Léigh agus Pléigh 1916
Aibreán 6, 2016
Cuid de na daoine a bhí i láthair ag Seoladh Léigh agus Pléigh i Lárleabharlann Leitir Ceanainn ag deireadh mhí Mhárta, ina measc ionadaithe ó Leabharlanna TÉ, Oifigigh Forbartha Gaeilge, Baill Foirne Leabharlainne, agus ionadaithe pobail agus Gaelscolaíochta.
Tá Seirbhísí Leabharlainne Chontae Dhún na nGall, i gcomhar le Leabharlanna TÉ i nDoire agus i dTír Eoghain, i ndiaidh togra léitheoireachta pobail a sheoladh dar teideal ‘Léigh agus Pléigh 1916’, agus táthar ag iarraidh ar dhaoine aonaracha, clubanna leabhar, agus ar ghrúpaí Gaeilge páirt a ghlacadh sa togra a bheas ag toiseacht i mí Aibreáin leis an chéad leabhar ‘Seachtar na Cásca’, a scríobh an t-údar Aindrias Ó Cathasaigh. Tá tacaíocht á tabhairt don scéim ag Oifigigh Forbartha Gaeilge i dTír Eoghain, i nDoire agus i nDún na nGall. Is féidir sonraí maidir le clárú don togra a fháil ag bun an phreas-ráitis seo.
Agus í ag caint ag an chomh-sheoladh i Lárleabharlann Leitir Ceanainn an tseachtain seo caite, dúirt Maura Craig ó Leabharlanna TÉ go bhfuil lúcháir uirthi tacú leis an togra comhoibritheach seo idir na seirbhísí leabharlainne agus i measc an phobail sna trí chontae san iarthuaisceart.
“De bharr an fás atá tagtha ar an ghaelscolaíocht agus ar phobail Ghaeilge i dTír Eoghain agus i nDoire, agus ós rud é go bhfuil dáimh nádúrtha ag na pobail seo le Gaeltacht Thír Chonaill, mar a labhraítear an teanga mar theanga dhúchais an phobail go fóill, tá lúcháir ar Leabharlanna TÉ nascanna a chothú idir na pobail seo tríd an togra léitheoireachta seo’ arsa Maura.
Cé go bhfuil an togra dírithe ar dhaoine atá os cionn 16 bliana d’aois, d’fháiltigh Maura roimh bheirt dhaltaí óga ó Ghaelscoil Uí Dhochartaigh ar an tSrath Bán, Co. Thír Eoghain, chuig an ócáid. Léigh an bheirt acu sleachta as an chéad leabhar ‘Seachtar na Cásca’, leabhar ina dtugtar cuntas gairid ar shaol agus ar shaothar an tseachtair a shínigh Forógra na Poblachta in 1916. An t-ábhar ar fad a léifear mar chuid den togra seo beidh baint aige le stair agus scéal na hÉireann agus na ndaoine sa bhliain 1916. Bainfidh cuid de leis an Éirí Amach in 1916 agus na príomh-rannpháirtithe a bhí ann. Bainfidh cuid de leis an Chéad Chogadh Domhanda a bhí ag leanstan ag an am. Bainfidh cuid de le saol na ngnáthdhaoine ag an am sin chomh maith.
Is comhthogra leabharlainne é seo idir Seirbhísí Leabharlainne Chomhairle Contae Dhún na nGall agus Leabharlanna TÉ, agus roinnt Oifigigh Forbartha Gaeilge i nDoire, i nDún na nGall agus i dTír Eoghain.
Ós rud é gur scríbhinní stairiúla, úrscéalta agus sleachta suntasacha a bheas san ábhar léitheoireachta, tá an scéim dírithe orthu siúd a bhfuil Gaeilge réasúnta líofa acu, nó a bhfuil a gcuid Gaeilge go measartha maith. Má bhí Gaeilge measartha maith agat ar scoil, agus dá mba mhaith leat pilleadh ar an teanga arís, tá fáilte romhat clárú leis an togra léitheoireachta.
