Seachtain na Gaeilge 2013
Nollaig 10, 2012
Le linn Seachtain na Gaeilge 2013 beidh ceiliúradh mór á dhéanamh ar ár dteanga dúchais, ár n-oidhreacht agus ár gcultúr fur na tíre agus thar lear ón 4 – 17 Márta 2013.
Cuireann Seachtain na Gaeilge úsáid na Gaeilge agus an chultúir Ghaelaigh chun cinn anseo in Éirinn agus thar lear mar chuid d’fhéile choicíse a ritear i mí an Mhárta gach uile bhliain. Tugann an fhéile deis do gach uile dhuine, idir chainteoirí dúchasacha agus iad siúd a fhaigheann a gcéad bhlaiseadh den teanga, spraoi a bheith acu leis an nGaeilge.
Agus Bliain na Gaeilge á ceiliúradh mar aon le Tóstal Éireann i 2013, beidh Seachtain na Gaeilge 2013 ar an bhféile is idirnáisiúnta go dtí seo. Beidh idir chainteoirí líofa agus fhoghlaimeoirí na Gaeilge ó thíortha thar lear á mealladh go hÉirinn le páirt a ghlacadh sa spraoi ó 4 – 17 Márta 2013, áit go mbeidh imeachtaí spraíúla go leor ag spreagadh an pobal chun a gcuid Gaeilge a úsáid
Mar ambasadóirí ar Sheachtain na Gaeilge 2013 beidh an láithreoir ar an gclár an Jig Gig Róisín Ní Thiomáin as Gaillimh, an láithreoir Spóirt le RTÉ Evanne Ní Chuilinn as Cill Chainnigh agus ar ndóigh an dornálaí aitheanta Paddy Barnes as Béal Feirste, fear óg a rinne ionadaíocht ar son na tíre seo ag na cluichí Oilimpeacha i Londain in 2012.
Beidh ceiliúradh mór á dhéanamh ar an nGaeilge agus ár n-oidhreacht le neart ceoil traidisiúnta, damhsa, litríochta, chultúr le linn an tréimhse sin in ionaid éagsúla timpeall na tire seo agus thar lear. Beidh ceolchoirmeacha éagsúla agus an Ghaeilge i measc an phobail go mór.
Beidh leabharlainne ar fud na tire mar aon le Ard-Mhúsaem na hÉireann ag glacadh páirt sa cheiliúradh le imeachtaí éagsúla cultúrtha agus stairiúla agus an-deis ag daoine comhrá as Gaeilge.
I measc na n-imeachtaí bíonn siúlóidí stairiúla, filíocht, ceardlainne éagsúla, imeachtaí do ghasúir, scéalaíocht, ranganna tonnmharcaíochta, scóráil scioptha as Gaeilge, ceolchoirmeacha agus ar ndóigh bíonn ciorcal comhrá arna eagrú i go leor caiféanna timpeall na tire mar aon le go leor imeachtaí Gaelacha eile .
Tá gach eolas ar fáil faoi imeachtaí na bliana seo ar www.snag.ie
Foilsithe ar Gaelport.com
Tóstal na Gaeilge 2013
Nollaig 10, 2012
Reáchtálfar Tóstal na Gaeilge 2013 mar sheimineár lae Dé Satharn, 16 feabhra 2013 in Óstán an Hilton, Plás Charlemont, B.Á.C. 2.
Is comhdháil débhliantúil atá sa Tóstal ag a mbailíonn pobail Ghaeilge na tíre agus cairde na teanga lena chéile chun plé a dhéanamh ar mhór nithe an lae i dtaobh na Gaeilge. Beidh scoth na gcainteoirí ag díriú isteach ar an cheisteanna éagsúla a bhaineann leis an teanga agus an Ghaeltacht.
Is comhdháil débhliantúil é an Tóstal ag a mbailíonn pobal Gaeilge na tíre agus cairde na Gaeilge lena chéile chun plé a dhéanamh ar mhór nithe an lae i dtaobh na Gaeilge agus an tsochaí Gaelach.
Foilsithe ar Gaelport.com
300 pacáiste eolais iarrtha ag tuismitheoirí
Nollaig 10, 2012
Léiríonn figiúirí ata curtha amach ag an Aire Stáit Gaeltachta go bhfuil dul chun cinn mall á dhéanamh ar dháileadh pacáistí eolais sa Ghaeltacht.
