Leas-Phríomhoide
Feabhra 27, 2014
An Bord Bainistíochta,
Scoil Chuimsitheach Chiaráin,
An Cheathrú Rua,
Co. na Gaillimhe.
Fáilteoidh Bord Bainistíochta Scoil Chuimsitheach Chiaráin, An Cheathrú Rua roimh iarratais ó dhaoine cuícháilithe agus le taithí ar an bpost seo a leanas: LEAS-PHRÍOMHOIDE
Cáilíochtaí, coinníollacha seirbhíse agus scála tuarastail i gcomhréir leis an Roinn Oideachais agus Scileanna.
Liúntas Leas-Phríomhoide – Catagóir X1.
Is féidir foirmeacha iarratais agus breis sonraíochtaí poist a fháil ó Dhaibhéid Ó Laocha, f/ch. Bhord Oideachais & Oiliúna na Gaillimhe & Ros Comáin ag 091/874535, nó trí ríomhphost chuig: enquiries@gretb.ie
Is é an dáta deiridh d’iarratais a bheith faighte (sa phost nó trí sheachadadh láimhe amháin) 4.00i.n., Dé hAoine, 14 Márta 2014.
Foilsithe ar Gaelport.com
‘Cúram, Cothú agus Ceannaireacht’ – Comhdháil an Fhorais
Feabhra 27, 2014
Beidh Liam Ó Néill, uachtarán Chumann Lúthchleas Gael, ina aoi speisialta ag Comhdháil an Fhorais Phátrúnachta a bheidh ar siúl ar an Satharn beag seo (1 Márta 2014) in Red Cow Moran Hotel, Baile Átha Cliath.
Tá An Foras Pátrúnachta, an pátrún is mó ar scoileanna lán-Ghaeilge, ar an bhfód le 20 bliain anuas ag an bpointe seo agus 67 scoil faoina phátrúnachta. Is é ‘Cúram, Cothú agus Ceannaireacht‘ téama na comhdhála i mbliana.
Pléifear bearta frithbhulaíochta, dualgais an bhoird bhainistíochta, ceisteanna dlí, éitis na scoileanna, teicneolaíocht agus eile ar an lá.
Seolfar leagan Gaeilge de leabhrán ilchreidhmeach do scoileanna agus fógrófar buaiteoirí Chomórtas Ealaíne an Fhorais Phátrúnachta, comórtas nua atá tosaithe ag an eagraíocht i mbliana.
Tugann an ócáid seo deis do phríomhoidí, do chathaoirligh, do mhúinteoirí, do bhaill de bhoird bhainistíochta agus do dhaoine atá ag obair in earnáil an oideachais, teacht le chéile chun mórcheisteanna a phlé.
Beidh Eileen Flynn (saineolaí oideachais), Antoin Delap (Dlíodóir), Terry Allen (comhairleoir oideachais), Keith Young (saineolaí teicneolaíochta)i láthair chun píosaí cainte a dhéanamh agus ceisteanna a fhreagairt.
Beidh an deis ag toscairí breathnú ar sheastáin ó Fhoras na Gaeilge, RTÉ Raidió na Gaeltachta, TG4, Allianz, O2, Rith 2014, TEG agus eile.
Dúirt Caoimhín Ó hEaghra, Ard Rúnaí ar an bhForas Pátrúnachta: “Táim ag súil go mór leis an gComhdháil ar an Satharn. Tá aoi-chainteoirí den scoth againn chun an t-eolas is déanaí agus is tábhachtaí a roinnt le scoileanna ar chúrsaí oideachais, dlí, teicneolaíocht, riaradh boird agus cur chun cinn sainspiorad.
“Leis an méid sin athruithe atá tagtha ar chúrsaí oideachais le roinnt blianta anuas, bíonn dualgais ar Bhoird agus ar Phríomhoidí a bheith suas chun dáta mar gheall ar na h-impleachtaí a bhaineann leo. Is deis iontach é an Chomhdháil chun an t-eolas seo a fháil agus chun naisc a dhéanamh le scoileanna eile faoi phátrúnacht an Fhorais.”
