Sonraí á bhfógairt ag an Aire Quinn faoi dheontais chun scéimeanna do leabhair scoile ar cíos a chur ar bun i mbunscoileanna
Eanáir 9, 2014
€15 milliún lena gcur ar fáil thar thrí bliana do bhunscoileanna nach bhfuil scéimeanna do leabhair scoile ar cíos acu faoi láthair
Inniu, nocht an tAire Oideachais agus Scileanna, Ruairí Quinn, TD, pleananna chun a chinntiú go mbíonn scéim do leabhair ar cíos ar siúl ag gach bunscoil sa tír.
Tá na pleananna seo ceaptha chun na costais scoile ar thuismitheoirí a laghdú agus is cuid den chlár oibre mór iad atá ag an Aire Quinn chun dul i ngleic le costais arda a bhaineann le dul ar scoil.
Mar chuid de Bhuiséad 2014, d’fhógair an tAire Quinn go raibh sé tar éis €15 milliún a aimsiú chun tacú le cur ar bun scéimeanna do leabhair ar cíos i mbunscoileanna nach bhfuil á n-oibriú faoi láthair. Táthar chun an t-airgead seo a úsáid mar shíolchaipitil chun deis a thabhairt do bhunscoileanna scéimeanna do leabhair ar cíos dá leithéid a chur ar bun.
Chuir an Roinn Oideachais agus Scileanna ceist ar na bunscoileanna go léir i nDeireadh Fómhair seo caite an raibh scéim do leabhair ar cíos ar bun acu. Thug breis is 80 faoin gcéad díobh le fios go raibh scéim do leabhair ar cíos ar bun acu.
Ag labhairt dó i mBunscoil na Toirbhirte, Warrenmount, Baile Átha Cliath 8 mhol an tAire na scoileanna ar nós Warrenmount, a bhfuil scéimeanna dá leithéid ar bun acu cheana.
“Cúis áthais dom a fheiceáil go bhfuil an oiread sin de na bunscoileanna againn tar éis scéimeanna do leabhair ar cíos a chur ar bun as a stuaim féin. Tá siad cheana féin ag cabhrú le tuismitheoirí costas na leabhar a laghdú,” adúirt sé.
“Seolfar an maoiniú atá aimsithe agam anois go dtí na scoileanna sin nach bhfuil scéimeanna dá leithéid curtha ar bun acu go fóill, i dtreo is go mbíonn deis ag gach tuismitheoir, is cuma cá bhfuil a chlann ag dul ar scoil, na costais a bhaineann leis sin a laghdú.”
Táthar ag tabhairt cuireadh trí litir anois do scoileanna iarratas a chur isteach ar dheontas chun scéimeanna do leabhair ar cíos a chur ar bun, faoi réir ag na critéir atá leagtha amach thíos. Is é 31ú Eanáir an spriocdháta d’iarratais a fháil.
Táthar ag súil go bhfaighidh scoileanna intofa DEIS (Comhionannas Deiseanna a Sheachadadh i Scoileanna) €150 in aghaidh an pháiste thar thrí bliana, agus go bhfaighidh scoileanna nach scoileanna DEIS iad €100 in aghaidh an pháiste.
Cuirfear in iúl do scoileanna faoi dheireadh an Earraigh cén chaoi ar éirigh lena n-iarratais agus táthar ag súil le deontais a chur ar fáil faoi mhí Bhealtaine chun lándóthain ama a thabhairt do scoileanna téacsleabhair a cheannach agus na scéimeanna do leabhair ar cíos a chur ar bun in am don scoilbhliain dar gcionn.
D’fhoilsigh an ROS “Treoirlínte chun Scéimeanna do Théacsleabhair ar Cíos a Fhorbairt i Scoileanna” i mí Eanáir 2013 mar shraith straitéisí do scoileanna. Féadann scoileanna a bhfuil scéimeanna dá leithéid ar bun acu suas le 80 faoin gcéad a choigilt den chostas a bhíonn ar thuismitheoirí as leabhair nua a cheannach.