Labhair Seán Ó Daimhín, Oifigeach Forbartha Gaeilge le Comhairle Contae Dhún na nGall, faoin tábhacht a bhaineann leis an léitheoireacht sa Ghaeilge. ‘Beatha teanga í a labhairt, agus tá cuid mhór saoránach, idir óg agus aosta, ag caint Gaeilge go laethúil anois. Ach buanú agus doimhniú teanga í a léamh, bíonn tuiscint níos fearr agat ar an teanga, faigheann tú léargas úr ar chúrsaí an tsaoil, agus déantar do shaol a shaibhriú. Mar dhuine mé féin a d’fhoghlaim an Ghaeilge níos moille i mo shaol, tuigim go han-mhaith an dóigh ar chuidigh leabhair Ghaeilge go mór leis an phróiseas foghlamtha. Tá lúcháir orm go bhfuil na seirbhísí leabharlainne ag spreagadh cainteoirí Gaeilge ar fud na dtrí chontae anseo san iarthuaisceart, agus b’fhéidir níos faide anonn, le páirt a ghlacadh sa scéim seo’.
Go bunúsach, is é atá i gceist go dtugtar cuireadh do dhaoine aonaracha, nó do chlubanna leabhar, leabhar amháin a léamh i nGaeilge gach mí. Ag deireadh na míosa beidh ócáid ar siúl i leabharlann amháin i gceann amháin de na trí chontae atá páirteach, agus bí aoichainteoir, díospóireacht tábla agus ócáid shóisialta ina dhiaidh, ina mbeidh comhrá, ceol, amhránaíocht agus comhluadar idir chainteoirí Gaeilge ón réigiún.
Mura bhfuil an leabhar agat cheana féin, is féidir leat é a fháil ar chúpla dóigh.
-
Ar dtús, tá cuid acu, an chéad leabhar ina measc, ar fáil le ceannach ar líne ar an idirlíon, ar shuíomhanna ar nós www.udar.ie, www.litriocht.com, www.cic.ie, agus www.cnagsiopa.com.
- Chomh maith leis sin, is féidir go bhfuil cuid de na leabhar ar fáil i leabharlanna áitiúla, agus ba chóir duit seiceáil ansin.
-
Nó, sa bhreis air sin, tá líon áirithe leabhar ar fáil ó Oifig Forbartha Gaeilge Chomhairle Contae Dhún na nGall, agus is féidir dul i dteagmháil leis an oifig sin ag na sonraí teagmhála ar an fhoirm chláraithe.
Aon duine nó aon ghrúpa atá ag iarraidh a bheith páirteach sa togra léitheoireachta seo, ba chóir an Fhoirm Chláraithe ag an nasc thíos a líonadh isteach, agus í a sheoladh ar ais chuig an seoladh poist nó chuig sdaimhin@donegalcoco.ie.
Foirm Chláraithe do Léigh agus Pléigh 1916
Stór Focal mar chuidiú le leabhar mhí Aibreáin: ‘Seachtar na Cásca’. (Beidh sé seo ar fáil go luath)
Teagmháil:
Seán Ó Daimhín, Oifigeach Forbartha Gaeilge, Comhairle Contae Dhún na nGall, Teach an Chontae, Leifear. (074) 9172496
– See more at: http://www.donegalcoco.ie/ie/cultur/anghaeilge/imeachta%C3%AD%20gaeilge/l%C3%A9igh%20agus%20pl%C3%A9igh%202016/#sthash.b6wIfUqf.dpuf
Irish schools ‘preferential treatment’ claim rejected
Aibreán 6, 2016
IRISH language education campaigners have rejected DUP claims that the sector enjoys preferential treatment.
In its assembly election manifesto, the DUP promised to deliver equality for all sectors.
This would involve “tackling the preferential treatment of Irish medium in school build”.
It would also include the abolition of the Catholic teacher training certificate as well as “a fairer and better funding formula for schools”.
Sinn Féin has been in charge of education since 2007 but it has been suggested a unionist party may select it next time.
The singling out of Irish-medium schools in the DUP’s manifesto, however, has prompted some to now say Sinn Féin might opt to hold education again.
Campaigners dismissed the claims of preferential treatment as “nonsense”.
Education minister John O’Dowd has made three major capital announcements totalling more than £500 million. Two of the 18 schools first selected to benefit were in the Irish-medium sector.
P1 enrolments in Irish-medium schools have grown from less than 400 to about 650 over the last six years and the overall population of the sector has also increased.
This growth has bucked the trend of declining numbers within the English-medium sector generally, and means that the needs within Irish-medium are now significantly greater in terms of new buildings.
While there is proportionately higher expenditure on Irish-medium schools, the state of many buildings in the sector compare unfavourably to those elsewhere.