€30 atá ar thicéad. Is féidir ticéad a chur i áirithe trí ghlaoch a chur ar an oifig 01-6294110 nó trí ríomhphost a sheoladh chuig eolas@foras.ie
Doire réidh le Seachtain na Gaeilge 2014 a cheiliúradh
Feabhra 27, 2014
Tá Seachtain na Gaeilge ag druidim linn agus tá Doire réidh leis an Ghaeilge agus gach rud atá Gaelach a cheiliúradh le clár lán imeachtaí a bheas ar siúl ón 1ú go dtí an 17ú Márta.
Ceiliúrtar Seachtain na Gaeilge ag pobail Ghaeilge ar fud fad oileán na hÉireann agus ar fud an domhain agus tugann an fhéile deis d’fhoghlaimeoirí Gaeilge agus chainteoirí líofa araon a gcuid Gaeilge a úsáid agus an cultúr Gaelach a cheiliúradh.
Tosaíonn Seachtain na Gaeilge 2014 i nDoire le hÉigse Cholm Cille, imeacht bliantúil de chuid Ollscoil Uladh a chíorann stair litríocht na Gaeilge. Beidh Éigse 2014 ar siúl ón Aoine 28ú Feabhra go dtí an Satharn 1ú Márta agus is é téama na bliana seo ná ‘Scoláirí Gaeilge Iarthar Uladh’.
Filleann Féile Bheag na Leabhar arís i mbliana, féile leabhar agus scéalaíochta do pháistí arna eagrú ag Comhairle Cathrach Dhoire i gcomhar le Cultúrlann Uí Chanáin. Beidh an fhéile bheag ar siúl ar Lá Domhanda na Leabhar (Déardaoin 6 Márta) agus é mar chuspóir aici suim i leabhair Ghaeilge, scéalaíocht agus i litríocht na Gaeilge a mhúscailt agus a chothú i measc páistí. Ceiliúrfar Féile Bheag na Leabhar le seó le páistí do pháistí dar teideal Lúrapóg Larapóg agus ceardlann scéalaíochta leis an tseanchaí iomráiteach Connallach Gearóidín Bhreathnach.
Ar an Satharn 8ú Márta ceiliúrfar Lá Idirnáisiúnta na mBan 2014 le sraith imeachtaí faoi inspioráid an téama ‘Ceol na mBan’. Tá sraith imeachtaí á n-eagrú le ról na mban sa cheol Gaelach a thaiscéaladh: ag 1:00in ar an lá, beidh painéal ban ag plé ‘Mná sa cheol traidisiúnta’ le seisiún ceoil ina dhiaidh. San oíche chéanna beidh ceolchoirm dar teideal ‘Ceol na mBan’ ar siúl a ndéanfaidh ceiliúradh ar cheol na mban i gceol tíre agus i gceol traidisiúnta na hÉireann ina mbeidh roinnt taibheoirí iontacha ag léiriú a gcumas i gceird an cheoil.
Ón 10ú go dtí an 12ú Márta beidh Scéim an Fháinne ar siúl ag Cultúrlann Uí Chanáin le deis a thabhairt dóibh siúd atá ag foghlaim na Gaeilge sa chathair agus sa dúiche fáinne airgid nó fáinne óir a bhaint amach trí scrúdú béil a dhéanamh. Beidh Bronnadh na bhFáinní ar siúl ag imeacht speisialta ar an Déardaoin 13ú Márta nuair a bronnfar teastais agus fáinní orthu siúd a d’éirigh leo sna scrúduithe béil. Beidh deiseanna labhartha Gaeilge ar fail i rith na féile le Ciorcail Chomhrá ar an 5ú agus ar an 14ú Márta. Ná caill an deis le snas a chur ar do chuid Gaeilge nó le bualadh le foghlaimeoirí agus cainteoirí líofa eile.
I rith Sheachtain na Gaeilge beidh deis ag an phobal cuairt a thabhairt ar thaispeántas úrnua dar teideal ‘Scéal na Gaeilge’ a léiríonn stair na Gaeilge sa cheantar ó thus ama go dtí an lá atá inniu ann. Chuir Comhairle Cathrach Dhoire an taispeántas seo le chéile i ndlúthpháirtíocht le pobal na Gaeilge le Bliain na Gaeilge 2013 a cheiliúradh agus le leagáid de Bhliain na Cathrach Cultúir a chur ar fáil do na glúine atá le theacht.
