Aitheantas á lorg don phobal
Eanáir 24, 2013
Tá sé fógartha ag Conradh na Gaeilge go bhfuil siad ag eagrú cruinniú oscailte do phobal na Gaeilge chun todhchaí na Straitéise 20 Bliain don Ghaeilge 2010-30 a phlé.
Beidh an cruinniú ar siúl in Óstán an Menlo Park ar Dé hAoine 1 Feabhra ag 3.00i.n. Tá an cruinniú seo á reáchtáil mar thoradh ar theip na Roinne Gaeltachta freagra a thabhairt ar éileamh an Chonartha chun an pobal Gaeilge agus Gaeltachta a aithint mar gheallsealbhóirí i gcur i bhfeidhm na Straitéise 20 Bliain don Ghaeilge agus an struchtúr riachtanach a chur ar bun chuige sin. Tá Conradh na Gaeilge ag fanacht 8 mhí ar Roinn na Gaeltachta chun freagra a thabhairt ar an éileamh seo. I litir atá sínithe ag Uachtarán agus Ard-Rúnaí an Chonartha deir siad “Creideann muid gur gá dúinn teacht chun tosaigh ar na droch-chinntí atá á nglacadh ag Rialtas na hÉireann go rialta maidir le cur i bhfeidhm na Straitéise agus droch-chinntí eile go mbíonn tionchar díreach acu ar dhul chun cinn na Gaeltachta agus na Gaeilge. Tá an liosta de na droch-chinntí ag dul i méid, go háirithe an cinneadh a glacadh le déanaí leis an gComhairle um Oideachas Gaeltachta agus Gaelscolaíochta a chur faoin gComhairle Náisiúnta Curaclaim agus Measúnachta. Is ionsaí eile é seo ar institiúidí na Gaeilge go bhfuil muinín ag pobal na Gaeilge agus Gaeltachta astu. Táimid ag troid in aghaidh an chinnidh seo faoi láthair agus pléifear cás COGG ar an lá chomh maith.
Ní féidir linn troid áfach in aghaidh gach droch-chinnidh a ghlac agus a ghlacfaidh an Roinn agus an Rialtas i gcónaí. Níl an fuinneamh ná na hacmhainní againn. Is gá teacht chun tosaigh ar na cinntí agus tionchar díreach a imirt chun go mbeidh na cinntí aontaithe idir an pobal agus na húdaráis le chéile. Tarlaíonn sé in earnálacha éagsúla go n-aithnítear na geallsealbhóirí agus go mbíonn ionadaíocht acu ag an mbord a ghlacann na cinntí móra. Tá an t-aitheantas agus an ionadaíocht chéanna uainn. Tá sé ar leas na n-údarás glacadh leis an éileamh gur chuireamar chucu chun go mbeidh muid, le chéile, ag glacadh seilbhe ar chur i bhfeidhm na Straitéise agus ag aontú ar an mbealach is fearr chun cinn don Ghaeilge agus don Ghaeltacht.”
www.advertiser.ie/galway
Gaelscoil vying to secure playground equipment through a Facebook competition
Eanáir 18, 2013
A few months ago, Gaelscoil Dara, Renmore, entered a Facebook competition run by the English company Wicksteed Playscapes, to win playground equipment to the value of £25,000.
After diligent efforts were made by parents of the students to share the link and encourage their online friends to vote for Gaelscoil Dara, 1,737 votes were secured which allows the school to progress to the next stage of the contest for which 10 schools have been shortlisted.
A panel of adjudicators will visit the schools later in the month to determine which is the one most deserving of the prize. Parents, teachers, and the student body will team up to prove their determination to win. The children must exhibit their passion through artistic media, why they believe their school should be selected to win.
Out of the 120 schools which entered from Ireland and the UK, Gaelscoil Dara earned one of the highest numbers of votes. After a 27 year wait, Gaelscoil Dara received funding to build a permanent, new, premises, which can be seen from the Dublin Road, opposite GMIT, including a playground, but nfortunately the funds ran out before its completion. Instead, you have an empty, fenced off, spacious play area void of playing equipment and full of the school’s wheelie bins.
The children would love to see the building completed with the equipment in the empty playground as there is no other playground within walking distance in the community. It would be especially advantageous to the children with special needs attending the school and those who still visit from Rosedale School beside where Gaelscoil Dara once used to be.
Michelle Kirby, school secretary of Gaelscoil Dara, and instigator of the school’s application to the competition, thanks all the people of Galway and their Facebook friends, who took time to vote for the very deserving potential winner.
www.advertiser.ie/galway
Dhá Aip nua ó Chúla4
Samhain 15, 2012
Bainfidh paistí óga lán na súl as an dá Aip nua, Cúlacaint2 agus OLLY an Veain Bheag Bhán a sheol TG4 ag an Oireachtas.