Tá na pacáistí mar chuid den Chlár Tacaíochta Teaghlaigh, a fógraíodh i mí Aibreán seo caite mar chomharba ar Scéim Labhairt na Gaeilge, nó Scéim na nDeich bPunt mar a glaodh air fadó. Chuir 3,370 teaghlach isteach ar an scéim in 2011 sular tháinig deireadh leis.
Go dtí seo tá 57 teaghlach sa Ghaeltacht tar éis iarratas a dhéanamh le haghaidh pacáiste. Ar a laghad is ardú é seo ó mhí an Mheithimh, tráth a raibh pacáistí iarrtha ag 12 theaghlach.
Tá cúrsaí níos fearr lasmuigh den Ghaeltacht de réir dealraimh, óir atá 243 pacáiste seolta chuig teaghlaigh, ardú ó 32 sé mhí ó shin.
Chuir an tAire Stáit McGinley na sonraí ar fáil do Tom Fleming, Teachta Dála Neamhspleách do Chiarraí Theas, sa Dáil an tseachtain seo caite.
Dúirt se chomh maith go bhfuil bileog, ag tógáil do pháiste le Gaeilge, á dháileadh ag an tseirbhís réamhbhreithe in Ospidéal Thra Lí agus ag ionaid sláinte i nGaeltacht Chiarraí.
Dúirt sé go mbeadh siad á ndáileadh ag Comhar Naíonraí na Gaeltachta Teo agus go mbeadh an eagraíocht réamhscolaíochta ag cur físeáin a d’fhorbair an Roinn faoi na buntáistí a bhaineann leis an nGaeilge mar theanga an tí ar fáil do thuismitheoirí.
Bheadh ról lárnach ag Comharchumann forbartha Chorca Dhuibhne i gcur chun cinn an cláir freisin, arsa an tAire.
Dúirt se chomh maith go raibh €241,075 curtha ar fáil ag an Roinn d’Oidhreacht Chorca Dhuibhne chun cúntóirí teanga a earcú sa chontae. Le cúnamh Dé, ní thabharfaidh an t-éileamh reatha do na pacáistí eolais léargas dúinn ar an ráth a bheas ar na gnéithe eile den Chlár Tacaíochta Teaghlaigh a luaigh an tAire.
Is cosúil go bhfuil neart ar bun ag an Roinn ó thaobh an chláir de ach is léir nach bhfuil mórán rátha ar na pacáistí eolais go dtí seo.
www.gaelsceal.ie
Majority of parents want school mergers
Nollaig 10, 2012
Parents have sent an unequivocal message to the Education Minister as he prepares to make major decisions on the future rationalisation of the schools’ estate — they want their children educated side by side.
And they believe the community — not politicians and civil servants in the Department of Education — should have the say on how closures and amalgamations are carried out.
More than six out of 10 people support merging schools of various backgrounds as a way to save money, according to the latest Belfast Telegraph LucidTalk opinion poll. The survey asked respondents, in light of under pressure education budgets, which of the following options they would consider as a way to save money.
The options included a) cutting back on maintenance in existing schools; b) merging Catholic maintained, state controlled, integrated and Irish medium schools if pupils numbers were low; c) raising taxes and rates or d) abolishing free school transport for children whose parents work.
The overwhelming majority of respondents (61%) stated they would prefer to see mergers of schools with low pupil numbers as opposed to cutting back on school maintenance (10%), increasing taxes and rates (9%) or abolishing free school transport for children whose parents work (20%).
The findings come two days before Education Minister John O’Dowd is due to take receipt of Northern Ireland’s five education and library boards’ area plans for the post primary sector. The North Eastern Education and Library Board last night published its proposals.
The boards should give the Sinn Fein minister food for thought as he considers how the rationalise the schools estate. Proposals to reduce the 85,000 empty desks in our schools include closures, mergers, extending some schools to cater for up to 2,000 pupils and retaining the status quo.
“There is enormous waste with school resources; all schools should pool their resources and facilities,” one respondent said. There was an almost even split in the level of support among Protestants and Catholics for cross-sector mergers with 63% and 56% respectively.
