Feighlí leanaí
Meitheamh 12, 2013
Feighlí Leanaí le Gaeilge ag teastáil don samhradh.
Triúr páistí (aois: 6, 4 & 2) ó 1 Iúil do 13 Lúnasa (7 seachtaine)
35 – 40 uair sa tseachtain i Muileann gCearr, Co. na hIarmhí.
Tuilleadh Eolais: Aoife Joyce – 0868638420 nó aoife.joyce@ucd.ie
Foilsithe ar Gaelport.com
Dioplóma sa Ghaeilge Fheidhmeach
Meitheamh 12, 2013
An bhfuil cáilíocht aitheanta uait sa teanga?
Cuirfear tús leis an gcúrsa seo i mí Mheán Fómhair 2013.
Beidh deis ag na rannpháirtithe a gcumas agus a gcuid scileanna teanga a fhorbairt i rith an chúrsa chun cabhrú leo feidhmiú go héifeachtach trí mheán na Gaeilge i réimsí éagsúla den saol.
- Chomh maith leis an teanga féin, beidh gnéithe de litríocht agus d’oidhreacht na Gaeilge i gceist, mar aon leis an teanga sa saol comhaimseartha.
- Ceardlanna seachas léachtaí a bheidh i gceist den chuid is mó.
- Beidh páirt an-ghníomhach ag na rannpháirtithe féin sa chúrsa agus beidh deis acu a gcuid tuairimí a chur in iúl agus tarraingt as a dtaithí féin.
- Beidh béim láidir ar obair bheirte agus ar obair ghrúpa sna ranganna.
Tá an cúrsa seo dírithe ar an bpobal i gcoitinne agus beidh sé oiriúnach go speisialta do dhaoine sa tseirbhís phoiblí agus do dhaoine atá ag iarraidh barr feabhais a chur ar a gcuid Gaeilge.
Ábhar an chúrsa
Cuirtear béim faoi leith sa chúrsa ar:
- Scileanna teanga (léamh, éisteacht, scríobh, labhairt)
Beidh roinnt ranganna/léachtaí bunaithe ar:
- An Ghaeilge sa saol comhaimseartha (na meáin chumarsáide, eagraíochtaí Gaeilge, an Ghaeltacht)
- Cultúr agus oidhreacht (logainmneacha, sloinnte, béaloideas, an amhránaíocht)
- Litríocht (filíocht agus prós)
Sprioclá Iontrála: 5:00 p.m. ar an Aoine, 16 Lúnasa 2013.
Gheofar eolas breise faoi na cúrsaí agus faoi na scoláireachtaí ó:
Kathleen Clune, Riarthóir na Gaeilge, nó Eimhear Ní Dhuinn
Ríomhphost: kathleen.clune@ucd.ie / eimhear.nidhuinn@ucd.ie
Tá tuileadh eolais faoin ar fáil ón mbróisiúr: http://www.ucd.ie/t4cms/DiopGF%202013_15%20UCD%20ScoilnaGaeilge_1.pdf.
Teileafón: + 353 1 716 8385 nó 716 8314
An Cháilíocht
Glacann An Roinn Oideachais agus Eolaíochta leis an Dioplóma sa Ghaeilge Fheidhmeach mar cháilíocht Ghaeilge don Chúrsa Iarchéime don Bhunmhúinteoireacht.
Foilsithe ar Gaelport.com
Stiúrthóir – Ionad luathoideachais
Meitheamh 12, 2013
Tá Stiúrthóir ag teastáil ón Early Years Education Centre i gCóbh, Co.Chorcaí.
Is gá go mbeadh líofacht na Gaeilge ag an iarrthóir (scrúdú TEG B2 molta), mar aon le céim Leibhéal 7 nó a 8 sna Luathbhlianta.
Ba chóir go mbeadh na cáilíochtaí seo a leanas ag an iarrthóir chomh maith, nó é a bheith sásta tabhairt fúthu:
– Dianchúrsa FNT
– Traenáil gharchabhrach
– Treanáil ‘Tús Áite do Leanaí’
Beidh gá le dhá theistiméireacht (scríofa) freisin agus le imréiteach a fháil ón nGarda Síochána.
Má theastaíonn tuilleadh eolais uait faoin bpost seo is féidir dul i dteagmháil le Margaret Barry-Murphy ar 0214814378 nó ar earlyyearscobh@gmail.com.
Is é an 12 Iúil 2013 spriocdháta an fholúntais seo.
