Language Campaign group ‘delighted’ with announcement on Irish language new school
Lúnasa 9, 2011
Bua eile don Ghaelscolaíocht ach Aitheantas ag iarraidh breis a bhaint amach
Lúnasa 8, 2011
Fáiltíonn an feachtas Aitheantas roimh fhógra na Roinne Oideachais agus Scileanna go mbeidh ar a laghad trí Ghaelcholáiste i gCo. Átha Cliath agus i gCo. Chorcaí i measc na 14 iarbhunscoil nua a osclófar as seo go ceann trí bliana, agus éilíonn go mbeidh Coláiste Ghlór na Mara i mBaile Brigín san áireamh sna hiarbhunscoileanna lánGhaeilge sin.
Toisc easpa fáis i líon na scoileanna lánGhaeilge a bhí á oscailt le blianta beaga anuas, tháinig Comhluadar, Conradh na Gaeilge, Foras Pátrúnachta na Scoileanna Lán-Ghaeilge agus Glór na nGael le chéile faoi bhrat an chomhfheachtais Aitheantas anuraidh chun ceist na géarchéime seo a réiteach, agus go háirithe chun tacú le tuismitheoirí Ghaelscoil Ráth Tó i gCo. na Mí nuair a diúltaíodh aitheantas don bhunscoil lánGhaeilge i 2010.
Tá Foras Pátrúnachta na Scoileanna Lán-Ghaeilge an-ghníomhach i bhfeachtas Aitheantas ó shin agus tá An Foras ina phátrún ar Choláiste Ghlór na Mara i mBaile Brigín, Co. Átha Cliath, i measc bunscoileanna agus meánscoileanna Gaeilge eile. Tá coiste bunaithe ag obair le haitheantas a bhaint amach do Choláiste Ghlór na Mara le cúig bliana anuas freisin, agus rinneadh iarratas oifigiúil ar aitheantas don mheánscoil dhá bhliain ó shin; tá sé faoi bhráid na Roinne Oideachais agus Scileanna go fóill.
Níl pátrúin na meánscoileanna nua cinntithe ag an Roinn Oideachais agus Scileanna go fóill ach thug Caoimhín Ó hEaghra, Ard-Rúnaí Fhoras Pátrúnachta na Scoileanna LánGhaeilge, le fios gur ábhar dóchais é go bhfuil idir phátrún agus phlean forbartha ag an nGaelcholáiste i mBaile Brigín: “Fáiltíonn An Foras Pátrúnachta roimh an dea-scéal go mbeidh freastal ar chearta tuismitheoirí atá ag lorg oideachas dara leibhéal lánGhaeilge dá bpáistí i mBaile Átha Cliath agus i gCorcaigh, agus táimid ag tnúth go n-aithneofar Coláiste Ghlór na Mara toisc go bhfuil plean forbartha céimnithe agus tacaíocht forleathan don Ghaelscolaíocht i dtuaisceart Átha Cliath ann. Ní bheidh aon fhadhb againn ag líonadh na suíochán sa Ghaelcholáiste seo i mBaile Brigín!”
Dúirt Feargal Ó Cuilinn, Stiúrthóir Comhluadar: “Aithnítear go forleathan go bhfuil gluaiseacht na nGaelscolaíochta ar cheann de na rudaí is fearr agus is tábhachtaí i gcur chun cinn na Gaeilge i measc an phobail le 20 bliain anuas, mar sin is dea-scéal don Ghaelscolaíocht trí chéile é fógra na Roinne Oideachais agus Scileanna go bhfuil trí iarbhunscoil lánGhaeilge le hoscailt idir seo agus 2014. Tá súil ag Aitheantas gur tús é seo a léiríonn tiomantas fadtéarmach an Rialtais le freastal ar mhianta tuismitheoirí ag lorg oideachais dara leibhéal lánGhaeilge dá bpáistí, agus go dtabharfaí aitheantas do Ghaelcholáistí eile fud fad na tíre amach anseo.”
Éilíonn Aitheantas ar an Roinn Oideachais agus Scileanna go n-úsáidfí soláthar an Ghaeloideachais mar chritéir agus áiteanna nua á roghnú acu do gach cineál scoile amach anseo freisin, idir bhunscoileanna agus iarbhunscoileanna, chun freastal mar is cóir a dhéanamh ar an éileamh náisiúnta don oideachas lánGhaeilge.
Foilsithe ar Gaelport.com 08 Lúnasa 2011
14 second-level schools scheduled to open by 2014
Lúnasa 5, 2011
Trí Ghaelcholáiste nua geallta, ach éileamh ann ar níos mó!
