Dioplóma Iarchéime san Aistriúchán agus san Eagarthóireacht (ar líne)
Bealtaine 16, 2013
Tá ráchairt i gcónaí ar dhaoine a bhfuil ardscileanna acu sa Ghaeilge scríofa, san aistriúchán agus san eagarthóireacht.
Is cúrsa páirtaimseartha ar líne thar dhá bhliain é seo do dhaoine atá ag iarraidh barr feabhais a chur ar a gcuid scileanna aistriúcháin agus eagarthóireachta agus cáilíocht ghairmiúil a bhaint amach. Díreofar sa chúrsa ar raon leathan téacsanna a aistriú go Gaeilge, ar chruinneas Gaeilge agus cúrsaí stíle agus ar fhadhbanna coitianta a aithint agus a réiteach.
Tuilleadh eolais ar fáil ó teanga@nuim.ie
Suíomh gréasáin: http://www.nuim.ie/language/courses/hdip-trans.shtml
Teil: 01 7086417 / 7083737 00353 (0)1 / 7086417
Ionad na dTeangacha
Ollscoil na hÉireann, Má Nuad
Má Nuad
Co. Chill Dara
Beidh an cúrsa teoranta do 30 duine.
Dáta deiridh do na hiarratais: 7 Meitheamh 2013
Foilsithe ar Gaelport.com
Vacancy for Webwise Education Officer
Bealtaine 16, 2013
The webwise education officer will assist in the development, delivery, and support of training and development programmes for teachers, parents and those who work closely with children. They will be involved in promoting safer more effective use of the internet by children through the development of a wide range of educational and awareness raising resources. They will also be expected to provide full administrative support on the webwise internet safety awareness initiative of Professional Development Service for Teachers (PDST). This includes the provision of pedagogical, technical, project management and communications support. We believe that young people are critical participants in the development of programs which affect them. We strive to include their voice in our development process. The webwise education officer will facilitate the work of our youth advisory panel and assist in the development of educational resources.
Profile and skills
The applicant should have:
- A recognised teaching qualification.
- An excellent command of English, both spoken and written. Irish would be an asset.
- Excellent organisational skills and the ability to juggle priorities and assignments.
- A good work ethic, able to work well in teams and independently, sometimes to short deadlines.
Desirable:
- Experience in teaching at Primary or Post Primary level (the teaching of Social, Personal and Health Education (SPHE) would be an asset).
- Some relevant experience working with children and/or young people.
- Experience in educational resource development.
- Training delivery /curriculum development experience.
- Experience of working with web publishing tools and content management systems
- Experience of using online marketing and promotion tools
- Innovative ideas and experience in using Web 2.0 technologies, and audio and video resources.
- Thorough knowledge of ICTs and their application in first and second level education for learning and teaching
- Excellent presentation and interpersonal skills
Typical tasks include:
- Creating educational resources
- Recruiting, managing and facilitating a youth advisory panel
- Contributing to the ongoing improvement of the information structure
- Writing project assessment and progress reports
- Providing full administrative support to the project to ensure efficient implementation
- Providing full accounting and administrative support to the Coordinator with responsibility for the initiative
- Work within the partnership of European projects to share and utilise European expertise to affect national awareness.
- Liaise with European partners in pursuit of most effective progress in Internet Safety Awareness in Ireland and across the partner communities.
- Other communications tasks
- Contributing to meetings, reports, and communication strategies
- Managing events and communicating with media.
The duties of this post may vary from time to time as the needs of the PDST Technology in Education vary. The education officer will carry out any other duties as may be defined by their line manager and/or Director in consultation with the post holder. The Webwise education officer must meet with the PDST- Technology in learning child protection policy requirements and must be willing to obtain Garda clearance.
The position is a twelve month fixed term contract with Dublin West Education Centre from June 2013. Candidates should be available to commence in no later than June 2013.
The person appointed will be based in the offices of the PDST Technology in Education (formerly NCTE) on the Dublin City University campus, Glasnevin, Dublin 9.
Annual leave entitlement will be 20 working days per annum pro rata, exclusive of Public Holidays. The normal hours of work will be 9.15am until 5.15pm, Monday to Friday. Salary offered will be commensurate with basic teacher qualifications and experience.
