Tá Brionglóid Agam, Bunscoil an Iúir
Feabhra 6, 2017
Comórtas Díospóireachta Uí Chadhain 2017
Feabhra 6, 2017
Foireann Choláiste Chroí Mhuire, An Spidéal, buaiteoirí Chraobh na Sóisear de chuid Comórtas Díospóireachta Uí Chadhain Gael Linn 2017 a reáchtáladh i gColáiste na Tríonóide le déanaí. Sa phictiúr tá ( ó chlé ), Antoine Ó Coileáin, Príomhfheidhmeannach Gael Linn, Tríona Uí Mhurchú, Príomhoide, Fionnuala Uí Ráinne, múinteoir na foirne, Siobhán Ní Neachtain, Aisling Ni Chonghaíle agus Liadan Canny agus Pól Ó Gallchóir, Cathaoirleach Fhoras na Gaeilge, Aoi-chainteoir na hócáide.
Foireann shinsearach Scoil Chuimsitheach Chiaráin, An Cheathrú Rua, Clíona Ní Laoi, Clíodhna Breathnach agus Brian Mac Donncha, ag ceiliúradh a mbua ag Craobh na hÉireann de Chomórtas Díospóireachta Uí Chadhain 2017 le Príomhfheidhmeannach Gael Linn, Antoine Ó Coileáin agus Príomhoide na scoile, Seán Mac Donncha (ar chlé ), le haoichainteoir na hócáide, Pól Ó Gallchóir, Cathaoirleach Fhoras na Gaeilge, agus lena múinteoir, Máirín Ní Dhomhnaill (ar dheis).
Comórtas Díospóireachta Uí Chadhain Gael Linn 2017 –
an dá chorn ag foirne Chonamara!
Tá an dá chorn de chuid Comórtas Díospóireachta Uí Chadhain 2017 imithe siar go Conamara!
Ag Craobh na hÉireann den chomórtas, a réachtáladh i gColáiste na Tríonóide, Baile Átha Cliath, ar an gCéadaoin, 25 Eanáir, d’éirigh le foireann Choláiste Chroí Mhuire, An Spidéal, craobh na sóisir a thabhairt leo – an chéad uair don scoil sa chomórtas seo! Agus chuir sinsir Scoil Chuimsitheach Chiaráin, An Cheathrú Rua leis an líon mhór duaiseanna díospóireachta atá buaite ag an scoil thar na blianta chomh maith! Cruthaíonn Comórtas Uí Chadhain ardán do na foirne díospóireachta is fearr ón nGaeltacht agus ó scoileanna dara leibhéal ina bhfuil an Ghaeilge mar mheán teagaisc agus ghlac os cionn caoga foireann páirt sna babhtaí éagsúla a bhí ar siúl ó mhí Dheireadh Fómhair seo caite.
Cúigear moltóir a bhí ar an bpainéal do Chraobh na hÉireann – Liam Mac an Mhaoir, Kate Ní Chonfhaola, Feilim Mac Donncha, Siún Ní Dhuinn agus Seán Mac Labhraí – agus bhí dúshlán mhór rompu na foirne bhuacacha a roghnú !
Sa rannóg shóisearach den chomórtas, bhí neart tuairimí ag na cainteoirí óga ar fad ar an ábhar tráthúil ‘Annus Horribilis’ a bhí sa bhliain 2016!’. Bhí sceitimíní áthais ar a lucht tacaíochta nuair a fógraíodh gurbh iad foireann Choláiste Chroí Mhuire, An Spidéal ( Liadan Cann, Siobhán Ní Neachtain agus Aisling Ní Chonghaile) na buaiteoirí! Fuaireadar an ceann is fearr ar fhoirne ó Scoil Chuimsitheach Chiaráin, An Cheathrú rua, Coláiste Eoin, Baile Átha Cliath agus Gaelcholáiste Dhoire, Dún Geimin. Threoraigh an múinteoir Fionnuala Uí Ráinne na cainteoirí óga agus iad ag ullmhú don bhabhta ceannais seo agus do na díospóireachtaí ar fad a bhí acu i rith an chomórtais.