Dúirt an tAire Quinn mar fhocal scoir, “Tá sé mar aidhm agam a chinntiú go mbíonn scéim do leabhair ar cíos ag gach aon bhunscoil sa tír seo. Dá bhrí sin, táim ag díriú ar scoileanna nach bhfuil scéim ar bith acu ar dtús. Dá gcuirfí gach bunscoil san áireamh mhaolófaí an maoiniú chomh mór sin gur bheag an tionchar a bheadh aige. Dá dtagadh tuilleadh maoinithe chun bheith ar fáil, áfach, ba mhaith liom na deontais a shíneadh amach chuig na scoileanna eile.”
Soláthróidh an Roinn deontas leabhar do na bunscoileanna go léir i gcónaí amach anseo. Féadtar an deontas seo, faoinar soláthraíodh €7 milliún do bhunscoileanna in 2013, a úsáid chun na scéimeanna do leabhair ar cíos atá ann cheana a nuashonrú nó a fhairsingiú.
Is mar seo a leanas na critéir intofachta do mhaoiniú faoin scéim Deontais Síolchaipitil i gcomhair Scéimeanna do Leabhair ar Iasacht/Cíos:
(a) Ní mór do na húdaráis scoile a ghabháil orthu féin scéim do théacsleabhair ar iasacht/cíos a bhunú, a chuimseoidh ceachtar acu cóipeanna crua de leabhair nó leabhair leictreonacha, do na príomhthéacsleabhair a úsáideann na mic léinn de réir an dea-chleachtais atá leaghta amach in Treoirlínte chun Scéimeanna do Théacsleabhair ar Cíos a Fhorbairt i Scoileanna ar feadh íosmhéide de 5 bhliana. Go hiondúil, caithfidh scéim do théacsleabhair ar iasacht/cíos maireadh ar feadh tuairim is cúig bhliana chun airgead slán a dhéanamh.
(b) Ní mór do na húdaráis scoile a dhearbhú nach raibh scéim do théacsleabhair scoile ar iasacht/cíos ar bun acu sa scoilbhliain 2013/14.
(c) Ní mór do na húdaráis scoile toiliú taifid airgeadais agus eile maidir le bunú, cothabháil agus oibriú na scéime do théacsleabhair ar iasacht/cíos a choimeád agus a chur ar fáil don Roinn ar a n-iarraidh. Úsáidfear gach maoiniú a sholáthrófar go heisiatach chun críche scéim do théacsleabhair ar iasacht/cíos a bhunú.
Maoiniú a chuirtear ar fáil faoi láthair do scoileanna i gcomhair leabhar:
Íoctar an deontas leabhar do gach bunscoil aitheanta agus do gach iar-bhunscoil laistigh den Scéim Saoroideachais, agus ráta breisithe á fháil ag scoileanna DEIS. Íoctar i mí an Mheithimh é gach bliain don scoilbhliain dar gcionn. Imfhálaíodh €15 milliún don chlár do 2012 agus 2013 araon.
www.education.ie
Cumhachtaí na Comhairle Múinteoireachta chun déileáil leis an dtearcfheidhmíocht i measc múinteoirí á méadú ag an Aire Quinn
Eanáir 9, 2014
Faoi leasuithe a dhéanfar ar an reachtaíocht, beidh smachtbhannaí nua ar fáil don Chomhairle Mhúinteoireachta
Tá an tAire Oideachais & Scileanna, Ruairí Quinn T.D., ag beartú cur go suntasach leis na cumhachtaí atá ar fáil don Chomhairle Mhúinteoireachta, an comhlacht rialála do mhúinteoirí.
