Tóstal na Gaeilge 2013
Feabhra 8, 2013
Ba mhór ag Comhdháil Náisiúnta na Gaeilge tú a bheith i láthair ag Tóstal na Gaeilge 2013 a bheidh ar siúl ar an 16 Feabhra 2013, san óstán Hilton, Plás Charlemont, Baile Átha Cliath 2.
“Beart de réir Briathair” an téama a bheidh ag Tóstal na Gaeilge 2013. Osclófar an plé le píosa cainte ó Chomhfhreagraí Polaitíochta an Irish Times, Harry McGee, maidir le beartais an Rialtais i leith na Gaeilge, agus ansin díreoidh dhá phainéal éagsúil ar na beartais is déanaí atá curtha chun cinn ag an Rialtas faoi Acht na Gaeltachta 2012. Um thráthnóna pléifear freagrachtaí an Stáit i leith na Gaeilge.
Is é seo an deis is mó do phobal na Gaeilge teacht le chéile agus plé a dhéanamh ar mhórcheisteanna an lae i dtaobh na Gaeilge, na Gaeltachta agus na sochaí Gaelaí. Tá clár cuimsitheach curtha le chéile do Thóstal na bliana seo, le scoth na gcainteoirí ag díriú isteach ar cheisteanna móra na Gaeilge in atmaisféar oscailte.
Tá gach eolas faoi chlár agus faoi chainteoirí Thóstal na Gaeilge ar fáil ag www.gaelport.com/tostal2013.
Chun d’áit ag Tóstal na Gaeilge 2013 a chur in áirithe, déan teagmháil le le Máire Ní Phuirséil, 01 679 4780 / maire@comhdhail.ie.
Láithreoirí & Rannpháirtithe Á Lorg Do Shraith Nua Teilifíse Saoil Ar TG4
Feabhra 7, 2013
Tá sraith teilifíse náisiúnta ar bhealach maireachtála á léiriú ag Stirling Film &TV Productions faoi láthair, sraith atá bunaithe ar airgead a dhéanamh ar nithe nach bhfuil uait níos mó. An bhfuil bealach níos fearr le tús a chur le 2013 ná slán a fhágáil ag an gcosamar go léir atá bailithe agat agus airgead breise a dhéanamh, chomh maith le spás breise a dhéanamh– i do theach agus i d’intinn féin?
An coincheap atá ann ná go mbaileoidh na rannpháirtithe nithe ina dtithe; éadaí, seantroscán nó giuirléidí, agus go gcuirfidh na láithreoirí sainchomhairle orthu maidir le hairgead a thuilleamh ar na nithe sin a dhíol ar eBay nó ag ceantanna eile ar líne, chomh maith le ag aontaí nó díolacháin as búit cairr ina gceantar féin. Beidh sprioc ag gach duine, nó ócáid le freastal uirthi, ina rachaidh an
t-airgead ina threo. D’fhéadfadh luach seintimintiúil a bheith ag nithe áirithe, agus é deacair scaradh leo… ach tharlódh gurb iad sin na nithe is mó a dhéanfadh airgead.
Beidh trialacha scáileáin á reáchtáil againn do láithreoirí le Gaeilge, chomh maith le saineolaithe díolacháin ar líne nó ag aontaí. Cuirfear fáilte roimh thallann nua agus níl taithí riachtanach.
Má tá suim agat ann, seol chugainn éisteacht a thaifead tú féin agus an méid seo ann (i nGaeilge):
• PTC (Píosa chuig ceamara) ag cur an chláir i láthair
• Agallamh gearr le ‘rannpháirtí’
• Físeán gearr ina ndéanann tú measúnú ar ní atá le díol. An fiú tada é agus an ndéanfadh sé airgead ar bith ag ceant?
Seol fís-iarratais, chomh maith le CV, chuig pol@stirlingtelevision.co.uk tráth nach déanaí ná Dé Luain, 11ú Feabhra.