Foireann Scoil Chuimsitheach Chiaráin (Clíodhna Breathnach, Brian Mac Donncha agus Clíona Ní Laoi) a d’ardaigh an corn tar éis a mbua sa chraobh shinsearach. Éacht eile é seo don scoil, a bhfuil traidisiún láidir díospóireachta inti. Ba í Máirín Ní Dhomhnaill an múinteoir a bhí i mbun na foirne arís agus í an-bhródúil as a chuid scoláirí, ní nach íonadh. Sa díospóireacht seo freisin bhí foirne ó Phobalscoil Ghaoth Dobhair, ó Phobalscoil Chorca Dhuibhne agus ó Choláiste Pobail Ráth Chairn – scoileanna Gaeltachta uilig! Phléadar an rún ‘Bheadh Éire aontaithe ar leas mhuintir uile an oileáin seo!’ agus bhí na hóráidithe óga ag bréagnú a chéile tríd síos !
Is é Pól Ó Gallchóir, Cathaoirleach Fhoras na Gaeilge, a bhí mar aoichainteoir ag an oíche agus stiúraigh sé na díospóireachtaí go paiteanta! Chuir sé an-spéis sna hábhair a bhí faoi chaibidil ag na foirne, agus mhol sé gach cainteoir as an tuiscint mhaith a léiríodar ar chúrsaí reatha!
Bronnadh buanchorn agus dearbháin de luach €1,000 ar an bhfoireann bhuacach sa dá roinn den chomórtas agus bronnadh dearbháin de luach €250 an fhoireann ar na foirne eile a bhí rannpháirteach.
Agus é ag tréaslú leis na buaiteoirí, dúirt Antoine Ó Coileáin,Príomhfheidhmeannach Gael Linn: ‘Cumas cumarsáide sa Ghaeilge agus dearcadh dearfach a chothú ‘sea mórchuspóirí Gael Linn sa réimse oideachais. Dá bhrí sin, is ábhar sásaimh dúinn an leibhéal rannpháirtíochta i gComórtas Uí Chadhain agus an t-árdchaighdeán díospóireachta atá á leiriú ag daltaí. Molaimid na múinteoirí as a ndúthracht agus a ndílseacht don chomórtas.’ Ghabh sé buíochas ar leith le hAonghus Dwane agus le hOifig Gaeilge an choláiste as a dtacaíocht le reáchtáil na hócáide i mbliana.
FÉILTE COIRM GAEL LINN 2017 BUAILTE LINN!
Feabhra 6, 2017
FÉILTE COIRM GAEL LINN 2017 BUAILTE LINN!
Tá scoláirí bunscoile agus a gcuid múinteoirí ó Dhún na nGall go Daingean Uí Chúis ag ullmhú faoi láthair do fhéilte COIRM GAEL LINN 2017! Léireoidh suas le 75 scoil, idir Gaelscoileanna agus scoileanna Gaeltachta, seóanna scoile in amharclanna timpeall na tíre i rith mhí Feabhra agus mí an Mhárta. Beidh a rogha téama ag gach scoil, agus beidh meascán de mhíreanna – drámaíocht, ceol, amhránaíocht, scéalaíocht, aithriseoireacht, rince agus a leithéid – i ngach seó. Ní comórtas atá i gceist le COIRM ach tabharfar aitheantas (i bhfoirm ghradaim) do sheónna nó do mhíreanna as seónna a léireoidh ardchaighdeán ag na féilte. Agus chun cur le hatmaisféar na féile, beidh siamsóirí i láthair chun gáire a bhaint as an lucht féachana idir mhíreanna ! Cuirfear tús le nach mór gach féile c. 10.30 a.m. agus beidh fáilte roimh lucht féachana ach eolas a chur chuig Gael Linn ( 01:6751200 ) roimhré. Bí linn don spórt agus spraoi !