Tá siad dírithe ar pháistí réamhscoile agus iad ar fáil saor in aisce ó iTunes don iPhone agus iPad trí “Cula4” nó “TG4” a chur isteach mar fhocal cuardaigh. Tá an dá Aip ag cur leis an stór ábhar atá ar fáil ó TG4 do pháistí, mar atá; Cúlacaint; na cluichí idirghníomhacha Gaeilge atá ar fáil ar www.cula4.com agus ábhar ar an Seinnteoir www.tg4.tv. Deir Lís Ní Dhálaigh ó TG4 gur forbairtí suntasacha iad seo “tá páistí na linne seo thar a bheith grinnchúiseach ina roghanna féachana agus ní foláir ábhar den scoth a bheith againn le cur ina láthair. Is ardú croí dúinn an úsáid fhorleathan atá á baint as Cúlacaint – an chéad Aip a chuireamar ar fáil. Seolfar ceann eile, Ag Spraoi le Claude, dírithe ar an aoisghrúpa céanna seo, roimh dheireadh na Samhna.”
www.advertiser.ie
Ceisteanna don Chrann Taca
Deireadh Fómhair 18, 2012
Reáchtálfar Tráth na gCeisteanna Boird i dTigh Chualáin in Indreabhán san oíche amárach, Dé hAoine 19 Deireadh Fómhair, ar mhaithe leis an gCrann Taca, an tIonad Tacaíochta Teaghlaigh.
Cuirfear tús leis an oíche ag 8.30i.n. agus rachaidh an brabach ar fad i dtreo costais riaracháin na háite. Tá an ócáid á reáchtáil ag Coiste Tacaíochta an Ionaid agus tá duaiseanna maithe agus oíche den scoth geallta. Tá an coiste seo gníomhach le tamall anuas agus arís ar maidin Domhnaigh, 21 Deireadh Fómhair, tá maidin caifé agus díolachán cácaí á eagrú acu, ócáid a bheidh ar siúl sa Chrann Taca ó 11.30r.n. ar aghaidh agus tá fáilte roimh chách.
www.advertiser.ie
Baboró shows as Gaeilge
Deireadh Fómhair 18, 2012
VERY YOUNG children will be kept entertained, engaged, amused, and be opened up to both theatre and the Irish language with a variety of shows at the Baboró festival.
Graffiti Theatre Company will stage An Fear Siúil (Walking Man) by Jody O’Neill, for children aged six to nine in the Town Hall Studio today at 10.15am and 12.15pm. Walking Man has spent his whole life in pursuit of success. He has always rushed headlong through life, determined to follow in his father’s footsteps to the best job on the top floor of the tallest building in the whole city. Yet once he achieves all this, he still feels unfulfilled and must go on a new journey. Irish Theatre Magazine has praised the production for its “subtlety and sophistication…a production of magic and wonder”. The Gombeens – actor and comedians duo of Miquel Barcelló and Jonathan Gunning – will present Spraoi in the Druid Lane Theatre on tomorrow at 11am and 3pm.
This show is performed in Catalan and as Gaeilge. It is about two boys who arrive at the same place at the same time and but do not understand what they should do. Neither speaks the same language and one likes to play by the rules while the other does not. They must learn how to communicate with each other so they can play together. Spraoi is directed by Marc MacLochlainn. The is for children aged between three and six. Places are limited. Púca Puppets will stage Tic Teac Tic Teac, written and performed by Niamh Lawlor in the Town Hall Studio tomorrow (10.30am and 3.30pm); Saturday (11.30am and 3.30pm); and Sunday (11.30am and 1pm) in the Town Hall Studio. The show is for three to six year olds. Tic Teac Tic Teac is a celebration of a child’s journey ón ghiniúnt go dtí an chéad lá scoile – from conception to the schoolroom. It uses handmade puppets and a special clock mat the children help assemble. Irish Theatre Magazine said the show keeps children “engaged and entertained for near on 45 minutes. Short but sweet.”
For more information and tickets contact the Town Hall on 091 -569777 or www.tht.ie or see www.baboro.ie
www.advertiser.ie
Ranganna Gaeilge an Fhómhair
Meán Fómhair 6, 2012
An bhfuil tú ag iarraidh cur le do chumas Gaeilge? Ar mhaith leat cur le do stór focal, nó muinín níos mó a bheith agat agus tú ag plé cúrsaí an tsaoil i nGaeilge? Nó b’fhéidir go bhfuil tú ag iarraidh cáilíocht fhoirmiúil, ar nós Teastas Eorpach na Gaeilge, a bhaint amach?
Tá Conradh na Gaeilge ag reáchtáil ranganna Gaeilge ag cúig leibhéal an Fhómhair seo. Leis an réimse ranganna seo is cinnte go mbeidh rang ann atá oiriúnach do chách.