Críochnaíonn Seachtain na Gaeilge ar Lá Fhéile Pádraig agus tá imeachtaí ag tarlú ar fud fad na cathrach agus sa cheantar comhairle faoin inspioráid an téama ‘Ceol, Miotais agus Draíocht’ – tá clár iomlán Lá Fhéile Pádraig ar fáil trí cuairt a thabhairt ar www.derrycity.gov.uk/stpatricksday
Bí ar an eolas is déanaí faoi gach imeacht atá ag tarlú mar chuid de Sheachtain na Gaeilge trí shúil a chaitheamh ar leathanach Gaeilge de chuid Chomhairle Cathrach Dhoire www.derrycity.gov.uk/gaeilge nó caith súil ar ár leathanach Gaeilge ar Facebook www.facebook.com/foramphobalnagaeilge. Nó más maith leat eolas faoi imeachtaí atá ag tarlú ag Cultúrlann Uí Chanáin cuir glaoch ar T: (028) 71 264132 nó seol r-phost chuig fiachra@culturlann-doire.ie.
SEACHTAIN NA GAEILGE 2014
Doire Cholm Cille
1ú – 17ú Márta
Ceiliúrfar Seachtain na Gaeilge i mbliana ón 1ú go dtí an 17ú Márta agus tá réimse imeachtaí ag tarlú i gceantar Chomhairle Cathrach Dhoire. I mbliana beidh Cultúrlann Uí Chanáin ina lárionad don fhéile. Seo thíos blaisín den chlár:
Aoine 28 Feabhra & Satharn 1 Márta
ÉIGSE CHOLM CILLE
Ollscoil Uladh, Campas Mhig Aoidh, Doire
Comhdháil bhliantúil ar Litríocht na Gaeilge. I mbliana pléifear an téama: ‘Scoláirí Gaeilge Iarthar Uladh’
Tuilleadh eolais: Nioclás Mac Cathmhaoil, T: (028) 71 675 770, r-phost: nm.mccaul@ulster.ac.uk
Saor in aisce
Luan 3 Márta – Luan 17 Márta
SCÉAL NA GAEILGE
Cultúrlann Uí Chanáin, 37 Mórshráid Shéamais, Doire
Taispeántas nua a léiríonn scéal na Gaeilge i nDoire sa stair agus sa lá atá inniu ann.
Tuilleadh eolais: Pól Ó Frighil, Oifigeach Gaeilge, Comhairle Cathrach Dhoire, T: (028) 71 376 579, r-phost: gaeilge@derrycity.gov.uk
Saor in aisce
Máirt 4 Márta, 7:00in
SEISIÚN CEOIL TEAGHLAIGH
Cultúrlann Uí Chanáin, 37 Mórshráid Shéamais, Doire
Seisiún ceoil do theaghlaigh agus ranganna ceoil
Tuilleadh eolais: Odhrán Ó Maoláin, T: (028) 71 264 132, r-phost: odhran@culturlann-doire.ie
Céadaoin 5 Márta, 12:00in
CIORCAL COMHRÁ
Cultúrlann Uí Chanáin, 37 Mórshráid Shéamais, Doire
Ciorcail chomhrá ag bunleibhéal, meánleibhéal agus ardleibhéal.
Tuilleadh eolais: Fiachra Mackel, T: (028) 71 264 132, r-phost: fiachra@culturlann-doire.ie
Saor in aisce
Déardaoin 6 Márta, 10:00rn-2:30in
FÉILE BHEAG NA LEABHAR
Cultúrlann Uí Chanáin, 37 Mórshráid Shéamais, Doire
I mbliana beidh Féile Bheag na Leabhar ag tarlú ar Lá Domhanda na Leabhar – 6 Márta 2014. Beidh ceardlann scéalaíochta leis an tseanchaí clúiteach as Tír Chonaill – Gearóidín Bhreathnach agus seó le páistí do pháistí – Lúrapóg Larapóg. Eagraítear Féile Bheag na Leabhar ag Comhairle Cathrach Dhoire i gcomhar le Cultúrlann Uí Chanáin.
Tuilleadh eolais: Pól Ó Frighil, Oifigeach Gaeilge, Comhairle Cathrach Dhoire, T: (028) 71 376 579, r-phost: gaeilge@derrycity.gov.uk
Oscailte do Ghaelscoileanna i gceantar Chomhairle Cathrach Dhoire.