Naoi gcinn ar fad de fhéilte aonlae a bheidh sa tsraith:
- Déardaoin 2 Feabhra 2017 – Amharclann Phlás an Mhargaidh, Ard Mhacha
- Dé Céadaoin 8 Feabhra 2017 – Amharclann an Ionaid Óige, Mainistir Fhear Maí
- Déardaoin 9 Feabhra 2017 – Amharclann Naomh Mícheál, Ros Mhic Thriúin
- Déardaoin 9 Feabhra 2017 – An Grianán, Leitir Ceanainn
- Dé Máirt 14 & 15 Feabhra 2017 – Amharclann Clasach, Fionnradharc, BÁC
- Déardaoin 16 Feabhra 2017 – An tÁras Ealaíne, An Muileann gCearr
- Dé Máirt 28 Feabhra/Dé Céadaoin 1 Márta 2017 – Amharclann na Cathrach, Gaillimh
- Dé Máirt 7 Márta 2017 – Siamsa Tíre, Trá Lí
- Déardaoin 9 Márta 2017 – Amharclann an Hawk’s Well, Sligeach
Polasaí na Roinne Oideachais maidir le bunú Gaelscoileanna á imscrúdú ag an gCoimisinéir Teanga
Feabhra 3, 2017
Fad is atá an t-imscrúdú reachtúil sin ar bun ag an gCoimisinéir, tá sé deimhnithe ag an Aire Oideachais go bhfuil athrú déanta ar pholasaí pátrúnachta na Roinne maidir le ceist na Gaeilge i roghnú scoileanna nua.
Roimhe seo, bunaithe ar chúrsaí daonáirimh amháin a bhíodh próiseas measúnaithe pátrúnachta na Roinne do scoileanna nua, ach dheimhnigh an tAire Oideachais sa Dáil go mbeadh teanga teagaisc na scoile “ina dlúthchuid” feasta den phróiseas.
Idir an dá linn, tá imscrúdú ar bun ag an gCoimisinéir Teanga maidir le gearán faoi dhiúltú na Roinne d’iarratas ar ghaelscoil nua i dtuaisceart Bhaile Átha Cliath, iarratas a raibh os cionn 330 teaghlach luaite leis.
Cuireadh an t-imscrúdú ar bun de thoradh gearán a rinneadh le hOifig an Choimisinéara faoi dhiúltú na Roinne d’iarratas a rinne an Foras Pátrúnachta ar scoil nua lán-Ghaeilge a bhunú i gceantar Dhroim Conrach agus Marino i mBaile Átha Cliath.
Ó cuireadh tús leis an imscrúdú seo, tá athrú déanta ar pholasaí na Roinne, athrú a ndearna an tAire Oideachais cur síos air sa Dáil le déanaí.
“… My Department has moved to incorporate the medium of instruction of a proposed new school as an integral part of the patronage assessment and recommendation process. In this regard, as part of the application process, prospective patrons must submit completed parental preferences and indicate their preference for their child(ren) to be educated through that patron’s school model and also their preference with regard to education through the medium of English or Irish. The assessment process includes an analysis of Irish medium provision in the area and the adjacent school planning areas,” a dúirt an tAire Oideachais, Richard Bruton.
Dúirt Ard-Rúnaí an Fhorais Pátrúnachta, Caoimhín Ó hEaghra le Tuairisc.ie, áfach, nach aon leigheas é an t-athrú seo ar pholasaí na Gaeilge ar na deacrachtaí a bhaineann le bunú scoileanna lán-Ghaeilge.
“Ní chinnteoidh an t-athrú seo go mbeidh oideachas lán-Ghaeilge ar fáil i gceantar nach bhfuil sé ar fáil ann cheana agus ba chóir polasaí a thabhairt isteach a chinnteoidh go mbeidh oideachas lán-Ghaeilge ar fáil in aon cheantar nach bhfuil sé ar fáil, pé acu oideachas ilchreidmheach, Caitliceach nó eile atá á éileamh sa cheantar sin.
“Is léir, áfach, fiú i gceantair ina bhfuil éileamh fíorláidir ar oideachas lán-Ghaeilge, mar a bhí i dtuaisceart Bhaile Átha Cliath anuraidh, nach bhfuil an córas in ann freastal ar an éileamh. Níl an córas cothrom ná feiliúnach. Is í an chéad teanga náisiúnta atá i gceist,” a dúirt Caoimhín Ó hEaghra le Tuairisc.ie.
Operation Transformation as Gaeilge!
