Lá Oiliúna d’Áis Mheasúnaithe san Luathlitearthacht
Meán Fómhair 12, 2014
Dáta: 19 Meán Fómhair 2014
Ionad: Kilashee House Hotel, Nás na Ríogh, Co.Chill Dara
Am: 9:30r.n. – 4i.n.
Beidh an Dochtúir Gabrielle Nig Uidhir ó, Príomh-Léachtóir i gColáiste Ollscoile Naomh Mhuire, Béal Feirste, i mbun lá oiliúna
Treoir do mhúinteoirí a bheidh ann in úsáid na hÁise Mheasúnaithe sa Luathlitearthacht le Marie Clay a rinne Gabrielle a chaighdeánú do scoileanna lán-Ghaeilge.
Dírithe ar mhúinteoirí bunranganna agus múinteoirí tacaíocht foghlama a bheidh an oiliúint.
Cuirfear cóip den áis ar fáil dóibh siúd a ghlacann páirt sa Lá Oiliúna, chomh maith le lón, tae/caife agus sóláistí eile.
Seol scéal láithreach chuig riarachan@cogg.ie
Cath na mBannaí
Meán Fómhair 11, 2014
Tá áthas ar Feachtas a fhógairt go mbeidh comórtas Chath na mBannaí á reáchtáil acu ar an 21ú Deireadh Fómhair 2014 in Axis, Baile Munna. Is é sprioc an chomórtais seo ná bannaí nua a spreagadh agus deis a thabhairt do bhannaí seanbhunaithe a gcuid tallann a léiriú. Tá an comórtas seo oscailte do gach meánscoil lán-Ghaeilge agus aonad lán-Ghaeilge sa tír agus tá cead ag scoileanna uasmhéid de dhá bhanna a chur isteach ar an gcomórtas. Eagrófar an comórtas seo go hiomlán trí mheán na Gaeilge agus tá muid cinnte de go gcabhróidh sé seo le cur chun cinn na Gaeilge ar scoil agus úsáid shóisialta na teanga taobh amuigh den seomra ranga.
Is deis iontach é seo chun cumas ceoil agus tallanna na scoláirí a léiriú agus páirt a ghlacadh in imeacht mór idirscoile trí Ghaeilge. Tá duaiseanna iontacha le buachan freisin – seisiúin taifeadta i Stiúideo Dearg Raidió na Life agus trófaithe. Chun tuilleadh eolais faoin gcomórtas seo a fháil, déan teagmháil le Ciara eolas@feachtas.ie / 01 6725940
Lámh Chúnta
Meán Fómhair 11, 2014
Ag Lámh Chúnta is féidir lámh chúnta a fháil chun múineadh agus foghlaim na Gaeilge a dhéanamh níos tarraingtí don mhúinteoir agus don dalta. Ann gheobhaidh tú réimse acmhainne le húsáid sa seomra ranga:
- leabhair litriúcháin/foghraíochta
- leabhair le gníomhaíochtaí breise bunaithe ar leabhair léitheoireachta na bpáistí
- cluichí teanga
- Fónaic agus Rann, Cleachtaí agus Greann
Tabhair cuairt orthu ar www.lamhchunta.com.
Mise, Subhó agus Maccó
Meán Fómhair 11, 2014
Daoine ar an imeall! Teanga ar an imeall! Dráma ar an imeall!
Beidh dráma aon-ghnímh leis an bhfile agus drámadóir clúiteach Biddy Jenkinson don teideal Mise, Subhó agus Maccó á léiriú sa New Theatre, Barra an Teampaill, Baile Átha Cliath, ar an 25ú/26ú/27ú de Mheán Fómhair ag 7:30i.n. Is iad Aisteoirí An Lab, lonnaithe sa Daingean i gCorca Dhuibhne, atá á léiriú. Cé gur scéal tragóideach é seo faoi thriúr a mhaireann ar na sráideanna i mBaile Átha Cliath, tá greann fite fuaite tríd, chomh maith le hábhar macnaimh.
