Dianchúrsa Traenála i Scileanna Raidió ó Raidió Fáilte
Lúnasa 23, 2013
Ar mhaith leat bheith i do chraoltóir ar Raidió Fáilte?
Tá Raidió Fáilte ar lorg Gaeilgeoirí cruthaitheacha le páirt a ghlacadh i gcúrsa traenála atá á reáchtáil i gcomhar leis an Chiste Craoltóireachta Gaeilge de chuid Scáileán Thuaisceart Éireann.
Dianchúrsa i scileanna raidió agus craoltóireachta atá i gceist. Foghlaimeoidh na rannpháirtithe an dóigh lena gclár raidió féin a ullmhú, a chur i láthair, a thaifead agus a chur in eagar.
Le cois bunscileanna craoltóireachta, beidh an deis ag na rannpháirtithe scileanna taighde agus iriseoireachta a fhoghlaim, scileanna agallaimh agus cur i láthair, scriptscríbhneoireacht, eagarthóireacht agus meascadh fuaime, an dóigh le trealamh ardteicniúil taifeadta agus eagarthóireachta Raidió Fáilte a úsáid taobh istigh den stiúideo agus úsáid gléasanna taifeadta in-iompraithe le hagallaimh, vox-pops agus imeachtaí a thaifead taobh amuigh den stiúideo.
Bíonn Raidió Fáilte ag craoladh scoth na gclár Gaeilge – 7 lá na seachtaine, 24 uair sa lá – óna stiúideo ar Bhóthar na bhFál, i gCeathrú Ghaeltachta Bhéal Feirste.
Deis iontach atá sa chúrsa traenála seo le tús a chur le slí bheatha sna meáin chumarsáide mar láitheoir raidió nó mar iriseoir agus do chlár raidió féin a léiriú ar stáisiún raidió lán-Ghaeilge.
Beidh aoi-chainteoirí ag teacht isteach ó na meáin chumarsáide náisiúnta le comhairle a thabhairt do dhuine ar bith atá ag smaoineamh faoi shlí bheatha in earnáil an raidió nó sna meáin chumarsáide.
Anuas air sin, beidh an deis ag na rannpháirtithe a slot féin a fháil ar sceideal gnóthach Raidió Fáilte – an t-aon staisiún lán-Ghaeilge sa Tuaisceart!
Beidh an cúrsa ag tosú 07 Meán Fómhair. Moltar duit áit a chur in áirithe go luath óir bíonn an-rachairt ar an chúrsa! Ná cailligí an deis!
Gabh i dteagmháil le Dónall Chaoimhín Mac Murchaidh ar 028 90 310013 nó seol ríomhphost chuig donall@raidiofailte.com roimh an 02 Meán Fómhair 2013
Tuilleadh sonraí le fáil ar www.raidiofailte.com.
Foilsithe ar Gaelport.com
Ranganna tacaíochta do scoláirí GCSE i nDoire
Lúnasa 23, 2013
Tá lúcháir an domhain ar Chultúrlann Uí Chanáin fógairt go mbeidh dhá scéim ar fáil do dhaltaí meánscoile. Is cúrsa tacaíochta é “Gabh le Gaeilge” do dhaltaí ag tabhairt faoi GCSE Irish i 2014 nó 2015. Cuideoidh an clár 30 seachtain leis na daltaí na torthaí is fearr a bhaint amach, le tacaíocht ó theagascóir den chéad scoth. Beidh an cúrsa ar siúl 2 uair an chloig in aghaidh na seachtaine ag Cultúrlann Uí Chanáin, i ndiaidh am scoile ar an Chéadaoin. Seo an chéad scéim den chineál seo le bheith ar siúl i nDoire, agus tá sí maoinithe ag Foras na Gaeilge leis an aidhm go n-ardófar torthaí GCSE Irish.
