Dramatic fall in number failing maths in Leaving Certificate
Lúnasa 16, 2012
An Ghaeilge Leictreach
Lúnasa 13, 2012
Tarlaíonn sé gach bliain, lárionad an cheoil agus na nuálaíochta, féile chultúir do gach aois – céard eile ach ‘Electric Picnic’ agus é ag treisiú agus ag bláthú ó bunaíodh é i 2004.
Tá clú agus cáil bainte amach ag an bhféile álainn seo agus í ar comhchéim le féilte móra ceoil ar nós Bestival, Glastonbury agus Exit ó thaobh an cheoil de ach is iad na rudaí beaga iontacha a dhéanann idirdhealú idir Electic Picnic agus gach féile eile ar domhan. I mbliana beidh sí ar siúl ó 31 Lúnasa agus 2 Meán Fomhair.
Cuireann an fhéile seo réimse ollmhór siamsaíochta ar siúl do na mílte cuairteoirí gach bliain idir taispeántais ciorcas, drámaíochta agus grinn, ceol réabh sa choill, ceardlanna potaireachta agus pubaill mhachnaimh agus iad ar fad scaipthe idir na rannóga agus na pubaill éagsúla – ‘Corp agus Anam’ agus ‘Stáitse an Salty Dog’ san áireamh.
Le blianta beaga anuas leagadh béim ar an nGaeilge le linn na féile. Laistigh den rannóg ‘Mindfield’ a fheicfear ceol, damhsa, drámaíocht, scannánaíocht, filíocht, greann agus rap trí Ghaeilge agus beidh an rud céanna ag tarlú arís i mbliana.
Is iad Rossa Ó Snodaigh agus Dónal Ó Donnabháin eagraithe na n-imeachtaí Gaeilge agus tá neart beartaithe acu don bhliain seo cheana féin. Le linn an deireadh seachtaine beidh na himeachtaí a leanas le feiceáil sa Phuball ‘Spoken Word’:
- GAA Karoke: Aonghus Ó hEochaidh agus déanamh tráchtaireachta beo ar an gcluiche Leath Cheannais Peile.
- Diospóireacht Gaelscéal
- Seo Puipéid
- Lúibíní agus Amhránaíocht ar an sean-nós le Mairéad Ní Fhlatharta, Nell Ní Chróinín agus níos mó.
- Amhránaíocht agus ceol beo le Tara Ní Mhaonaigh & Seanán Ó Braonáin, Macara Ó Conghaile, Rónán Ó Snodaigh, Peadar Ó Goill, Eoin Ó Conghaile agus na Dirty Nines.
- Scannáin: Taispeánfar dhá ghearrscannáin le Tomás Ó Súilleabháin agus déanfar athghuthú ar tháir-scannán
- Drámaíocht le Fíbín, Manchán Mangan, Aisteorií Bulfin
- Filíocht le Gearóid Mac Lochlainn, Caoimhín Mac Giolla Cathain is Dairena Ní Chinnéide, Sorcha Fox, Seán Rua Ó Súilleabháin, Louis De Paor & Rónán Browne
- Cabaret Craiceáilte le Rónán Mac Aodh Bhuí
- Sexy Sean-nós: Ceardlann damhsa ar an sean-nós le ‘cur chuige’ éagsúil.
Má tá tú ag teacht chun na Picnice i mbliana, déan cinnte buaileadh isteach go dtí an Rannóg Mindfield le haghaidh neart ceol agus craic trí Ghaeilge!
Múinteoir Gaelscoile – Scoil na gCeithre Máistrí
Lúnasa 13, 2012
Tá múinteoir á lorg ag Scoil na gCeithre Máistrí, Co. na hIarmhí.
Cuirfear tús leis an tréímhse oiliúna ar an 3 Meán Fómhair 2012.
Glacfar le hiarratais ar ríomhphost amháin chuig: postceithremaistri@gmail.com
Bíodh an t-eolas a leanas iniata le gach iarratas:
- Teistiméarachtaí (Ainm, teideal, teagmháil)
- Tuairiscí cigireachta
- Clárú na Comhairle Múinteoireachta
- An Ghnáth fhoirm iarratais don Mhúinteoireacht
Spriocdháta: 23 Lúnasa 2012
Múinteoir Gaelscoile – Gaelscoil na bhFilí
Lúnasa 13, 2012
Tá múinteoir á lorg ag Gaelscoil na bhFilí, Gaillimh.
Is Gaelscoil ilchreidmheach í Gaelscoil na bhFilí. Ard-chaighdeán sa Ghaeilge ag teastáil.
Is post buan é seo. Beidh trí lá lonnaithe i nGaelscoil na bhFilí, Gort Inse Guaire agus dhá lá eile lonnaithe i nGaelscoil eile i gcathair na Gaillimhe.
