1,000 children attend Dept of Education & Skills funded Irish language summer literacy camps
Iúil 19, 2012
Cheaper to send photo than a fada, say texters
Iúil 19, 2012
Samhail mhaoinithe nua eile
Iúil 19, 2012
Sna sála ar chinneadh Fhoras na Gaeilge deireadh a chur leis an múnla a bhí molta acu le maoiniú a chur ar fáil d’eagraíochtaí Gaeilge, tá comhairleoir le ceapadh ag an bhForas chun teacht ar mhúnla úr nua.
De réir an fhógra a d’fhoilsigh an Foras beidh ar an té a cheapfar cás gnó a ullmhú ar an mbealach chun cinn, ag cur san áireamh na nithe seo leanas: An gá leis an athrú ó bhunmhaoiniú go dtí córas nua, a chuimseoidh an comhthéacs straitéiseach seachtrach agus inmheánach; Liosta de roghanna féideartha a ullmhú; Anailís a dhéanamh ar na roghanna uile a chuimseoidh, na rioscaí, na costais, idir chostais reatha, chostais dhíreacha agus chostais indíreacha, na buntáistí agus na míbhuntáistí neamhairgeadúla, agus éifeachtúlacht gach rogha; Na haidhmeanna atá leis an athrú; An rogha is fearr a aithint agus a mholadh.
San fhógra céanna thug Foras na Gaeilge le fios le fios go bhfuil siad ag lorg tairiscintí ó iarrthóirí a bhfuil tuiscint acu ar chásanna gnó ar ardchaighdeán a dhéanamh agus a bhfuil tuiscint acu ar earnáil na Gaeilge agus ar chur chun na Gaeilge thuaidh agus theas.
Tá Dé hAoine 27 Iúil luaite mar spriocdháta chun tairiscint a dhéanamh don phost mar chomhairleoir agus os rud é go bhfuil sé luaite roimhe seo ag an bhForas go mbeidh cinneadh le glacadh ag an gComhairle Aireachta Thuaidh Theas i mí na Samhna maidir le maoiniú an earnáil dheonaigh ó Mheitheamh 2013 ar aghaidh is léir nach mbeidh mórán saoire i gceist do pé chomhairleoir a cheapfar.
www.advertiser.ie/galway
Múinteoir Eolaíochta agus Matamaitice
Iúil 19, 2012
Tá múinteoir páirtaimseartha á lorg ag Gael-choláiste Chill Dara sna hábhair a leanas:
Eolaíocht, Mata
Cuirfear tús leis an tréimhse oiliúna ar 23 Lúnasa 2012.
Iarratais:
Glacfar le hiarratais tríd an bpost chuig:
An Príomhoide,
Gael-Choláiste Chill Dara,
Seanbhóthar Luimnigh,
Nás na Ríogh,
Contae Chill Dara.
Nó trí ríomhphost a chuir chuig: gccd@eircom.net
Bíodh an t-eolas a leanas iniata le gach iarratas:
- Litir iarratais
- Teistiméarachtaí (Ainm, teideal, teagmháil)
- CV (Neamhcheangailte/Unbound)
- Clárú na Comhairle Múinteoireachta
Spriocdháta: 3 Lúnasa 2012
Is meánscoil lán-Ghaeilge í Gael-Choláiste Chill Dara.
Caithfidh an t-iarrthóir a bheith líofa sa Ghaeilge agus a bheith in ann na hábhair a mhúineadh trí Ghaeilge.
Ba chóir go mbeadh an CV as Gaeilge.
‘Lagmhisneach’
Iúil 18, 2012
NÍ RAIBH an oiread lagmhisnigh agus easpa muiníne riamh i measc cheannairí na n-eagras Gaeilge agus Gaeltachta is atá anois, dar leis an gCoimisinéir Teanga, a scríobhann Seán Tadhg Ó Gairbhí.
Dúirt an Coimisinéir Teanga Seán Ó Cuirreáin go raibh a lorg fágtha ar na heagrais teanga lasmuigh den Ghaeltacht ag an gcath fada achrannach a chuireadar suas i gcoinne an chórais nua mhaoinithe a bhí molta ag Foras na Gaeilge don earnáil teanga.