Trevor Lunn MLA said: “These results confirm our impression that the public is more prepared than some politicians to consider radical moves to merge more schools across the different education sectors. “It will bring economic as well as social benefits to our society, and I would urge the department to make it easier to do so.”
The poll also reveals more than half of those surveyed (57%) were unaware of the public consultation process that was criticised for running over the summer holidays with only 15% of poll respondents having given feedback on the area plans.
The Programme for Government has made a commitment to substantially increase the number of schools sharing facilities by 2015 while an advisory group on shared education is due to make its recommendations to the Education Minister in February
www.belfasttelegraph.co.uk
Aighneas i dtaobh cúrsaí Gaeltachtaí sna Coláistí Oiliúna Múinteoirí
Nollaig 10, 2012
Tá gearán déanta ag Aontas na Mac Léinn i gColáiste Phádraig, Droim Conrach mar gheall ar an ardú ata tagtha ar tháillí do chúrsaí Gaeltachta, ata mar chuid riachtanach den chéim.
Rinneadh an gearán chuig an Aire Oideachais, Ruairí Quinn, agus chuig na ranna Gaeilge sna Coláistí Oiliúna Múinteoirí mar chuid de na hiarrachtaí atá ar bun acu aird a tharraingt ar an gceist seo.
Is gá do na hoiliúnaí €1,700 a íoc as dhá chúrsa coicíse a dhéanamh anois, i ndiaidh gur tháinig deireadh leis an maoiniú i mbliana, rud a chuirfidh “brú millteanach ar mhic léinn”, dar le Síomha Ní Mhuirí, Oifigeach na Gaeilge i gColáiste Phádraig.
Chuir an Chomhairle Múinteoireachta in iúl don Roinn Oideachas gur ábhar buairimh iad na táillí arda agus go raibh mic léinn ag lorg mínithe ar cén fátha a raibh na costais chomh hard sin.
“Aontaíonn muid gur fiú go mór tréimhse a chaitheamh sa Ghaeltacht ach í thuigeann muid cén fátha a bhfuil sé chomh daor sin agus tá amhras orainn faoi chomh fiúntach is atá an cúrsa seo do mhuintir na Gaeltachta ach go háirithe,” a dúirt Ní Mhuirí.
“Tá roinnt de na mic léinn fágtha gan deontas i mbliana agus tháinig ísliú suntasach ar roinnt deontas eile. Ta mic léinn ag teacht chugam agus iad buartha go mbeidh orthu an coláiste a fhágáil.”
www.gaelsceal.ie
Aip úr eile don óige seolta ag TG4
Nollaig 10, 2012
Seoladh an ceathrú aip don óige de chuid TG4, ‘Ag Spraoi le Claude’ bunaithe ar an tsraith chlúiteach do pháistí, an tseachtain seo caite agus é ar fáil anois ar stór iTunes.
Cartún is ea ‘Ag Spraoi le Claude’ a bhaineann le béar bán a bhogann ón Mol Thuaidh go cathair ghréine agus bíonn neart le foghlaim aige toisc an suaitheadh cultúir mór a bíonn i gceist. Is mór an chabhair é dlúth chara Claude, Brian, a chuidíonn leis aithne a chur ar a shaol nua.
Is le cuidiú Bhriain agus Claude a imríonn páistí cluichí spraíúla i réimsí ar leibhéil éagsúla éascaíochta san aip. Foghlaimíonn páistí scileanna tábhachtacha; comhaireamh agus tomhas fuaimeanna ina measc agus iad ag baint spraoi as cluichí cuimhne, aimsithe agus péinteála agus míreanna mearaí. Tá an aip féin an-simplí le húsáid agus iomlán feiliúnach do pháistí réamhscoile.
Níl ach táille fíor bheag €1.79 ar an aip agus tagann sé sna sála ar na haipeanna eile a seoladh le déanaí – Cúlacaint 2 agus Olly an Veain Bheag Bhán, atá saor le híoslódáil. Is leor na focail Gaeilge, Cúla4 nó TG4 a úsáid mar fhocal cuardaigh agus tú le teacht ar an aip in iTunes.