There was unionist anger this year when Mr O’Dowd announced that a small bunscoil in Co Fermanagh was to move onto the site of a former secondary school that was shut down due to low pupil numbers.
Lisnaskea High School also had a debt that was spiralling out of control when it closed.
UUP MP Tom Elliott and DUP assembly member Peter Weir were among those who raised concerns that part of the former school would be used to accommodate bunscoil pupils.
Mr Elliott criticised minister John O’Dowd and said Lisnaskea High had more than three times the number of pupils as the Irish-medium school moving into the building.
When Bunscoil an Traonaigh moves onto the site later this year, it will be in mobile accommodation rather than inside the building itself.
Pilib Ó Ruanaí, chief executive of Iontaobhas na Gaelscolaíochta, the trust for the Irish-medium sector, said many schools were housed in temporary accommodation.
“There has to be some improvement. In terms of there being preferential treatment, it simply is not true. There is a robust process,” he said.
“In Lisnaskea, the school is moving onto a site that was declared surplus to requirements three to four years prior.
“All of a sudden it becomes an issue. The protocol is the same for every school – it looks at issues of sustainability, existing accommodation, area planning – it is the same for all sectors.”
Ealaín sa Rang le Áine Uí Ghrádaigh
Aibreán 6, 2016
Déanann an leabhar idirghníomhach seo cur síos ar mhodheolaíochtaí ealaíne ar féidir iad a úsáid sa seomra ranga ag an mbunléibhéal. Tá sé breac le físeáin taispeána.
Tá an iBook nua seo ‘Ealaín sa Rang’ anois beo ar an iBookstore. Is féidir an iBook a íoslódáil (saor in aisce) ar iPad.
Laghdú le déanamh ag an Roinn Oideachais ar an riachtanas Gaeilge do choláistí oiliúna
Aibreán 6, 2016
Beifear in ann áit a fháil sna coláistí oiliúna gan an páipéar scrúdaithe scríofa Gaeilge a dhéanamh ar chor ar bith de réir na n-íosriachtanas nua iontrála a thiocfaidh i bhfeidhm i mí Mheán Fómhair 2017.
Dheimhnigh an Roinn Oideachais do Tuairisc.ie gurb é an bunriachtanas iontrála do na coláistí oiliúna a bheidh ann don Ghaeilge faoin gcóras nua ná ‘H5’, nó 50-59%.
Faoi láthair, teastaíonn ar a laghad 55%, nó C3, i scrúdú Gaeilge na hArdteiste ó dhaltaí ar mhaith leo céim sa bhunmhúinteoireacht a dhéanamh.
Féadtar suas le 40% de mharcanna iomlán an scrúdaithe a fháil ar an scrúdú cainte agus suas le 10% a fháil ar an gcluastuiscint, rud a fhágann go bhféadfadh dalta a dhóthain marcanna a ghnóthú le háit a fháil sna coláistí oiliúna gan an scrúdú scríofa a dhéanamh ar chor ar bith.
Dúirt Pádraig Ó Duibhir, cláraitheoir Choláiste Phádraig i nDroim Conrach, le Tuairisc.ie gur “ábhar buartha” é nár thapaigh an Roinn Oideachais an deis an t-íosriachtanas a ardú go 60%.
“Cuireann sé ionadh orm gur glacadh leis an gcinneadh sin, tá go leor ráite i gcaitheamh na mblianta faoi chaighdeán Gaeilge na n-ábhar oidí. Ní haon rún é go raibh an grád C3 íseal mar a bhí agus bheinn buartha go bhfuil sé íslithe anois go 50%.
“An rud a thuig mé faoin athrú atá le teacht i mí Mheán Fómhair ná nach mbeadh an mhapáil idir an dá chóras díreach, agus ghlac mé leis go n-ardófaí an bunriachtanas go 60% mar a bhí á mholadh ag an gComhairle Múinteoireachta. Cuireann sé ionadh orm nár tapaíodh an deis sin,” a dúirt sé.
Dúirt Ó Duibhir go mbeidh sé ag áitiú ar an Roinn Oideachais an bunriachtanas iontrála a ardú nuair a dhéanfar an córas nua grádaithe a athbhreithniú sa bhliain 2018.
“Bhí tráth ann nuair a bhíodh daoine in ann an Ghaeilge a scríobh ach gan a bheith in ann í a labhairt. Bheinn buartha go leagtar an iomarca béime ar na scileanna labhartha anois agus nach dtuigtear an tábhacht a bhaineann leis an léamh agus an scríobh.