Beidh na ranganna go léir ar siúl i lár chathair na Gaillimhe in Áras na nGael, 45 Sráid Doiminic, ar feadh uair go leith gach seachtain, oíche amháin sa tseachtain ar feadh tréimhse 10 seachtain. Tosaíonn na ranganna ar an 24 Meán Fómhair agus tá táille €145 ag baint leo.
Is féidir clárú ar líne ag www.arasnangael.ie, nó má theastaíonn foirm iarratais nó tuilleadh eolais uait is féidir é sin a fháil ach teagmháil a dhéanamh le Conradh na Gaeilge, 45 Sráid Doiminic, Gaillimh ag 091 567824 nó conradh@bradan.iol.ie.
Cúnamh don bhéal triail
Tá cúrsa nua curtha le chéile ag Conradh na Gaeilge do mhic léinn atá ag déanamh scrúdú na hArdteistiméireachta agus atá ag iarraidh cur lena gcumas labhartha Gaeilge. Tá an cúrsa nua curtha le chéile de bharr éileamh ó thuismitheoirí agus beidh sé ag díriú ar gach gné den scrúdú béal. Ar ndóigh tá tábhacht bhreise leis an scrúdú seo anois os rud é go bhfuil 40% de na marcanna iomlán sa scrúdú ag dul don scrúdú béal.
Beidh cúrsa Chonradh na Gaeilge ar siúl gach maidin Shathairn in Áras na nGael, 45 Sr. Doiminic, ar feadh tréimhse 10 seachtain agus déanfar freastal ar mhic léinn atá ag staidéar don ard leibhéal agus don ghnáth leibhéal. Cuirfear béim faoi leith i gcothú muinín na mic léinn sa teanga agus cuirfear an teanga os a gcomhar mar ghnáth theanga cumarsáide. Bainfear leas as réimse leathan uirlisí múinteoireachta agus cinnteofar freisin go mbeidh na mic léinn ag foghlaim faoi gach gné den teanga.
Is féidir clárú don chúrsa nua anois agus is féidir eolas a fháil ach glaoch a chur ar 091 567824 nó conradh@bradan.iol.ie.
Deis chun staidéar thar lear
Tá deis ar fáil anois, tríd an scéim Fulbright, do chéimithe ar mian leo tréimhse a chaitheamh ag staidéar agus ag obair in institiúidí acadúla sna Stáit Aontaithe. Tá córas iarratais Fulbright ar oscailt anois agus tá go dtí 14 Samhain ag céimithe le Gaeilge iarratas a dhéanamh ar scéim na bliana 2013-2014.
Tá scéim Fulbright dírithe ar na grúpaí seo leanas: Mic léinn ar mian leo tabhairt faoi staidéar iarchéime nó taighde in institiúid acadúil sna Stáit Aontaithe; Scoláirí agus daoine gairmiúla, ag a bhfuil níos mó ná cúig bliana de thaithí acu, le bheith ina dtaighdeoirí agus léachtóirí Gaeilge; Múinteoirí Gaeilge ar mian leo tréimhse 10 mí a chaitheamh ag tógáil ranganna iarchéime agus ag obair mar chúntóirí mhúinteoireachta i dteangacha iasachta in ollscoil Mheiriceánach.
Cuirfear deontas ar fáil dóibh siúd a éiríonn leo áit a bhaint amach agus cuirtear clár leathan imeachtaí ar fáil do na rannpháirtithe le linn a dtréimhse sna Stáit Aontaithe.
Is féidir gach eolas a fháil ag www.fulbright.ie.
www.advertiser.ie/galway
Is leor beirt
Lúnasa 31, 2012
Tá Conradh na Gaeilge ag ullmhú liosta d’ionaid breise don scéim Is Leor Beirt.
Mar bhunús na scéime seo eagrófar ionaid inár bhféidir le daoine bualadh le chéile trí Ghaeilge le haghaidh gnáth sos caife nó lón ag am agus ar lá cinnte gach seachtain nó mí. Sna hionaid seo beidh ar a laghad beirt chainteoir Gaeilge a chuirfidh fáilte roimh dhaoine eile.
Is féidir le grúpaí nua ceangail leis an scéim agus is féidir é sin a dhéanamh trí theagmháil a dhéanamh le Bairbre Ní Fhlatharta ó Chonradh na Gaeilge 091 567824 nó conradh@bradan.iol.ie.
Cuirfear cúnamh ar fáil dóibh chun an grúpa a chur ar a chosa.
www.advertiser.ie/galway
Scoláireachtaí €2,000 do mhic léinn
Lúnasa 7, 2012
Tá cúig scoláireacht ar luach €2,000 an ceann á thairiscint ag Fiontar, an t-aonad taighde agus teagasc trí mheán na Gaeilge in Ollscoil Chathair Bhaile Átha Cliath, do mhic léinn a bheidh ag tabhairt faoin MSc i nGnó agus i dTeicneolaíocht an Eolais sa bhliain romhainn.