Feabhra 3, 2017
Tá físeain Operation Transformation de chuid RTÉ ar fáil le híoslódáil as Gaeilge anois. Is áis físfhoghlama fhíorthairbheach í seo a bhféadfaí a úsáid do ranganna Folláine agus Sláinte. Féach anseo
Comhdháil Lae: Riachtanais Speisialta Oideachais sna Bunscoileanna lán-Ghaeilge
Feabhra 3, 2017
3 Márta 2017, Institiúid Oideachais Marino, Ascaill Uí Ghríofa, B.Á.C. 9
Seomra: Halla Edmund
CLÁR NA COMHDHÁLA
9.00 Clárúchán agus Tae/Caife
9.45 Oscailt Oifigiúil na Comhdhála
9.50 – 11.30 Painéal agus Seisiún Plé
Staid Reatha an tSoláthair i leith Riachtanais Speisialta sa Chóras lán-Ghaeilge
Ón Taighde: “Doras Feasa Fiafraí: Exploring Special Educational Needs Provision and Practices across Gaelscoileanna and Gaeltacht Primary Schools in the Republic of Ireland”
Mary Barrett, Siceolaí Oideachais le Jigsaw
Oiriúnacht an Tumoideachais do Pháistí le Riachtanais Speisialta Oideachais: Cad atá ar eolas againn?
An tOllamh Pádraig Ó Duibhir, Institiúid Oideachais OCBÁC
An Dátheangachas agus Deacrachtaí Urlabhra agus Teanga
Dairíona Ní Shíthigh, Teiripeoir Urlabhra agus Teanga
An Taithí agus na Dushláin ag obair mar Shíceolaí sa Ghaeltacht
Ruaidhrí Ó Béarra, An tSeirbhís Náisiúnta Síceolaíochta Oideachais
12.00 – 12.45: Lón
Ceardlanna
12.45-1.45 Seisiún 1
Seomra 7:
Straitéisí praiticiúla le tacaíocht a thabhairt do pháistí le discléisce i scoil lán-Ghaeilge
Deirdre Nic Gabhann, Gaelscoil Riabhach
Seomra 3:
Dea-Chleachtais do Dhaltaí ar Ardchaighdeán Gaeilge i Ranganna 3 – 6
Elaine Ní Longaigh, Gaelscoil Chloch na Coillte
Seomra 5:
Piartheagasc sa Mhata
Colm Ó Donaill, Gaelscoil an Bhradáin Feasa
Teanga an Mhata – Réidh Socair Déan!
Máire Nic an Rí, COGG
1.45-2.45 Seisiún 2
Seomra 12:
Insint Shóisialta do Dhaltaí le hUathachas
Dónal Ó Faoláin, An tSeirbhís Tacaíochta don Oideachas Speisialta
Seomra 7:
Straitéisí praiticiúla le tacaíocht a thabhairt do pháistí le discléisce i scoil lán-Ghaeilge
Deirdre Nic Gabhann, Gaelscoil Riabhach
Seomra 3:
Dea-Chleachtais do Dhaltaí ar Ardchaighdeán Gaeilge i Ranganna 3 – 6
Elaine Ní Longaigh, Gaelscoil Chloch na Coillte
2.45-3.45 Seisiún 3
Seomra 5:
Piartheagasc sa Mhata
Colm Ó Donaill, Gaelscoil an Bhradáin Feasa
Teanga an Mhata – Réidh Socair Déan!
Máire Nic an Rí, COGG
Seomra 12:
Insint Shóisialta do Dhaltaí le hUathachas
Dónal Ó Faoláin, An tSeirbhís Tacaíochta don Oideachas Speisialta
3.45 Clabhsúr
CAIGHDEÁN THAR CUIMSE AG CRAOBHCHOMÓRTAS SCLÉIP GAEL LINN 2017!
Feabhra 3, 2017
Bhí caighdeán thar cuimse ag craobhchomórtas Scléip Gael Linn 2017 a bhí ar siúl i mBaile Átha Cliath ar an Déardaoin, 2 Feabhra 2017.
Comórtas talainne í Scléip, ina gcuirtear béim ar na healaíona comhaimseartha, agus atá dírithe go sonrach ar na hiar-bhunscoileanna lán-Ghaeilge. Chruinnigh scoláirí ó Dhún na nGall go dtí Daingean Uí Chúis, mar aon lena gcuid múinteoirí agus a gcuid tuismitheoirí, in amharclann ‘Clasach’, Cluain Tarbh, Baile Átha Cliath, do bhuaicphointe seo an chomórtais. Bhí na hiomaitheoirí uilig – suas le 300 acu – tar éis cáiliú roimhré trí réamhbhabhtaí réigiúnach, ag a bhfuaireadar comhairle ó mholtóirí aitheanta sna réimsí éagsúla.