Satharn 8 Márta
LÁ IDIRNÁISÚNTA NA mBAN
Cultúrlann Uí Chanáin, 37 Mórshráid Shéamais, Doire
Is é téama Lá Idirnáisiúnta na mBan i mbliana ná ‘Ag spreagadh athraithe’. Beidh Cultúrlann Uí Chanáin ina lár-ionad do dhíospóireacht phainéil agus cheolchoirm le ceoltóirí ban ó shaol an cheoil thraidisiúnta.
1:00in –Díospóireacht Phainéil agus Seisiún Ceoil
‘Mná sa cheol traidisiúnta’ le Lynette Fay, Laoise Kelly, Alana Henderson agus Emma Sweeney.
Saor in aisce
8:00in – Ceol na mBan
Ceiliúrfar saibhreas ceoil na mban le ceoilchoirm a léiríonn na ceoltóirí ban is fearr ó shaol an cheoil thraidisiúnta.
Tuilleadh eolais: Odhrán Ó Maoláin, T: (028) 71 264 132, r-phost: odhran@culturlann-doire.ie
Cead isteach: £8
Luan 10 – Céadaoin 12 Márta, 9.30rn – 5.00in
SCÉIM AN FHÁINNE
Cultúrlann Uí Chanáin, 37 Mórshráid Shéamais, Doire
Tugann Scéim an Fháinne deis d’fhoghlaimeoirí ar fud fad na cathrach fáinne a ghnóthú ag leibhéal ‘Cúpla Focal’, ‘Airgead’ nó ‘Ór’.
Scrúduithe béil ón Luan 10 go dtí an Chéadaoin 12. Ní mór d’áit a chur in áirithe.
Tuilleadh eolais: Fiachra Mackel, T: (028) 71 264 132, r-phost: fiachra@culturlann-doire.ie
Déardaoin 13 Márta, 8:00in
BRONNADH FÁINNÍ & TRÁTH NA gCEIST
Cultúrlann Uí Chanáin, 37 Mórshráid Shéamais, Doire
Bronnfar fáinní ar fhoghlaimeoirí a chuaigh faoi scrúdú béil i rith Sheachtain na Gaeilge. Reáchtáilfear Tráth na gCeist i ndiaidh an bhronnta.
Tuilleadh eolais: Fiachra Mackel, T: (028) 71 264 132, r-phost: fiachra@culturlann-doire.ie
Aoine 14 Márta, 11.00in
CIORCAL COMHRÁ
Cultúrlann Uí Chanáin, 37 Mórshráid Shéamais, Doire
Ciorcail chomhrá ag bunleibhéal, meánleibhéal agus ardleibhéal.
Tuilleadh eolais: Fiachra Mackel, T: (028) 71 264 132, r-phost: fiachra@culturlann-doire.ie
Saor in aisce
Satharn 15 Márta, 7.30in
OÍCHE GHAELACH & CÉILÍ
Coláiste Mhuire gan Smál, Bóthar an Trinse, Doire
Ticéid ar fáil saor in aisce ó oifig na scoile.
Tuilleadh eolais: Caitríona Uí Dhoibhlín – cdevlin278@icc.derry.ni.sch.uk
Luan 17 Márta
LÁ FHÉILE PÁDRAIG
Cuirtear fáilte roimh an phobal bualadh isteach chuig Cultúrlann Uí Chanáin ar Lá Fhéile Pádraig le sult a bhaint as lá lán de cheol agus imeachtaí teaghlaigh. I measc na n-imeachtaí atá geallta beidh:
12.30-2.00 & 4.00-6.00
Siamsaíocht le The Fanzini Brothers agus Seisiún Mór le Ceoltóirí na Cultúrlainne agus Cairde eile
Sparánacht taighde agus maoiniú áiseanna ar fáil ó COGG
Feabhra 25, 2014
Tá fógartha ag an gComhairle um Oideachas Gaeltachta agus Gaelscolaíochta (COGG) an tseachtain seo go mbeidh siad ag cur fáilte roimh iarratais mhaoinithe d’áiseanna teagaisc mar aon le hiarratais do sparánacht taighde.
Maoiniú
Cuirfear fáilte roimh iarratais ó dhaoine aonair, ó ghrúpaí, ó chomhlachtaí, agus ó fhoilsitheoirí a bhfuil suim acu áiseanna a sholáthar a bhaineann le foghlaim nó le teagasc na Gaeilge nó teagasc trí Ghaeilge.