Léiríodh an dráma in Amharclann An Lab ag tús na bliana agus bhí sé le feiscint i rith an tsamhraidh de bharr an éilimh a bhí air. Caitheann an dráma súil ghéar ar na fadhbanna a bhíonn ag daoine gan dídean. Níl éalú acu ón gcruatan ach isteach i réimse na samhlaíochta agus na miotaseolaíochta. In ainneoin na constaicí agus na n-údarás, deineann siad gach iarracht aire a thabhairt dá chéile agus léiríonn siad meas nach beag don nádúr i lár na cathrach.
Dúirt Stiúrthóir Aisteoirí An Lab, Áine Moynihan faoin turas go Baile Átha Cliath: “Tá dian-obair curtha isteach ag foireann an dráma seo chun caighdeán ard léirithe a bhaint amach agus cé nach bhfuilimid mar chuid oifigiúil den bhFéile Drámaíochta is mian linn ár gcuid a dhéanamh chun cur le drámaíocht na Gaeilge sa chathair le linn na Féile. Tá ábhar an dráma seo tráthúil mar gheall ar an ngéarchéim a bhaineann le heaspa dídine na laethanta seo, go háirithe i mBaile Átha Cliath agus ba mhaith linn cabhrú chun áird a tharraingt ar an bhfulaingt a bhaineann leis.”
Beidh ticéidí ar fáil ag 01 6703361 nó ag an doras ar €12/10.
Amharclann agus Ionad Ealaíon na Gaeilge sa Daingean, Co. Chiarraí is ea An Lab.
Faigheann An Lab tacaíocht ó Ealaín na Gaeltachta, an comhfhiontar idir Údarás na Gaeltachta agus An Chomhairle Ealaíon atá dírithe ar fhorbairt na n-ealaíon sa Ghaeltacht
Is iad na haisteoirí sa ghriangraf ná Malachaí Mac Amhlaoibh, Áine Ní Mhuircheartaigh agus Muiris Ó Fiannachta. Grianfraf le Gearóid Casey.
Breis Eolais:
Áine Moynihan
Stiúrthóir Ealaíne,
An Lab, An Daingean, Co. Chiarraí
087-8546572
www.anlab.ie
www.facebook.com/LabAnDaingin
@labandaingin
The New Theatre, 43 East Essex St., Temple Bar, Dublin 2 (www.thenewtheatre.com)
Two Clare Students Top of the Class in Junior Cert
Meán Fómhair 11, 2014
Comhghairdeas le Róisín Ní Fhallúin i nGaelcholáiste an Chláir! Léigh an scéal iomlán sa Clare Champion.
New gaelscoil a step closer
Meán Fómhair 10, 2014
Building of a new gaelscoil in a north Cork town is a step closer after it was announced that a site had been identified and approval had been given to transfer the land to the Department of Education.
Environment Minister Alan Kelly has approved the transfer of land at Duntahane, Fermoy, from the Housing Agency to the department, which is seen as a vital step towards building a new Gaelscoil de hÍde.
Last Friday, nearly 1,000 people took to the streets of the town to protest at the snail’s pace in building a replacement school for the current one which is archaic and totally overcrowded.
They finally lost patience after getting no news on a preferred site, despite the fact that the Department of Education had promised a new school back in 2011.
Minister Seán Sherlock said he had been in touch with Mr Kelly who had told him he had given his approval for the land transfer.
He said he was confident that the Department of Education would now move as quickly as possible.
“Bear in mind that site works have already taken place at Duntahane and that will be a factor in the speed of the next step of the process,” Mr Sherlock said.
School principal Seán MacGearailt said the news was welcome, although he would like to see a letter of confirmation sent to the board of management.