Ba iad Seán Ó Ceallaigh, Gael Linn, agus Niamh Ní Chróinín, Raidió Rí Rá, a chur an seó i láthair go paiseanta i rith an lae. Ar dtús, bhí taispeántais den scoth sna comórtais don Rince Cruthaitheach ( Aonair agus Grúpaí) ó scoláirí Choláiste an Eachréidh, Baile Loch Riach, Gaelcholáiste Chill Dara, Nás na Ríogh, Coláiste Oiriall, Muineachán, Pobalscoil Chorca Dhuibhne, Daingean Uí Chúis, Coláiste Pobail Osraí, Cill Chainnigh, Coláiste de hÍde, Tamhlacht, Pobalscoil Ghaoth Dobhair agus Meánscoil Gharman, Inis Córthaidh. Ina dhiaidh sin, bhí an comórtas Sceitse Nuachumtha, le léirithe ó aisteoirí óga an Eachréidh, Scoil Chaitríona, Glas Naíon, Pobalscoil Ghaoth Dobhair, Coláiste Naomh Eoin, Inis Meáin, Gaelcholáiste Chiarraí, Trá Lí agus Pobalscoil Chloich Cheanna Fhaola, An Fálcarrach. Ba léir ansin gur bhain rinceoirí, amhránaithe agus ceoltóirí ó Scoil Chuimsitheach Chiaráin, An Cheathrú Rua, Meánscoil San Nioclás, Rinn ó gCuanach, Scoil Chaitríona, Glas Naíon, Coláiste Lú, Dún Dealgan, Coláiste Naomh Éinne, Inis Mór agus Coláiste Pobail Osraí, sult as a bheith ar stáitse sna comórtais Slua-Amhránaíochta ansin. Mhol na moltóirí Máire Uí Mhurchú, Sile Ní Dhuibhne agus Enda Reilly an tsiamsaíocht uilig go hard!
I ndiaidh am lóin, bhí na comórtais don Ceol Aonair Comhairseartha ann, mar aon leis na comórtais Amhránaíochta le Féintionlacan, do dhaoine aonaracha agus do ghrúpaí. Arís, bhí togha na tallainne ar ardán, agus scoláirí ó Choláiste Íosagáin, Baile an Bhóthair, Coláiste Chroí Mhuire, An Spidéal, Coláiste Ailigh, Leitir Ceanainn, Gaelcholáiste Mhuire AG, Corcaigh, Coláiste Eoin, Baile an Bhóthair agus Coláiste Pobail Ráth Chairn i measc na rannpháirtithe. Caithfear a rá go raibh an lucht féachana ag racáil nuair a chuaigh na bannaí ceoil ar stáitse ag deireadh an lae ! Thréaslaigh Príomhfheidhmeannach Gael Linn, Antoine Ó Coileáin agus Caitlín Ní Chonghaile, Foras na Gaeilge, leis na rannpháirtithe uilig.
