A bonus for mathematics students
Lúnasa 21, 2012
Tóraíocht Taisce Bhaile Locha Riach
Lúnasa 21, 2012
Dé hAoine 24ú Lúnasa Friday 24th August 19.00—21.00 p.m. Teach na Cúirte
The Court House
Saor in aisce (Free) Ócaid do chách. Ceathrar ar gach foireann. Occasion for all ages. Teams of four. Caint dhátheangach ar oidhreacht.
Begins with bilingual heritage talk. 19.00—19.30 p.m. (Tamas Peteravy & Seán Ó Flannagáin)
Eolas/Info: 091 870718 Ócáid oscailte do chách í seo atá eagraithe ag Gaeilge Locha Riach i gcomhar le Cumann na mBailte Slachtmhara agus le Comhar Creidmheasa Naomh Breandáin agus le maoiniú ó Oifigeach Oidhreachta Chomhairle Chontae na Gaillimhe.
Loughrea Tidy Towns, Naomh Breandáin Credit Union and Gaeilge Locha Riach are your hosts and the event is sponsored by Galway County Council’s Heritage Officer.
Stiúrthóir Naíonra á lorg – Corcaigh
Lúnasa 21, 2012
Tá Stiúrthóir Naíonra páirtaimseartha á lorg ag Crèche Cois Laoi, Ollscoil Chorcaí.
Riachtanais:
-Taithí
-Gaeilge mhaith
Iarratais:
Seol iarratas agus CV trí ríomhphost chuig creche@ucc.ie.
Is féidir gach eolas a fháil trí ghlaoch ar 021-4901606.
Rúnaí Scoile
Lúnasa 21, 2012
Tá rúnaí scoile á lorg ag Scoil Oilibhéir, Baile Átha Cliath.
Tréimhse 4 mhí a bheidh i gceist leis an bpost seo.
Glacfar le hiarratais tríd an bpost chuig:
FAO: An Cathaoirleach
Scoil Oilibheir
An Chúl Mhín
Cluain Saileach
BÁC 15
Nó ar ríomhphost chuig: scoiloilibheir@yahoo.ie
Bíodh ardscileanna ríomhaireachta agus suim sa Ghaeilge ag iarratasóirí.
Bíodh CV neamhcheangailte agus teistiméireachtaí (Ainm, teideal, teagmháil) iniata le gach iarratas.
Spriocdháta: 31 Lúnasa 2012
Dianchúrsa Traenála i Scileanna Raidió ó Raidió Fáilte
Lúnasa 20, 2012
Ar mhaith bheith i do chraoltóir raidió? Tá Raidió Fáilte ar lorg Gaeilgeoirí le páirt a ghlacadh i gcúrsa traenála atá á reáchtáil i gcomhar le Ciste Craoltóireachta na Gaeilge le tacaíocht ó Northern Ireland Screen.
Dianchúrsa i scileanna raidió agus craoltóireachta atá i gceist. Foghlaimeoidh na rannpháirtithe an dóigh lenagclár raidió féin a ullmhú, a chur i láthair, a thaifead agus a chur in eagar.
Le cois bunscileanna raidió, beidh na rannpháirtithe ag foghlaim scileanna agallaimh agus cur i láthair, an dóigh le trealamh ardteicniúil taifeadta agus eagarthóireachta Raidió Fáilte a úsáid taobh istigh den stiúideo agus úsáid ghléasanna taifeadta in-iompraithe le hagallaimh, vox-pops agus imeachtaí a thaifead taobh amuigh den stiúideo, chomh maith le modhanna taighde agus scríobh scripteanna le haghaidh clár raidió, agus eagarthóireacht agus meascadh fuaime.
Seo an dara dianchúrsa traenála a reáchtáil Raidió Fáilte i mbliana. D’éirigh thar barr leis an 7 traenálaithe a ghlac páirt sa dianchúrsa a reáchtáil muid i mí Belataine/Meithimh agus tá cuid acu ina gcraoltóirí reatha ar Raidió Fáilte anois.
