Comórtais Liteartha
Aibreán 19, 2016
Tá an fhoirm iontrála do na Comórtais Liteartha oscailte ar líne anois tríd an nasc seo (http://pangr-comlit.herokuapp.com/). Tá tuilleadh eolais ar fáil faoi Chomórtais Liteartha an Oireachtais 2016 ar http://www.antoireachtas.ie/nuacht/comortais-liteartha-an-oireachtais-2016.html
Pacáistí Dialann Dúradáin- (The Diary of a Wimpy Kid as Gaeilge) ó Futa Fata
Aibreán 19, 2016
Tá phacáiste an-tarraingteach leabhar atá réitithe ag Futa Fata do ranganna Gaelscoileanna, mar thairiscint speisialta do mhí Aibreán/Bealtaine 2016.
Féach thíos Pacáistí 1 /2/ 3 mar rogha don scoil. (€70 / €140 / €210 Costais)
Pacáiste #1 Wimpy Kid Gaeilge, ar €70 an ceann (sábháilt €29.50)
10 x Dialann Dúradáin
Pacáiste #2 Wimpy Kid Gaeilge, ar €140 an ceann (sábháilt €59)
20 x Dialann Dúradáin
Pacáiste #3 Wimpy Kid Gaeilge, ar €210 an ceann (sábháilt €88.50)
30 x Dialann Dúradáin
Dialann Dúradáin- Aoisgrúpa T1 8+ / T2 10+
Faoin lead óg, Greg Heffley, atá ag dul i ngleic ar saol nua na meánscoile.
Sa leabhar Dialann Dúradáin, cuireann an scríbhneoir agus maisitheoir Jeff Kinney laoch neamhghnách inár láthair.Tá Greg caite isteach sa mheánscoil le daltaí atá níos airde, níos scanrúla agus níos fiáine ná é féin. Ceapann Mama gur cheart do Ghreg dialann a choinneáil agus cur síos a dhéanamh ann ar a shaol. Ach ní aontaíonn Greg léi.
Mar a deir sé féin: Ná bí ag súil go mbeidh mé ag scríobh síos mo chuid “mothúchán” anseo.
ISBN: 978-1-906907-99-0 RRP: €9.95
Leis an bpacáiste seo a ordú, níl le déanamh agat ach glaoch ar 091 504 612, seol ríomhphost chuig eolas@futafata.ie nó seol nóta ar ais chuig Futa Fata, An Spidéal, Co. na Gaillimhe. Cuirfear na leabhair móide sonrasc sa phost ar an bpointe.
Is féidir pacáiste eile a chuir le chéile duit seo má tá na leabhra seo agat cheana fhéin agus míle fáilte.
Féile Scannán Fhine Gall, 30 Meán Fómhair – 2 Deireadh Fómhair 2016
Aibreán 19, 2016
Tá Féile Scannán Fhine Gall ar oscailt anois leis na scannáin seo a leanas a chur isteach: Beochan – Príomhscannán – Gearrscannán – Scannán ó Mhac Léinn – Scannán Faisnéise – An Scannán Gaeilge is Fearr – Scannán Idirnáisiúnta –
Scannán maidir le 1916.
Seo an cúigiú bliain d’ócáid bhliantúil Fhéile Scannán Fhine Gall, a bheidh ar siúl in Movies@swords, Ionad Siopadóireachta Pavilions, Sord, Co Bhaile Átha Cliath ón 30 Meán Fómhair – 2 Deireadh Fómhair 2016. D’fhreastail níos mó daoine ná riamh ar ócáid 2015, rud a chruthaigh gurb é “Féile Scannán Fhine Gall an Fhéile Neamhspleách Scannán is fearr le do scannán a chur i láthair slua mór daoine. Is ardán den scoth é do dhéantóirí scannán atá ag teacht chun cinn in Éirinn agus thar lear,” a deir Liz Kenny, Stiúrthóir Bainistíochta na Féile. “In 2016 díreoimid ar fhéile a chruthú ina mbeidh cineálacha éagsúla scannán, a thabharfaidh eispéireas idirghníomhach don lucht féachana agus do dhéantóirí scannán araon,” a deir Stiúrthóir Cruthaitheach na Féile, Dave Byrne. “Táim féin agus an fhoireann ar fad ag tnúth go mór leis.” Mar chuid den cheiliúradh cothrom céad bliain in 2016 beidh sliotán ar leith againn sa sceideal d’ábhair a bhaineann le hÉirí Amach 2016. Déantóir scannán ar bith a chruthaíonn ábhar in aon cheann de na catagóirí a thaispeánfar ag an bhféile, iarrtar orthu an scannán a chur ar aghaidh le cur san áireamh, b’fhéidir, i bhFéile Scannán Fhine Gall 2016.
