labhairt lena bpáistí agus iad i suíomh spraoiúil, neamhfhoirmiúil. Ní gá a bheith líofa sa Ghaeilge-díreach suim agus sásta triail a bhaint aisti!
Tá costas €3 an chlann in aghaidh an lae i gceist agus beidh tae/caifé/brioscaí chomh maith le sú do na páistí san áireamh sa costas sin. Tá an grúpa oiriúnach d’éinne le páistí suas go 5 bliana d’aois.
Tá gach eolas ar fáil ó Emma i nGlór Cheatharlach ar (085) 1340047. Bígí linn agus fáilte roimh cách!
http://www.carlow-nationalist.ie/
Folúntas: Iúil 2012: Oifigeach Gaeilge in Institiúid Teicneolaíochta Bhaile Átha Cliath, Post páirtaimseartha chun tréimhse saoire mháithreachais a chlúdach
Iúil 4, 2012
Conradh ar Théarma Seasta ar bhonn Pháirtaimseartha go dtí an 21 Nollaig 2012 chun tréimhse Saoire Mháithreachais a chlúdach.
Fáiltíonn Oifig an Uachtaráin, Institiúid Teicneolaíochta Bhaile Átha Cliath roimh iarratais don fholúntas d’Oifigeach na Gaeilge, ar chonradh ar théarma seasta go dtí an 21 Nollaig 2012 ar bhonn páirtaimseartha, 19.5 uair in aghaidh na seachtaine chun tréimhse saoire mháithreachais a chlúdach.
Beidh sé mar fhreagracht ar Oifigeach na Gaeilge:
- Feidhmiú Scéim Acht na dTeangacha Oifigiúla, Institiúid Teicneolaíochta Bhaile Átha Cliath 2012-2015 agus Rialacháin agus Dualgais Dhíreacha an Achta san Institiúid a éascú.
- Riachtanais aistriúcháin na hInstitiúide a chomhlíonadh.
- Ranganna Gaeilge agus sainchúrsaí oiliúna don fhoireann agus do mhic léinn chomh maith le Scéim Scoláireachta Gaeltachta na hInstitiúide a eagrú agus a bhainistiú.
- Scéim Cónaithe Gaeilge 2012/13 na mac léinn a eagrú agus a bhainistiú.
- Clár imeachtaí Gaeilge san Institiúid a eagrú i gcomhpháirtíocht le cumainn agus le grúpaí éagsúla.
- Cúraimí ginearálta oifige a chomhlíonadh lena n-áirítear bainistiú buiséid agus suíomhanna gréasáin agus obair riaracháin Oifig na Gaeilge.
Ní mór d’iarrthóirí: Cáilíocht Céime/Iarchéime i nGaeilge agus i Scileanna Aistriúcháin Ghaeilge nó cáilíocht chomhionann; ar a laghad dhá bhliain de thaithí ag obair trí mheán na Gaeilge; sárchumas i labhairt agus i scríobh na Gaeilge; taithí ar obair aistriúcháin i nGaeilge; taithí ar eagrú imeachtaí agus bainistiú tionscadal chomh maith le hard scileanna idirphearsanta, cumarsáide, eagrúcháin agus éascaithe agus spéis faoi léith i gcur chun cinn na Gaeilge in ITBÁC, a bheith acu.
Tá gach eolas le fáil agus is féidir iarratas a dhéanamh ar líne ag: http://www.dit.ie/hr/resourcing/resourcingandrecruitment/vacancies/
Spriocdháta d’iarratais: Dé Máirt 17 Iúil 2012.
Deireadh le samhail
Iúil 4, 2012
D’FHÓGAIR Foras na Gaeilge go raibh deireadh lena scéim chonspóideach, An tSamhail Nua Mhaoinithe, i ndiaidh chruinniú boird i nGaoth Dobhair, Co Dhún na nGall, Dé hAoine seo caite.