Foilsithe ar Gaelport.com
Feighlithe Linbh le Gaeilge de dhíth
Nollaig 10, 2012
Má tá suim agat aire a thabhairt do pháistí, tá deiseanna iontacha fógartha faoi láthair ar Gaelport.com mar Au Pair thar lear nó mar Fheighlí Linbh i mBaile Átha Cliath.
Is deis iontach é seo roinnt taistil a dhéanamh agus do scileanna teanga a fheabhsú agus aire a thabhairt do leanaí ag an am céanna. Is í an Gaeilge an phríomhteanga a labhraítear sna teaghlaigh seo. Tá trí phost ar leith fógartha faoi láthair, Au Pair i Nua Eabhrac, Au Pair sa Ghearmáin, nó Feighlí Linbh i mBaile Átha Cliath.
· Au Pair 1: Cainteoir Dúchasach Gaeilge atá de dhíth don phost seo a bheidh lonnaithe i Nua Eabhrac, ar Víosa G5 chun aire a thabhairt do bheirt páistí.
· Au Pair 2: Iarrthóir le togha na Gaeilge atá de dhíth don phost seo a bheidh lonnaithe sa Ghearmáin. Beidh an t-iarrthóir rathúil ag tabhairt aire do pháiste amháin, agus beidh deis aige/aici Gearmáinis a fhoghlaim.
· Feighlí Linbh: Tá feighlí linbh le Gaeilge ag teastáil ó theaghlach lánGhaeilge i mBaile Átha Cliath chun aire a thabhairt do bheirt páistí.
Tá gach eolas faoi na folúntais seo, agus neart folúntas eile ar fáil ag www.gaelport.com/foluntas
Seirbhísí túslíne oideachais á gcosaint ag an Aire Quinn i gCáinaisnéis 2013
Nollaig 10, 2012
Níl aon athrú tagtha ar mhéideanna na ranganna i mbunscoileanna agus i scoileanna saora dara leibhéal
Inniu, thug an tAire Oideachais agus Scileanna, Ruairí Quinn T.D. cuntas ar an gcaoi a bhfuil seirbhísí túslíne i scoileanna agus institiúidí ardoideachais cosanta aige a mhéid is féidir é sa Cháinaisnéis.
Ainneoin an ghá le coigiltí móra a aimsiú sa Roinn, tá sé fógartha ag an Aire Quinn nach mbeidh aon laghdú ar an líon múinteoirí i mbunscoileanna agus scoileanna saora dara leibhéal mar thoradh ar an gCáinaisnéis seo. Ina theannta sin, tá sé ag cosaint seirbhísí riachtanas speisialta, rud a chiallaíonn nach mbeidh aon laghdú ar an líon Múinteoirí Acmhainne ná ar an líon Cúntóirí Riachtanas Speisialta. Tá scéim DEIS do scoileanna faoi mhíbhuntáiste cosanta go hiomlán chomh maith agus níl aon athruithe foriomlána déanta ar an leibhéal foirnithe ná ar an maoiniú mar thoradh ar an gCáinaisnéis seo.
Is é €8.514 billiún buiséad caiteachais reatha na ROS do 2013. Teastaíonn coigiltí de €90 milliún éigin don bhliain seo chugainn. Tá sé seo comhdhéanta de €77 milliún de choigiltí a fógraíodh faoin Athbhreithniú Cuimsitheach ar Chaiteachas anuraidh, mar aon le €13 milliún eile chun riaradh ar bhrúnna aníos a bhaineann go formhór leis na costais pá do mhúinteoirí agus Cúntóirí Riachtanas Speisialta.
“Ós rud é go gcaitear ceithre euro as gach cúig i m’Ollbhuiséad Reatha ar phá agus pinsin, ní raibh sé easca na coigiltí riachtanacha de €90 milliún a shainaithint. Tá mo dhícheall déanta agam, áfach, sa mhéid gur féidir é, an tiomantas i gClár an Rialtais a chomhlíonadh, is é sin tús áite a thabhairt don oideachas agus seirbhísí túslíne a chosaint,” adúirt an tAire Quinn.