Ag labhairt dó i gCeatharlach Dé hAoine, dúirt sé go raibh na heagrais “spíonta, tuirseach agus tromchroíoch” tar éis dóibh a bheith “sáite le blianta” i “ndíospóireacht gan tairbhe faoi shamhail nua mhaoinithe gan mhaith, gan toradh”.
Bhí am agus fuinneamh na n-eagras “suaite ag an mhóriarracht seo agus an fócas iomlán air sin seachas ar an obair ar cheart agus ar mhaith leo a bheith ina bun”.
Dúirt sé chomh maith go raibh imní fós ar na heagrais cé gur fhógair Foras na Gaeilge le déanaí go raibh an córas a bhí molta le caitheamh i dtraipisí.
Faoin gcóras conspóideach sin bheadh ar eagraíochtaí dul in iomaíocht le chéile chun maoiniú a fháil chun seirbhísí ar leith a sholáthar.
An tseachtain seo caite d’fhógair Foras na Gaeilge go raibh sainchomhairleoir á lorg arís acu le “cás gnó” agus moladh a dhéanamh maidir le córas nua maoinithe.
Dúirt Ó Cuirreáin go raibh na heagrais buartha go raibh an t-eagras “ag dul ar lorg samhail úrnua mhaoinithe (marc 2) agus gan aon dóchas acu go mbeidh toradh níos fearr ar an bpróiseas sin ná mar a bhí ar an gcéanna atá caite ar leataobh anois”.
Thug Ó Cuirreáin le fios go raibh lagmhisneach i measc na n-eagras Gaeilge agus Gaeltachta go ginearálta de bharr easpa ghnímh an Stáit i leith na teanga: “Má deir tú leo misneach a bheith acu, go bhfuil straitéis 20 bliain anois ann, cuirfear ceist ort céard iad na céimeanna dearfacha, praiticiúla chun leas na teanga atá tógtha agus curtha i bhfeidhm ó foilsíodh an straitéis sin nó de thoradh na straitéise sin?”
Dúirt sé go raibh comharthaí dearfacha ann maidir le húsáid na teanga, ina measc na figiúirí daonáirimh is déanaí a thug le fios go raibh méadú tagtha ar líon na gcainteoirí laethúla Gaeilge go náisiúnta agus sa Ghaeltacht.
Bhí sé rí-thábhachtach, a dúirt sé “nach ngéillfeadh muide ar cás linn an teanga ársa seo ach go mbeadh misneach, muinín agus dóchas againne ar fad”.
Bhí Seán Ó Cuirreáin ag caint Dé hAoine seo caite ag ag seoladh Scoil Samhraidh “An Mheitheal Straitéise, Taighde agus Tionscnamh” i gCeatharlach.
www.irishtimes.com
Scríbhneoirí Gaeilge á lorg ag TG4
Iúil 17, 2012
Ag leanacht leis na scéimeanna Síol, Údar agus Scéal, is cúis áthais dúinn an dara bliain den scéim gearrscannáin, Scéal 2, a fhógairt.
An Scéim:
Scéim fhorbartha í Scéal 2 a thugann deis do thallann nua scríbhneoirí/stiúrthóirí le Gaeilge, saothar aitheanta ó litríocht nó béaloideas na Gaeilge a athchóiriú don teilifís agus a thabhairt ó chéim bhun scripte go céim an chraolta.
Is féidir an bun scéal a roghnú as gearrscéal, dán, scéal béaloidis nó aon saothar a léiríonn scéalaíocht na Gaeilge.
Tá an scéim seo ag TG4 oscailte do scríbhneoirí Gaeilge ó cheann ceann na tíre.
Taithí:
Bíodh taithí scáileáin acu nó ná bíodh, agus do stiúrthóirí ar mian leo taithí a fháil ar dhrámaíocht teilifíse i nGaeilge.
Riachtanais:
Réamhriachtanas a bheidh i gceist do gach rannpháirtí go mbeidís líofa sa Ghaeilge agus in ann páirt a ghlacadh trí Ghaeilge i ngach leibhéal agus céim den scéim.
Tá an chéad sraith de Scéal anois taifeadta agus táthar i mbun iarléiriú air. Beidh sé le feiceáil ar TG4 go luath in 2013.