Applications should be made by 5 pm on Wednesday 22nd May. Please email your CV to Siobhán Kerr, Email: skerr@dwec.ie . Please note that interviews for short-listed candidates will take place week commencing 27th May 2013 and candidates should be available to commence no later than the end of June.
BA sa Ghaeilge Fheidhmeach in Acadamh na hOllscolaíochta: Seisiún Eolais i mBaile Átha Cliath
Bealtaine 15, 2013
Tá BA sa Ghaeilge Fheidhmeach á thairiscint ag Ollscoil na hÉireann Gaillimh a bheidh á sheachadadh ar líne den chuid is mó ar bhonn páirtaimseartha thar cheithre bliana.
Tá an cúrsa dírithe ar fhoghlaimeoirí lánfhásta ach aithneofar mic léinn a bhfuil teastas nó dioplóma faighte acu cheana. Cuirfear fáilte freisin roimh dhaoine a roghnaíonn tabhairt faoi mhodúil aonair.
Cuireann an cúrsa seo an oiliúint riachtanach ar fáil do rannpháirtithe ar mhian leo gairm a bhunú sna réimsí seo a leanas:
- Aistriúchán
- Na meáin chumarsáide – TG4, Raidió na Gaeltachta
- Eagraíochtaí Gaeilge agus Gaeltachta
- Margaíocht agus cumarsáid
- An earnáil oideachais
- An Státseirbhís agus údaráis áitiúla
- An earnáil phobail agus ghnó
Beidh seisiún eolais faoin BA ar siúl in oifigí Chomhdháil Náisiúnta na Gaeilge, 46 Sráid Chill Dara, Baile Átha Cliath 2 ar an Máirt, 21 Bealtaine 2013 ar 6.30 i.n. Tá fáilte roimh chách teacht agus éisteacht leis na féidearthachtaí a bhaineann leis an gcúrsa agus freagra a fháil ar cheist ar bith.
Cuirfear tús leis an gcúrsa i mí Mheán Fómhair 2013 agus is gá clárú lena aghaidh roimh 23 Lúnasa 2013. Tá tuilleadh sonraí ar fáil anseo.
Foilsithe ar Gaelport.com
Leabhar nua do mhúinteoirí bunscoile á sheoladh
Bealtaine 15, 2013
Seolfaidh Muireann Ní Mhóráin, Príomhfheidhmeannach COGG leabhar nua, ‘Gníomhachtaí Gasta : 60 Gníomhaíocht Chumarsáide’ don Rang Gaeilge le Siobhán Patten in ionad Ghaelchultúr, 11 Sráid an Chláraigh, Baile Átha Cliath ar an Déardaoin, 30 Bealtaine 2013 ag 6.30i.n.
Tá an leabhair seo dírithe ar mhúinteoirí bunscoile le 60 gníomhaíocht spraíúil chumarsáide ar fáil sa leabhar. Pléitear go mion na pleananna ceachta, rud a chuirfidh ar chumas múinteoirí cumarsáid nádúrtha agus foghlaim éifeachtach a chothú sa rang Gaeilge.
“Cé go bhfuil béim i gcúrsaí múinteoireachta ar an gcur chuige cumarsáideach le blianta, bíonn sé deacair teacht ar mhodhanna éifeachtacha le cumarsáid a spreagadh sa seomra ranga,” a deir Siobhán Patten, údar an leabhair.
Is féidir fótachóip a dhéanamh de na gníomhaíochtaí atá le fáil sa leabhar agus tá siad oiriúnach do dhaltaí i ranganna 3–6 i scoileanna T1 agus T2 araon.
Is féidir Gníomhaíochta Gasta a cheannach ar www.siopa.ie ar €34.95 agus is féidir féachaint ar ábhar samplach ón leabhar anseo.
Le linn na hócáide céanna, bronnfar a gcuid teastas ar na chéad mhic léinn atá tar éis an cúrsa Teastas sa Ghaeilge Ghairmiúil (Leibhéal 4) a chríochnú agus an cháilíocht a bhaint amach.