“Tá na scileanna uilig tábhachtach le bheith i do mhúinteoir bunscoile. Teastaíonn cumas cumarsáide agus muinín. Níl an t-am againn anseo a bheith ag tabhairt mac léinn a bheadh an-lag ó thaobh na Gaeilge de go dtí an leibhéal a theastaíonn leis an teanga a mhúineadh ó na naíonáin bheaga go dtí rang a sé,” a dúirt sé.
Cé go “dtugann sé an teachtaireacht mhícheart” faoin mbunmhúinteoireacht go bhfuil an bunriachtanas laghdaithe go 50%, dúirt Ó Duibhir go mbíonn grád B (70%) nó níos airde ag formhór mór na ndaltaí Ardteiste a chláraíonn leis an gcúrsa oiliúna.
Dúirt Séamie Ó Néill, Stiúrthóir Oideachais Froebel in Ollscoil Mhá Nuad go bhfuil sé níos tábhachtaí ó thaobh na Gaeilge de go mbeadh an córas sna coláistí oiliúna féin níos fearr ná mar atá.
“Bheadh sé níos fearr ar ndóigh dá mbeadh an bunriachtanas ag 70% ach tá ceithre bliana acu chun feabhas a chur ar a gcuid Gaeilge sna coláistí oiliúna.
“Tá an-dul chun cinn déanta le ceithre bliana anuas, bronnfar céimeanna ar na mic léinn a rinne cúrsa ceithre bliana den chéad uair i mbliana, agus ceapaim go bhfuil an caighdeán ag feabhsú.
“Ní dóigh liom go bhfuil an Ardteist sách maith le measúnú a dhéanamh ar an nGaeilge. Caithfidh muid a theacht suas le córas nua measúnaithe. Tá daoine ag teacht isteach cheana féin gan cumas sa Ghaeilge agus B1 acu san Ardteist,” a dúirt Ó Néill.
Dúirt sé, áfach, gur ábhar dóchais líon na ndaltaí ó Ghaelscoileanna atá ag cur isteach ar na cúrsaí oiliúna le blianta beaga anuas.
“D’fhreastail 25% de lucht na chéad bhliana i mbliana ar Ghaelscoil. Tá sé sin ag cabhrú leis an gcaighdeán. Tá sé le feiceáil iontu go bhfuil siad níos báúla don Ghaeilge, sa choláiste féin agus in Aontas na Mac Léinn. Bhí go leor Gaeilge á labhairt ag Ard-Fheis Aontas na Mac Léinn in Éirinn an tseachtain seo caite. Tá na rudaí seo ag tarlú mar gheall ar an mborradh a tháinig faoin nGaelscolaíocht thart ar 15 bliain ó shin.
“An ndéanfaidh titim 5% difríocht? N’fheadar, ach sílim go bhfuil sé níos tábhachtaí an ceithre bliana atá againn a úsáid i gceart agus lán tairbhe a bhaint astu,” a dúirt sé.
www.tuairisc.ie
Dúshlán na Léitheoireachta Gaeilge
Aibreán 5, 2016
Is breá liom a bheith ag léamh. Ó go raibh mé an-óg bhí mé i gcónaí ag léamh. Ní raibh mórán suime agam a bheith ag rith timpeall na páirce nuair a bhí leabhar maith idir lámha agam.
Tháinig leabhar nua sa tsraith The Princess Diaries amach nuair a bhí mé ag déanamh an Teastais Shóisearaigh. Dúirt Mum liom nach raibh cead agam é a léamh go dtí go raibh na scrúduithe thart. Thóg sí uaim é. Chuaigh mé caol díreach go dtí an leabharlann agus fuair mé cóip eile dó. Léigh mé ar an traen chun na scoile é agus abhaile le linn na scrúduithe sin.
Bhí ar Dad an solas a mhúchadh orm nuair a chonaic sé go raibh mé go fóill á léamh tar éis mean oíche oíche éigin. Chuaigh mé isteach sa seomra folctha, chuir mé tuaille síos ag bun an dorais agus lean mé orm ag léamh.
Níor thosaigh mé ag léamh leabhair Ghaeilge go dtí go raibh mé san ollscoil, agus níor thosaigh mé á léamh i gceart, as mo stuaim féin, go dtí tar éis na hollscoile.