Dúirt an bord nach leanfaí ar aghaidh leis an tsamhail agus go raibh siad le €6.7 milliún a bhronnadh ar na heagrais dheonacha Ghaeilge idir seo agus Meitheamh 2013. Cnámh spairne idir an foras agus na heagraíochtaí Gaeilge a bhí sa tsamhail. Ba é cuspóir an phlean nua scéimeanna a mhaoiniú in áit bunmhaoiniú a thabhairt do na heagrais as obair a dhéanamh. Cháin na heagraíochtaí an tsamhail go trom.
Dúirt an foras go n-amharcfadh siad anois “ar mhúnlaí eile” maoinithe agus go mbeadh siad “ag comhoibriú leis na heagraíochtaí Gaeilge sna míonna beaga romhainn lena dheimhniú go mbainfear torthaí fónta amach roimh dheireadh na tréimhse bunmhaoinithe”.
Fáilte a chuir na heagraíochtaí agus saineolaí roimh an chinneadh. Dúirt cathaoirleach Ghlór na nGael, Pat Carey, gur cheap a ghrúpa riamh go raibh an tsamhail go huile in aghaidh bhunphrionsabail na pleanála teanga.
Bhí sé “dóchasach”, ámh, go mbeadh tréimhse páirtnéireachta idir an earnáil dheonach agus an foras anois.
Bhí “deis iontach” ann le plé a dhéanamh ar imeachtaí Gaeilge gach eagras agus déanamh cinnte de go mbeadh “gach dream ag obair as lámh a chéile agus i dtreo spriocanna comónta oibre ar bhonn 32 contae”.
Mhol sé don fhoras tabhairt faoi “anailís agus taighde gairmiúil” ar obair na n-eagras ar fad agus na bealtaí ab fhearr a aimsiú le tabhairt “faoi athréimiú na teanga in Éirinn agus thar lear”.
Ba thrua le ceannasaí Ghael-Linn, Antoine Ó Coileáin, “gur cuireadh an oiread sin ama agus fuinnimh amú” leis an tsamhail ach ba chóir do lucht na teanga “a bheith dearfach agus dul ar aghaidh i spiorad na comhpháirtíochta”.
“Céim mhór chun cinn” a bhí sa chinneadh agus bhí deis ag na páirtithe uilig tosú as an nua le teacht ar mhúnla a bheadh in ann freastal “go héifeachtach ar riachtanais na Gaeilge”.
Dúirt stiúrthóir Chomhdháil Náisiúnta na Gaeilge, Kevin de Barra, go raibh barraíocht ama caite ag plé leis an tsamhail “a bhí chomh lochtach sin gur éard a bheadh mar thoradh uirthi ná aimhleas na Gaeilge”.
Mhol sé go leanfadh gach grúpa ar aghaidh “ar bhonn comhpháirtíochta” agus comhairle a lorg ó shaineolaithe leis na seirbhísí teanga ab fhearr a chothú.
Dúirt an Dochtúir Conchúr Ó Giollagáin, saineolaí ar phleanáil teanga ar Ollscoil na hÉireann, Gaillimh, go raibh seans ann “plé faoi aidhm an mhaoinithe a atosú ar bhonn níos sláintiúla agus níos oscailte”.
Ba cheart do na heagraíochtaí “plé níos misniúla a bheartú leis an bhforas d’fhonn caidreamh dinimiciúil idir na heagraíochtaí agus an pobal a chothú. Is tábhachtaí i bhfad, i ndeireadh na dála, féiniúlacht shóisialta na Gaeilge seachas a féiniúlacht theoranta eagraíochtúil”.
BLIANTA FADA achrannacha de chaint agus de cháineadh agus ansin, go tobann, tá deireadh leis an tSamhail Nua Mhaoinithe. Tá an cinneadh ceart déanta ag bord an fhorais agus tá siad le moladh as sin. Tá ciall leis an chinneadh, fiú más ciall cheannaithe í. Agus, bíodh is go bhfuil siad le moladh as an socrú a dhéanamh, b’fhéidir nár mhiste do lucht an fhorais suí síos lá níos faide anonn agus machnamh fada a dhéanamh ar an iaróg a ghin an tsamhail.
Cad chuige ar lean siad di ar feadh na mblianta nuair a ba léir go raibh olc ar na heagrais leis an phlean agus nuair a ba léir nach raibh éifeacht ar bith ann ar chor ar bith?