Foilsithe ar Gaelport.com
Cruinniú CATT ar athlá
Meitheamh 12, 2013
Tá cruinniú na Comhairle Aireachta Thuaidh Theas (CATT) a bhí beartaithe don lá inniu curtha ar athlá.
Ag cruinniú den Chomhairle Aireachta Thuaidh Theas (CATT) i mí Márta na bliana seo, d’aontaigh na hAirí síneadh a chur leis na socruithe reatha don naoi n-eagraíocht déag a fhaigheann bunmhaoiniú ó Fhoras na Gaeilge go dtí 31 Nollaig 2013.
Ag an gcruinniú sin mí Márta, tugadh treoir do Fhoras na Gaeilge pleananna a chur chun cinn chun samhail athbhreithnithe do bhunmhaoiniú a thabhairt isteach; samhail a chuimseoidh na Straitéisí ábhartha teanga sa dá dhlínse, ag féachaint do chinneadh críochnaitheach a dhéanamh faoi mhí an Mheithimh 2013 ar a dhéanaí.
Tá an cruinniú a bhí le tarlú inniu, 12 Meitheamh, curtha ar athlá, agus tuigtear do Gaelport.com go bhfuil seo amhlaidh de bharr “cúrsaí riaracháin”.
Foilsithe ar Gaelport.com
Exam body admits to further errors on Irish paper
Meitheamh 12, 2013
ANOTHER exams controversy has blown up, this time over grammatical errors on the Leaving Certificate Irish second papers.
As more mistakes on Leaving Cert maths papers came to light, the State Examinations Commission ( SEC) also had to answer queries about the Irish exams.
In a question on the Irish ordinary level paper the word ‘ bualadh’ should read have “buaileadh”, the SEC admitted.
However, it insisted that it was highly unlikely that the spelling error would cause difficulty for candidates in answering this question.
Candidates who use the word ‘ bualadh’ in their response to this question will not be penalised, the exams body said.
In higher-level Paper 2, the SEC said it was satisfied that both versions of the expression “an lá a bhfuair sé bás” and “an lá a fuair sé bás” were in regular use.
It did not accept that the version used in the paper was incorrect and was satisfied that it did not take from candidate understanding of what was required to answer that element of the question.
The SEC also gave a full breakdown of the errors on four maths papers, as pupils and teachers pinpointed a number of mistakes they had identified in the high-pressure tests.
Immediately after the exam, it emerged that the Leaving Cert higher-level Paper 2 contained an error in question 8.
However, there were also errors on three other maths papers – both at Leaving and Junior Certificate.
In the Leaving Cert ordinarylevel Maths Paper 1 for the 23 Project Maths pilot schools, there was an error in question five as pupils were asked to complete some tasks which were no longer on the syllabus for the schools involved.
The Leaving Cert foundation level maths Paper 1 had a typo error in question 10(a).
In the Irish version of the Junior Cert higher-level maths Paper 1 the phrase ‘even number’ was incorrectly translated as ‘whole number’ in question 3(b).
Exam bosses admitted it may have caused “some distress and confusion” for the pupils, and apologised for the error and said account would be taken in the marking scheme.
However, the SEC rejected assertions from the Irish Maths Teachers Association that some other material featured on exam papers was not part of the exam syllabus.
Catherine Lewis, a council member of the association, pointed out it had been calling for a clearer and more detailed layout of what is on the Project Maths syllabus.
The commission said it had procedures in place to try to catch errors, but it was an “unfortunate fact” that errors can occur on exam papers “from time to time”.
It contracts workers with experience in the various subjects to draft, set, proof, translate and sign off on the various stages of creating the exam papers.
In total, there were 88 maths papers drawn up for both the Junior and Leaving Cert exams – including a set of 44 contingency papers. The amount produced was double the normal amount due to the roll-out of the new Project Maths.
www.independent.ie
Twitter as Gaeilge
Meitheamh 12, 2013
A chara,
– Peter McGuire (“G’tweet? G’wan ourra that, say students”, June 6th) will be glad to know that members of the Irish language community have been arguing about a good Irish version of “tweet” for several years now.
The official recommendation is “tvuít”, which is in line with the Irish phonological system, but most of us have gone with the ungaelicised “tweet” (“Tá Peadar ag tweetáil arís”). A creative rearguard insist on “giolcach”, however, since that’s what a bird actually does!