Thug na moltóirí Edel Ní Churraoin, Pádraig Ó Conghaile ( aka MC Muipéad ) agus Enda Reilly, mar aon le Méabh Ní Thuathaláin, léirmheasanna dearfacha faoi na míreanna éagsúla agus mholadar na ceoltóirí agus amhránaithe óga as caighdeán thar cuimse a bhaint amach. Bhí cinntí deacra le déanamh acu ansin agus buaiteoirí le roghnú i ngach comórtas. Anuas air sin, bhí duais ann don dara háit ins na rannóga ina raibh cúig iomaitheoir nó níos mó. Is iad seo a leanas na duaiseoirí ar fad:
Rince Cruthaitheach Aonair ( Sóisear): Chloe Ní Dhonnghaile, Gaelcholáiste Chill Dara, Nás na Ríogh, Co. Chill Dara
Rince Cruthaitheach Aonair ( Sinsear ): Clodagh Ní Shúilleabháin, Pobalscoil Chorca Dhuibhne, Daingean Uí Chúis, Co. Chiarraí
Rince Cruthaitheach Grúpaí ( Sóisear ): Grúpa CDH, Coláiste de hÍde, Tamhlacht, Baile Átha Cliath
Rince Cruthaitheach Grúpaí ( Sinsear ): Idirbhliain an Eachréidh, Coláiste an Eachréidh, Baile Átha an Rí, Co. na Gaillimhe
Sceitse Nuachumtha ( Sóisear ): ‘Meascán Mearaí’, Pobalscoil Ghaoth Dobhair, Co. Dhún na nGall
Sceitse Nuachumtha ( Sinsear ): ‘Conraitheoirí Uí Ghallachóir Teo’, Pobalscoil Chloich Cheann Fhaola, An Fálcarrach, Co. Dhún na nGall
Slua-Amhranaíocht ( Sóisear ): ‘Glór na nÓg’, Meánscoil San Nioclás, Rinn ó gCuanach, Co. Phort Láirge
Slua-Amhranaíocht ( Sinsear ): ‘CPO 5 & 6’, Coláiste Pobail Osraí, Cill Chainnigh
Ceol Aonair Comhaimseartha ( Sóisear ): Ben Mac Eoin, Pobalscoil Chorca Dhuine, Daingean Uí Chúis, Co. Chiarraí
Ceol Aonair Comhaimseartha ( Sinsear ): Ruairí Mac Lochlainn, Coláiste Ailigh, Leitir Ceanainn, Co. Dhún na nGall
Amhránaíocht Aonair Chomhaimseartha le féintionlacan ( Sóisear ):
An chéad áit – Aoibhinn Ní Dheagha, Pobalscoil Ghaoth Dobhair, Co. Dhún na nGall
An dara háit – Caitlín Ní Nualláin, Coláiste de hIde, Tamhlacht, Baile Átha Cliath
Amhránaíocht Aonair Chomhaimseartha le féintionlacan ( Sinsear ) :
An chéad áit + GRADAM CHEOIL NÓS 2017 – Sonny Ní Chathasaigh, Scoil Chuimsitheach Chiaráin, An Cheathrú Rua, Co. na Gaillimhe
An dara háit – Affia Ní Fhaoláin, Coláiste Cois Life, Leamhcán, Co. Bhaile Átha Cliath
Grúpa Amhránaíochta Comhaimseartha le féintionlacan ( Sóisear ):
An chéad áit: ‘Cailíní Binne’, Meánscoil Gharman, Inis Córthaidh, Co. Loch Garman
An dara háit: ‘Grád A’, Coláiste Chroí Mhuire, An Spidéal, Co. na Gaillimhe
Grúpa Amhránaíochta Comhaimseartha le féintionlacan ( Sinsear ):
An chéad áit + GRADAM SCLÉIP 2017 – ‘Smugairle Róin’, Coláiste Pobail Ráth Chairn, Co. na Mí
An dara háit: ‘Cinniúint’, Coláiste Oiriall, Muineachán
Bronnadh duaiseanna a bhí deartha go speisialta don ócáid ag an seodóir Neil Conway orthu uilig.
Bhí Gradam Scléip 2017 le bronnadh leis ar an amhránaí/ceoltóir aonair nó ar an ngrúpa is mó a sheas amach ó na buaiteoirí uilig sna comórtais ceoil/amhránaíochta. Bhí na moltóirí ar aon fhocal go raibh an duais seo tuillte go mór ag an ngrúpa ‘Smugairle Róin’, ó Choláiste Pobail Ráth Chairn, Co. na Mí. Bhí sceitimíní ar na réalta óga glacadh leis an ngradam speisialta seo. Don chéad uair chomh maith, bronnadh duais Gradam Cheoil Nós don amhrán nua-chumtha ab fhearr sna comórtais amhránaíochta, canta ag duine aonair nó ag grúpa. Bhí lúchair ar Sonny Ní Chathasaigh, Scoil Chuimsitheach Chiaráin, An Cheathrú Rua, an t-aitheantas seo a fháil as a saothar ! Mar chuid den duais freisin i mbliana déanadh taifeadadh ar na buaiteoirí uilig sna comórtais amhránaíochta agus beidh deis ag lucht éisteachta raidió deis iad a chloisteáil ar leithéidí Raidió Fáilte, Raidió Rí Rá, Raidió na Life agus Nós amach anseo.