Sparánacht Taighde
Fáilteofar freisin roimh iarratais ó mhic léinn ag leibhéal dochtúireachta nó ó thaighdeoirí iardhochtúireachta ar mian leo taighde a dhéanamh ar Theagasc nó ar Fhoghlaim na Gaeilge, ach glacfar freisin le hiarratais ar ábhair ábhartha eile a bhaineann leis an nGaeilge.
Tá foirmeacha iarratais agus tuilleadh eolais ar fáil le híoslódáil ar www.cogg.ie. Ní ghlacfar le haon iarratas i ndiaidh 4pm, 19 Márta 2014.
Foilsithe ar Gaelport.com
Lear mór gearán faighte ag RTÉ faoin nGaeilge
Feabhra 25, 2014
Bhí Bláthnaid Ní Chofaigh ar The Saturday Night Show Dé Sathairn, agus í ag plé cearta teanga, ach ba é líon na ngearán a fuair RTÉ maidir le seó na seachtaine roimhe sin ab chúis leis an gcuireadh a fuair sí.
De réir cosúlachta, tháinig lear mór gearán chuig RTÉ maidir le ráitis Brendan O’Connor agus é ag scigireacht faoi Lá Mór na Gaeilge a tionóladh i mBaile Átha Cliath. Dar le O’Connor nárbh fhios céard a theastaigh ón slua an lá sin, mar gurbh i nGaeilge a bhí a gcuid éilimh.
Ní haon iontas gur tháinig lear mór ghearán chuig RTÉ ar an ábhar seo, agus baill an phobail den bharúil gur sháraigh an craolacháin seo an Cód um Chothroime, Oibiachtúlacht agus Neamhchlaontacht.
I measc na ngearán a fuarthas, bhí ceann ó Chomhdháil Náisiúnta na Gaeilge, ach go deimhin bhí níos mó ná clár O’Connor amháin ag cur as don Chomhdháil. Trí ghearán in iomlán atá déanta ag an gComhdháil an mhí seo maidir le hábhar a measadh a bhí claonta i gcoinne na Gaeilge. Bhain gearáin na Comhdhála le trí chlár ar leith a craoladh ar RTÉ, The Late Late Show, The Saturday Night Show agus European Parliament Report.
The Late Late Show
Ar an gclár The Late Late Show a craoladh ar Dé hAoine, 07 Feabhra 2014, i dtreo dheireadh an chláir, agus an aoichainteoir Aled Jones faoi agallamh, tharraing Ryan Tubridy amach comharthaí bóthair agus é ag iarradh ar an aoichainteoir iad a léamh amach. Chuir an láithreoir comhartha faoi bhráid an aoichainteora le leagan aistrithe den logainm Muiceanach Idir Dhá Sháile agus thosaigh sé féin ag magadh go raibh an logainm sin chomh casta sin is nach mbeadh sé féin in ann é a rá.
Mheabhraigh An Chomhdháil do RTÉ ina ghearán gur fearr úsáid a bhaint as an leagan Gaeilge de logainm Gaeltachta mar atá sé san Ordú Logainmneacha, agus mar sin gur cheart gur ‘Muiceanach Idir Dhá Sháile’ a bheadh luaite ar an gcomhartha seo, agus ní leagan aistrithe go Béarla. Mhaígh an Chomhdháil gur léirigh an mhír seo, agus iompar an láithreora lena linn easpa measa ar phobal na Gaeilge.
European Parliament Report
Rinne an Chomhdháil gearán freisin faoin gclár European Parliament Report a craoladh ar Dé Domhnaigh, 09 Feabhra 2014. Le linn an chláir seo, craoladh ráiteas ón bhFeisire Eorpach, Seán Kelly, agus é ag labhairt os comhair na Parlaiminte. Cé go raibh Seán Kelly le feiceáil sa mhír seo, ní raibh sé le cloisteáil, agus in áit a ghlór féin a chraoladh, craoladh glór ateangaire agus í ag déanamh ateangaireacht go Béarla. Mhaígh an Chomhdháil nach raibh cúis ar bith nach gcraolfaí an leagan Gaeilge den ráiteas agus meabhraíodh do RTÉ gurb í an Ghaeilge príomhtheanga oifigiúil na hÉireann.