Treoracha:
1. Seol gach rud ar ríomhphost amháin le do thoil.
2. Seol gach rud mar cháipéis PDF amháin chuig gsfgaillimh2012@gmail.com más féidir.
3. Glacfar le doiciméad Word freisin chuig gsfgaillimh2012@gmail.com.
Spriocdháta: 22 Lúnasa 2012
Múinteoir Gaelscoile – Gaelscoil Thaobh na Coille
Lúnasa 13, 2012
Tá múinteoir Gaelscoile á lorg ag Gaelscoil Thaobh na Coille i mBaile Átha Cliath.
Ceapachán Buan faoi stádas scoil ag forbairt gur gá a líonadh ar théarma seasta suas go dtí an 26/10/12 ach atá le buanú le cead na Roinne Oideachais i ndiaidh an dáta sin.
Bunscoil lán-Ghaeilge, chaitliceach, le stádas forbartha í Gaelscoil Thaobh na Coille. Beifear ag súil go mbeidh ard-chaighdeán Gaeilge labhartha & scríofa maraon le suim mhór sa Ghaeloideachas ag iarratasóirí a chuireann isteach ar an bpost seo.
Tuilleadh eolais faoin scoil ar fáil ag www.taobhnacoille.ie.
Iarratais:
Glacfar le hiarratais tríd an bpost chuig:
An Cathaoirleach
Gaelscoil Thaobh na Coille
Beallairmín
An Chéim
B.Á.C. 18
Bíodh an t-eolas a leanas iniata le gach iarratas:
- Litir iarratais
- Teistiméarachtaí scríofa
- Teistiméarachtaí (Ainm, teideal, teagmháil)
- Gráid an chleachtaidh teagaisc
- CV (Neamhcheangailte/Unbound)
- Clárú na Comhairle Múinteoireachta
Spriocdháta: 16 Lúnasa 2012
Cuirfear tús leis an tréimhse oiliúna ar an 30 Lúnasa 2012
Rúnaí Scoile – Gaelscoil na Mí
Lúnasa 13, 2012
Tá rúnaí scoile páirtaimseartha á lorg ag Gaelscoil na Mí.
Bunscoil lán-Ghaeilge, ilchreidmheach, le stádas forbartha í Gaelscoil na Mí.
Post páirt-aimseartha (9 uair a choig) atá i gceist i dtosach.
Riachtanais:
1.Inniúlacht sa Ghaeilge
2.Taithí riaracháin & eagrúcháin
3.Discréíd & rúndacht
4.Scileanna cumarsáide & idirphearsanta
5.Scileanna teicneolaíochta & Innúlacht ar Word & Excel
6.Taithí oifige / rúnaíochta
7.Seiceáil an Gharda
Iarratais:
Glacfar le hiarratais tríd an bpost chuig:
An Cathaoirleach
CLG Domhnach Mór Cill Dhéagláin,
Cill Dhéaglain Thiar,
Co na Mí
Bíodh an t-eolas a leanas iniata le gach iarratas:
- Litir iarratais
- Teistiméarachtaí scríofa
- Teistiméarachtaí (Ainm, teideal, teagmháil)
- CV (Neamhcheangailte/Unbound)
Spriocdháta: 15 Lúnasa 2012
Túsdáta: 29 Lúnasa 2012
Clonakilty Gaelscoil plans approved
Lúnasa 10, 2012
Páistí dátheangacha níos fearr “ag réiteach fadhbanna”
Lúnasa 10, 2012
Tá páistí dátheangacha níos cruthaithí agus níos fearr ag réiteach fadhbanna na páistí le teanga amháin de réir taighde nua.
Thug Ollscoil Srath Chluaidh agus Ollscoil Cagliari tascanna teanga, matamaitice agus fisiciúla do 121 páiste as Albain agus an tSairdín mar chuid de thaighde don ‘International Journal of Bilingualism’.
Léiríodh go raibh 62 páiste dátheangach I bhfad níos fearr ag na tascanna ná na paistí aonteangacha.
Labhair na páistí ó Ghlascú Béarla agus Gaeileg, nó Béarla amháin, agus labhair na páistí ón tSairdín Sairdínis agus Iodáilis nó Iodáilis amháin.
De réir na dtaighdeoirí, bhí torthaí níos fearr ag na páistí dátheangacha toisc go mbíonn níos mó gníomhaíochta inchinne ar bun acu agus iad ag aistriú ó theanga amháin go teanga eile.
D’éirigh níos fearr leis na páistí le Gaeilge ná na páistí le Sairdínis. Mheas na húdair go raibh níos mó ratha orthu de bharr go múintear an Ghaeilge go foirmiúil agus de bharr go bhfuil litríocht forleathan ag an teanga.
www.gaelsceal.ie
Féile an Droichid 2012
Lúnasa 10, 2012
Beidh Féile an Droichid á reáchtáil ag Ionad Cultúir ‘An Droichead’ don cheathrú bliain as a chéile i mBéal Feirste. Maireann an fhéile ar feadh deireadh seachtaine amháin ó 23-26 Lúnasa agus beidh neart imeachtaí éagsúla á reáchtáil a fheileann do gach cineál aoisghrúpa.