‘Tá an-chuid leabhar Gaeilge iontach amuigh ansin agus níl daoine ar an eolas fúthu,’ a deir Jack Ó Drisceoil a bhí mar urlabhraí thar ceann an fheachtais Leabhra Feabhra i mbliana, agus aontaím go hiomlán leis.
Is iad Anna Heussaff agus Proinsias Mac a’Bhaird na scríbhneoirí Gaeilge is fearr liom faoi láthair ach is beag duine a chuala trácht orthu nuair a luaim na hainmneacha leo.
B’ea i mbliana an darna bliain a ndearnadh ceiliúradh ar Leabhra Feabhra ar Lá Fhéile Bhríde. 1 Feabhra. Tá sé mar aidhm ag an bhfeachtas seo ná an scéal faoi leabhair Ghaeilge a scaipeadh agus díolacháin ar leabhair Ghaeilge a ardú.
‘Sílim gur éirigh linn,’ a deir Jack.
Chuaigh Jack isteach sa Siopa Leabhar i mBaile Átha Cliath díreach roimh Lá Fhéile Bhríde anuraidh agus ní raibh mórán leabhar fágtha. Rinne sé an rud céanna i mbliana agus d’iarr sé ar an duine a bhí ag obair ann an raibh mórán éileamh ar na leabhair de bharr Leabhra Feabhra. Dúirt sí go raibh.
Ní raibh Jack ag labhairt le haon chomhlacht foilsitheoireachta ar bith ach nuair a d’fhogair siad an feachtas anuraidh, thosaigh na comhlachtaí ag cur lascaine ar fáil do chustaiméirí.
‘Léirigh sin gur thuig siad céard a bhí ar bun againn agus go raibh muid ar fad ag seasamh le chéile ag iarraidh an rud céanna a bhaint amach.’
Bhí An Siopa Leabhar i mBaile Átha Cliath agus An Cheathrú Póilí i mBéal Feirste ar aon intinn mar gheall ar dhíolachán agus an feachtas. Dhíol siad beirt níos mó anuraidh ag teacht suas go Leabhra Feabhra ná gur dhíol siad i mbliana de bharr an fheachtais.
‘Bheadh muid níos ciúine gan an fheachtais, cinnte,’ a deir Cillian de Búrca ón Siopa Leabhar, ‘Ach deirfinn go raibh níos mó sceitimíní ar dhaoine roimh rud éigin úrnua anuraidh ná a bhí acu i mbliana.’
Bhí lascaine de 15% ar leabhair Ghaeilge in An Cheathrú Póilí ar feadh cúpla lá ag teacht suas go Lá Fhéile Bhríde.
‘Táim ag glacadh leis go mbeidh maoiniú curtha ar fáil do lucht an fheachtais an bhliain seo chugainn ó Fhoras na Gaeilge ionas gur féidir leo tuilleadh poiblíochta a dhéanamh do Leabhra Feabhra,’ a deir Cillian.
www.meoneile.ie
‘Bac ar thógáil Gaelscoileanna’ an t-aon tagairt don Ghaeilge i bhforógra an DUP
Aibreán 5, 2016
Tá an DUP le bac a chur ar thógáil Gaelscoileanna úra de réir an fhorógra toghcháin a d’fhoilsigh siad inné.
San aon tagairt amháin don Ghaeilge sa doiciméad, i rannóg dar teideal, The Next Steps in an Education Equality Agenda, fógraítear go ndéanfaidh an DUP iarracht “cothrom na Féinne a thabhairt do gach earnáil oideachais, scoileanna riachtanais speisialta san áireamh”.
Ciallaíonn sé seo, a deirtear, go rachaidh siad i ngleic leis “an chóir fhabhrach” atá á tabhairt do Ghaelscoileanna agus scoileanna nua á dtógáil.
Tá rún ag an DUP deireadh a chur le Teastas Oiliúna Múinteorí Caitliceacha agus deireadh a chur le hAlt 71 a thugann díolúine ón reachtaíocht comhionannas fostaíochta i gcúrsaí múinteoireachta.
Ní luaitear an Ghaeilge ach amháin sa tagairt sin do Ghaelscoileanna agus ní luaitear na focail ‘cultúr’ nó ‘na healaíona’ sa cháipéis ach an oiread.
Deirtear san fhorógra go bhfuil an DUP meáite ar Institiúid Albainis Uladh a bhunú le taighde agus oideachas a chur chun cinn maidir leis an ngné sin d’fhéiniúlacht Thuaisceart Éireann.