Nó chuig:
Pól Penrose
137 University Street,
Béal Feirste
BT7 1HP
Tá rannpháirtithe le Gaeilge á lorg againn freisin do 6 chlár atá le taifeadadh ar fud na hÉireann i rith mhíonna an earraigh agus an tsamhraidh. Mar sin, más mian leat féin, le do theaghlach nó le do chomhghleacaithe airgead breise a dhéanamh ar nithe nach bhfuil uait níos mó, chun freastal ar ócáid e.g. bainis – do bhainis féin fiú, chun dul ar saoire, chun feabhas a chur ar do theach, chun trealamh nua a cheannach, nó díreach chun spás breise a dhéanamh i do theach, líon isteach an fhoirm ag http://www.stirlingtelevision.co.uk/news/seeking-presenters-participants-for-a-new-lifestyle-television-series-for-tg4.html le d’iarratas a dhéanamh!
Dé hAoine 22ú Feabhra 2013 an spriocdháta do gach iarratas.
Fuair Stirling TV Productions maoiniú ón gCiste Craoltóireachta Gaeilge agus ó TG4 don léiriú.
Seachtain Oidhreachta Náisiúnta 2013
Feabhra 7, 2013
7 Lúnasa 2013 – 25 Lúnasa 2013
Beidh an Seachtain Oidhreachta Náisiúnta ar siúl ón 17-25 Lúnasa 2013.
Is féile bliantúil í seo a eagraíonn an Chomhairle Oidhreachta. Bíonn imeachtaí oidreachta de gach cineál ar siúil le linn na seachtaine agus is é cuspóir na féile ná ceiliúradh a dhéanamh ar oidhreacht shaibhir na tíre.
D’fhreastail na sluaite ar imeachtaí Sheachtain Oidreachta Náisiúnta anuraidh. Beidh neart imeachtaí cultúrtha agus oidhreachta ar siúl ar fud na tíre, ina measc beidh margaí meánaoiseacha, siúlóidí stairiúla, ceol traidisiúnta, damhsa, léachtaí stairiúil, imeachtaí ar an gcosta, ceardlainne, margaí bia,
taispeántais tuíodóireachta agus ceardaíochta mar aon le go leor eile.
Tá na himeachtaí ar fad saor in aisce.
Ta liosta de imeachtaí ar fad ar fud na tíre ar fáil ar: www.heritageweek.ie
Foilsithe ar Gaelport.com
Éacht Scoil Chuimsitheach Chiaráin
Feabhra 7, 2013
Tá éacht déanta ag Scoil Chuimsitheach Chiaráin, An Cheathrú Rua, agus Craobh shinsearach na hÉireann de Chomórtais Díospóireachta Ghael Linn 2013 buaite acu. Is é seo an cúigiú bliain i ndiaidh a chéile don scoil Craobh na hÉireann a bhaint amach i ndíospóireachtaí Ghael Linn.
Thug Fionnuala de Bhailís, Síofra Ní Shé agus Muireann Ní Fhatharta Corn Uí Chadhain leo ag na babhtaí ceannais a bhí ar siúl i gColáiste na Tríonóide an tseachtain seo caite. Anuraidh bhí an lá ag an scoil agus iad ag filleadh ar an gCeathrú Rua mar sheaimpíní sóisearach na hÉireann agus sna trí bhliain roimhe sin is í Scoil Chuimsitheach Chiaráin a thug leo an Chraobh shinsearach. Léiríonn na torthaí seo díograis múinteoirí na scoile chomh maith ar ndóigh le cumas cainte na ndaltaí. Ní nach ionadh cuireadh an-fháilte abhaile roimh an fhoireann agus Máirín Ní Dhomhnaill, an múinteoir a threoraigh an fhoireann ó thús deireadh an comórtas.
Sa bhabhta ceannais fuair siad an ceann is fearr ar Phobalscoil Chorca Dhuibhne, Phobalscoil Ghaoth Dobhair, agus Choláiste Eoin, Baile Átha Cliath.