Lúnasa 4, 2011
Fáiltíonn GAELSCOILEANNA TEO. roimh ráiteas na Roinne Oideachais agus Scileanna go mbeidh ar a laghad trí Ghaelcholáiste nua i measc an 14 iar-bhunscoil nua a osclófar as seo go ceann trí bliana. Dheimhnigh an Roinn gur scoileanna lán-Ghaeilge a bheidh sna h-iarbhuscoileanna i nDún Droma, Baile Brigín agus Carraig Uí Leighin, ach nach bhfuil pátrúin na scoileanna socraithe go fóill.
“Is cúis dóchais dúinn é go mbeidh gaelcholáistí nua sna ceantair seo atá fógartha. Bhí na pobail áitiúla i mbun dianfheachtais le blianta fada le hiar-bhunscolaíocht lán-Ghaeilge a éileamh dá bpáistí agus tá áthas agus faoiseamh mór orainn go bhfuil aitheantas tugtha ag an Roinn Oideachais don éileamh sin,” a dúirt Bláthnaid ní Ghréacháin, Ardfheidhmeannach GAELSCOILEANNA TEO.
Cé go bhfuil dóchas ann don soláthar gaelscolaíochta leis an trí ghaelcholáiste nua fógartha, tá imní anois nach dtabharfaí aitheantas don éileamh ar ghaelcholáistí i Maigh Nuad agus i nDroichead Átha, dhá cheantar atá aitheanta ag an Roinn do sholáthar úr don bhliain 2014. Tá coiste bunaithe d’iar-bhunscoil lán-Ghaeilge i mbun tréan stocaireachta i Maigh Nuad ó 2005 i leith, agus coiste eile i nDroichead Átha ó 2009, le líon mór daltaí réamh-rollaithe acu agus tacaíocht an phobail faighte acu dá bhfeachtais. Tá GAELSCOILEANNA TEO. ag iarraidh ar an Roinn na feachtais seo a thabhairt san áireamh agus cinneadh á dhéanamh acu ar shainmheon teanga agus ar phátrúnacht na scoileanna nua seo.
Tá athrú sa chur chuige ag leibhéal na Roinne ag teacht i bhfeidhm maidir le sainmheon scoileanna nua sa mhéid is gurb í an Roinn Oideachais a dhéanfaidh an cinneadh tosaigh faoi cé acu trí Ghaeilge nó trí Bhéarla a fheidhmeoidh scoileanna sula gcinntítear pátrún dóibh. Ní léir cén próiseas nó cé na critéir a bheas ag an Roinn le teacht ar an gcinneadh seo. Tá GAELSCOILEANNA TEO. ag éileamh go ndéanfaí an cinneadh i gcomhairle leis na páirtithe oideachais agus go dtabharfaí feachtais na gcoistí bunaithe agus soláthar na gaelscolaíochta san áireamh agus aon scoil nua á bunú. Anuas ar na ceantair thuasluaite, tá feachtais eile timpeall na tíre le gaelcholáistí a bhunú i gceantair nach bhfuil aitheanta ag an Roinn mar ceantair fáis, ach nach bhfuil iar-bhunscolaíocht trí mheán na Gaeilge ar fáil iontu. Is gá don Roinn aitheantas a thabhairt don éileamh seo chomh maith, agus tacaíocht mar is ceart a thabhairt don ghaelscolaíocht mar a gealladh sa Straitéis 20 bliain don Ghaeilge. Creideann GAELSCOILEANNA TEO. go láidir go mba cheart go mbeadh rochtain ag gach páiste ar an ngaelscolaíocht, agus leanfaimid orainn ag tacú le coistí bunaithe leis an sprioc seo a bhaint amach.
Is iad na ceantair eile ina mbeidh iar-bhunscoileanna nua á n-oscailt ná Lusca, Co. Átha Cliath, Baile Chláir, Co. na Gaillimhe, Nás, Co. Chill Dara agus An Uaimh, Co. na Mí i 2013. Anuas ar sin, tá 10 scoil nua le n-oscailt i 2014, i mBaile Bhláinséir, Mullach Eadrad, Dún Droma agus Baile Brigín, Co. Átha Cliath, sna Clocha Liatha i gCo. Chill Mhantáin, i gCarraig Uí Leighin, Co. Chorcaí, i Maigh Nuad, Co. Chill Dara, i gCill Dhéagláin, Co. na Mí agus i nDroichead Átha agus Dún Dealgan, Co. Lú.
14 second-level schools to open in next three years
Lúnasa 4, 2011
Plan to increase school class sizes to save €75m
Lúnasa 4, 2011
17 new schools to open as pupil numbers soar
Lúnasa 3, 2011
Moltaí do mhúinteoirí Gaeilge
Lúnasa 3, 2011
Tá sé molta ag an gComhairle Mhúinteoireachta go mbeadh scrúdú ar leith ann ar chaighdeán Gaeilge na n- iarrthóirí a bheidh ag iarraidh tabhairt faoin mbunmhúinteoireacht.
Moltar gur cheart go mbeadh scrúdú breise sa Ghaeilge ann d’iarrthóirí atá ag iarraidh tabhairt faoin nGaeilge a mhúineadh ag an dara leibhéal freisin.