Foilsithe ar Gaelport.com
BA (Gaeilge Fheidhmeach) Acadamh na hOllscolaíochta Gaeilge
Bealtaine 14, 2013
Cúrsa eisceachtúil an chéim seo sa Ghaeilge Fheidhmeach. Is é seo an t-aon chlár in Éirinn ina bhfuil céim sa Ghaeilge á tairiscint trí mheán na foghlama cumaiscthe. Is é aidhm na céime spéis an mhic léinn i saol agus léann na Gaeilge a mhúscailt agus a threisiú. Fágann modh seachadta an chúrsa go mbeidh deis ag mic léinn ar scoth an teagaisc ach nach mbeidh ualach míréasúnta taistil orthu. Tá an chéim á tairiscint ag Ollscoil na hÉireann, Gaillimh, idir Acadamh na hOllscolaíochta Gaeilge agus Roinn na Gaeilge.
Cé air a bhfuil an chéim seo dírithe?
Foghlaimeoirí lánfhásta is mó a bhainfidh tairbhe as an gcúrsa seo. Tabharfar aitheantas do mhic léinn a bhfuil teastas nó dioplóma faighte acu cheana. Cuirfear fáilte freisin roimh dhaoine a roghnaíonn tabhairt faoi mhodúil aonair. Is féidir leat cáilíocht a bhaint amach anois de réir a chéile agus de réir mar a fheileann duitse.
Cáilíocht a bhainfear amach
Bronnfar céim (NQAI leibhéal 8) ar mhic léinn a chríochnaíonn na ceithre bliana den chúrsa (i.e. 180 ECTS). Bronnfar creidmheasanna in aghaidh an mhodúil freisin. Sásaíonn an cháilíocht seo bunchritéir na Comhairle Múinteoireachta i leith mhúineadh na Gaeilge mar ábhar ardteiste
Riachtanais iontrála
- Fáilteofar roimh iarratais ó dhaoine a bhfuil Gaeilge ar a dtoil acu. Beidh grád C3 (ardleibhéal)sa Ghaeilge riachtanach. Sásaíonn sé sin gnáthriachtanais iontrála na hOllscoile.
- Is féidir le hiarratasóirí a bhíonn os cionn 21 bliain d’aois an 1 Eanáir den bhliain iontrála, iarratas a dhéanamh mar fhoghlaimeoirí lánfhásta. Sa chás seo, ní gá go mbeadh an Ardteist riachtanach. Cuirfear iarratasóirí faoi agallamh agus bunófar an toradh ar chumas cumarsáide an iarratasóra san agallamh sin.
Cé mar a dhéanfar an clár a sheachadadh?
Seachadfar an clár ar bhonn páirtaimseartha thar cheithre bliana agus bainfear leas as foghlaim chumaiscthe lena tairiscint. Déanfar an clár a theagasc ar bhonn modúil. Tabharfar deis d’fhoghlaimeoirí a gclár ama agus a n-ualach oibre a chur in oiriúint dá gcúinsí maireachtála féin. Cuirfear ábhar na modúl ar fáil ar líne go seachtainiúil. Tabharfaidh na teagascóirí tacaíocht agus aiseolas ag ceardlanna míosúla ar champas na hOllscoile.
Tabharfaidh siad tacaíocht agus aiseolas ar líne trí úsáid a bhaint as ríomhphost agus fóraim phlé freisin. Sa chéad agus sa dara bliain den chéim seachadfar na ranganna teanga in ionaid de chuid na hOllscoile agus in ionaid áirithe eile ar fud na tíre ag brath ar éileamh.
Cuimseoidh siollabas an chláir
- Ceartúsáid na teanga
- Cúrsaí litríochta
- Béaloideas agus stair chultúrtha
- Gnéithe den aistriúchán agus den iriseoireacht
An Córas Measúnachta
Caithfidh mic léinn a bheith páirteach i ndíospóireachtaí agus fóraim phlé ar líne i rith na bliana acadúla. Measúnófar na modúil uile ar bhonn aonarach. De ghnáth bunófar na measúnuithe seo ar imeachtaí i rith an mhodúil chomh maith le haiste nó togra scríofa ag deireadh an tseimeastair.