“We would now like to see the Department of Education fast-track this project. The department always said that the money was there for the new school. I would be hopeful that we will have a new building to go into by September 2015 at the latest. But sooner would be better,” he said.
There are 410 pupils enrolled in the school, almost twice what the capacity should be. Teachers and Sunday Game pundit Tomás Ó Sé, said conditions are so cramped that the animals at Fota Wildlife Park have more space than the pupils.
Cork County Council initially owned the land and had to transfer it to the Housing Agency before it could be transferred to the Department of Education.
Cllr Kevin O’Keeffe said claims that the council were slow to act on the transfer were wrong and that the local authority moved as quickly as it could.
Irish Examiner
Folúntas: Scoil an tSeachtar Laoch
Meán Fómhair 10, 2014
Sonraí ar www.educationposts.ie.
Scléip 2015 faoi chúram Ghael Linn
Meán Fómhair 10, 2014
Is éard atá i Scléip ná comórtas tallainne náisiúnta atá dírithe go sonrach ar na hiar-bhunscoileanna lán-Ghaeilge agus Gaeltachta. Bíonn sé spreagúil, spraíúil agus sultmhar do na daltaí agus dá gcuid múinteoirí.
Ón mbliain seo ar aghaidh is iad Gael Linn a bheidh i mbun Scléip. Gabhaimid buíochas leis na scoileanna ar fad a thacaigh le Scléip ónar chuir Gaelscoileanna Teo tús leis i 2005 agus tá súil againn go leanfaidh sibh leis an seó agus go rachaidh sé ó neart go neart faoi stiúir Ghael Linn.
Beidh Gael Linn ag leagan an-chuid béime ar na healaíona comhaimseartha i mbliana agus tabharfaidh múinteoirí a bhí páirteach i Scléip cheana faoi deara go bhfuil athruithe beaga ar cheann nó dhó de na comórtais. Tá bróisiúr Scléip, an fhoirm iontrála agus na rialacha le fáil ar shuíomh Gael Linn ag www.gael-linn.ie. Is féidir aon fhiosrúchán maidir le Scléip a sheoladh ar ríomhphost chuig seanc@gael-linn.ie.
Beidh deis ag iomaitheoirí ó gach scoil páirt a ghlacadh sna réamhbhabhtaí agus gheobhaidh buaiteoirí na mbabhtaí sin cuireadh chuig Craobh Scléip. Níl dátaí na réamhbhabhtaí socraithe go fóill, ach tabhair faoi deara go mbeidh siad ar siúl le linn an chéad téarma scoile i mbliana, ar laethanta scoile ag deireadh mhí na Samhna nó ag tús mhí na Nollag 2014. Tá Gael Linn ag súil le réamhbhabhta a bheith acu i ngach cúige ionas nach mbeidh an iomarca taistil ag aon scoil. Chomh luath is atá na hiontrálacha uilig istigh, socrófar na hionaid agus dátaí. Beidh an Chraobh ar siúl ar an Satharn, 24 Eanáir, 2015 i mBaile Átha Cliath.
Tá na táillí iontrála laghdaithe i mbliana agus ní bheidh ar aon scoil níos mó na €50 i dtáillí a íoc.
Tá súil ag Gael Linn go mbeidh fonn ar bhur gcuid popamhránaithe, rinceoirí, aisteoirí, srl. a bheith páirteach i mbliana agus go dtabharfaidh an comórtas spreagadh agus dúshlán do na daltaí agus dá gcuid múinteoirí leis! An spriocdháta d’iontrálacha ná 24 Deireadh Fómhair, 2014.
Tá an fhoirm iontrála le híoslódáil anseo: Scléip Gael Linn 2015
Folúntas: Gaelscoil Inse Chór
Meán Fómhair 10, 2014
Sonraí ar www.educationposts.ie.
Folúntas: Gaelscoil Thaobh na Coille
Meán Fómhair 10, 2014
Sonraí ar www.educationposts.ie.