Is é an dara scéim “Léann Do Dhéagóirí” cúrsa sainiúil d’iar-Ghaelscoláirí atá anois ag freastal ar mheánscoileanna Béarla. Is é an cúrsa seo an t-aon soláthar dá chineál atá ar fáil i nDoire do na daltaí seo. Is í an aidhm is mó atá ag an chúrsa ná cinntiú go bhfuil na scoláirí seo go fóill ag foghlaim Gaeilge ar an leibhéal ceart, agus deis acu tabhairt faoi scrúduithe. Tá an cúrsa seo á reáchtáil ag an Chultúrlann le trí bliana anuas, agus bíonn torthaí den scoth agus soláthar ardchaighdeánach i gcónaí i gceist leis an chúrsa mar gheall ar an sár-theagascóir a bhíonn á theagasc.
Tosóidh an dá chúrsa i Meán Fómhair 2013, agus is é an costas atá orthu ná £20 – margadh iontach!!!! Le haghaidh tuilleadh eolais, nó le clárú ar na cúrsaí is féidir teagmháil a dhéanamh le Ciara nó le Fiachra: ciara@culturlann-doire.ie / fiachra@culturlann-doire.ie nó teileafón 028 7126 4132.
Comhghairdeas le daltaí Choláiste Feirste!
Lúnasa 23, 2013
D’éirigh le Coláiste Feirste gráid os cionn an mheáin a bhaint amach arís i mbliana. Tháinig le formhór de dhaltaí an choláiste ar a laghad an tagarmharc de 5 GCSE A*- C amach. Baineann Coláiste Feirste barr feabhais a mach ag leibhéal GCSE agus coláiste é atá i measc na scoileanna ilchumasacha is fearr sna sé chontae. Léirigh an tIrish News sin ar an tseachtain seo a chuaigh thart nuair a tuairiscíodh go raibh Coláiste Feirste suite sa 7ú háit i measc scoileanna ilchumasacha an tuaiscirt.
Mhol Mícheál Mac Giolla Ghunna, príomhoide na scoile, tacaíocht na dtuismitheoirí, “Is sáréacht eile é seo dár scoil. Is léir go ndeachaigh an obair iontach a bhí á déanamh ag na daltaí agus foireann na scoile, gan trácht ar thacaíocht na dtuismitheoirí go mór i bhfeidhm ar bhaint amach na gcailíochtaí; gráid mhaithe a baineadh amach thar réimse leathan ábhar. Tá muid ag dúil le fáilte mhór ar ais a chur roimh na daltaí agus iad ag leanstan ar aghaidh le hoideachas trí mheán na Gaeilge.”
Dúirt Diarmaid Ua Bruadair, bainisteoir Eochairhcéim 4, “Cé go bhfuil níos mó ná trí cheathrú dár ndaltaí ag baint amach breis is 5 GCSE, caithfear a aithint go bhfuil an líon daltaí atá ag baint amach 7-11 GCSE ag ardú go suntasach, roinnt mhaith acu ar éirigh leo gráid A* a thapú. Is fianaise í seo den chineál timpeallacht foghlama ar leith a chuireann an Gaeloideachas ar fáil. Tá sé ráite ag roinnt ollscoileanna fosta go bhfuil caighdeán ard muiníne agus scileanna cumarsáide ag daltaí Choláiste Feirste.”
D’admhaigh Séamas Mac Colaim, Ceann Bliana Bhliain 12 go bhfuil scoth na dtorthaí seo bunaithe ar an obair chrua sheanaimseartha a léiríonn foireann na scoile agus iad ag cinntiú go dtagann leo riachtanais na ndaltaí a chomhlíonadh ar bhonn aonarach.
“Tá muid thar a bheith bródúil gur éirigh le líon suntasach daltaí gráid iontacha a bhaint amach, ach go háirithe Coleen Ní Thoirealaigh (3 A* agus 7 A), Robert Mac Phail Mac Siacais (2 A*, 3 A agus 5 B), Shannon Ní Choinn (3 A*, 3 A agus 4 B) agus gach aon duine eile a spreagadh chun na cáilíochta arda sin a fháil.”