Bíonn Raidió Fáilte ag craoladh scoth na gclár Gaeilge – 7 lá na seachtaine, 24 uair sa lá – óna stiúideo úrnua ar Bhóthar na bhFál i gCeathrú Ghaeltachta Bhéal Feirste.
Deis iontach atá sa chúrsa traenála seo tús a chur le slí bheatha sna meáin chumarsáide mar láitheoir raidió nó mar iriseoir agus do chlár raidió féin a chruthú ar stáisiún raidió lán-Ghaeilge.
Beidh aoi-chainteoirí ag teacht isteach ó na meáin chumarsáide náisiúnta le comhairle a thabhairt do dhuine ar bith atá ag smaoineamh faoi shlí bheatha in earnáil an raidió nó sna meáin chumarsáide.
Anuas air seo, beidh an deis ag na rannpháirtithe a slot féin a fháil ar sceideal gnóitheach Raidió Fáilte– an t-aon staisiún lán-Ghaeilge sa Tuaisceart!
Ná cailligí an deis!
Gabh i dteagmhéal le Dónall Chaoimhín Mac Murchaidh ar 028 90 310013 nó seol ríomhphost chuig donall@raidiofailte.com roimh an 03 Meán Fómhair.
Dónall Chaoimhín Mac Murchaidh
Oifigeach Traenála agus Léiriúcháin
Training and Production Officer Raidió Fáilte 107.1 FM
Teach Uí Chorráin/Curran House
Ionad an Dá Spuaic/Twin Spires
155 Sráid Northumberland
Bóthar na bhFál Iochtarach/Lower Falls Road
BT13 2JF Béal Feirste/Belfast
+44 (28) 90310013
oifig@raidiofailte.com
http://www.facebook.com Ag craoladh i mBéal Feirste agus ar fud an domhain
Irish language radio broadcasting worldwide from Belfast
www.raidiofailte.com
Le tacaíocht ón Choiste Craoltóireachta Gaeilge agus Northern Ireland Screen
Supported by Irish Language Broadcast Fund agus Northern Ireland Screen
Torthaí den chéad scoth bainte amach ag daltaí Choláiste Feirste
Lúnasa 17, 2012
Bhí atmaisféar an cheiliúrtha i gColáiste Feirste maidin 16 Lúnasa nuair a d’fháiltigh an Príomhoide, Micheál Mac Giolla Ghunna agus foireann na scoile roimh na daltaí sinsearacha agus iad ag bailiú a dtorthaí Ard Leibhéal.
Dúirt an tUasal Mac Giolla Ghunna, “Arís eile ní mór dom comhghairdeas ó chroí a ghabháil leis na daltaí agus leis na múinteoirí ar na torthaí iontacha atá bainte amach i mbliana. Cuireadh le dea-thorthaí na bliana seo chuaigh thart agus is cinnte go léiríonn seo go soiléir díograis na múinteoirí maraon le tiomántas na dtuismitheoirí atá againn sa scoilphobal seo. Ní mór a aithint chomh maith an obair chrua atá déanta ag na bunscoileana uilig a leag bunchlocha láidre an oideachais agus na daltaí leo ar feadh 7 mbliana tosaigh s’acu sa Ghaeloideachas.”
I measc dhaltaí Ard Leibhéal bhí ráta pas (A*-E) 100% le sonrú, rud a chiallaíonn go mbeidh mórchuid na ndaltaí in ann an cúrsa ollscoile a roghnaigh siad sa chéad áit a bhaint amach. Cé go bhfuil titim i líon na na daltaí atá ag baint na gráid is airde amach ar fud an tuaiscirt, ní amhlaidh a bhí i gColáiste Feirste. Bhain níos mó daltaí Grád A* amach ná mar a bhain riamh sa scoil agus fágann seo go bhfuil ár ndaltaí i measc na ndaltaí is airdeghnóthachtála sa tuaisceart. Bhain beagnach gach dalta sa Roinn Drámaíochta A* amach, ach níor stad an rathúlacht sa Roinin seo amháin! Bhain daltaí an grád eilít A* amach i réimse leathan ábhar ar nós; Ealaín, Stair, Staidéar Spóirt agus Gaeilge ar ndóigh! Léiríonn seo gan aon dabht gur féidir leis an Ghaelscolaíocht an barrfeabhas a sholáthar in ábhar ar bith.