This will all come as news to the Department of Education, which assumes we don’t exist and simply makes up words to suit its presentation of Irish as an unauthentic and artificial second language. Its presentation is, alas, grist to the mill of uninformed journalists, who tell us without evidence that “Irish has always struggled to fit in with the popular kids” and who apparently see the language as little more than Peig and a few seanfhocail.
In fact, Irish is spoken vigorously across the country and around the world. We have our own cool kids, thank you very much, and don’t feel the remotest need to “fit in” with speakers of other languages.
– Is mise,
BRIAN Ó BROIN,
PhD,
Department of English,
William Paterson University,
New Jersey, US.
www.irishtimes.com
Ceiliúradh i nGaelscoil Mhic Aodha, scoil nua i gCill Dara
Meitheamh 11, 2013
Beidh na páistí a bheidh ag tosú i nGaelscoil Mhic Aodha i mBaile Chill Dara, i mí Mheán Fómhair 2013 ag teacht le chéile ag an scoil nua ar an gCéadaoin 19ú Meitheamh ag 4pm chun aithne a chur ar phríomhoide na scoile, Norma Ní Chonchúir.
Tuilleadh eolais: eolas@foras.ie nó 01 6294110
Éilíonn Scoil Chaitlín Maude, Tamhlacht, foirgneamh scoile
Meitheamh 11, 2013
Tá oideachas den scoth trí mheán na Gaeilge á chur ar fáil ag Scoil Chaitlín Maude do phobal Iar Thamhlachta le 28 bliain anuas. In ainneoin sin, níl a foirgneamh féin ag an scoil. Tá oideachas curtha ar na céadta páistí ó bunaíodh í i 1985. Tá an scoil ag fás i gcónaí agus ní féidir léi freastal ar an éileamh d’áiteanna.
Bhog an scoil go Cnoc Mhuire i 1990. Thug an Roinn Oideachais agus Scileanna le fios don scoil gur socrú sealadach a bheadh ann agus go mbeadh foirgneamh buan ar fáil i gCnoc Mhuire tar éis tamall. Níor tharla sé sin áfach, agus de réir mar a d’fhás an scoil cuireadh seomraí sealadacha réamhdhéanta ar fáil. Tá droch-chaoi ar na seomraí sin anois agus ba cheart iad a leagadh. Tá siad go hiomlán mí-oiriúnach, mí-shásúil agus mí-shláintiúil.
Bhí sé soiléir ó 2010 i leith nach gcuirfí suíomh buan ar fáil don scoil i gCnoc Mhuire. Tá an scoil i mbun comhráití leanúnacha leis an Roinn Oideachais agus Scileanna agus le Comhairle Chontae Átha Cliath Theas ó shin chun suíomh buan a aimsiú. Tá gach duine ar aon intinn go bhfuil foirgneamh buan ar shuíomh buan ag teastáil ach tá na comhráití seo ag dul ar aghaidh gan toradh. Tá géarchéim cóiríochta ag an scoil anois. B’fhéidir go mbeidh ar an scoil seomraí ranga a fháil ar chíos ar shuíomh 2km ón scoil agus an scoil a roinnt that thrí shuíomh. Is cúis imní é seo do thuismitheoirí, do mhúinteoirí agus do phobal uile na scoile.
Beidh ionadaithe ó phobal na scoile os comhair oifigí na Roinne Oideachais agus Scileanna ar Shráid Maolbhríde (Marlborough St) ar 14.30 ar an gCéadaoin, 12 Meitheamh, chun éileamh ar an Aire Oideachais agus Scileanna, Ruairí Quinn TD, an fhreagracht a ghlacadh ar deireadh as suíomh buan a fháil don scoil tar éis 28 bliain.
Tacaíocht á lorg ag an bhForas Pátrúnachta do Ghaelscoil nua i nDumhach Trá / An Rinn
Meitheamh 11, 2013
Tá sé fógartha ag an Roinn Oideachais agus Scileanna go mbeidh bunscoil nua le hoscailt i gceantar Dumhach Trá/An Rinn i Meán Fómhair 2014. Is é An Foras Pátrúnachta, an pátrún is mó ar scoileanna lán-Ghaeilge. Tá an Foras Pátrúnachta ag iarraidh freastal ar an éileamh ar oideachas lán-Ghaeilge sa cheantar seo agus chuige sin, tá sé ag déanamh iarratais ar phátrúnacht na scoile nua. Teastaíonn tacaíocht an phobail áfach.