Anuas air sin, tá an páirtí tiomanta de go mbeidh “an bhratach náisiúnta” ar foluain 365 lá sa bhliain agus go mbeidh lá saor ar an 5 Bealtaine 2021, cothrom céad bliain ó tháinig ann do stát Thuaisceart Éireann de réir dlí. Deir an páirtí go gcaithfear an bhliain sin “ag ceiliúradh agus ag iniúchadh ár staire”.
www.tuairisc.ie
Comórtas scoláireachta €1,000 ag Coláiste Samhraidh Theilinn
Aibreán 5, 2016
Tá Coláiste Aoidh Mhich Bhricne i dTeileann, iardheisceart Thír Chonaill, ag tairiscint €1,000 de scoláireachtaí do mhic léinn mhéanscoile le freastal ar chúrsa Gaeltachta s’acu le linn mhí Iúil. Tá 10 scoláireacht ar luach €100 ar fáil.
Tá na scoláireachtaí ar fáil do chúrsa B, a ritheann ón 16-30 Iúil. Is cúrsa é atá dírithe ar dhaltaí 13 – 16 bliana d’aois. Cosnaíonn an cúrsa €495 go hiondúil, ach leis na scoláireachtaí seo, beidh buaiteoirí ábalta freastal ar chúrsa coicíse ar €395.
Le cur isteach ar an chomórtas, seol ríomhphost chuig colaisteaoidhteileannn@gmail.com agus cuir ceist fá choinne fhoirm iarratas. Is féidir glaoch ar Shane Ó Curraighín (087 7667853) nó Gearóid Ó Deoráin (087 2701200) le haghaidh tuilleadh eolais. Is é Dé hAoine, 29ú Aibreán, spriocdháta d’iontrálaithe. Cuirfear na buaiteoirí ar an eolas ar Dé Céadaoin, 4ú Bealtaine.
Dúirt Dr Pádraig Ó Tiarnaigh, Cathaoirleach, Coláiste Aoidh Mhic Bhricne, Teileann:
Is ábhar ceiliúrtha é do Choiste Choláiste Aoidh Mhic Bhricne gur féidir linn na scoláireachtaí seo a chur ar fáil i mbliana. Tá sé mar sprioc againn i dTeileann eispéireas iomlán Gaeltachta a chur ar fáil do dhaltaí óga i gCúige Uladh agus ar fud na tíre. Cuidíonn na scoláireachtaí seo, a bhuí le Comhaltas Uladh, le daoine cuid de na costais a chlúdach. Cuireann muid béim ar thrí rud i dTeileann: An Teanga, Cairdeas agus an Spraoi. Bígí linn.
Dúirt Niall Comer, Uachtarán, Comhaltas Uladh:
Is deis mhaith atá sna scoláireachtaí seo do dhaoine óga tabhairt faoin Ghaeilge a fhoghlaim i gceann na Coláistí Samhraidh sa tír. Gheobhaidh an scoláire a bhfuil dúil aige nó aici sa teanga taithí agus eispéireas iontach i dTeileann. Tréaslaíonn Comhaltas Uladh le Coláiste Aoidh Mhic Bhricne agus molann a gcuid oibre ar son na Gaeilge sa Ghaeltacht seo. Go raibh gach ráth ar na cúrsaí i mbliana agus amach anseo.
Nóta: Tá na scoláireachtaí seo á gcur ar fáil le freastail ar chontaetha Dhún na nGall, an Chabháin, Muineacháin agus Lú (i bhfolús roinnt scéimeanna scoláireachtaí sna sé chontae) a thiteann faoi limistéar Chomhaltas Uladh.
Cúlra: Coláiste Samhraidh Gaeltachta is ea Coláiste Aoidh Mhic Bhricne atá suite i dTeileann, iardheisceart Thír Chonaill, ar Shlí an Atlantaigh Fhiáin. Bunaíodh an coláiste sa bhliain 1956. Rinne sé 60 bliain bunaithe a cheiliúradh anuraidh. Beidh dhá chúrsa samhraidh i dTeileann i mbliana.
Tuilleadh eolais:
Shane Ó Curraighín
Oifigeach Caidreamh Poiblí, Coláiste Aoidh Mhic Bhricne
087 7667853 (00 44)75 16251036 | colaisteaoidhteileann@gmail.com
Dr. Pádraig Ó Tiarnaigh
Cathaoirleach, Coláiste Aoidh Mhic Bhricne
(00 44) 77 16690237 | padraig@cnag.ie
Lean sinn:
https://twitter.com/Teileann1955
https://www.facebook.com/Colaiste-Aoidh-Mhic-Bhricne-Teelin-202868921997/
Comórtas Leabhar Gaelscoileanna Teo.