Bhain daltaí aonaracha torthaí den scoth amach chomh maith. Bhí áthas an domhain ar Naoise Ó Faoláin nuair a bhain sé A* amach sa Ghaeilge agus sa Staidéar Spóirt maraon le A sa Stair agus sa Bhéarla- beidh Naoise ag tabhairt aghaidh ar Ollscoil na Gaillimhe le tabhairt faoi chéim sa Stair agus sa Bhéarla. Guimid gach rath ar Emmet Ó Garmaile agus é ag tabhairt faoi chéim na Matamataice in Ollscoil na Banríona i ndiaidh dó A* a bhaint amach sa Ghaeilge agus A sa Mhata agus sa Stair. Bhain Fionnghuala Nic Roibeaird A* amach sa Stair agus sa Ghaeilge maraon le B sa Mhata agus san Fhisic- tá sí féin ag súil go mór le céim san Innealltóireacht a thoiseacht in Ollscoil na Gaillimhe.
“Tá bród as cuimse orm fosta as ár ndaltaí gairmeacha a ghnóthaigh torthaí den scoth san Ardleibhéal Gaeilge agus sna cúrsaí NVQ éagsúla. Tá fís againn de phobal scoile a dhéanann freastal ar gach ábaltacht, gach bua agus gach spéis – curaclam dalta-lárnach. Chuir muid romhainn spriocanna uaillmhianacha, ardaidhmeannacha d’fhorbairt an tSéú Bliain le cúpla bliain anuas agus tá lúcháir orm a rá gur bhain muid amach iad agus níos mó. Tá aitheantas tugtha ag an Roinn Oideachais don sár-oideachas atá a cur ar fáil ag Coláiste Feirste trí infheistíocht £11.9 milliún a fhógairt i dtionscnamh tógáil na scoile agus táimid ag súil le cur le rathúlacht na bliana seo ar an bhliain seo chugainn agus sa todhchaí”.
Lá Oscailte Ghaelscoil Dhroichead na Bandan
Lúnasa 17, 2012
TÁ lá oscailte le bheith ag Gaelscoil nua i gContae Chorcaí Dé Domhnaigh seo chugainn chun cur leis an suim sa ghaelscolaíocht sa cheantar.
Is i nDroichead na Bandan a osclóidh an Ghaelscoil is déanaí sa chontae agus tá dóchas láidir i measc lucht a bunaithe go n-éireoidh chomh geal léi agus a d’éirigh le gaelscoileanna i gCloch na Coillte, Beanntraí agus An Sciobairín.
Tá an Ghaelscoil nua suite faoi láthair i gclubtheach an CLG ar an mbaile. Traolach Ó Donnabháin atá ina chathaoirleach ar an mBord Bainistíochta – tarlaíonn sé go bhfuil sé freisin sa phost céanna ar an mBord Bainistíochta i gCloch na Coillte a ch ní miste leis an cúram breise.
“Tá ana ríméad orainn go bhfuil céim eile tógtha ag an nGaelscolaíocht sa cheantar seo, iarthar Chorcaí, agus go bhfuil Droichead na Bandan anois i gciorcal caradach na Gaelscolaíochta,” ar sé. “Beimid ag súil go mbeidh ár ndóthain daltaí againn chun tús a chur leis an bhforás anseo i nDroichead na Bandan, mar a tharla roimhe seo ar mo bhaile dúchais féin, Cloch na Coillte, agus ar an Sciobairín agus Beanntraí freisin.”
An tseachtain seo caite fuair muintir Chloch na Coillte cead pleanála d’fhoirgneamh nua sé sheomra dhéag dá nGaelscoil. De réir plean nua atá ag an Roinn Oideachais, tá ceangal ar an bhforbróir an foirgneamh a chríochnú go hiomlán laistigh de 30 seachtain, rud a chiallaíonn go mbeidh 320 dalta na Gaelscoile agus an fhoireann de 25 ag bogadh isteach go dtí a bhfoirgneamh nua ag tús na scoilbhliana seo chugainn, 2013-14.