Thar ceann Gael Linn, ghabh Seán Ó Ceallaigh buíochas leis na múinteoirí a spreag na daltaí le bheith páirteach sa chomórtas. ‘Tá Gael Linn an-sásta leis an líon scoileanna Gaeltachta agus an líon Gaelcholáistí a ghlac páirt i mbliana. Bíonn an claonadh ann i gcónaí an ceol agus an rince thraidisiúnta a lua leis na scoileanna sin ach léiríonn Scléip go bhfuil neart ceoltóirí agus rinceoirí comhaimseartha iontu freisin. Tá sé go hiontach go bhfuilimd ábalta ardán a thabhairt dóibh’, a dúirt sé.
Tuilleadh eolais: Niamh de Búrca 01:6753303/niamh@gael-linn.ie
Gairm ar pháipéir agus eolas ar Chomhdáil
Feabhra 2, 2017
Gairm ar pháipéir agus eolas ar Chomhdáil a bheas á reáchtáil i gColáiste Ollscoile Naomh Muire, Béal Feirste, 3 Bealtaine 2017:
A letter to the editor of the Irish Independent
Feabhra 2, 2017
Dear Sir/Madam,
In her recent opinion article Language a bigger barrier than baptism (Irish Independent, 21 January 2017), Sarah Carey tells readers that she often quotes the example of Finland in addressing “nationalistic Irish language nonsense”, which, as far as she is concerned, is “the ultimate barrier in the Irish education system.”
Acknowledging many of Finland’s enviable achievements in education, she proceeds to use that country’s example to attack Irish-medium education in Gaelscoileanna as a “ruthless obstacle to foreigners.”
Assured of her understanding of Finnish education, Ms Carey regrets that “alas space prevents me from elucidating”.
Ms Carey has previous form in the matter. In Parents, not priests, driving segregation. The Irish Times blames religion for segregating Irish children. What about Gaelscoileanna (sic) (Irish Independent, 1 March 2015) she made much the same claim with “alas, space prevents me from elaborating”.
When recently considering the net effect of Gaelscoileanna on Irish society, Ms Carey couldn’t “help thinking of the World War II arguments of George Orwell that pacifists were objectively pro-Nazi”. Why? “Gaelscoileanna,” she argues, “with their almost 100pc native Irish demographic, are objectively segregationist.”
Ms Carey was just as big into the whole war theme in her 2015 missive. “If you’re going to fight a war over segregation in schools, identifying the real problem is a good start.” In her eyes, Irish-medium education is the enemy as aided and abetted by “families in the Gaelscoileanna (who) sail along blissfully free of moral challenge.” She thus paints many Irish families less as morally-driven pacifists and more like amoral Vichy-style profiteers I think.
Whenever Nazi comparisons are inappropriate, we may question the validity of arguments proposed.
Ms Carey argues that Finland’s educational reforms have succeeded because “everyone did better when there was no choice” because all children in a given locality went to the same school.
Pasi Sahlberg, the renowned Finnish educator, can help Ms Carey with her poor grasp of choice in Finland’s education success.
In Finland, the elimination of consumerist choice was targeted at the way education can be packaged as a market-driven product where an increasing number of profit-motivated private operators compete with different ‘value propositions’ in different customer segments based on differing incomes and social status. (Although not a fan of private schooling as a matter of general principle, Mr Sahlberg differentiates between mission-driven schools charging fees such as those in Ireland and profit-and-greed-driven academies more recently introduced by “competition raises standards” ideologies in other countries.)
Mr Sahlberg puts it this way: “The question is not, however, choice or no choice. It is about whether we have a good school for all children or just for some. In the end we need to work out how we manage parental choice so that it doesn’t harm equity.”
While Finland has indeed achieved remarkable reforms of its education system in a way that Ireland most clearly hasn’t, there is in fact a very significant element of choice in Finnish education that will likely shock Ms Carey. Not only is this matter of choice immensely significant in the context of a modern and open Finnish society, it is of course immediately relevant to debate here about the role of Irish-medium education and the Irish language in Ireland.