Faoi reachtaíocht nua atá ceaptha chun a cur faoi bhráid an Oireachtais, beidh réimse smachtbhannaí nua ar a hurláimh ag an gComhairle Mhúinteoireachta chun déileáil le lagmheasarthacht nó tearcfheidhmíocht i measc múinteoirí. Go dtí seo, ní fhéadfadh an Chomhairle Mhúinteoireachta smachtbhannaí ar bith a chur i bhfeidhm ach sa chás go rabhthas tar éis múinteoir a mheas mar mhúinteoir “nach raibh inniúil chun múineadh”.
Beidh sé de chumhacht ag an gComhairle Mhúinteoireachta smachtbhannaí a chur i bhfeidhm a thagann le tromchúis na gcinntí in aghaidh múinteora. Beidh réimse díobh sin i gceist ó chomhairle, rabhadh nó imcháineadh go dtí fionraí agus scriosadh ó chlár na Comhairle Múinteoireachta.
Ina theannta sin, le tosach feidhme Ailt 30 ó 28ú Eanáir amach, beidh ar na múinteoirí uile bheith cláraithe leis an gComhairle Mhúinteoireachta sula n-íocfar as an gciste poiblí iad. Dá bhrí sin, má chuirtear múinteoir ar fionraí, nó má scriostar as an gclár é nó í, ní bheidh cead ag an Roinn nó ag na Boird Oideachais agus Oiliúna tuarastal a íoc leis an múinteoir sin.
Go dtí seo, is iad na smachtbhannaí a raibh sé de chumhacht ag an gComhairle Mhúinteoireachta a chur i bhfeidhm tar éis fiosrúcháin maidir le hinniúlacht chun múineadh ná:
(a) Baint den gclár ar feadh tréimhse sainithe
(b) Fionraí ón gclár suas go dtí 2 bhliain
(c) Fágtha ar an gclár faoi réir ag na coinníollacha seo a leanas go léir nó ag ceann ar bith díobh:
- go n-iarrfadh an múinteoir cabhair ó sheirbhís a fhónann ar leas agus sláinte múinteoirí
- go bhfreastalódh an múinteoir ar chúrsa sainithe forbartha gairmiúla
- pé coinníollacha eile is cuí leis an gCoiste Araíonachta.
Tá sé beartaithe smachtbhanna breise, is é sin comhairle, rabhadh nó imcháineadh scríofa a chur le réimse na smachtbhannaí atá ar fáil don Chomhairle.
Adúirt an tAire Quinn, “Is mó atá na smachtbhannaí nua atá ar fáil don Chomhairle Mhúinteoireachta ar aon dul leo siúd atá ar fáil do na rialálaithe proifisiúnta eile ar nós na Comhairle Míochaine nó an Bhord Altranais. Is den tábhacht é ar mhaithe le lánmhuinín an phobail agus na múinteoirí féin as gairm na múinteoireachta go gcuirfeadh an Chomhairle gnásanna láidre i bhfeidhm i leith inniúlacht chun múineadh. Céim eile ar aghaidh é seo ar an mbealach chun an mhúinteoireacht a ghairmiúlú.”
“Tá formhór mór na múinteoirí sna rangsheomraí againn ag feidhmíú go maith. Ach i gcás an mhionlaigh bhig nach bhfuil ag feidhmíú go maith, creidim go mbeidh na huirlisí cearta ar a hurláimh ag an gComhairle Mhúinteoireachta anois chun déileáil le drochiompar tromchúiseach agus chun feabhas a chur ar obair na múinteoirí nach bhfuil ag feidhmiú go maith agus cabhair a thabhairt dóibh.”
“Creidim chomh maith go mbeidh na cumhachtaí nua seo chun líomhaintí faoi dhrochiompar agus tearcfheidhmíocht a iniúchadh ina mbealach ag tuismitheoirí chun fíorghearáin maidir le caighdeáin mhúinteoireachta a fháil iniúchta.”
Faoin reachtaíocht nua chomh maith, beidh múinteoirí in ann aon dhiúltú de chuid na Comhairle Múinteoireachta clárú a athnuachan a achomharc chuig an Ard-Chúirt.