Foilseofar gné-alt faoin obair éachtach atá ar bun i gCloch na Coillte an tseachtain seo chugainn i nGaelscéal.
http://www.gaelsceal.ie/
Girls outperform boys in most Leaving subjects
Lúnasa 17, 2012
Cúis cheiliúrtha Raidió Rí-Rá
Lúnasa 17, 2012
Tá fógartha ag Aire Stáit na Gaeltachta Dinny McGinley TD inniu go bhfuil deontas €27,000 ceadaithe do Raidió Rí-Rá chun cur ar a gcumas stiúideo a fhorbairt agus craoladh ar an ardán nua raidió, Craoladh Fuaime Digití, (Digital Audio Broadcasting nó DAB i mBéarla).
Thosaigh an cairtstáisiún ag craoladh ar an gcóras digiteach i mBaile Átha Cliath agus i bPort Láirge i mí Iúil agus tá beartaithe go mbeidh an stáisiún le cloisteáil ar an gcóras sin i Luimneach agus i gCorcaigh roimh dheireadh na bliana.
Freastalaíonn an stáisiún ar an aos óg ach go háirithe agus seinntear amhráin popcheoil ó na cairteacha go hiomlán trí mheán na Gaeilge.
Thosaigh an stáisiún ag craoladh ar an idirlíon i mí an Mhárta 2008 agus bíonn breis agus 4,000 duine ag éisteacht le ceol ón stáisiún ar líne gach mí. Tá Raidió Rí-Rá lonnaithe i mBaile Átha Cliath agus tá sé maoinithe ag an Roinn Gnóthaí Pobail, Tuaithe agus Gaeltachta trí Chiste na Gaeilge ó Fháltais an Chrannchuir Náisiúnta.
Ag labhairt dó inniu dúirt an tAire Stáit go raibh áthas air go raibh Raidió Rí-Rá ag cur na Gaeilge chun cinn i measc daoine óga agus thug sé aitheantas don ról lárnach atá ag na meáin craolachán nua sa ghort sin.
Is teicneolaíocht raidió digitigh do stáisiúin raidió é Craoladh Fuaime Digití, ardán atá in úsáid i mbeagnach 40 tíortha éagsúla.
GAELPORT.COM
Faoiseamh agus sonas le dáileadh torthaí A-Leibhéal
Lúnasa 17, 2012
Beagnach 13,000 scoláire i dTuaisceart na hÉireann a fuair torthaí A-Leibhéal i mbliana. Le himeacht an tsamhraidh, tá tús nua anois i ndán do na fir agus na mná óga seo.
Tugadh deis do scoláirí teacht ar a gcuid torthaí ar an idirlíon. Tháinig beagnach 5,000 scoláire i 35 tír éagsúil ar a dtorthaí ar an dóigh seo i mbliana. In ainneoin an fhíric seo, lean an tromlach acu an bealach traidisiúnta lena dtorthaí a bhailiú ón scoil.
Thug Shane Ó Curraighín cuairt ar Choláiste Feirste, an mhéanscoil Ghaeilge is mó sna sé chontae nuair a dáileadh na torthaí i measc iar dhaltaí na scoile.
Labhair sé leo faoin dúil agus dóchas atá acu don todhchaí agus faoi osna faoiseamh na maidine…
Bhí dea-scéala torthaí ann fosta d’fhir agus mná óga lasmuigh den ghnáth chóras mhéanscolaíochta. Díríonn GaelChúrsaí ar dhaltaí nár lean gnáth chóras na méanscolaíochta nó a d’fhág an scoil go luath.
“Seo an chéad bhliain dúinn daltaí a chur fríd an Ard Leibhéal agus d’éirigh le 100% Ard Leibhéal a bhaint amach, a dúirt Colma Kee, Stiúrthóir Gaelchúrsaí. “Scéal iontach agus sár-iarracht ag na daltaí seo,” arsa Colma.
Físeán le feiceáil ar Meon Eile.