Is é an 24 Lúnasa 2012 an spriocdháta le haghaidh iarratas.
As na hiarratais ar fad roghnófar gearrliosta scríbhneoirí le freastal ar cheardlanna ceirde, faoi stiúir eagarthóra scripte, ag a ndéanfar forbairt bhreise ar gach togra.
Tá Scéal maoinithe ag Gréasán na Meán, BAI agus TG4. Is féidir gach eolas faoi Scéal a fháil ar shuíomh TG4; www.tg4.ie/sceal
Irish medium primary school opens its doors in Cookstown
Iúil 17, 2012
Triúir múinteoirí Gaelscoile á lorg
Iúil 17, 2012
Tá triúir múinteoirí á lorg ag Gaelscoil Eiscir Riada i Leamchán, Co. Átha Cliath.
Tá ardchaighdeán Gaeilge ag teastáil do na postanna seo.
Iarratais:
Caithfear iarratais a chur ar ríomhphost chuig postgser@yahoo.ie roimh 23 Iúil 2012.
Bíodh an t-eolas a leanas iniata le gach iarratas:
- Litir iarratais
- Teistiméarachtaí scríofa
- Teistiméarachtaí (Ainm, teideal, teagmháil)
- Gráid an chleachtaidh teagaisc
- Cóip gach teastas ábhartha (teastais, céimeanna, dioplómaí)
- Tuairiscí cigireachta
- Clárú na Comhairle Múinteoireachta
- CV (Neamhcheangailte/Unbound)
Cuirfear tús leis an tréimhse oiliúna ar 30 Lúnasa 2012.
Múinteoir tacaíochta foghlama
Iúil 17, 2012
Tá múinteoir tacaíochta foghlama á lorg ag Gaelscoil Uí Earcáin, Co. Átha Cliath.
Duine fuinniúil, le sárscileanna agus taithí múinteoireachta, riaracháin agus cumarsáide, maraon le hardchaighdeán Gaeilge atá de dhíth.
Iarratais:
Glacfar le hiarratais tríd an bpost amháin chuig:
An Cathaoirleach,
1 Cúirt An Inbhir,
Bóthar Bhaile na Mara,
Sord,
Co. Bhaile Átha Cliath
Bíodh an t-eolas a leanas iniata le gach iarratas:
- Litir iarratais
- Teistiméarachtaí (Ainm, teideal, teagmháil)
- Tuairiscí cigireachta
- Clárú na Comhairle Múinteoireachta
- An Ghnáth fhoirm iarratais don Mhúinteoireacht
Spriocdháta: 27 Iúil 2012
Túsdáta: 3 Meán Fómhair 2012
Múinteoir Gaelscoile
Iúil 17, 2012
Tá múinteoirí á lorg ag Gaelscoil an Bhradáin Feasa, Cill, Dhéagláin, Co. na Mí.
3 phost buan (mar gur scoil í atá ag forbairt, móide téarma seasta (sos gairme) ar fáil.
Múinteoir le sár-chaighdeán Gaeilge ag teastáil.
Iarratais:
Glacfar le hiarratais tríd an bpost amháin chuig:
F/ch An Cathaoirleach,
Gaelscoil an Bhradáin Feasa,
Cnoc na Rás,
Cill Dhéagláin,
Ashbourne,
Co. na Mí
Scríobh ‘Iarratas’ ar an gclúdach led’ thoil. SAE riachtanach.
Bíodh an t-eolas a leanas iniata le gach iarratas:
- Litir iarratais
- Teistiméarachtaí scríofa
- Teistiméarachtaí (Ainm, teideal, teagmháil)
- Gráid an chleachtaidh teagaisc
- Cóip gach teastas ábhartha (teastais, céimeanna, dioplómaí)
- Tuairiscí cigireachta
- CV (Neamhcheangailte/Unbound)
- Clárú na Comhairle Múinteoireachta
- An Ghnáth fhoirm iarratais don Mhúinteoireacht
Spriocdháta: 23 Iúil 2012
Cuirfear tús leis an tréimhse oiliúna ar 28 Lúnasa 2012.
D’fhéadfaí aon fholúntas a eascróidh sa scoil a líonadh taobh istigh de 4 mhí óna hiarratais do na postanna seo.