Deiseanna Fostaíochta i réimse na Gaeilge
Bíonn éileamh ar chéimithe le Gaeilge Fheidhmeach sna réimsí seo:
- Aistriúchán
- Na meáin chumarsáide – TG4, Raidió na Gaeltachta
- Eagraíochtaí Gaeilge agus Gaeltachta
- Margaíocht agus cumarsáid
- An earnáil oideachais
- An Státseirbhís agus
- údaráis áitiúla
- An earnáil phobail agus ghnó
Lacáiste Cánach
Tugann na Coimisinéirí Ioncaim faoiseamh cánach do tháillí teagaisc ar an gcúrsa seo. Tuilleadh eolais le fáil ar http://www.revenue.ie/ga/tax/it/leaflets/it31.html
Líon mac léinn: 60
Táille Bhliantúil: €3055
Táille in aghaidh an mhodúil (5ECTS): €340 (Beidh tobhach €56 le híoc ag mic léinn a chláraíonn ar an gcúrsa seo.)
Iarratas a dhéanamh: www.oegaillimh.ie/acadamh nó www.oegaillimh.ie/gaeilge
Tús an Chúrsa: Mean Fómhair 2013
Cláraigh roimh: 23ú Lúnasa 2013
BunGhaeilge ar fáil mar aip d’fhóin chliste
Bealtaine 14, 2013
Seolfaidh Forbairt Naíonraí Teoranta aip nua bunaithe ar leabhar frásaí, ‘BunGhaeilge’ ar an gCéadaoin seo, 15 Bealtaine 2013.
Tá an aip seo á forbairt ag FNT le bliain anuas agus is éard atá i gceist ag an eagraíocht a thacaíonn leis an oideachas trí Ghaeilge ná acmhainn iontaofa a chur ar fáil do theaghlaigh ar bheagán Gaeilge nó ar mhian leo cúpla focal a úsáid go rialta ina gcuid gníomhaíochtaí laethúla.
Tá na frásaí roinnte i rannóga éagsúla m.sh. ‘Ar Maidin’, ‘An Naíonra’, ‘Sa Siopa’, ‘Sa Ghairdín’, mar atá leagtha amach sa leabhar frásaí ar a bhfuil sé bunaithe, ‘BunGhaeilge do Thuismitheoirí agus Feighlithe Leanaí’.
Cuireann an aip ar chumas an fhoghlaimeora éisteacht le foghraíocht na bhfrásaí agus athrá a dhéanamh orthu os ard. Mar sin, ní do theaghlaigh amháin an áis seo ach d’fhoghlaimeoirí na Gaeilge chomh maith. Is é an leagan caighdeánach den aip a sheolfar ar dtús ach eiseofar leaganacha le mór chanúintí na Gaeilge amach anseo, gné a chuideoidh go mór le foghraíocht an fhoghlaimeora.
Seasann forbairt na haipe seo mar chéim mhór i dtaobh úsáid na teicneolaíochta i gcur chun cinn na Gaeilge agus táthar ag súil go gcuideoidh an áis le teaghlaigh ar fud an domhain agus iad ag múineadh na teanga don chead ghlúin eile.
Beidh BunGhaeilge ar fáil le híoslódáil saor in aisce ar gach fón cliste, ón siopa Android ón 15 Bealtaine, agus ó shiopa Apple faoi thús na míosa seo chugainn.
Foilsithe ar Gaelport.com
Iarbhunscoileanna nua le bunú i 2015-2016
Bealtaine 14, 2013
Tá sé fógartha ag an Roinn Oideachais agus Scileanna go mbeidh 8 iarbhunscoil nua le bunú sa tréimhse 2015-2016. Scoileanna a mhúineann trí mheán an Bhéarla a bheidh sna scoileanna nua seo, de réir litir atá faighte ag GAELSCOILEANNA TEO. ón Roinn, agus luaitear sa chomhfhreagras céanna gur “socraíodh agus gur freastalaíodh ar sholáthar trí mheán na Gaeilge sa chéad ghrúpa scoileanna a fógraíodh” (na scoileanna atá le hoscailt i 2013 agus 2014; trí iarbhunscoil lán-Ghaeilge ina measc). Tá GAELSCOILEANNA TEO. ag lorg soiléirithe ar bhonn práinne maidir leis an ráiteas seo sa mhéid is go bhfuil sé in aghaidh an phróisis daonlathach atá mar bhunús den chur chuige nua trína roghnófar an cineál scoile bunaithe ar shainrogha tuismitheoirí.