Aibreán 4, 2016
Tá áthas orainn a fhógairt go bhfuil beirt bhuaiteoirí roghnaithe do Chomórtas Leabhar Gaelscoileanna Teo.
Ellie-May Ní Ghallachóir, Scoil Náisiúnta Éadan Fhionnfhraoich, Co. Dhún na nGall, agus
Noah Ó Ceallaigh, Gaelscoil Thomáis Dáibhís, Co. Chorcaí.
Chuir go leor scoláirí ó scoileanna lán-Ghaeilge agus Gaeltachta timpeall na tíre isteach ar an gcomórtas seo agus bhí cinneadh an-deacair le déanamh ag na moltóirí. Fuair muid go leor scéalta agus bhí caighdeán an-ard ar fad ann. Comhghairdeas ó chroí le gach éinne a ghlac páirt sa chomórtas seo agus ár mbuíochas libh as bhur gcuid scéalta cruthaitheacha a roinnt linn. Tá súil againn go leanfaidh sibh ar aghaidh ag scríobh scéalta i nGaeilge. Foilseofar rogha scéalta i nuachtlitir Gaelscoileanna Teo., ar shuíomh Idirlín na heagraíochta agus ar na meáin shóisialta.
Cuireadh gearrliosta le chéile agus buaiteoirí an chomórtais á roghnú. Tá ardmholadh ag dul chuig na scríbhneoirí óga seo ach go háirithe a bhí ar an ngearrliosta. Cuirfear teastas agus leabhar ar aghaidh chuig na daoine seo ar fad.
Aoife de Nogla Ní Fheinneadha, Gaelscoil Mhainistir na Corann. An Cúpla Ainmhnithe.
Caoimhe Ní Arragáin, Gaelscoil Dhonncha Rua. Síle Sióg.
Gianluca Fornaciai, Gaelscoil Iarfhlatha. Plandaí Vs Zombie – An Tús.
Jack Ó hAllúráin, Gaelscoil Mhíchíl Cíosóg. An Vaimpír.
Méabh Otuos, Gaelscoil Mhíchíl Cíosóg. Plainéad na bPeataí.
Niamh Nic Enrí, Gaelscoil Mhainistir na Corann. Oileán Niamh.
Síofra Ní Ógáin, Gaelscoil Mhíchíl Cíosóg. Na Síoga.
Traolach Ó Súilleabháin, Scoil Lorcáin. An Sciathán Leathair Órga.
Na Bunscoileanna a ghlac páirt sa chomórtas seo :
Gaelscoil Dhonncha Rua, An Clár
Gaelscoil Iarfhlatha, Gaillimh
Gaelscoil Mhainistir na Corann, Corcaigh
Gaelscoil Mhíchíl Cíosóg, An Clár
Gaelscoil na Cille, An Mhí
Gaelscoil Thomáis Dáibhís, Corcaigh
Scoil Bhríde, Baile Átha Cliath
Scoil Lorcáin, Baile Átha Cliath
Scoil Náisiúnta Éadan Fhionnfhraoich, Dún na nGall
Scoil Naithí, Baile Átha Cliath
Míle buíochas le O’Brien Press as urraíocht fhliathiúil a dhéanamh ar an gcomórtas.
RÁITEAS maidir le SCOLÁIREACHTAÍ 2016 le tacaíocht ó Fhoras na Gaeilge
Aibreán 4, 2016
Family Course sa Ghaeltacht July 2016 Cúrsa Teaghlaigh sa Ghaeltacht Iúil 2016
Tá Foras na Gaeilge ag cur 15 scoláireachtaí ar fáil do Chúrsa Teaghlaigh sa Ghaeilge atá a reáchtáil ag Cumann an Phiarsaigh i nGaoth Dobhair le linn na seachtaine 16-23 Iúil 2016. Bronnfar 10 scoláireachtaí de luach €900 an ceann agus 5 scoláireachtaí de luach €200 an ceann ar theaghlaigh a bhfuil suim acu freastal ar an chúrsa Gaeilge seo i nGaoth Dobhair.
