TEAGASCÓIRÍ GAEILGE 2012 – 2013 Gairm ar Iarratais
Eanáir 27, 2012
Cuireann Fondúireacht Ollscoil Éireann Cheanada clár bliantúil dámhachtainí malartacha ar fáil idir ollscoileanna Cheanada agus ollscoileanna na hÉireann, clár atá oscailte do gach disciplín acadúil. Bhunaigh an Dr. Craig Dobbin, Talamh an Éisc, agus an Dr. Pádraig Ó hIrghile, iar-Uachtarán na hÉireann, an Fhondúireacht sa bhliain 1994. Sa bhliain 2004 tugadh aitheantas don Fhondúireacht freisin i Meabhrán Tuisceana idir rialtas Cheanada agus rialtas na hÉireann. Cuireann an Fhondúireacht dámhachtainí ar fáil chun tacú le teagasc na Gaeilge in ollscoileanna áirithe i gCeanada, le maoiniú ón gCrannchur Náisiúnta agus ón Roinn Ealaíon, Oidhreachta agus Gaeltachta. Is mian leis an bhFondúireacht Teagascóirí Gaeilge a cheapadh le haghaidh na tréimhse naoi mí, Meán Fómhair 2012 – Bealtaine 2013, sna hollscoileanna seo leanas:
- University of St. Michael’s College, University of Toronto, Ontario
- Concordia University, Montreal, Quebec
- St. Francis Xavier University, Antigonish, Nova Scotia
- St. Mary’s University, Halifax, Nova Scotia
- St. Thomas University, Fredericton, New Brunswick
- Memorial University, St. John’s, Newfoundland
- University of Ottawa, Ontario
Tabharfar deis do mhúinteoirí reatha barr feabhais a chur ar a gcuid scileanna múinteoireachta agus cur lena n-eolas faoi shochaí agus faoi chultúr Cheanada ionas gur féidir leo tarraingt orthu tar éis dóibh filleadh ar Éirinn. Tá tuilleadh eolais faoi na dámhachtainí, faoi na téarmaí agus faoi na coinníollacha, agus foirmeacha iarratais ar fáil ag www.icuf.ie. Is féidir fiosrúcháin a sheoladh chuig gaeilge@icuf.ie.
IS É DÉARDAOIN, 1 MÁRTA 2012, AN DÁTÁ DEIRIDH A nGLACFAR LE hIARRATAIS.
Gaeltacht schools bear brunt of cuts
Eanáir 27, 2012
Packed meeting hears fears for future of schools
Eanáir 27, 2012
Children who are too busy perform poorly at school
Eanáir 27, 2012
Ceol’s Comhrá the Castlebar based Club Óige is back
Eanáir 27, 2012
Too many activities after school erode overall benefit
Eanáir 27, 2012
Líonra Réigiúnach Gaelscoileanna Teo. ar Glór Anoir, Raidió na Gaeltachta
Eanáir 26, 2012
Some small rural schools are being put in immediate jeopardy by staffing cuts
Eanáir 26, 2012
Daltaí Gaelscoile dearfach faoin nGaeilge
Eanáir 26, 2012
Tá daltaí i nGaelscoileanna i bhfad Éireann n ios dearfaí faoin nGaeilge ná páistí i mbunscoileanna Béarla de réir taighde nua
Léiríonn tuairisc de cuid na hInstidiúide Taighde Eacnamaíochta agus Sóisialta (ESRI) go dtaitníonn an Ghaeilge le 45% de dhaltaí na nGaelscoileanna i gcónaí i gcomparáid le 20% i scoileanna Béarla.
Deir 10% de pháistí na nGaelscoileanna nach dtaitníonn an Ghaeilge leo riamh, ach deir 30% de dhaltaí i scoileanna Béarla an rud céanna. Deir na daltaí eile go dtaitníonn an teanga leo anois is arís. Taitníonn an Ghaeilge le beagnach 40% de dhaltaí i scoileanna Gaeltachta i gcónaí ach ní thaitníonn an teanga le thart ar 16%.
Ta daltaí Gaelscoile níos dearfaí faoin nGaeilge ná faoi Mhata ach tá siad níos dearfaí faoi Léamh/Béarla ná an Ghaeilge. Tá daltaí i scoileanna Béarla i bhfad níos dearfaí faoi Mhata agus Léamh ná an Ghaeilge. Mar shampla deir 45% de dhaltaí gur maith leo an Mata i gcónaí agus 10% nach maith leo riamh é. Ní thaitníonn an Ghaeilge le 33% de dhaltaí le múinteoir fir agus 28% le múinteoir mná.
De réir an taighde tá daltaí Gaelscoile níos dearfaí faoin gcóras scolaíochta i gcoitinne. Tá curaclam níos leithne á mhúineadh i nGaescoileanna.
GAELSCÉAL
Méadú 60.8% ar an Ghaelscolaíocht
Eanáir 25, 2012
Léirigh figiúirí a thug John O’Dowd, Aire Oideachais an Tuaiscirt, sa Tionól an fás atá ar an Ghaeloideachas le deich mbliana anuas.
Thar an tréimhse tá méadú 54.2% ar líon na bpáistí atá ag fáil bunscolaíochta trí Ghaeilge ó thuaidh.
Bhí 1,421 i rang a trí sa scoilbhliain 2001/2. Ba 2,191 a bhí ag an chéim chéanna in 2011/2.
Níl an líon céanna páistí ag gabháil don mheánscolaíocht Ghaeilge. Mar sin féin, tá méadú 60.8% air sin.
Bhí 342 páiste ag fáil meánoideachais trí Ghaeilge in 2001/2. Is 550 atá i gceist don scoilbhliain reatha.
Thug O’Dowd an t-eolas i bhfreagra ar cheist ón gComhalta den Tionól Reachta Daithí McKay.
Dúirt Mícheál Ó Duibh, príomh-fheidhmeannach Chomhairle na Gaelscolaíochta, gur léirigh na figiúirí an t-éileamh ar an Ghaelscolaíocht.
“Sílim go bhfuil sé tábhachtach go ndéanfaí forbairt ar an iar-bhunscolaíocht Ghaeilge. Más ann don éileamh, tá an dúshlán sin romhainn.”
GAELSCÉAL