Iarrfaidh an Roinn Oideachais ar phátrúin ionchasacha ar na scoileanna nua (sna ceantair liostáilte thíos) deimhniú go mbeidh siad toilteanach Aonaid lán-Ghaeilge a bhunú má tá éileamh orthu, agus tá soiléiriú lorgtha ag GAELSCOILEANNA TEO. ón Roinn maidir leis na próisis atá ann leis an éileamh seo a mheas, na dualgais atá ar phátrúin ionchasacha tairiscint ghníomhach a dhéanamh ar sholáthar lán-Ghaeilge agus na tacaíochtaí atá ar fáil ón Roinn do phátrúin ar mian leo Aonaid a bhunú. Tá go dtí an 28 Meitheamh ag pátrúin le hiarratas a dhéanamh ar phátrúnacht na n-iarbhunscoileanna nua seo. Leanfaidh GAELSCOILEANNA TEO. ag plé leis an Roinn agus leis na pátrúin le cinntiú go bhfuil cearta agus éileamh ar oideachas lán-Ghaeilge tugtha san áireamh sa phróiseas le scoileanna nua a bhunú.
Tá preasráiteas na Roinne (i mBéarla amháin) le léamh anseo: http://education.ie/en/Press-Events/Press-Releases/2013-Press-Releases/PR13-05-10B.html
| Contae | Ceantar | Bliain tosaithe | Líon daltaí |
| Cábhán | Dún an Rí | 2016 | 400 |
| Corcaigh | Carraig Uí Leighin | 2016 | 500 |
| Corcaigh | Mainistir na Corann/Carraig Thuathail | 2016 | 1,000 |
| Áth Cliath | Baile Brigín | 2016 | 700 |
| Áth Cliath | Baile an tSaoir | 2016 | 1,000 |
| Áth Cliath | Coill an Rí, Tamhlacht | 2016 | 1,000 |
| Cill Dara | Cill Droichid | 2015 | 1,000 |
| Cill Mhantáin | Tuaisceart Chill Mhantáin | 2016 | 1,000 |
An Brat Buí i nGaelscoil an Bhradáin Feasa
Bealtaine 13, 2013
Ba mhór linn comhghairdeas a dhéanamh le Gaelscoil an Bhradáin Feasa a bhain Brat Buí amach don scoil le déanaí! Seo thíos roinnt grianghraf a ghlacadh ar Lá na Máthartheanga a bhí ag an scoil. “Bhain na tuismitheoirí nach Éireannaigh iad an-leas as agus thug sé deis dóibh a bheith páirteach sa scoil” a dúirt príomhoide na scoile, Siobhán Ní Dhúill. “Thángadar isteach chuig na ranganna agus rinneadar cur i lathair ina dteangacha féin don chuid is mó. Nuair a bhí cruinnithe againn le daoine nach raibh Gaeilge acu d’oibrigh na páistí mar aistritheoirí go Gaeilge. Mar sin, is i nGaeilge a bhí na cruinnithe!” Bhí lá il-chultúrtha ag an scoil chomh maith i mbliana agus deir siad go mbeidh siad ag leanúint leis an dea-obair chun an brat a choinneáil. Guimís gach rath orthu agus tá súil againn go spreagfaidh siad scoileanna lán-Ghaeilge eile le tabhairt faoin scéim. Tá tuilleadh eolais maidir leis ar fáil anseo: An Brat Buí. Tá an spriocdháta do scoileanna lán-Ghaeilge sínte go dtí an 30 Bealtaine 2013, mar sin, tapaigí an deis!
Leagan Gaeilge de láithreán gréasán Ionadaíocht an Choimisiúin Eorpaigh in Éirinn le seoladh
Bealtaine 13, 2013
Dé Luain an 27 Bealtaine, seolfaidh an Coimisinéir Eorpach, Máire Geoghegan-Quinn, leagan Gaeilge de láithreán gréasán Ionadaíocht an Choimisiúin Eorpaigh in Éirinn – http://www.euireland.ie/failte
Tugann an láithreán gréasáin léargas cuimsitheach ar institiúidí agus ar bheartais an Aontais Eorpaigh. Is acmhainn luachmhar é do scoileanna a thugann eolas ar an réimse acmhainní atá ar fáil saor in aisce ón Ionadaíocht. Tá eolas úsáideach ar chearta shaoránaigh an Aontais Eorpaigh ann freisin, rud atá ábharach go háirithe i mbliana – Bliain Eorpach na Saoránach 2013. Tá eolas stairiúil ann freisin faoin am a chuaigh Éire isteach sa CEE in 1973 agus faoi thionchar bhallraíocht an AE ar Éirinn, rud eile atá tábhachtach in 2013 ó tharla go bhfuil Éire ag comóradh cothrom 40 bliain de bhallraíocht an AE. Is féidir le cuairteoirí ar an láithreán teacht ar eolas freisin faoi dheiseanna fostaíochta san AE mar aon le cur síos ar dhaoine as Éirinn atá ag obair don Aontas Eorpach.