Muna ndéanann an próiseas seo maith ar bith eile, b’fhéidir go ndéanfadh sé maith mhór amháin – go gcuirfeadh sé i gcuimhne don fhoras nach os cionn na n-eagraíochtaí eile atá sé ach páirteach san obair chéanna leo.
Is doiligh gan teacht leis na heagrais dheonacha agus iad ag caint ar chur amú fuinnimh agus ama – am agus fuinneamh nach bhfuil le spáráil. Tá an t-am ag imeacht agus an teanga leis. Ní áibhéil a rá go bhfuil drochdhóigh ar chúrsaí Gaeilge, bíodh is go bhfuil daoine maithe agus imeachtaí fiúntacha ann.
Faoin fhoras agus faoi na heagraíochtaí a bheidh sé an teanga a chur ar an chlár náisiúnta agus tábhacht na teanga sa Ghaeltacht, sa chóras oideachais, sa saol poiblí, mar shampla, a chur ar a súile do pholaiteoirí. Samhail de chineál eile – agus samhail níos fiúntaí.
IRISH TIMES
Múinteoir Gaelscoile
Iúil 4, 2012
Tá muinteoir á lorg ag Gaelscoil na Dúglaise, le tréimhse mháithreachais a chlúdú.
Cuirfear tús leis an tréímhse oiliúna ar 29 Lúnasa 2012.
Mairfidh an saoire maithreachais seo go dtí Mí Aibreáin 2013 ar a laghad.
Iarratais:
Glacfar le hiarratais tríd an bpost chuig:
FAO An Cathaoirleach,
Gaelscoil na Dúglaise,
Douglas,
Cork.
Bíodh an t-eolas a leanas iniata le gach iarratas:
- Litir chlúdach
- Teistiméarachtaí (Ainm, teideal, teagmháil)
- Gráid an chleachtaidh teagaisc
- Tuairiscí cigireachta
- Clárú na Comhairle Múinteoireachta
- An ghnáth fhoirm iarratais don Mhúinteoireacht
Is Gaelscoil tumoideachais caitliceach í seo.
Spriocdháta: 17 Iúil 2012
Cúntóir riachtanas speisialta
Iúil 4, 2012
Tá cúntóir riachtanas speisialta á lorg ag Scoil Adhamhnáin, Co. Dhún na nGall.
Cuirfear tús leis an tréímhse oiliúna ar 31 Lúnasa 2012.
Is post uaireanta Naíonáin atá sa phost seo
Iarratais:
Is post i scoil Ghaeltachta í seo agus glacfar le hiarratais i nGaeilge amháin.
Seolfar iarratais tríd an bpost chuig:
FAO An Cathaoirleach,
Scoil Adhamhnáin
An Luinnigh
Doire Beaga
Leitir Ceanainn
Co. Dhún na nGall
Bíodh an t-eolas a leanas iniata le gach iarratas:
- Litir chlúdach
- Teistiméarachtaí (Ainm, teideal, teagmháil)
- Cóip gach teastas ábhartha (teastais, céimeanna, dioplómaí)
- An ghnáth fhoirm iarratais don SNA
Spriocdháta: 9 Iúil 2012
Deireadh leis an tSamhail Nua Mhaoinithe agus Aitheantas do Riachtanais Earnáil na Gaelscolaíochta
Iúil 3, 2012
Cuireann GAELSCOILEANNA TEO. fáilte roimh chinneadh Bhord Fhoras na Gaeilge deireadh a chur leis an tSamhail Nua Mhaoinithe a bhí beartaithe d’eagrais na hearnála. Cinneadh ciallmhar agus riachtanach a bhí ann gan leanúint le punann de scéimeanna iomaíocha de réir catagóirí éagsúla a bhí beartaithe in áit bunmhaoiniú d’eagrais fadbhunaithe atá ag treabhadh goirt na hearnála chun leasa na Gaeilge le blianta fada.