Is é an Seanadóir Trevor Ó Clochartaigh, a bhí mar aoichainteoir ag an ócáid, agus mhol sé na rannpháirtithe óga as bua na cainte a bheith acu uilig. Bhronn sé buanchorn agus duais €1,000 ar an bhfoireann bhuacach agus duais €250 an fhoireann ar na foirne eile.
http://www.advertiser.ie/galway
10,000 Gaeilge speakers: Dungannon undergoes an Irish renaissance
Feabhra 7, 2013
Use of the Irish language in the Dungannon District is rocketing due to the impassioned work of teachers, educationalists amateur enthusiasts and politicians, it has emerged.
The native language is in such fine fettle that the Dungannon district now boasts the second highest proportion of Irish speakers in Northern Ireland. Almost one in five local people claim to speak some Irish (18 percent), second only to the Newry and Mourne District at 20%.
The extent of the language renaissance was revealed in the latest data released from the 2011 Census.
A total of 10,050 Dungannon residents said they had some ability in Irish.
Language campaigners now believe that the creation of Irish language communities in the local district might be a possibility in the future.
Dungannon Council’s Irish Language Officer Seamus Kilpatrick said there had been an enormous shift in attitudes since the last census in 2001.
The Good Friday Agreement has led to a raft of measures to promote the Irish language, as well as a sea-change in the way Irish is taught in local schools.
Irish medium education in the Dungannon District has also been a big success.
However, hostility to the Irish language still remains.
Last October, DUP politicians accused the council of sending a very bad signal for the Unionist community, after it emerged that a receptionist was greeting callers with “Dia Duit”, Lord Maurice Morrow said he had been contacted by members of the public who had been answered in Irish when contacting the council.
“I immediately contacted the council for a response and it appears a member of staff took the liberty of addressing callers in Irish, which of course, is not council policy.
“I have been assured this matter has been duly noted. However, this sort of behaviour throws out a very bad signal for the Unionist/Protestant community, who represent over 40% of the borough population.”
It emerged that the receptionist in question was Irish-speaking and had decided to do this on his own initiative.
http://www.tyronetimes.co.uk/
Dianchúrsa Gaeilge don Ardteist – Intensive Irish course for Leaving Cert. Students in Loughrea
Feabhra 7, 2013
Gaeilge don Ardteistiméireacht!
Dé Máirt, 12 Feabhra, ó 09:30 – 13:40in
Ba mhaith le Gaeilge Locha Riach a fhógairt go bhfuil siad ag clárú mic léinn do dhianchúrsa Ardteiste atá eagraithe do lucht meánscoile. Beidh an dianchúrsa seo ar siúl in ionad Ghaeilge Locha Riach, Baile Locha Riach, le linn an bhriseadh lár-théarma. Táille €20 atá ar an chúrsa agus is gá áit a chur in áirithint roimh ré.
Beidh an cúrsa seo dírithe ar an siollabas Gnáthleibhéil agus Ardleibhéil araon. Díreofar aird ar nodanna don scrúdú cainte, don cluastuiscint, don scríbhneoireacht agus don chúrsa liteartha ar fad idir fhilíocht agus prós. Gaeilgeoir ó dhúchas agus múinteoir cáilithe dara leibhéal a bheidh i mbun an chúrsa.
Tá na huimhreacha teoranta agus tá an cúrsa féin ag braith ar éileamh.
Má tá suim ag éinne áit a chur in áirithe nó tuilleadh eolais a fháil, ní gá ach teagmháil a dhéanamh leis an oifig, Gaeilge Locha Riach, ag 091 870718 nó ag oifig@lochariach.com.
Clár an lae
9.30-9.45
Fáiltiú & cur in aithne
9.45-10.45
An chúrsa liteartha – idir fhilíocht agus prós
10.50-11.30
An chluastuiscint
11.35-12.35
Gramadach agus scríbhneoireacht
12.40-13.40
An scrúdú cainte
Call for applications for Irish Language Instructors 2013-14
Feabhra 7, 2013
The Ireland Canada University Foundation (ICUF) offers an annual programme of scholarly exchange awards between universities of Canada and Ireland.
