Acmhainn nua foghlamtha Gaeilge do pháistí
Samhain 14, 2016
Tá suíomh nua YouTube do pháistí agus an cainéal go léir trí Ghaeilge. Tá sé bunaithe ag Jane Farley agus Macalla Teoranta le maoiniú ó COGG.
Seo an nasc:
https://www.youtube.com/channel/UC5lZ-HW0s_QMwBeMPukNRBw
Ó Pheann an Phiarsaigh ar camchuairt i dtuaisceart na tíre
Samhain 14, 2016
Ó Pheann an Phiarsaigh’ le Noel Ó Gallchóir
An dráma
Sa léiriú pearsanta corraitheach seo ar shaol agus ar shaothar duine de mhórphearsana agus de mhórlaochra na hÉireann, cuirtear bladhm bheochta an athuair faoi shaothar scríofa Phádraig Mhic Phiarais (1879-1916) agus cuirtear seoda an tsaothair sin i láthair go máistriúil. Is léiriú paiseanta macánta neamhbhalbh é seo ar an Phiarsach ina nochtar clúideacha uile a phearsantachta don lucht féachana agus ina ndéantar ceiliúradh agus comóradh air mar fhile bisiúil, mar ghearrscéalaí nuálach, mar dhrámadóir cumhachtach, mar oideachasóir fadradharcach, mar réabhlóidí cróga agus mar fhear mórchroíoch a rinne saothar ollmhór ar son na teanga agus ar son an chultúir, agus a thug a bheatha ar son a thíre.
Seo liosta na n-ionad ina mbeidh muid ag léiriú an dráma ‘Ó Pheann an Phiarsaigh’ an tseachtain seo chugainn:
Coláiste Mhuire, Béal Feirste – Dé Máirt, 15 Samhain @ 2 i.n.
An Chultúrlann, Béal Feirste – Dé Máirt, 15 Samhain @ 8 i.n. (beidh ceol ann i ndiaidh an imeachta seo fosta)
Coláiste Feirste (beidh an léiriú ar siúl sa Chultúrlann) – Dé Céadaoin, 16 Samhain @ 11 r.n
Tí Chulainn, An Mullach Bán, Co. Ard Mhacha – Dé Céadaoin, 16 Samhain @ 8 i.n. (beidh ceol ann i ndiaidh an imeachta seo fosta)
Amharclann An Gharáiste (The Garage), Muineachán – Déardaoin, 17 Samhain @ 1.45 i.n.
Teach an Mhargaidh, Baile Mhuineacháin – Déardaoin, 17 Samhain @ 8 i.n
Amharclann na Mainistreach, Béal Átha Seanaidh, Tír Chonaill – Dé hAoine, 18 Samhain @ 8 i.n
Oiléan an Ghuail, Co. Thír Eoghain – Dé Sathairn, 19 Samhain @ 8 i.n. (beidh ceol ann i ndiaidh an imeachta seo fosta)
Má bhíonn eolas breise ar bith uaibh maidir leis na léirithe seo, déan teagmháil le Séan (087 6484855 nó eiresean@hotmail.com)
(English) New Laois Bilingual secondary school gets green light in Portlaoise
Samhain 10, 2016
FORNOCHT DO CHONAC / NAKED I SAW YOU
Samhain 8, 2016
FORNOCHT DO CHONAC / NAKED I SAW YOU
Le Eoghan Ó Tuairisc
Stiúrtha ag Eoin Mac Diarmada
Amharclann na Mainistreach
9 – 12 Samhain
Dráma a cheistíonn oidhreacht Phádraig Mhic Phiarais, duine de cheannairí réabhlóideacha 1916.
Déanann dealbhóir ciniciúil, Pearse, atá i bhfolach mar gheall ar chóir foréigin a rinne sé, oidhreacht Phádraig Mhic Phiarais a cheistiú. An maith nó olc í?
Tugann an dráma seo, a léiríodh ar dtús i 1979, léargas feanntach ar shochaí na hÉireann, léargas atá fós suntasach inniu.
Cleas Act ar TG4
Samhain 7, 2016
Tá clár teilifíse siamsaíochta do chlainne “Cleas Act” á léiriú ag Tyrone Productions do TG4.
Is clár siamsaíochta spraoiúil, lán le fuinneamh é Cleas Act ina bhfuil páistí atá lán le talainn ó ghach taobh den tír ag ceol agus ag damhsa in éineacht le “Seo Linn”.