Táthar ag súil leis an reachtaíocht seo a fhoilsiú go gairid.
www.education.ie
Comórtas Griangrafadóireachta ‘An Timire’ – spriocdháta ar an 17 Eanáir
Eanáir 9, 2014
An gceapann tú go bhfuil féith na griangrafadóireachta agat? Nuair a fheiceann tú griangrafanna in irisí nó nuachtáin, an ritheann an nóisean leat go mbeifeá féin in ann pictiúir níos fearr a thógáil? Bhuel, seo é do sheans. Is é “ An Geimhreadh” téama an chomórtais. Breathnaigh ar na griangrafanna samplacha anseo – is féidir cur chuige ar bith a bheith agat, fad is atá nasc idir d’obair ar bealach éigin leis an nGeimhreadh. Is féidir díriú isteach ar dhaoine, ar an an aimsir, ar an tírdhreach, ar chathracha agus bailte, ar an nadúr nó pé ábhar ar bith eile a thaitníonn leat.
Is féidir an t-eolas a íoslódáil anseo le crochadh ar clár na bhfógraí: Comórtas An Timire
Spriocdáta: Eanáir 17, 2014.
Téama: An Geimhreadh
- Duaiseanna breátha!
- Dhá rannóg – faoi agus os cionn ocht mbliana déag d’aois.
- Glactar le cóipeanna crua nó leaganacha digiteacha jpeg.
- Is féidir gach iontrálaí trí phictiúr a chur isteach.
- Eanáir 17, 2014 an spriocdáta le haghaidh iontrálacha.
- Foilsítear na pictiúir is fearr in eagrán an Earraigh den Timire.
Na duaiseanna?
Tá dhá rannóg sa gcomórtas: (1) Dóibh siúd atá faoi bhun ocht mbliana déag d’aois. (2) Dóibh siúd atá os cionn ocht mbliana déag d’aois.
Sa rannóg (1) thuas beidh dearbhán leabhar ar fiú e60 é, mar chéad duais. Beidh dearbháin ar fiú e10 iad, mar fhodhuaiseanna do cheathrar iontrálaí eile.
Sa rannóg (2) thuas beidh dearbhán leabhar ar fiú e60 é, mar chéad duais. Beidh dearbháin ar fiú e10 iad, mar fhodhuaiseanna do cheathrar iontrálaí eile.
Déanfaidh coiste eagarthóireachta an Timire an breithiúnas ar an gcomórtas. Ní ghlacfar le comhfhreagras maidir le cinntí an choiste.
An bhfoilseofar saothar na mbuaiteoirí?
Feicfear obair na mbuaiteoirí in eagrán an Earraigh den Timire.
Cá seolfaidh mé mo phictiúir?
Is féidir na griangrafanna a chur chuig an seoladh ríomhphost seo: antimire@gmail.com
Nó, is féidir cóipeanna crua a sheoladh chuig: An Timire, 37 Sráid Líosáin Íocht, Baile Átha Cliath 2. Ná déan dearmad gurb é trí phictiúr an méid is mó is féidir le duine amháin a chur isteach. Is é Eanáir 17, 2014 an spriocdáta le haghaidh an comórtas. Is oth linn a rá nach féidir aon saothar a fhaightear tar éis an spriocdáta a chur san áireamh sa gcomórtas.
Imeachtaí Idirscoile – deontais ar fáil!