Cuirfear tús le mór-imeachtaí na Féile ar 23 Lúnasa le hoíche mhór cheoil leis an amhránaí sean-nóis iomráiteach, Iarla Ó Lionáird as Cúil Aodha in Iarthar Chorcaí agus é in éineacht laoch an cheoil ghiotáir Steve Cooney as Melbourne na hAstráile. Beidh an cheolchoirm speisialta seo ar siúl san ionad ealaíon úr ‘An Mac’ ag 8 pm.
An oíche dár gcionn beidh scoth an cheoil le cloisteáil sa Droichead le beirt cheoltóirí aitheanta, Caoimhín Ó Raghallaigh agus Breandán Ó Beaglaoich. Tá an bheirt seo ag nascadh cheol an bhosca agus cheol na fidle le chéile ar bhealach draíochtúil agus is cinnte go gcuirfear an lucht féachana faoi gheasa ar an oíche seo. Ní strainséir é Caoimhín Ó Raghallaigh don fhéile áfach. Bhí sé féin agus Iarla Ó Lionáird mar bhaill den ghrúpa ceoil comhaimseartha ‘The Gloaming’ a sheinn ag príomh-cheolchoirm na féile anuraidh. Tosóidh an cheolchoirm ag 7.45pm. in ionad ‘An Droichead’ ar Dé hAoine, 24 Lúnasa.
Ansin Dé Sathairn ag an ionad agus an t-am céanna, cloisfear cónascadh iontach le ceol an bhasúcaí, an chonsairtín, na bpíopaí uillinn agus an mhéarchláir le Dónal Lunny Pádraig Rynne, John McSherry agus Graham Henderson. Seo an chéad uair don ghrúpa seo ceol a chasadh le chéile ach tá clú agus cáil bainte amach acu mar cheoltóirí aonair.
I measc na n-imeachtaí eile a chuirfear ar fáil, beidh na scannáin mhóra Ghaeilge ‘ Mise Éire’ agus ‘Poitín’ á dtaispeáint san QFT (Queens Film Theatre), reáchtálfar taispeántas ceirníní I Halla Uladh, dianchúrsaí Gaeilge / Gaidhlig, ceardlanna consairtín agus basúcaí leis na máistrí ceoil Padraig Rynne agus Dónal Lunny, ceardlanna bodhráin, feadóige móire agus fífe chomh maith le neart seisiún ceoil i rith na féile uile.
Cuirfear rang ealaíne ‘Seisiún Graffiti’ agus rang gluaiseachta ar fáil do pháistí chomh maith. Beidh sonraí maidir le gach imeacht ar fáil ar www.androichead.com
Daonscoil na Mumhan 2012
Lúnasa 10, 2012
Beidh Daonscoil na Mumhan ar siúl i mbliana ó 19-24 Lúnasa i gColáiste na Rinne, Rinn Ó gCuanach, Co. Phort Láirge. Tá an daonscoil ag ceiliúradh 60 bliain ar an bhfód i mbliana.
Is é téama: na bliana seo ná “is mór idir inné agus inniu’
Seachtain de léachtaí, d’imeachtaí, de chraic is de chaidreamh atá i gceist.
Ar an Domhnach déanfaidh an tAire Stáit na Gaeltachta, Donnchadh Mac Fhionnlaoich T.D scoil na blain seo a Oscailt go hoifigiúil.
Beidh ranganna agus imeachtaí éagsúla go leor ar siúl i rith na seachtaine ina measc beidh ranganna amhránaíochta leis na h-amhránaí iomráiteach Anne Mulqueen. Beidh an damhsóir Cuthbert Tura Arutura ón tSiombáib ó dhúchas i bhfeighil ceardlann damhsa ar an sean-nós.
Beidh léachtaí éagsúla ar siúl chomh maith le seisiúin ceoil agus sean-nós, siúlóid sléibhe, seoladh leabhar, scéalta fiannaíochta, turais lae, léamh agus ceardlann filíochta le hÁine Uí Fhoghlú. Tráthnóna Dé Céadaoin beidh comórtas ‘Comóradh an Dá Phádraig’ ar siúl. Tá an Comórtas Tallainne seo á reáchtáil in gcuimhne agus onóir beirt fhear a raibh baint mhór acu le Daonscoil na Mumhan le blianta fada anuas ach atá anois ar shlí na fírinne sin iad Pádraig Ó Dálaigh agus Pádraig Ó hÍceadha.
Le linn na seachtaine beidh imeachtaí éagsúla ar siúl agus maidin Dé hAoine, 24 Lúnasa beidh Léacht an lae RTÉ Raidió na Gaeltachta 1972-2012 le ceannaire Raidió na Gaeltachta Edel Ní Chuirreáin.
Tá lóistín ar fáil i gColáiste na Rinne. Tuilleadh liosta iomlán de na himeachtaí ar fáil ar: www.daonscoil.com
Tuilleadh eolais ar maidir leis an scoil ar fáil ó Annraoi de Paor:
Teil: 087 7938709 / 01 288 0072
Ríomhphost: annraoi.depaor@ucd.ie