Tugann an cinneadh seo aitheantas do thábhacht ghuth comhaontaithe na hearnála chun seirbhísí tábhachtacha a chinntiú do phobal na Gaeilge. Aithnítear gur den riachtanas é múnla nua a fhorbairt a thógann ar láidreachtaí na hearnála, a thógann moltaí agus na tuairimí a léiríodh le linn an phróisis chomhairliúcháin san áireamh agus a thógann ar na mór-fhorbairtí in earnáil na Gaeilge, eadhon an Straitéis 20 Bliain don Ghaeilge agus An Bille Gaeltachta. Fáiltíonn GAELSCOILEANNA TEO. go mór roimh an deis leanúint leis an gcomhoibriú riachtanach idir na heagraíochtaí Gaeilge sna míonna romhainn agus le Foras na Gaeilge lena chinntiú go mbainfear an toradh is éifeachtaí agus is éifeachtúla amach sa phróiseas anailíse agus forbartha nua.
Gabhann GAELSCOILEANNA TEO. buíochas mór leis na scoileanna agus le pobail uile na scoileanna a léirigh a gcuid tuairimí le linn an phróisis comhairliúcháin. Beimid ag súil go mór le bhur n-ionchur sa tréimhse romhainn ar mhaithe le láidriú earnáil an oideachais lán-Ghaeilge.
Bainisteoir / Stiúrthóir Naíonra
Iúil 2, 2012
Tá bainisteoir / stiúrthóir a lorg ag Naíonra Montessori de hÍde, Órán Mór, Contae na Gaillimhe.
Post lánaimseartha: Seirbhís seisiúnach l (9 r.n. go 12 i.n. agus 12 15i.n. go 3.15i.n.)
Riachtanais:
- Meas agus ómos do pháistí óga
- Ar a laghad teastas FETAC Leibhéal 7/8 Mórdhámhachtain i gCúram Leanaí .
- Líofacht i nGaeilge (labhartha agus scríofa) agus líofacht i samhail Lán Tumadh luath
- Eolas agus tuiscint críochnúil ar chleachtais agus polasaithe cúram leanaí.
- Réamh thaithí ar fhoireann a bhainistiú.
- Inniúlacht i gcáipéisí deontais a chomhlíonadh (ECCE)
- Scileanna cumarsáide agus idirphearsanta d’ardchaighdeán, ag plé le foireann agus daoine i gcoitinne.
- Cumas seirbhís d’ardchaighdeán a fhorbairt agus a choinneáil sa Naíonra.
- Tuarastal coimhlinte ag brath ar thaithí agus ar cháilíochtaí.
Iarratais:
Litir iarratais agus CV chuig: naionra@ymail.com nó:
Naíonra Montessori de hÍde,
Gaelscoil de hÍde,
Órán Mór,
Contae na Gaillimhe.
Dáta deireadh iontrála ná Máirt 24ú Iúil 2012.
Próiseas céimithe earcaíochta a bhéas ann más gá.
Is fostóir comhionannas deiseanna é Naíonra Montessori de hÍde Teo.
Maoinithe ag Rialtas na hÉireann faoin bPlean Forbairt Náisiúnta 2007-2013
Cúntóir riachtanas speisialta, Co. Dhún na nGall
Iúil 2, 2012
Tá cúntóir riachtanas speisialta páirtaimseartha ag teastáil i nGaelscoil Éirne, Co. Dhún na nGall Ní mór do gach iarrthoir Gaeilge liofa a bheith aige/aici
Iarratais:
Caithfear iarratais a chur chuig:
FAO: Colleen Ní Fhaoláin, Cathaoirleach
Gaelscoil Éirne,
Fearann an Bhaile,
Béal Átha Seanaidh,
Co. Dhún na nGall
Bíodh an t-eolas a leanas iniata le gach iarratas:
Teistiméarachtaí scríofa
Teistiméarachtaí (Ainm, teideal, teagmháil)
Cóip gach teastas ábhartha (teastais, céimeanna, dioplómaí)
CV (Neamhcheangailte/Unbound)
Tuilleadh eolais: 087 6445761 Spriocdháta: 19 Iúil 2012
Túsdáta: 29 Lúnasa 2012