Eanáir 8, 2014
Cuireann Gaelscoileanna Teo. deontas d’imeachtaí idirscoile ar fáil do na scoileanna lán-Ghaeilge agus Gaeltachta. Tá áthas orainn a fhógairt go bhfuil buiséad ceadaithe don scéim don tréimhse Eanáir – Meitheamh 2014 agus go bhfuil muid ag glacadh le hiarratais d’imeachtaí atá beartaithe laistigh don tréimhse seo. Bíonn an-tóir ar na deontais, agus molaimid do scoileanna an deis a sciobadh agus iarratas a dhéanamh go luath! Ceadaítear na deontais ar bhonn tús freastail. Ní gá go mbeidh sonraí an imeachta deimhnithe agat leis an iarratas a dhéanamh, is leor cur síos ar a bhfuil beartaithe. Déantar na h-íocaíochtaí de réir admhála i ndiaidh an imeachta. Cuirtear fáilte roimh réimse leathan imeachtaí agus roimh iarratais ó:
- Naíonraí /naíscoileanna agus bunscoileanna
- Bunscoileanna amháin
- Bunscoileanna agus iarbhunscoileanna
- Iarbhunscoileanna amháin
Tríd an scéim seo, bíonn deis ag scoileanna imeacht dá rogha féin a reáchtáil le scoileanna eile. Cuireann Gaelscoileanna Teo. uasmhéid de:
- €250 / £225 ar fáil d’imeacht le 2 scoil rannpháirteach ann
- €500 / £450 d’imeacht le 3 scoil nó níos mó rannpháirteach ann
- €750 / £675 más 4 scoil nó níos mó atá le bheith rannpháirteach.
Is féidir an fhoirm iarratais a chomhlánú anseo: Foirm Iarratais
Tugann na himeachtaí idirscoile seo deis tábhachtach do na scoileanna lán-Ghaeilge agus Gaeltachta nasc a chruthú le scoileanna eile. Ó thráth na gceist go cluichí peile, spreagann na himeachtaí ilghnéitheacha seo cumarsáid agus spraoi trí mheán na Gaeilge, rud a théann chun leasa na scoile, chun leasa na ndaltaí agus chun leasa an scoilphobail. Is féidir teagmháil a dhéanamh liom má tá ceist ar bith agat ina leith. Tá liosta ar ár suíomh d’eagraíochtaí a chuireann seirbhísí trí Ghaeilge ar fáil do scoileanna agus seans go mbeidh spreagadh ann daoibh agus sibh ag pleanáil i dtreo imeacht a reáchtáil, féach anseo.
Tá an scéim deontais seo á maoiniú ag Foras na Gaeilge.
Dráma den scoth i nGaelscoil Chaladh an Treoigh
Eanáir 8, 2014
I mbliana roimh na Nollag rinne Rang a IV dráma dár teideal ‘Blessed Among Men, Blessed Among Women’. Chuir na páistí ana chuid obair isteach sa dráma seo agus bhí oíche iontach againn ag an cur I láthair do phobail na Gaelscoile. Bhí slua mílteach ann ar an oíche agus bhailíomar airgid ann. Chuireamar an airgead sin I dtreo callairí agus micreafóin gan sreang le haghaidh aon drama eile a bheidh ar siúl sa scoil sa tsóchaí.
Turas, Taispeántas agus Ceolchoirm i mBéal Feirste, 17 Eanáir
Eanáir 8, 2014
Tá an chéad ceolchoirm BEO ar siúl san Oh Yeah Centre i mBéal Feirste ar Aoine an 17 Eanáir. Tá 150 déagóir ag taisteal as 3 scoil i Leitir Ceanainn le turas a fháil don ionad agus cuairt a thabhairt ar taispeántas maidir le stair an cheoil sa tuaisceart. Beidh siad ag filleadh ar an Oh Yeah Centre an oíche sin do gig BEO, leis an ngrúpa More Than Conquerors as Béal Feirste.
Ba mhór le BEO cuireadh a thabhairt do scoileanna eile a bheith in éineacht leo ar an lá, a bheidh spraíúil, spreagúil agus sultmhar. Is féidir tuilleadh eolais a fháil ach teagmháil a dhéanamh le Seosamh Mac Ceallabhuí ar seosmac@gmail.com nó 0879068709.
Tá tuilleadh eolais maidir le BEO ar http://www.beoireland.com
Seo thíos físeán de chuid More Than Conquerors:
http://www.youtube.com/watch?v=2OTO4Bl5ev0
Staidéar Dátheangachas ó Ollscoil Cambridge
Eanáir 8, 2014
Cambridge University researchers are spreading the message that bilingualism is good for learning, rather than a hindrance as sometimes perceived.