Tháinig an focal scoir ó phríomhoide na scoile, “Go raibh gach rath agus bláth ar na daltaí ardleibhéil a d’imigh uainn ar na mallaibh chomh maith. Rachaidh cuid mhaith acu go hollscoileanna in Éirinn, Alban, Sasana agus eile, gan trácht ar na daoine óga eile a bheas ag leanstan le Breisoideachas agus fostaíocht. I measc na roghanna gairme a bheas ag ár ndaltaí, beidh dlíodóireacht, cógaisíocht, coireolaíocht, eolaíocht, teicneolaíocht chruthaitheach agus teangacha ar ndóigh.”
“Tá tús na bliana ag druidim linn go gasta agus muid ag súil go mór leis an scoilbhliain atá romhainn. Is mór an dóchas atá againn dár ndaltaí óga, laistigh agus lasmuigh den seomra ranga de thairbhe na foirne tiomanta, daltaí agus tuismitheoirí atá ag obair go laethúil chun cinntiú go mbaineann Coláiste Feirste a sprioc amach agus muid mar bhratscoil d’oideachas iar-bhunscolaíocht in Éirinn.”
Highland Council unveils Gaelic schools map
Lúnasa 23, 2013
Highland Council’s Gaelic education map will provide a guide for parents to source schools that teach the language in the region.
The online map is designed to help parents – both those in the Highland and Islands and those considering moving to the area – to see where they can source Gaelic education in the region.
It pinpoints where the council is currently providing Gaelic education in nurseries, playgroups, primary and secondary schools and also includes details of the number of children attending each of the centres.
Councillor Hamish Fraser, chairman of the council’s Gaelic Implementation Group, said: ”This is an excellent resource and I am sure it will be a valuable tool for the public and for parents.
“The information on the number of pupils in each location also demonstrates the council’s commitment to Gaelic education. We are pleased to provide a new service by informing parents of where we currently have Gaelic provision, providing the opportunity for children to receive bilingual education through Gaelic education.”
A council spokesman explained: “The online map shows where all the Gaelic Nursery and Playgroup provision, both council and partner centres are based, including the number of children attending each of the centres. The map displays the areas where Gaelic Primary School provision is located, the number of pupils attending, and the Associated Secondary Schools where Gaelic is taught.
The resource also highlights the Gaelic Secondary provision, including the number of pupils studying subjects through the medium of Gaelic, those studying Gàidhlig as fluent speakers, and those studying Gaelic as learners.”
The online map can be accessed at www.highland.gov.uk
www.scotsman.com
Scéal na Gaeilge, Doire: Grianghraif á lorg do Chartlann Íomhánna
Lúnasa 23, 2013
‘Cuimhní Shliabh Eachtaí’ agus ‘Na hUltaigh’
Lúnasa 23, 2013
Comhdháil Ghráig na Muilte Iarainn 24-25 Lúnasa 2013
Coláiste Lú (A)
Lúnasa 22, 2013
3 Leabhar Nua ó Chló Mhaigh Eo
Lúnasa 22, 2013
Breithlá ‘Líofa’
Lúnasa 22, 2013
Áiseanna ar logainm.ie
Lúnasa 22, 2013
Tá pacáiste acmhainní oideachais ar fáil anois ón suíomh logainm.ie, bunachar logainmneacha na hÉireann.
Tá na hacmhainní seo dírithe ar leibhéal na bunscoile, na hiar-bhunscoile agus an tríú leibhéal, ach is féidir leas a bhaint astu ag leibhéil eile freisin, mar shampla ranganna Gaeilge do dhaoine fásta mar aon le déagóirí. Sa réimse do bhunscoileanna mar shampla tá acmhainní dírithe ar pháistí sna ranganna sinsearacha sa bhunscoil. Oireann na hacmhainní do cheantar ar bith sa tír. Tá sé scéim oibre ar fáil, ceann amháin mar réamhrá don ábhar logainmneacha agus cúig chinn bunaithe ar théamaí éagsúla. D’fhéadfaí na hacmhainní seo a úsáid i roinnt ranganna iarbhunscoile chomh maith. Tá na hacmhainní oideachais seo á soláthar mar áis do theagascóirí agus d’fhoghlaimeoirí. Cuid lárnach d’oidhreacht na hÉireann is ea na logainmneacha agus leis an áis nua tá súil go spreagfaidh sé spéis daoine iontu.
www.advertiser.ie