Caitheann na teaghlaigh seachtain i nGaoth Dobhair ag freastal ar ranganna agus imeachtaí trí Ghaeilge a bheidh ar siúl i bPobalscoil Ghaoth Dobhair. Tá a thuilleadh eolais faoin chúrsa féin ar an suíomh idirlíon www.piarsaigh.ie
Is ar theaghlaigh atá san earnáil Gaelscolaíochta faoi láthair atá na scoláireachtaí dírithe; sé sin le rá do theaghlaigh a bhfuil páiste ag freastal ar ghaelscoil, ar ghaelcholáiste nó scoil ina bhfuil oideachas trí Ghaeilge a chur ar fáil.
Beidh trí scoláireacht a bhronnadh ar an chlár Cóisir Cheoil (16.10-17.00) ar RTE RAIDIO NA GAELTACHTA gach lá ón Luan 25 Aibreán go Aoine 29 Aibreán. Éist leis an chlár le linn na seachtaine agus beidh an deis agat TÉACS a chur isteach le linn an chláir le bheith sa chrannchur do na scoláireachtaí.
Tá Cumann an Phiarsaigh go mór faoi chomaoin ag Foras na Gaeilge as an tacaíocht seo a thabhairt don chúrsa.
Is féidir eolas breise a fháil ó Joe Ó Gallchóir, stiúrthóir an chúrsa, ag 086 3048242 nó galljoe@eircom.net
Foras na Gaeilge is providing scholarships to families wishing to attend a Family Course as Gaeilge in Gaoth Dobhair, Co Donegal during the week 16-23 July 2016.
There are 10 scholarships worth €900 each and 5 scholarships worth €200 each available to facilitate interested families attend the course. The scholarships are for families who have children in the All-Irish education sector.
All information on the course itself is available on www.piarsaigh.ie
The scholarships will be presented each day during the week 25-19 April 2016 on Cóisir Cheoil (16.10-17.00) on RTE RADIO NA GAELTACHTA. They will be awarded by means of a TEXT-IN on that programme during the week in question.
Further information is available from Joe Ó Gallchóir at 086 3048242 or galljoe@eircom.net.
Sárscoil Drámaíochta Fíbín
Aibreán 4, 2016
Tá Sárscoil Drámaíochta Fíbín ar ais don séú bliain as a chéile agus muid ar thóir scoláirí idir 15-17 bliain d’aois ó cheantair Ghaeltachta agus Ghalltachta ó thuaidh agus ó dheas den teorainn chun páirt a ghlacadh ar an gcúrsa. Más spéis leat taithí aisteoireachta/drámaíochta a fhoghlaim seo é an cúrsa duit!! Gach bliain eile théadh muid timpeall na tíre ag déanamh éisteachtaí i scoileanna ach i mbliana tá an próiseas roghnúcháin athraithe againn agus ní bheidh ort anois ach físeán gearr duit féin a sheoladh isteach ag aisteoireacht as Gaeilge ar YouTube/r-phost/Vimeo/Dlúthdhiosca cibé caoi is fearr leat chun seans a bheith agat áit a bhaint amach ar an gcúrsa.
Is dianchúrsa aisteoireachta/scileanna drámaíochta atá ann le casadh difriúil mar go gcónaíonn na rannpháirtithe le chéile i nGaeltacht Chonamara ar feadh an tréimhse coicíse agus ritear na ceardlanna uile trí mheán na Gaeilge. Gheobhaidh na haisteoirí óga taithí agus oiliúint fhíor-luachmhar faoi stiúir an stiúrthóra Stephen Darcy. Foghlaimeoidh na daoine óga faoi aisteoireacht don scáileán chomh maith le don stáitse. Beidh Laoise Ní Nualláin linn chomh maith ag teagasc ceoil agus amhránaíocht ar an gcúrsa. Tá costas €625 ar an gcúrsa coicíse le beatha agus lóistín san áireamh ach is féidir le daoine áitiúla nach dteastaíonn socruithe lóistín uathu an cúrsa a dhéanamh ar €325. Tabharfar cuireadh do na meáin, craoltóirí, léiritheoirí teilifíse, polaiteoirí áitiúla chomh maith le tuismitheoirí agus cairde freastal ar an léiriú ar an lá deiridh. Chun tuilleadh eolais nó bróisiúr a fháil faoin gcúrsa téigh chuig www.sarscoilfibin.ie nó seol ríomhphost chuig Caitlín i Fíbín ar sarscoilfibin@gmail.com nó glaoigh ar 091-505855!