Cambridge University researchers are spreading the message that bilingualism is good for learning, rather than a hindrance as sometimes perceived.
Research shows that children who speak more than one language are multiply advantaged over their monolingual playmates – in communication, cognition and social interaction. Yet, a perception among some parents and teachers is that growing up multilingual is not only fraught with challenges but may even be a risk to educational development, say researchers Drs Dora Alexopoulou, Napoleon Katsos and Teresa Parodi of the Department of Theoretical and Applied Linguistics.
Aiming to dispel such misconceptions and champion the benefits of bilingualism, the three linguists have launched an outreach initiative, the ‘Cambridge Bilingualism Network’, aimed at parents, teachers and policy-makers, and will be hosting a workshop on 22 October at the University of Cambridge Festival of Ideas (www.cam.ac.uk/festivalofideas/).
“There’s a huge body of research on bilingualism, much of which is quite technical,” explained Dr Katsos. “We hope to raise awareness of the benefits of bilingualism among stakeholder groups by creating access to this state-of-the-art research and by facilitating contact between the community and our network of specialists at the University.”
One aspect of such research shows that bilingual children ‘notice’ better how language works and outperform monolingual children in tasks linked to language awareness, such as distinguishing whether a sentence is grammatically well-formed from whether it is truthful.
But the benefits go even further, as Dr Alexopoulou explained: “Studies show that a bilingual child is better able to cope with tasks that involve attention, memory and concentration. The mental gymnastics needed to constantly manage two or more linguistic systems increases cognitive flexibility and makes learning easier.”
The advantages of bilingualism hold independently of whether the language in question is spoken by many speakers or is what is commonly viewed as being a ‘useful’ language, observes Dr Parodi. “It’s important to balance this perception of ‘usefulness of a language’ by increasing awareness of the advantages of bilingualism, or the child risks losing their additional language.”
“Moreover, lack of awareness about bilingualism may lead to schools incorrectly diagnosing, or failing to diagnose actual learning difficulties if a phase of linguistic difficulty is observed”, she added. “Typically, if the problem shows in both languages this will point to a learning difficulty, but not if it only shows in one of them.”
Recent research carried out by Dr Katsos is aimed towards identifying a method to distinguish between a child showing a typical delay and a child with an underlying learning problem.
In collaboration with colleagues in Poland and with funding from the British Academy, he discovered that bilingual children are very good at understanding concepts that hold for all languages, such as the meaning of some, most and all, but may take longer to master those parts of grammar that are specific for one language and not the other one.
“A child with temporary delay may score well in the former but less so in the latter test, whereas a child with learning difficulties is likely to score low in both,” he explained. With the help of a Social Entrepreneurship Catalyst Award from HEFCE and UnLimited, Dr Katsos is now turning the research into an off-the-shelf language assessment tool.
Research in the field has also shown that raising and educating children to be bilingual doesn’t happen simply because two different languages are spoken at home, but instead requires continued input on the part of parents. The commitment of teachers and parents is therefore vital.
Through conversations with teachers and parents, the team is also pinpointing where further study is needed, and this is being fed back into the academics’ own research. In particular, the linguists have realised that comparatively few studies have focused on those children who move to a different country and begin learning a second language at primary school age.
The researchers are now extending their outreach activities to a greater number of schools in collaboration with Cambridgeshire County Council’s Cambridgeshire Race Equality and Diversity Service (CREDS) and in partnership with several schools.
Arbury Primary School in Cambridge is one the Network’s recent partners. Kathy Whiting, a teacher at Arbury and County leading Teacher for English as an Additional Language said: “The Cambridge Bilingualism Network events are inspiring and thought-provoking. Parents and teachers appreciate the scientific exposition of the benefits of bilingualism. They also welcome the opportunity to air the, often implicit, concerns and aspirations. We are delighted that this partnership between the University and our school has lead parents and teachers to higher levels of awareness and engagement with bilingualism.”