Is cúrsa páirtaimseartha é an MSc atá dírithe ar chéimithe a bhfuil sé i gceist acu poist bhainistíochta nó poist fhorbartha a fháil sna hearnálacha príobháideacha agus poiblí.
Déantar an MSc a bhaint amach thar dhá bhliain trí fhreastal ar ranganna ag an deireadh seachtaine ar champas DCU. Breis eolais ag www.dcu.ie/fiontar.
www.advertiser.ie/galway
Cá bhfuil plean teanga an stáit?
Lúnasa 7, 2012
Is cosúil anois, le hainmniú Choiste Gairmoideachais Chontae na Gaillimhe mar Phátrún ar mheánscoil Bhaile Chláir, nach fada go mbeidh an scoil sin ar an bhfód.
Ábhar ceiliúradh é gan amhras don ghrúpa atá ag obair go dícheallach ar an gceist seo le dornán blianta anuas.
Tá sé tráthúil áfach go raibh sé seo ar fad ag tarlú sa tseachtain chéanna a rinneadh an tAcht Gaeltachta a bhrú tríd an Dáil, agus léiríonn sé ceann de na laigí móra atá san Acht céanna. In ainneoin na ndualgas ar fad atá luaite san Acht ar na pobail Ghaeltachta chun pleananna teanga a ullmhú níl freagracht dá laghad ar an státchóras féin a bheith páirteach sa phlean agus, mar is léir le fada, tá an státchóras céanna ar a sheacht mhíle dhícheall ag iarraidh an Ghaeilge a ruaigeadh ar fad.
Mar atá léirithe go minic sa Ghaeltacht, tá tábhacht faoi leith leis an gcóras oideachais maidir le cothú teanga labhartha an cheantair agus mar thacaíocht do theanga atá faoi bhrú. Nuair a osclaítear an mheánscoil nua i mBaile Chláir beidh deireadh go deo le pé seans a bhí ann (agus is caolseans a bhí ann) tarrtháil a dhéanamh ar an gceantar Gaeltachta taobh thoir de chathair na Gaillimhe.
Fiú má tá daoine sa phobal sin sásta tabhairt faoi phlean teanga a ullmhú beidh ceann de na huirlisí is tábhachtaí a bheadh ar fáil dóibh imithe le sruth.
Agus céard é freagra an tAire Dinny McGinley agus státseirbhísigh Roinn na Gaeltachta faoi imeacht Ghaeltacht an Achréidh “ní bhaineann sé linne, baineann sé leis an bpobal.”
www.advertiser.ie/galway
Samhail mhaoinithe nua eile
Iúil 19, 2012
Sna sála ar chinneadh Fhoras na Gaeilge deireadh a chur leis an múnla a bhí molta acu le maoiniú a chur ar fáil d’eagraíochtaí Gaeilge, tá comhairleoir le ceapadh ag an bhForas chun teacht ar mhúnla úr nua.
De réir an fhógra a d’fhoilsigh an Foras beidh ar an té a cheapfar cás gnó a ullmhú ar an mbealach chun cinn, ag cur san áireamh na nithe seo leanas: An gá leis an athrú ó bhunmhaoiniú go dtí córas nua, a chuimseoidh an comhthéacs straitéiseach seachtrach agus inmheánach; Liosta de roghanna féideartha a ullmhú; Anailís a dhéanamh ar na roghanna uile a chuimseoidh, na rioscaí, na costais, idir chostais reatha, chostais dhíreacha agus chostais indíreacha, na buntáistí agus na míbhuntáistí neamhairgeadúla, agus éifeachtúlacht gach rogha; Na haidhmeanna atá leis an athrú; An rogha is fearr a aithint agus a mholadh.
San fhógra céanna thug Foras na Gaeilge le fios le fios go bhfuil siad ag lorg tairiscintí ó iarrthóirí a bhfuil tuiscint acu ar chásanna gnó ar ardchaighdeán a dhéanamh agus a bhfuil tuiscint acu ar earnáil na Gaeilge agus ar chur chun na Gaeilge thuaidh agus theas.
Tá Dé hAoine 27 Iúil luaite mar spriocdháta chun tairiscint a dhéanamh don phost mar chomhairleoir agus os rud é go bhfuil sé luaite roimhe seo ag an bhForas go mbeidh cinneadh le glacadh ag an gComhairle Aireachta Thuaidh Theas i mí na Samhna maidir le maoiniú an earnáil dheonaigh ó Mheitheamh 2013 ar aghaidh is léir nach mbeidh mórán saoire i gceist do pé chomhairleoir a cheapfar.
www.advertiser.ie/galway