Tá talainn agus cultúr na hÉireann á chur i láthair agus is féidir a chinntiú gur taifead bríomhar, lán le spraoi a bheas ann. Tá an clár bunaithe i stiúideo agus beidh sé á taifead i stiúideo RTÉ, Domhnach Broc, B.Á.C 4.
Má tá suim agat freastal ar thaifead de chuid “Cleas Act” mar bhaill den lucht féachana sa stiúideo, tá ticéidí ar fáil saor in aisce agus beidh taifead ar siúl ar cheithre dáta i Mí na Samhna:
| Dé Máirt 22ú Samhain | 14.00-18.00 | |
| Déardaoin 24ú Samhain | 09.00- 13.00 nó | 14.00-18.00 |
| Dé Luan 28ú Samhain | 14.00-18.00 | |
| Dé Máirt 29ú Samhain | 14.00-18.00 |
Má tá suim agat freastal ar thaifead is féidir ríomhphost a chur ag audience@tyrone-productions.ie
Nó glaoch a chur ar 01 889 4975 leis an eolas seo a leanas:
- Cén dáta agus am atá suim agat freastal ar
- Cé mhéid ticéad atá de dhíth, agus ainmneacha na daoine a bheas ag freastal ar an taifead
- Uimhir teagmhála
- Cén eagraíocht/coláiste lena bhfuil tú bainteach (más bainteach)
- Beidh ar an lucht féachana clárú 30 nóiméad roimh thus an taifead ar an lá.
(English) New school site is ‘too cramped’
Samhain 7, 2016
(English) ‘Be safe and be seen’ as ESB visit two local schools
Samhain 7, 2016
Moladh déanta ag Bord Fhoras na Gaeilge maidir le ceapadh Príomhfheidhmeannaigh
Samhain 4, 2016
Ag cruinniú Boird Fhoras na Gaeilge ar an 4 Samhain 2016 pléadh ceapachán Phríomhfheidhmeannach Fhoras na Gaeilge. Agus an próiseas earcaíochta anois curtha i gcrích tá Leas-Phríomhfheidhmeannach / Stiúrthoir Seirbhísí Oideachais reatha Fhoras na Gaeilge, Seán Ó Coinn, á mholadh ag Bord Fhoras na Gaeilge le teacht i gcomharbacht ar Fherdie Mac an Fhailigh mar Phríomhfheidhmeannach Fhoras na Gaeilge.
Ag labhairt dó inniu dúirt Seán Ó Coinn “Tá bród as cuimse orm as an mhuinín atá léirithe ag Bord Fhoras na Gaeilge ionam inniu. Is pribhléid mhór é a bheith ag teacht sna sála ar an bheirt Phríomhfheidhmeannach a tháinig romham, Ferdie Mac an Fhailigh agus Seosamh Mac Donncha”
Is as an Mullach Bán i gContae Ard Mhacha Seán Ó Coinn, áit a bhfuil sé ina chónaí anois lena bhean Áine. Tá céim onóracha sa Léann Ceilteach aige ó Ollscoil na Banríona, Béal Feirste, agus dioplóma sa Bhainistíocht ó Ollscoil Uladh.
Tá tréimhsí caite ag Seán mar láithreoir ar BBC Raidió Uladh, ag teagasc Gaeilge ag an dara leibhéal, mar thaighdeoir in Ollscoil na Banríona Béal Feirste ar Scéim Logainmneacha Thuaisceart Éireann, ina bhainisteoir tionscadail ar an tionscadal forbartha cultúrtha Tí Chulainn ar an Mullach Bán, agus ina aistritheoir scrúduithe le Comhairle Curaclaim Scrúduithe agus Measúnaithe Thuaisceart Éireann. Chaith sé tréimhse 10 mbliana mar Phríomhfheidhmeannach ar Chomhairle na Gaelscolaíochta, an foras forbartha gaelscolaíochta i dTuaisceart Éireann. Bhí sé ar dhuine de bhunaitheoirí Naíscoil agus Bhunscoil Ard Mhacha. Ceapadh é ina Leas-Phríomhfheidhmeannach / Stiúrthóir Seirbhísí Oideachais i bhForas na Gaeilge i mí Mheán Fómhair 2011.
Tá moladh an bhoird curtha faoi bhráid na Comh-Aireachta Thuaidh Theas.
(English) New Laois bilingual secondary school will provide diversity in Portlaoise said Irish language patron
Samhain 4, 2016
(English) New Portlaoise secondary school will teach in Irish and English
Samhain 4, 2016