“Although bilingualism is perfectly normal in many places in the world, it is comparatively new in the English-speaking world,” added Dr Alexopoulou. “The problem with an education system set up with assumptions of monolingualism is there is a risk that children may miss out on the significant benefits conferred by maintaining their bilingualism.”
The ‘Cambridge Bilingualism Network’ involves researchers from several departments of the University who specialise on different aspects of learning more than one language. For instance, Professor Usha Goswami at the Department of Experimental Psychology focuses on reading and the brain, and Drs Edith Esch and Linda Fisher in the Faculty of Education focus on bilingualism in the family and the classroom. As such, the ‘Cambridge Bilingualism Network’ extends a warm invitation to all Cambridge researchers working on language who wish to contribute towards breaking the barriers between academia and social practice.
For more information about the Cambridge Bilingualism Network’, please visit http://sites.google.com/site/cambiling/
Sraith nua faisnéise, An Ceoldráma, ag tosú ar TG4
Eanáir 7, 2014
Beidh sraith bhreathnaitheach úrnua, An Ceoldráma, ag tosú ar TG4 ar an 12ú Eanair ag a hocht a chlog. Sraith cheithre pháirt (4 x 52 nóiméid) atá ann a leanann iarrachtaí cheithre Gaelscoileanna ar cheoldráma a chur ar an stáitse don Fhéile Scoildrámaíochta – féile atá 80 bliain ar an bhfód i mbliana.
Is sraith shiamsúil, ionspráideach atá ann a thugann dianléargas ar thraidisiúin na ceoldrámaíochta i nGaelscoileanna na tíre agus a thaispeánann conas mar is féidir leis an gceol agus an drámaíocht a dhul i bhfeidhm ar an aos óg Gaelach ina dteanga dhúchais.
Colm Bairéad (An tÁdh, Lorg na gCos) a thaifead agus a stiúraigh agus is í Cleona Ní Chrualaoi (Lorg na gCos, The Gathering: Homeward Bound) a léirigh an tsraith. Feictear saol an tseomra ranga agus mionsochaí na Gaelscoile ann, feictear dianchleachtadh na ndaltaí agus an dua a chuireann na múinteoirí orthu féin, feictear giotaí spleodracha ó na cuir i láthair agus tugtar léargas a ardóidh do chroí, ar an saol sa mbaile ag roinnt de na príomhcharachtair.
Leanann an tsraith scoil amháin ó gach cúige:
- Gaelscoil Charraig Uí Leighin, Co. Chorcaí
- Gaelscoil Ultain, Muineachán
- Scoil Lorcáin, Baile Átha Cliath
- Scoil Náisiúnta Cholmcille, An Tulach, Conamara
Is sraith í seo a thugann léiriú ar na miondrámaí taobh thair de na drámaí seo, a thugann le fios cén saghas dua agus deacracht a bhíonn i gceist le léiriúchán dá leithéad a thógaint ón bhfocal scríofa go dtí stáitse náisiúnta. Is sraith ghreannmhar, bhríomhar, dhathannach atá ins An Ceoldráma, í lán de mhothúcháin, sraith a mbeidh dúil ag idir óg agus aosta inti.
Is é an comhlacht léiriúcháin Inscéal a léirigh. John Murphy (Showrunners, Bliain in Árainn Mhór) a bhí mar eagarthóir ar an sraith. Rinneadh an tsraith a thaifead idir Eanair agus Bealtaine 2013 i suíomhanna éagsúla i mBaile Atha Cliath, Muineachán, Gaillimh, Dún na nGall, Corcaigh agus san Iarmhí.
Craolfar An Ceoldráma gach Domhnach ar TG4 ag 8i.n. ar feadh ceithre seachtainí ón 12ú Eanair.