D’aistrigh foireann aonad Gaeilge an Choimisiúin Eorpaigh in Ard-Stiúrthóireacht an Aistriúcháin téacs an láithreáin ghréasáin.
Gníomhaíochtaí Gasta: leabhar nua do mhúinteoirí bunscoile ó Ghaelchultúr
Bealtaine 13, 2013
Bíonn go leor múinteoirí bunscoile ag iarraidh a theacht ar bhealaí níos éifeachtaí chun an Ghaeilge a mhúineadh, agus tá leabhar úrnua, Gníomhaíochtaí Gasta, foilsithe ag Gaelchultúr a thabharfaidh neart smaointe don seomra ranga do na múinteoirí sin. Tá 60 gníomhaíocht spraíúil chumarsáide le fáil sa leabhar, mar aon le pleananna ceachta, rud a chuirfidh ar chumas múinteoirí cumarsáid nádúrtha agus foghlaim éifeachtach a chothú sa rang Gaeilge.
Is féidir fótachóip a dhéanamh de na gníomhaíochtaí atá le fáil sa leabhar agus tá siad oiriúnach do dhaltaí i ranganna 3–6 i scoileanna T1 agus T2 araon.
Tá fiche gníomhaíocht fíorchumarsáide in Gníomhaíochtaí Gasta ina ndírítear ar na deich dtéama atá sa churaclam Gaeilge: Mé Féin, Sa Bhaile, Bia, Siopadóireacht, An Teilifís, Caitheamh Aimsire, An Aimsir, Éadaí, An Scoil agus Ócáidí Speisialta.
“Cé go bhfuil béim i gcúrsaí múinteoireachta ar an gcur chuige cumarsáideach le blianta, bíonn sé deacair teacht ar mhodhanna éifeachtacha le cumarsáid a spreagadh sa seomra ranga,” a deir Siobhán Patten, údar an leabhair. “Measaim gur acmhainn luachmhar a bheidh in Gníomhaíochtaí Gasta do mhúinteoirí bunscoile agus go gcabhróidh sé go mór leo scileanna teanga na ndaltaí a fhorbairt ar bhealach spraíúil, idirghníomhach.”
Tá treoracha cuimsitheacha le fáil in aonaid an leabhair maidir leis na gníomhaíochtaí fíorchumarsáide, chomh maith le moltaí i dtaca le gníomhaíochtaí réamhchumarsáide agus iarchumarsáide. Cuirfidh sé seo ar chumas an mhúinteora plé le gach aonad mar cheacht iomlán, más mian leis/léi déanamh amhlaidh. Is féidir, dar ndóigh, na gníomhaíochtaí fíorchumarsáide a úsáid ina n-aonar, mar shúil siar ar ábhar a múineadh cheana féin nó go díreach mar chluichí spraíúla ranga.
An cur chuige cumarsáideach atá i gceist tríd síos sa leabhar agus tá go leor de na feidhmeanna teanga atá leagtha síos sa churaclam Gaeilge le fáil ann.
Is as Acaill, Contae Mhaigh Eo, ó dhúchas í Siobhán Patten. Chaith sí roinnt mhaith blianta ag obair mar mhúinteoir bunscoile, agus ina dhiaidh sin mar oiliúnóir agus mar Bhainisteoir Sainchúrsaí le Gaelchultúr. Tá taithí leitheadach aici ar shiollabais, acmhainní teagaisc agus pleananna ceachta a fhorbairt.
Is féidir Gníomhaíochta Gasta a cheannach ar www.siopa.ie ar €34.95.
Le féachaint ar ábhar samplach ón leabhar, cliceáil anseo.
Tá Gaelchultúr buíoch de COGG (An Chomhairle um Oideachas Gaeltachta agus Gaelscolaíochta) as tacaíocht airgid a chur ar fáil do Gníomhaíochtaí Gasta.
www.gaelchultur.com