Naoi chatagóir scannán a bheidh i gceist i 2016
• An Beochan is Fearr
• An Scannán Gaeilge is Fearr (Duais)
• An Scannán Idirnáisiúnta
• An Gearrscannán is Fearr
• An Príomhscannán is Fearr
• An Scannán Faisnéise is Fearr
• An Scannán is Fearr ó Mhac Léinn (Duais)
• Duais Meán Fhine Gall do Dhaoine Nuathagtha – (Duais) (Stiúrthóir / Scríbhneoir / Léiritheoir / Stiúrthóír
Grianghrafadóireachta (a chónaíonn i gceantar Fhine Gall) )
• Duais ar son Éacht sna Meáin – (Stiúrthóir / Scríbhneoir / Léiritheoir / Stiúrthóír Grianghrafadóireachta /
Iriseoir ). Bronnfar an duais seo ar dhéantóir scannán a dhéanann rud nua in aon cheann de na catagóirí nó a chruthaíonn slí nua chun scéal a insint.
Gheofar tuilleadh eolais ag an nasc seo a leanas ar an tslí le do scannán a chur isteach www.fingalfilmfest.com
nó seol ríomhphost chugainn ag pr@fingalfilmfest.com pr@fingalfilmfest.com:
Eagrán de Cosmic Quantum Ray i nGaeilge ón BBC
Aibreán 19, 2016
Ábhar Gaeilge an BBC – Teilifís, Raidió agus Digiteach
Cosmic Quantum Ray: www.bbc.co.uk
Clárach Gaeilge: www.bbc.co.uk/programmes
Foilseachán don Chigireacht Nua sna luathbhlianta
Aibreán 19, 2016
Foilsíodh Treoir don Chigireacht dírithe ar Oideachas sna Luathbhlianta (EYEI) i Suímh Luathbhlianta a ghlacann páirt sa Chlár um Chúram agus Oideachas na Luath-Óige (ECCE) ar 11 Aibreán 2016. Leagann an Treoir foilsithe amach na cleachtais agus nósanna imeachta a bhaineann leis an bpróiseas EYEI atá éifeachtach ó 11 Aibreán 2016.
Déanann cigireacht dírithe ar oideachas sna luathbhlianta (EYEI) measúnú ar nádúr, réimse agus oiriúnacht an eispéiris luathoideachais do leanaí atá páirteach sa Chlár ECCE. Déanann Cigireacht na Roinne Oideachais agus Scileanna stiúradh ar Chigireachtaí dírithe ar Oideachas sna Luathbhlianta.
Tá EYEIanna bunaithe ar chreat cáilíochta, le prionsabail Aistear: Creatchuraclam na Luath-Óige, agus Síolta: an Chreatlach Náisiúnta Cáilíochta d’Oideachas na Luath-Óige, mar bhonn eolais, chomh maith le taighde náisiúnta agus idirnáisiúnta.
Foilseachán ar fáil anseo: www.education.ie
Scoth na cainte poiblí ag Abair Gael Linn
Aibreán 19, 2016
Le cúpla mí anuas ghlac beagnach 100 dalta meánscoile i gCúige Uladh páirt i gcomórtas cainte poiblí, Abair, a reáchtálann Gael Linn.
Eagraíodh babhta ceannais an chomórtais in Ionad Barrfheabhais Gharbh Achaidh i dTír Eoghain Déardaoin seo caite. Rinneadh scagadh, idir throm agus eadtrom, ar shaincheisteanna na sochaí.
Chuaigh mórdhuaiseanna an chomórtais chuig Gaelcholáiste Dhoire, Coláiste Feirste agus Scoil na Mainistréach, Iúr Cinn Trá.
Seo chugaibh buaicphointí an chomórtais agus agallaimh leis na buaiteoirí… Físéan
Siansa Gael Linn 2016 – BUA AN CHEOIL AG SCOLÁIRÍ CHOLÁISTÍ EOIN AGUS ÍOSAGÁIN !
Aibreán 18, 2016
Círéib: Curaidh Siansa Gael Linn 2016, an grúpa ‘Círéib’, ó Choláiste Eoin agus Coláiste Íosagáin.
Siansa16-Buaiteoirí: An grúpa ‘Círéib’ ó Choláiste Eoin agus Coláiste Íosagáin, Baile an Bhóthair, Baile Átha Cliath ag glacadh lena nduais ó Phríomhfheidhmeannach Gael Linn, Antoine Ó Coileáin. Sa phictiúr chomh maith tá (ar chúl ar chlé ), Robert Heuston, Irish Music Magazine agus ( ar chúl ar dheis ) Bairbre Uí Choisdealbha, RTÉ Raidió na Gaeltachta.
Is iad an grúpa ‘Círéib’ ó Choláiste Eoin agus Coláiste Íosagáin, Baile Átha Cliath, seaimpíní Siansa Gael Linn na bliana seo. Fuair siad an ceann is fearr ar sheacht gcinn eile de ghrúpaí thraidisiúnta sa Chraobh a bhí ar siúl sa Cheoláras Náisiúnta ar an Domhnach, 17 Aibreán. Gael Linn a eagraíonn an comórtas bliantúil seo do ghrúpaí óga faoi 19 mbliana, le cabhair ó RTÉ Raidió na Gaeltachta agus ó Irish Music Magazine.