Founded in 1994 by Dr. Craig Dobbin of Newfoundland and Dr. Patrick Hillery, former President of Ireland, the Foundation was formally recognised in a 2004 Memorandum of Understanding between the governments of Canada and Ireland.
With funding from the National Lottery and the Department of Arts, Heritage and the Gaeltacht, the Foundation provides scholarly awards, open to all academic disciplines, designed to support the teaching of the Irish language in certain Canadian universities.
This programme exists to support the development and growth of the Irish language in Canada.
As such, the role of the Irish Language Instructor is twofold: she/he is engaged to teach the Irish Language within the university, and to support the development of the Irish Language in the wider community.
ICUF wishes to appoint a number of Irish Language Instructors for the nine-month period Sept 2013 – May 2014.
The following is a list of partner universities:
University of St. Michael’s College, University of Toronto, Ontario
Concordia University, Montreal, Quebec,
St. Francis Xavier University, Antigonish, Nova Scotia
St. Mary’s University, Halifax, Nova Scotia,
St. Thomas University, Fredericton, New Brunswick
Memorial University, St. John’s, Newfoundland
University of Ottawa, Ontario
These awards enable teachers to participate in the Irish language instruction programme at a Canadian university, and will also provide individuals with the opportunity to refine their teaching skills and extend their knowledge of Canadian society and culture, enriching their teaching work on their return to Ireland.
Further information on the awards, the terms and conditions and application forms are available on www.icuf.ie.
For enquiries and further details please email gaeilge@icuf.ie.
CLOSING DATE FOR RECEIPT OF APPLICATIONS: Monday, 4 March, 2013
Féile Bríde le Cleamairí Ard Mhacha
Feabhra 7, 2013
An deireadh seachtaine seo caite, rinne Cleamairí Ard Mhacha Féile Bríde a cheiliúradh i measc phobail éagsúla a gcontae. Bhí siad ag cleamaireacht ag Eaglais na hÉireann, Eaglais Naomh Maolmhaodhóg agus ag tobar Bhríde in Ard Mhacha.
Le cois an cheiliúrtha, rinneadh bailiúchán airgid do Naíscoil Shliabh Fuaid atá le hoscailt in Ard Mhacha i gceann míosa.
Reáchtalaíodh an ócáid i gcomhpháirt le Ciorcal Cómhra Ard Macha, Mens Sheds agus Ionad na Spioradáltachta Ceiltí in Ard Mhacha.
Téann traidisiún na gcleamaireachta siar 2,500 bliain ar an oileán seo. Bunaíodh Cleamairí Ard Mhacha 35 bliain ó shin nuair a tháinig seisear fear dífhostaithe le chéile a raibh ceol traidisiúnta ar a gcumas acu.
Rinne an seisear Cleamairí eile a thraenáil faoi scéim phobail ACT a bhí á eagrú sa cheantar ag an am.
Sna luathbhlianta, rinne siad drámaí a chur ar ardán do pháistí bhunscoile in Ard Mhacha. Mar a d’imigh na blianta, tháinig forbairt ar líon agus ar réimse a ndrámaí agua a gcoirmeacha ceoil.
Tá ionadaíocht déanta acu ar son na hÉireann ag féiltí éagsúla ar fud na cruinne. Níos giorra don bhaile, tá tograí trasphobail faoi lámh acu ar bhun leanúnach.
Féach an físeán anseo: Meon Eile
Stiúrthóir Cúnta le haghaidh Naíonra
Feabhra 6, 2013
Tá Stiúrthóir Cúnta ag teastáil ó Naíonra nua a d’oscail in Éadan Doire, Co. Uíbh Fhailí mí Mheán Fómhair 2011.
Is iad na huaireanta oibre ná 9.00r.n.- 2.00 i.n.
Tá cumas maith Gaeilge (labhartha agus scríofa) riachtanach don phost.
Ba chóir go mbeadh na cáilíochtaí seo a leanas ag iarrthóirí chomh maith, nó iad a bheith sásta tabhairt faoi:
- Dianchúrsa FNT
- Traenáil gharchabhrach
- CDBO Leibhéal 5
Is féidir ríomhphoist a cur go dtí Nicole2006@eircom.net má tá suim agat sa phost.