D’fhonn cur leis an gcothroime i maoiniú scoileanna dara leibhéal, tabharfar isteach méadú 2 phointe sa chóimheas dalta múinteora (PTR) i scoileanna dara leibhéal táille i Meán Fómhair 2013. Tá 55 scoil ann faoi láthair, as 723 iar-bhunscoil, a ghearrann táillí ó leibhéal €2,550 go dtí leibhéal €10,065 ar dhaltaí lae. Faoi láthair, íocann an Stát tuarastal múinteora amháin in aghaidh gach 21 dalta sna scoileanna seo, i gcomparáid le tuarastal múinteora amháin in aghaidh gach 19 dalta i scoileanna sa Scéim Saoroideachais.
Ardófar an figiúr seo go dtí 23:1 i scoileanna a ghearrann táillí. Tá na hacmhainní ag na scoileanna seo, áfach, leis na táillí a ghearrtar, chun múinteoirí a fhostú go príobháideach, rud nach féidir do scoileanna nach bhfuil sa Scéim Saoroideachais a dhéanamh. Foilseofar tuarascáil faoin anailís a rinne an Roinn ar ioncam na scoileanna táille ón dteagasc sa Bhliain Nua.
Tá dhá bheart á nglacadh chun na costais ionadaíochta do mhúinteoirí agus Cúntóirí Riachtanas Speisialta i scoileanna a laghdú. I dtosach, comhchuibhreofar tagairtí saoire breoiteachta leo siúd a bhfuil feidhm acu sa státseirbhís. Ciallóidh sé seo go mbeidh ar scoileanna múinteoirí agus Cúntóirí Riachtanas Speisialta a chur ar aghaidh go dtí an tseirbhís sláinte gairme, gur ionann é is dochtúir na cuideachta, tar éis ceithre seachtaine de shaoire breoiteachta. Ar an dara dul síos, déanfar athbhreithniú ar na socruithe do shaoire mháithreachais-in-ionad do mhúinteoirí agus Cúntóirí Riachtanas Speisialta agus clúdófar teidlíochtaí na múinteoirí le dúntaí scoile. Ní rachaidh an beart seo i gcion ar a dteidlíocht reachtúil do 6 mhí de shaoire mháithreachais láníoctha agus do 16 seachtaine de shaoire neamhíoctha. Déanfar athrú comhchosúil leis sin i leith saoire uchtála-in-ionad.
Tríd an dá bheart seo a ghlacadh ag an am céanna, d’éirigh leis an Aire Quinn dóthain airgid a choigilt chun fanacht amach ó laghdú a dhéanamh ar an líon múinteoirí i scoileanna príomhshrutha.
Táthar chun an PTR i gcláir Iar-Ardteistiméireachta a chur ar chomhchéim leis an PTR i scoileanna príomhshrutha dara leibhéal, is é sin le rá, athróidh sé ó 17:1 mar atá faoi láthair go dtí 19:1. Ní móide go rachaidh sé seo i gcion ar an líon ionad i gcláir Iar-Ardteistiméireachta, áfach.
Ní dhéanfar méadú feasta, go dtí an uasmhéid de €188 in aghaidh na seachtaine, ar na híocaíochtaí nua do na rannpháirtithe ar chláir bhreisoideachais agus oiliúna SDOG, Ógtheagmhála agus FAS a bhogann ó íocaíochtaí Jobseekers, sa chás gur lú ná seo a liúntais Jobseekers. Leanfar, áfach, de ráta breisithe de €160 in aghaidh na seachtaine a íoc le daoine faoi bhun 25 bliain d’aois. Cé go bhfuil gá le laghdú, de bharr na ndeacrachtaí geilleagracha, beidh dreasacht airgeadais ann i gcónaí do dhaoine óga chun deiseanna breisoideachais agus oiliúna a thapú. Déanfaidh an Roinn Coimirce Sóisialaí an rud céanna i leith na Scéime Liúntais chun Filleadh ar an Oideachas.