Faoi réir alt 47 agus alt 48 den Acht Craolacháin 2009 tá dualgas ar gach craoltóir cleachtas a chur i bhfeidhm chun déileáil le gearáin. Tá an próiseas chun déileáil le gearáin atá á chur i bhfeidhm ag RTÉ ar fáil ag an nasc seo agus má tá saincheist ar leith ag dó na geirbe ort féin, is féidir do ghearán a chur chuig complaints@rte.ie.
Foilsithe ar Gaelport.com
Celebration of Irish language in Cookstown and Dungannon
Feabhra 25, 2014
The countdown is on to a major Irish language festival in Cookstown and Dungannon.
With only a few weeks left until this year’s St. Patrick’s Day holidaysthe preparations are well underway for this year’s Seachtain na Gaeilge – Gaelfest Irish Language festival which takes place in the Cookstown and Dungannon Council areas throughout March. The festival celebrates the Irish language and encourages people to come along to a wide variety of events, talks and workshops available, whatever their level of spoken or written Irish. In Cookstown, a special Seal Spraoi (literally translated as ‘a spell of fun’) event on Friday, March 7 from 4.30pm – 6pm at the Burnavon will give local primary school children, whether they know any Irish or not, an opportunity to join in the celebrations.
Gearóidín Bhreathnach, a prizewinning singer and storyteller, will lead the workshop which is packed full of singing, stories and activities. Admission is from £2 per child and can be booked through the Burnavon Box Office on 028 8676 9949. Raymond Loney will continue the weekend celebrations as he provides the music for the Family Céilí on Sunday, March 9 from 2pm – 4pm. Here, children will be able to draw on the skills they learned during the week at the céilí dancing workshops also happening in the Burnavon. Admission is £2 per person and can either be booked in advance through the Burnavon Box Office or paid on the door on arrival. As well as plenty of arts and cultural activities this year Gaelfest will incorporate Rith 2014, a fund-raising relay run the length of Ireland. It will be passing through Cookstown on the evening of Wednesday, March 12.
Rith 2014 provides the means to raise funds for their own Irish language projects as well as establishing a central fund for sporting clubs who take part in Rith 2014. More information can be found at www.rith.ie. Regular Irish language events, such as Ciorcal Comhrá conversation club and Léigh Leatreading club, both of which are hosted by Cookstown Library, will be making a special effortto welcome people who would like to try out words and phrases they know during Gaelfest. Details of local Irish language activities are available at www.guthonline.org. A highlight of the festival comes on Friday 14th March at 8pm as Máirín Hurndall, a radio journalist working with Radio Feirste in Belfast, will be in the Burnavon to talk about her experience with the language and the Protestant Gaelic tradition. Admission to this talk is free.
During Seachtain na Gaeilge, a new series of after-schools classes for pupils taking their GCSEs will be launched. Costing £30 for 10, they will be held in the the Burnavon before Easter. They begin at 4.30pm on Wednesdays. To register for the after-schools classes or for details on any of the events covered by Seachtain na Gaeilge – Gaelfest, contact Séamus Mac Giolla Phádraig, Oifigeach Fhorbairt na Gaeilge (Irish Language Development Officer) with Cookstown District Council at the Burnavon on 028 8676 9949 option 4.
www.tyronetimes.co.uk
Culture Minister Caral Ni Chuilin launches Irish language drive
Feabhra 25, 2014
Culture Minister Caral Ni Chuilin has launched an advertising campaign in a bid to encourage people to learn and speak Irish.
The campaign called Liofa le cheile (Fluent Together) encourages everyone from all walks of life to learn and speak the language.The campaign, which will run across a variety of media platforms including television, radio, outdoor and digital media, will show how Irish is used through daily phrases, names and places. The minister said: “The Irish language is at the heart of our society. “It is everywhere around us through common words we use like ‘craic’, and also in place names like Donaghadee (Domhnach Daoi). “I believe that the rich cultural and linguistic heritage is something that all of us can share, embrace and enjoy.” As the campaign starts, a new website www.liofa.eu will be available to assist people learning the language.
www.belfasttelegraph.co.uk
Irish language under threat
Feabhra 25, 2014
Sir, – I fully support the Revenue Commissioners’ reluctance to communicate with Brian Mac a’ Bhaird (February 21st) “as Gaeilge”.