Má tá tuilleadh eolais de dhíth, féadtar teacht ar Chleona Ní Chrualaoi ag cleonanic@gmail.com or 087-3296776
An Ceoldráma – Sceideal
Clár 1: An Fhéile Áitiúil (Corcaigh/Muineachán)
Dé Domhnaigh, 12ú Eanair 2014 – 8i.n. / Athchraoladh 14ú Eanair 12 meánoíche & 16ú Eanair 2i.n.
Clár 2: An Fhéile Áitiúil (BÁC/Gaillimh)
Dé Domhnaigh, 19ú Eanair 2014 – 8i.n. / Athchraoladh 21ú Eanair 12 meánoíche & 23ú Eanair 2i.n.
Clár 3: Na Féiltí Cúige (Na ceithre scoileanna)
Dé Domhnaigh, 26ú Eanair 2014 – 8i.n. / Athchraoladh 28ú Eanair 12 meánoíche & 30ú Eanair 2pm
Clár 4: An Fhéile Náisiúnta (Na ceithre scoileanna)
Dé Domhnaigh, 2ú Feabhra 2014 – 8i.n. / Athchraoladh 4ú Feabhra 12 meánoíche & 6ú Feabhra 2pm
‘Ní míchumas atá orm – is buntáiste atá ann’
Eanáir 7, 2014
Tá Ionad tacaíochta Coláiste Feirste ar an fhód le seacht mbliana anuas, freastalaíonn an Ionad ar daltaí le riachtanais foglamtha éagsúla, aspéargar, disléicse agus pairilis cheirbreach ina measc.
Tá bainistíocht an Ionaid a lorg tacaíocht maonithe bhreise ón Roinn Oideachais as siocair go bhfuil orthu féin íoc as cuid mhaith de na seirbhísí foglamtha atá a soláthair acu. Is é an t-aon Ionad dá leithéid a fhreastlaíonn ar an ghaeloideachas ó thuaidh.
Chaith Meon Eile lá i gcuideachta na daltaí agus foireann an Ionaid. Labhair muid leo faoina ndúshláin fhoghlama phearsanta agus faoina ndóchais don todhchaí.
Féach an físeán ar www.meoneile.ie.
Rith 2014
Eanáir 6, 2014
Is féile náisiúnta Gaeilge é Rith 2014 a bheidh ar siúl ón 7-15 Márta 2014 i rith Sheachtain na Gaeilge.
Ar an 7 Márta 2014, cuirfear tús le ‘Rith 2014’ i mBaile Bhuirne i gCo. Chorcaí, ollrith náisiúnta timpeall na tíre, le baitín sealaíochta ag athrú láimhe idir daoine agus grúpaí reatha gach uile ciliméadar.
Beidh daoine ó cheann ceann na tíre ag glacadh páirt i Rith 2014 a mhairfidh ar feadh 9 lá, ag rith ó mhaidin go hoíche, idir cúigeMmumhan Laighin agus cúige Uladh.
Is ar son na Gaeilge a bhíonn daoine ag rith, i gcondaithe éagsúla agus arís i mbliana tugtar cuireadh don phobal, do scoileanna grúpaí aitiúil agus do aon duine ar mhian leo páirt a ghlacadh sa rith dul amach agus rith le linn an rith ollmhór se oar son na teanga.
I féidir le daoine ciliméadar a cheannach agus é sin a rith ó tús go deireradh. Tá beagnach 700 ciliméadar ar díol mar chuid de Rith 2014. Is féidir le haon duine nó aon ghrúpa ciliméadar a cheannach ar an gcúrsa.
Le linn na seachtaine iomprófar an bata timpeall na hÉireann ar feadh naoi lá, ó mhaidn go hoíche, ar thuras 1000km, trí breis is 200 baile agus 14 Condae, críochnóidh Rith 2014 ar an 15 Márta i gcroilár Bhéal Feirste.
Is féidir le daoine ciliméadar a cheannach mar aon le tá tuilleadh eolais a fháil maidir le cúrsa Rith 2014 ar: www.rith.ie
Foilsithe ar Gaelport.com