Is é An Foras Pátrúnachta an t-aon phátrún a bunaíodh chun oideachas lán-Ghaeilge a chur chun cinn. Bíonn An Foras Pátrúnachta obair go tréan chun tacaíocht a thabhairt don 67 scoil atá faoina phátrúnacht cheana féin agus chun scoileanna nua a bhunú.
Roghnaíonn tuismitheoirí Gaelscoil dá bpáistí toisc go bhfaigheann siad oideachas den scoth ann. Léiríonn an taighde atá déanta ar oideachas dátheangach:
• Go n-éiríonn níos fearr leis na páistí go hacadúil
• Go mbíonn sé níos éasca orthu an tríú agus an ceathrú teanga a fhoghlaim
• Go mbaineann siad torthaí nós fearr amach i mBéarla agus sa Mhatamaitic.
Tabharfar léargas iomlán don phobal ar na buntáistí a bhaineann le hoideachas lán-Ghaeilge ag an gcruinniú seo. Beidh fáilte roimh chách.
Tá tuilleadh eolais faoin bhForas Pátrúnachta ar fáil ar a shuíomh idirlín, www.foras.ie . Is féidir foirm léiriú spéise, atá ar fáil ar a shuíomh idirlín, a líonadh isteach chun do thacaíocht do Ghaelscoil nua sa cheantar seo a léiriú.
Tuilleadh eolais:
Orla Bradshaw
An Foras Pátrúnachta
eolas@foras.ie
01-6294110
Gaelscoil Cheatharlach ag Féile Peile Gael Linn
Meitheamh 11, 2013
Tionóladh Féile Peile Gael Linn do bhunscoileanna Gaeltachta agus Gaelscoileanna Chúige Laighean i nGaeltacht Ráth Chairn le déanaí.
Ghlac foireann Ghaelscoil Cheatharlach go fonnmhar leis an gcuireadh chun a bheith páirteach agus thaisteal siad chuig Gaeltacht ghlas na Mí.
Bhí suas le 150 scoláire, mar aon lena gcuid múinteoirí ó Ghaelscoil Phort Laoise, Gaelscoil Mhuileann gCearr, Gaelscoil Cheatharlach, Gaelscoil na hUaimhe, Gaelscoil Chill Choca, Gaelscoil Chill Dara, Scoil Santain, Tamhlacht agus Scoil Náisiúnta Ráth Chairn, páirteach san ócáid ráthúil.
Cuireadh tús leis an scléip nuair a tháinig na foirne le chéile i Ráth Chairn tráthnóna Dé Céadaoin, 29 Bealtaine. Ocht bhfoireann san iomlán a bhí i láthair, agus roinneadh i ndá ghrúpa iad. Bhí dhá chluiche le himirt ag gach foireann an tráthnóna sin. Bhí na foirne meascaithe, le naonúr imreoirí an taobh, agus de réir na rialacha, bhí sé éigeantach go mbeadh ar a laghad ceathrar cailíní ar an bpáirc ag gach foireann i rith an ama. Nuair a bhí na cluichí thart agus an dinnéar ite, ghlac na daltaí páirt sa quiz boird, ceolchoirm agus céilí a cuireadh ar siúl dóibh san Ionad Pobail. Socraíodh lóistín oíche dóibh le muintir na háite. Bhí an tríú cluiche le himirt ag na foirne uilig maidin lá arna mhárach. D’imir daltaí Cheatharlach go hiontach agus bhuadar a dtrí chluiche chun cáiliú don leathchraobh i gcoinne Ghaelscoil Chill Dara. Bua iontach eile acu agus bhíodar sa chraobh! An-chluiche go deo a bhí sa chraobh idir Ghaelscoil an Mhuilinn, An Muileann gCearr agus Gaelscoil Eoghan Uí Thuairisc, Ceatharlach, ach is ag An Muileann gCearr a bhí an bua ar deireadh, le scór 1-9 go 1-5.
Ba é Tadhg Ó Ceallaigh a bhí mar chaptaen ar fhoireann Cheatharlach. Bhí díomá orthu nár éirigh leo an corn a thabhairt abhaile leo ach bhíodar breá sásta go ndearnadar a ndícheall. Agus saoire álainn sa Ghaeltacht acu lena chois. Maith sibh a bhuachaillí agus a chailíní agus míle buíochas le Gael Linn.
www.carlow-nationalist.ie