Translating government documents into Irish is a complete waste of time and money. Government spending on teaching Irish is estimated to cost about €1 billion per annum. While gaeilgeorí may hate to hear it, the Irish language is functionally useless in the modern economy, and as such the money spent is an extremely poor investment. It is also widely detested by students, who are force-fed second-rate poetry and literature out of some absurd sense of national pride. While the argument is often made that Irish is an integral part of our culture, culture can survive quite well without unwanted and unnecessary state coercion (see the GAA, Irish dancing and traditional Irish music as some examples).
According to the 2011 census, Irish now lags behind Polish in numbers of speakers who use the language daily outside of school. The fact Irish is not even the second most widely used language despite decades of State policy and funding towards propping it up should prove that the Irish language experiment has been an utter failure. This pandering to gaeilgeoirí has gone on for far too long. The Irish language is never going to become a widely used language in Ireland and the sooner this is accepted the better. – Yours, etc,
EANNA COFFEY,
Fossa, Killarney, Co Kerry.
www.irishtimes.com
SPRAOI ag Tuistí agus Leanaí i gCeatharlach i Mí an Mhárta
Feabhra 25, 2014
Tiocfaidh SPRAOI, an grúpa dátheangach Tuistí/Leanaí, le chéile an Satharn seo chugainn, 1ú Márta ag 11 a chlog ar maidin mar an chéad imeacht ar chlár Mhí an Mhárta, Féile na Gaeilge i gCeatharlach.
Tagann an grúpa SPRAOI le chéile gach dara Dé Sathairn in Ionad Phobail Darach Úr, Ceatharlach. Bíonn tae agus caife ag na tuismitheoirí agus comhrá dátheangach ar siúl acu fhad is a bhíonn na páistí ag spraoi. Cuirtear fíorchaoin fáilte roimh éinne go bhfuil suim acu Gaeilge a labhairt lena bpáistí agus iad i suíomh spraíúil, neamhfhoirmiúil. Ní gá a bheith líofa sa Ghaeilge ach a bheith sásta triail a bhaint aisti! Tagann slua breá go dtí na hócáidí SPRAOI idir fhoghlaimeoirí agus cainteoirí agus tá formhór de na páisti idir bliain amháin agus ceithre bliana d’aois.
Baineann idir pháistí agus tuistí an-taitneamh as na seisiúin shóisialta seo. Spreagtar labhairt na Gaeilge agus is breá leis na páistí amhráin agus rímeanna beaga a chasadh trí Ghaeilge ag deireadh an tseisiúin. Eagraithe i gcomhar le Comhluadar, tá an grúpa SPRAOI oiriúnach d’éinne le páistí suas go 5 bliana d’aois. Tiocfaidh an grúpa le chéile dhá uair i rith Mhí an Mhárta- ag cur tús le Féile na Gaeilge i gCeatharlach ar an gcéad lá den mhí agus arís ar an 29ú Márta chun deireadh a chur leis an bhFéile. Tá gach eolas ar fáil ó Emma i nGlór Cheatharlach ar 085/1340047. Bígí linn agus beidh fáilte roimh chách!
www.carlow-nationalist.ie
Polasaithe Samplacha a Roinnt
Feabhra 25, 2014
Táimid ag iarraidh cur go leanúnach le líon na bpolasaithe samplacha atá againn ar an suíomh gréasáin agus ar fáil do scoileanna ar shaincheisteanna éagsúla. Ar an ábhar sin, tá polasaí samplach maidir le Iniúchadh na nGardaí i nGaeilge á lorg ag scoil amháin agus bheimis fíor-bhuíoch dá gcuirfí ceann ar aghaidh chugainn má tá ceann ar fáil – is féidir ríomhphost a sheoladh chuig oifig@gaelscoileanna.ie.
Táimid ag plé leis an PDST faoi láthair maidir le teimpléad as Gaeilge den pholasaí frithbhulaíochta, agus beimid i dteagmháil go luath faoi sin.
Go ginearálta, má bhíonn polasaithe as Gaeilge ag scoileanna a shíleann sibh a bhainfeadh scoileanna eile (bunscoileanna agus iarbhunscoileanna) leas astu, bheimis fíor-bhuíoch daoibh as iad a chur ar fáil ar mhaithe le ham agus dua a shábháil ar scoileanna eile.
Tá polasaithe samplacha agus acmhainní eile ar fáil anseo.