Foilsithe ar Gaelport
Comhdháil Meitheal na mBeag 2013
Feabhra 5, 2013
Beidh Comhdháil Mheitheal na mBeag ar siúl an 15 agus 16 Feabhra 2013 sa Taibhdhearc. Is é teideal na comhdhála i mbliana ná Cearta Cultúrtha an Pháiste, bunaithe ar Airteagal 31 de Coinbhinsiún na Náisiún Aontaithe um Chearta an Linbh.
Is scáthghrúpa agus áiseagraíocht é Meitheal na mBeag a fhreastalaíonn ar ealaíontóirí, oideachasóirí, comhlachtaí, ionaid ealaíon agus institiúidí a léiríonn dílseacht do chur i láthair agus d’fhorbairt na dtaibhealaíon páiste-lárnach trí Ghaeilge.
Seo grúpa daoine le paisean agus fuinneamh, idir ealaíontóirí agus múinteoirí, a chreideann go bhfuil sé tábhachtach go mbíonn rochtain ag páistí ar scoth na n-ealaíon. Idir amharclann agus ceol, filíocht agus fís-ealaíon, tá sé práinneach go bhfuil ealaíon den scoth ar fáil don aos óg, ar mhaithe leo mar dhaoine anois agus ar mhaithe le sláinte an tsochaí. Ba mhaith le Meitheal na mBeag cearta cultúrtha an pháiste a chur chun cinn go gníomhach.
Tá Meitheal na mBeag ag súil le fáilte a chur roimh Martin Drury ón gComhairle Ealaíon agus bunaitheoir ‘The Ark’, an lárionad cultúrtha do pháistí, mar spreagchainteoir na comhdhála. Beidh iar-Laureate na nÓg, Siobhán Parkinson, linn, chomh maith le Ceann na Roinne Ealaíon agus Corpoideachais i gColáiste Mhuire Gan Smál, Luimneach, Michael Finneran. Beidh guth idirnáisiúnta ag an gcomhdháil arís i mbliana agus Angus Macleod, Oifigeach Drámaíochta le Fèisean nan Gàidheal as Albain linn.
I rith na comhdhála beidh Meitheal na mBeag ag glaoch ar aighneachtaí ó ealaíontóirí píosa ealaíne a chruthú a rachfaidh ar chamchuairt ó chontae go contae. Beidh fáil ar an ealaín sna hallaí Cathrach i ngach contae i rith na bliana. Is é an aidhm a bheidh leis an bpíosa ealaíne seo ná go gceisteoidh na comhairlí contae an méid áiseanna de ghníomhaíochtaí cultúrtha a chuireann siadsan ar fáil do pháistí sa chontae.
I rith na comhdhála beidh léirithe de chuid Branar agus Graffiti, chomh maith le díospóireacht, neart cainte agus seans bualadh le daoine eile atá i mbun oibre san earnáil chéanna.
Leis an Reifreann Leanaí, comhdháil anuraidh bunaithe ar an obair atá ar siúl sna healaíona trí Ghaeilge a fhorbairt, agus an rath leanúnach atá ag na compántais áitiúla , leithéidí Branar agus Moonfish, ba cheart go mbeadh comhdháil na bliana seo thar a bheith suimiúil.
Tá failte roimh chuile dhuine chuig an gcomhdháil lena smaointí agus a dtuairimí a roinnt le daoine atá i rólanna comhchosúla timpeall na tíre.
Is féidir foirm chlárúcháin a fháil ar www.meithealnambeag.ie
Má tá tuilleadh faisnéise uait, déan teagmháil le:
Róisín Ní Chadhain, Bainisteoir na Comhdhála
Meithealnambeag@gmail.com / 091-562024
Meitheal na mBeag
www.meithealnambeag.ie
Cearta Cultúrtha an Pháiste – 15 & 16 Feabhra, An Taibhdhearc, Gaillimh