Bhí an Ceoláras Náisiúnta lán go béal le comhscoláirí agus cairde ceoil na n-iomaitheoirí. Is iad baill an ghrúpa bhuacaigh ná Fiona Nic Gamhna, Micheál Ó Grálaigh, Seán Ó Casaide, Stiofán Ó Casaide, Caoimhe Blennerhassett, Clodagh Ní Dhaltúin, Fergal De Fuitléigh agus Cathal Ó Muirgheasa, agus thug siad leo Trófaí Gael Linn chomh maith le seic ar €2,500. An grúpa “Fuaimeanna Shliabh Luachra” ó Cill Chuimín, Co. Chiarraí a fuair an dara duais de €1,250 agus sa tríú háit bhí an grúpa ‘Gluaiseacht’ ó Iarthar Chorcaí, a fuair seic ar €750.
Ba iad na ceoltóirí aitheanta Dónal O’Connor, Niamh Ní Charra agus Declan Masterson a bhí ag moltóireacht ar an oíche agus óna gcuid cainte ina dhiaidh, bhí sé soiléir go rabhadar breá sásta le caighdeán na gceoltóirí agus na n-amhránaithe óga a bhí cloiste acu. Bhí an-áthas ar Dhónal agus ar Niamh gur ghlac na grúpaí leis an gcomhairle a thugadar dóibh, ag ceardlanna a eagraíodh dóibh, ag an dara céim den chomórtas – rud a chuir lena gcaighdeán ag an gCraobh.
Chomh maith leo siúd a bhí i láthair, bhí na mílte eile ag éisteacht leis an gceolchoirm beo ar RTÉ Raidió na Gaeltachta. Áine Hensey a chuir an clár i láthair agus bhí an léiritheoir, Bairbre Uí Choisdealbha i láthair freisin, chun comhghairdeas a dhéanamh leis na duaiseoirí. ‘Bíonn láithreoirí na gclár ceoil sa stáisiún againne an-tógtha le lucht páirtíochta Siansa mar go mbíonn siad i gcónaí ábalta tabhairt faoi agallaimh leo i nGaeilge, bíodh is nach as an nGaeltacht a bhformhór’ a dúirt Bairbre.
Agus é ag gabháil buíochais le RTÉ Raidió na Gaeltachta, Irish Music Magazine, agus leis na grúpaí féin, dúirt Antoine Ó Coileáin, Príomhfheidhmeannach Gael Linn go raibh Siansa an-tábhachtach mar fheithicil chun an ceol agus an Ghaeilge a chaomhnú. ‘Tá stair fhada ag Gael Linn ó thaobh chur chun cinn an cheoil agus na hamhránaíochta traidisiúnta Gaeilge. Ní gá ach breathnú ar lipéad ceoil Gael Linn le liosta na gceirníní a cuireadh amach le 50 bliain anuas a fheiceáil, leithéidí Sheosaimh Uí Éanaigh, Sheáin Uí Riada agus Clannad go Téada agus grúpaí eile sa lá atá inniu ann. Tá Siansa ag teacht ar réalta ’ a dúirt sé.
Craolfar clár teilifíse de chuid Red Shoe Productions ar bhuaicphointí Siansa Gael Linn 2016 ar TG4 ar an Luan, 2 Bealtaine, ar 5.25 i.n.
Tuilleadh eolais: Niamh de Búrca 01:6753303/niamh@gael-linn.ie
Stiúrthóir cúnta ag teastáil do Naíonra Shliabh Rua, B.Á.C 18
Aibreán 18, 2016
(English) Letterkenny Gaelscoil selected as finalist in national music competition
Aibreán 15, 2016
€3.7 milliún breise don Ghaeilge i mbuiséad Pharlaimint na hEorpa
Aibreán 15, 2016
Vótáil Feisirí Pharlaimint na hEorpa inniu i bhfách le €3.7 milliún a chur ar leataobh don Ghaeilge i mbuiséad na Parlaiminte.
Úsáidfear an t-airgead breise le níos mó seirbhísí a chur ar fáil i nGaeilge sna forais Eorpacha amach anseo. Ón 1 Eanáir 2017 ar aghaidh, aistreofar gach treoir de chuid an AE go Gaeilge. Go dtí seo ní raibh á aistriú ach rialacháin ó Chomhairle na nAirí.
Ghlac Comhairle an Aontais Eorpaigh le plean an Rialtais i mí na Nollag seo caite go gcuirfí leis na seirbhísí atá ar fáil in nGaeilge ón AE nó go rachadh an maolú atá i bhfeidhm ar stádas na Gaeilge in éag faoi cheann cúig bliana.
Chuir na Feisirí Eorpacha atá ag Fine Gael – Seán Kelly, Mairéad McGuinness, Brian Hayes agus Deirdre Clune – fáilte roimh an scéala inniu go raibh breis maoiniú ar fáil.
“It is very important that Irish has full working status in the EU and an improved level of services for those who use our native language,” a dúirt an ceathrar Feisirí ó Fhine Gael i ráiteas a d’eisigh siad inniu.
www.tuairisc.ie