For all her readiness to elaborate and elucidate on Finland’s education reforms, it seems clear that Ms Carey doesn’t know that Finland’s education policymakers are strongly committed to the provision of choice in schools’ language medium for instruction and learning. Mr Sahlberg again: “It is noteworthy that Finland is a trilingual country, where Finnish, Swedish, and Sami are all official languages.”
Finland’s constitution and its parliamentary legislation protect the language rights of the country’s different language communities and heritages. There is a very substantive offering of choice between Finnish-medium education and Swedish-medium education extending from pre-school all the way to postgraduate studies at doctoral level. Demographics dictate that the opportunity to learn through the medium of Swedish is not fully nationwide but Folktinget (a lobby group for the rights of Swedish-speaking Finns) suggest that up to 99pc of students who want to learn through Swedish can do so within the state-school system. Resources are also committed to Sami-language education provision in the far north of the country.
Finland’s education policymakers and world-renowned experts are not exhorting citizens to “look at who’s doing the excluding” or how Swedish-speaking Finns are “objectively segregationist.” Finland does respect and tolerance much better than Ms Carey.
Finland is not only a world leader in the quality of state-school education, it is also recognised as a leader in language education and plurilingualism. Monta rautaa tulessa (many irons in the fire) sums up how Finns regard, value and take pride in their language skills.
Not all is perfect but there is much to learn from Finland if we pay attention to its real lessons instead of Ms Carey’s alternative facts.
Some facts will be clear. Ms Carey will not be able to “elucidate” how Finnish-speaking, Swedish-speaking or Sami-speaking Finns regard their language heritage as nationalistic nonsense. Nor will she be able to “elaborate” on how Finns regard choice of language medium for education as a ruthless obstacle to foreigners wishing to integrate into Finnish society.
There is concern in Finland about uneven concentration of immigrant learners across the education system. Sahlberg once more: “For example, in the city of Espoo, there are schools with more than 40% immigrant student populations, while some schools have practically no immigrants.” Immigrants unsurprisingly tend to choose the Finnish-speaking schools of the majority demographic rather than Swedish-speaking ones. Sahlberg nevertheless believes that “Finland has been able to enhance equity in education while schools and classroom have become more diverse”.
Interestingly, Sahlberg notes research showing that immigrant students in Finland performed significantly better in PISA tests than their peers in other countries. Based on the same studies, he also believes there is a threshold of about 20% “in the proportion of immigrant students per class after which the learning achievement of all students in that class begins to decline”.
Alas, space prevents further discussion of Finland’s and Ireland’s shared characteristics and different experiences. However, I would like to add that the success of Gaelscoileanna and the Irish-medium education movement clearly mirrors aspects of what has worked so successfully in Finland. With special regard to the development of language skills in both Irish and in foreign languages, Finland offers important lessons for policymakers and other stakeholders in Irish education.
Equally, the success of Gaelscoileanna and the Irish-medium education movement also offer key lessons for policymakers and stakeholders interested in the development of language skills for living and prospering in a global world. Níl aon tinteán mar do thinteán féin.
In summing up, I will paraphrase Ms Carey from 2015: Since her analysis is flawed, so is her suggested solution. Her real problem is her obsession with Irish parents who choose to enrich their children’s lives with an education in the language of their national heritage. It is she who would have heart failure if she were presented with a system that was even more like Finland’s.
Mark Reynolds,
Artane
Dublin 5
Ar mhaith leat Gradam an Séala Eorpach Teanga a bhuachan?
Feabhra 2, 2017
Tionscadail: Tá tionscadail an Séala Eorpach Teanga nuálach, éifeachtach agus is féidir iad a athdhéanamh. Cuireann siad feabhas ar cháillíocht teagasc agus foghlaim teangacha.
Daoine Aonair: Má tá aithne agat ar mhúinteoir teanga den chéad scoth, duine atá diongbháilte díograiseach agus a spreagann daoine eile, ainmnigh é/í mar Mhúinteoir Teanga na Bliana.
Dáta dúnta: Dé Máirt 28 Feabhra 2017
Tá foirmeacha iarratais agus tuilleadh eolais ar fáil ó www.leargas.ie