Mar atá curtha in iúl cheana ag an Aire Quinn, ardófar ranníocaíocht an mhic léinn ag an tríú leibhéal de €250 in 2013 go €2,500, agus de €250 don dá bhliain ina dhiaidh sin go dtí uasmhéid de €3,000 faoi 2015. Beidh laghdú de 3% ann chomh maith faoin gCáinaisnéis ar an dtairseach ioncaim i gcomhair teidlíochta do dheontais mac léinn. Ardaíodh an tairseach seo gach bliain ó 1997 go 2009, de réir meántuillimh tionsclaíoch. Tháinig ísliú de 7.9% ar mheánioncaim le blianta beaga anuas, áfach, ach ní raibh aon laghdú dá réir sin ar thairseacha ioncaim chun críocha deontas ó tharla an cor chun donais. D’éirigh leis an Aire Quinn, áfach, na rátaí tacaíochta deontais atá ann faoi láthair a choinneáil dóibh siúd a cháileoidh in 2013.
Tá an tAire Quinn ag iarraidh bainistíochta níos stuama ar iarmhéideanna airgid tirim, mar atá faoi láthair, ar na hInstitiúidí Ardoideachais trína leithdháileadh a laghdú ar bhonn aon-uaire de €25 milliún. Tá sé ag iarraidh ar an Údarás um Ardoideachas a chinntiú nach rachaidh an beart seo i gcion ar sheirbhísí túslíne do mhic léinn. Ar an gcaoi chéanna, laghdófar ar an leithdháileadh do CGOanna de €13.2 in 2013 ach arís ní móide go laghdóidh sé seo na leibhéil seirbhíse.
“Bíodh is go raibh sé deacair an leibhéal coigiltí a bhí ag teastáil a aimsiú, tá iarracht déanta agam bheith chomh cothrom is ab fhéidir tríd síos,
seirbhísí túslíne oideachais a chosaint a mhéid is féidir é, agus tús áite a thabhairt do na hearnálacha sin sa chóras oideachais a fhónann ar mhic léinn atá faoi mhíbhuntáiste nó a bhfuil riachtanais speisialta acu, “ adúirt an tAire Quinn.
“Mar aon leis na coigiltí a bhí orm a aimsiú, tá acmhainní aimsithe agam chomh maith chun leanúint ar aghaidh lenár gclár uaillmhianach leasúcháin chun torthaí níos fearr a chinntiú dár mic léinn ar fad.”
Tá ollchóiriú iomlán ar an tSraith Shóisearach faoi lán seoil anois, agus tabharfar tacaíocht dó le hinfheistíocht de €3 milliún in 2013, agus de €8.7 milliún in 2014. Tá an Straitéis Litearthachta agus Uimhearthachta á bhfeidhmiú i gcónaí, ar chostas de €6.5 milliún in 2013. Faoin gClár Tógála Scoileanna do 2013 cuirfear tús le 50 tionscadal do scoileanna nua agus síntí móra. Dá bharr seo, beidh 113 de na tionscadail mhóra atá beartaithe do scoileanna ar an suíomh in 2013, mar chuid de chaiteachas foriomlán caipitil ar scoileanna de bheagnach €370 milliún.
Táthar i gcónaí ag cur leathanbhanda ardluais i bhfeidhm i scoileanna dara leibhéal, agus súil le 200 scoil eile a bheith nasctha faoi Mheán Fómhair 2013. Táthar ag cur an Phlean Aicsin faoi Phátrúnacht agus Iolrachas san Earnáil Bhunscoile i bhfeidhm, agus cinnteoidh sé seo go mbeidh níos mó roghanna ann do thuismitheoirí. De bharr na rollachán méadaitheach ag an mbunleibhéal agus an iar-bhunleibheal araon, cruthófar tuairim is 900 glan de jabanna do mhúinteoirí an bhliain seo chugainn – 450 ag an mbunleibhéal agus 450 ag an iar-bhunleibheal.
Tá iomlán de €48 milliún curtha ar fáil chomh maith sa Chiste Náisiúnta Oiliúna do bhearta gníomhachtaithe saothair dóibh siúd atá dífhostaithe agus i gcomhair oiliúna spriocdhírithe i scileanna in 2013.
www.education.ie
Buiséad 2012: Cad a chiallaíonn sé do na Naíonraí agus don earnáil luath-óige?
Nollaig 10, 2012
An mórscéal do thuismitheoirí, tuismitheoirí ar ísealioncam go háirithe ná an ciorrú a fógraíodh do shochar linbh ach tá athraithe eile atá ar pháidrín na hearnála luath-óige mar a bhaineann sé leis an mbuiséad.