03 Lúnasa 2011
www.foinse.ie
Taighde ar shealbhú na Gaeilge i measc daoine óga
Lúnasa 2, 2011
Tá An Chomhairle um Oideachas Gaeltachta agus Gaelscolaíochta (COGG) sásta scoláireacht a mhaoiniú do iar-chéimí Síceolaíochta chun dochtúireacht i Scoil na Síceolaíochta UCD a dhéanamh faoi stiúradh an Dr. Tina Hickey.
€15,000 per annum atá i gceist, ach ní mór táillí a íoc as sin. Bheadh an mac léinn seo i dteideal cur isteach (ag pointí áírithe i rith an staidéir) ar obair mar Tutor/Demonstrator i Scoil na Síceolaíochta UCD, obair a thugann lacáiste ar na táillí.
Critéir riachtanacha:
1. Céim Onóireach sa tSíceolaíocht (1 nó 2.1) nó Máistreacht
2. Gaeilge líofa (labhairt agus scríobh na Gaeilge a bheith líofa agus cruinn) chomh maith le hardchumas (scríofa agus labhartha) i mBéarla
3. Taithí le SPSS chun anailís a dhéanamh ar sonraí agus leibhéal ard inniúlachta le ríomhairí.
Chabhródh sé dá mbeadh staidéar déanta mar chuid den chéim ar shealbhú teanga, agus dá mbeadh taithí ag an mac léinn trialacha a chur ar pháistí óga, chomh maith le tuiscint éigin aige/aici ar shoctheangeolaíocht na Gaeltachta.
Tabharfar túsáite dóibh siúd le hard-cháilíochtaí oideachais agus ardchumas sa Ghaeilge.
An Staidéar: Na Meánchéimeanna i bhForbairt na Gaeilge
Taispeánann taighde idirnáisiúnta an achar a ghlacann sé chun smacht iomlán a fháil ar ghnéithe áirithe de theanga, agus scrúdóidh an tionscnamh seo na meánchéimeanna i bhforbairt na Gaeilge i measc páistí líofa (aonteangaigh agus dátheangaigh) idir 7-11 mbliana d’aois. Beidh ar an té a cheapfar léirbhreithniú a dhéanamh ar an litríocht thrastheangeolaíoch faoi shealbhú teanga, trialacha a chumadh ar ghnéithe áirithe de mhorfeolaíocht na Gaeilge, na trialacha sin a chur ar pháistí agus ar daoine fásta, anailís a dhéanamh ar na sonraí le SPSS, agus na torthaí a mheas i gcomhtéacs na litríochta idirnáisiúnta agus i gcomhthéacs sochtheangeolaíoch reatha na Gaeilge.
Cabhróidh iniúchadh ar na gnéithe seo le tuiscint níos fearr a fháil ar ghnáthphátrúin forbartha gnéithe níos casta den teanga do pháistí in aoiseanna éagsúla agus ó chúlraí teanga éagsúla.
Iarratais: Ba cheart d’iarratas a chur chuig tina.hickey@ucd.ie mar chomhad amháin (i Word) agus é a bheith sábháilte faoi DoShloinneAinmCOGG.doc Sa chomhad amháin sin ba cheart go mbeadh:
1. CV suas chun dáta, agus eolas ann faoi na cúrsaí a rinne tú sa chéim, agus na grádanna a fuair tú. Bí cinnte go bhfuil seoltaí ríomhphoist agus uimhir fóin ann do bheirt mholtóir.
2. Litir as Gaeilge ag cur síos ar chonas a fhreagraíonn do chuid cháilíochta/taithí leis na tréithe agus cáilíochtaí atá de dhíth.
Ní mór d’iarratas a bheith istigh faoi 6 i.n. 10 Lúnasa.
Foilsithe ar Gaelport.com 28 Iúil 2011
Dea-Scéala do Ghaelscoil Uí Néill, Oileán an Ghuail
Lúnasa 2, 2011
Fógraíodh inné go gcuirfear síneadh le líon na ndaltaí a bheidh in ann freastal ar Ghaelscoil Uí Néill in Oileán an Ghuail i dTír Eoghain amach anseo.
D’fhógair an tAire Oideachais John O’Dowd inné go mbeadh d’acmhainn ag an ngaelscoil glacadh le breis agus 180 dalta ón 1 Meán Fómhair i mbliana má chuirtear maoiniú breise ar fáil don chóiríocht scoile agus do na hacmhainní breise a bheadh ag teastáil dá réir sin.
Glacadh leis an togra chun cur le líon na ndaltaí bunaithe ar an éileamh a bhí ann i measc an phobail áitiúil agus dúirt an tAire go raibh sé ag súil go dtiocfadh méadú ar líon na ndaltaí sa scoil de réir a chéile
Foilsithe ar Gaelport.com 02 Lúnasa 2011