D’eisigh an Roinn Leanaí agus Gnóthaí Óige preaseisiúint inné ag fógairt go gcuirfear 6,000 spás ar fáil le haghaidh Scéim um Cúram Iarscoile Leanaí Aois Scoile, go gcuirfear €2.5milliúin ar fáil le haghaidh tionscnamh frith-bhochtaineacht leanaí le cur chuige ceantar-bhunaithe agus go rachaidh sábháiltí lámh le lámh le hathchóirithe agus athbhreithnithe luach ar airgead (níl sé soiléir ón bpreaseisiúint cad a chiallódh seo go praiticiúil).
D’eisigh Start Strong preaseisiúint ag faire nach mbainfear córas cúram leanaí Lochlannach amach leis na bearta a fógraíodh sa Bhuiséad inné. Míníonn an preaseisiúint trí dhíriú ar sholáthar sheirbhíse do theaghlaigh ísealioncam amháin (an 6,000 spás do chúram iarscoile) seachas ag bogadh i dtreo córas uilíoch, d’fhéadfadh na bearta a fógraíodh muid a bhogadh i dtreo córas cúram iarscoile dhá leibhéal rud nach bhfuil le sonrú sa tsamhail Lochlannach.
I gcomhphreaseisiúint eisithe ag Start Strong, OPEN, Barnardos agus Comhairle Náisiúnta na mBan inné dhiúltaigh na heagrais luaite na bearta chun an Scéim um Cúram Leanaí iarscoile a bhunú ag maíomh gur chóir go mbeadh an rochtain céanna ag gach leanbh go dtí cúram leanaí. Mhínigh siad go raibh difríocht mhór idir an beart fógraithe inné sa bhuiséad agus an cur chuige straitéiseach d’fhorbairt cúram leanaí cuimsitheach do na leanaí go léir san aoisghrúpa 0-12 in Éirinn agus gur bhunaigh an beart nua córas dhá leibhéal a leithscarfaidh leanaí bunaithe ar ioncaim teaghlaigh.
Tá na heagrais ar lorg cruinniú práinne leis na hAirí Burton agus Fitzgerald ar an gceist seo.
Is féidir teagmháil a dhéanamh le FNT má tá aon comhairle uait maidir leis an méid a fógraíodh sa bhuiséad mar a bhaineann sé leis an Naíonra: 01-8535101 nó eolas@naionrai.ie.
Litearthacht agus Scríobh an Ghearrscéil
Nollaig 10, 2012
Cúrsa Eisiach do Mhúinteoirí Bunscoile agus Dara Leibhéal le Ré Ó Laighléis.
Aidhmeanna an chúrsa: Tuiscint na rannpháirtithe a mhéadú ar leibhéil litearthachta na léitheoireachta agus a scileanna maidir le scríobh agus múineadh scríobh an Ghearrscéil sa seomra ranga a threisiú. Is scríbhneoir aitheanta é Ré Ó Laighléis a scríobhann idir ghearrscéalta agus úrscéalta agus drámaí srl., idir Ghaeilge agus Bhéarla. Is iarmhúinteoir é a bhfuil a iarchéimeanna agus a thraenáil sainiúil in Oideachas na Léitheoireachta aige.
Dáta: Satharn, 26 Eanáir 2013
Dhá sheisiún: idir 10r.n – 12.30i.n agus idir 2 – 4i.n
Ionad:
An Scríobhlann, áras traenála MÓINÍN
Baile Uí Bheacháin
Co. an Chláir.
Níl áit ach do ochtar ar an gcúrsa eisiach seo agus ní ghearrfar aon táille ar iarrthóirí.
Glacfar le hiarratais go dtí Déardaoin, 8 Nollaig, 2012.
Tá gach eolas ar fáil ó na hurraitheoirí:
Ruth Ní Shiadhail,
Gaeilge Locha Riach,
Fón: 091 870718
R-phost: oifig@lochariach.com
Tomás Breathnach, Timire Gaeilge
Coiste Gairmoideachais Chontae na Gaillimhe
Fón: 091 874524/ 087 6826795
R-phost: tbreathnach@cogalvec.ie
Foilsithe ar Gaelport.com 03 Nollaig 2012
