Folúntas: Múinteoir Acmhainne i nGaelscoil Eiscir Riada, BÁC

Tá múinteoir buan i nGaelscoil i dtuaisceart na cathrach ag cuartú múinteoir eile chun post roinnt a dhéanamh don scoilbhliain 2016/2017. An bord bainistíochta sásta leis an iarratas ach faraor níl éinne sa scoil faoi láthair atá in ann é a roinnt faoi láthair. Post tacaíochta foghlama atá i gceist. Gaeilge, dar ndóigh, riachtanach agus taithí le tacaíochta foghlama nó gánna speisialta roghnaithe. Má tá éinne sa chomharsanacht gaelscoileanna le suim nó sa chás céanna le do thoil téigh i dteangmháil leis an múinteoir Neasa Ní Aoláin trí ríomhphost muinteoir.neasa@gmail.com nó leis an scoil Gaelscoil Cholmcille ag fón 01-8940440.

Posted by gaelscoileanna | Filed Under Folúntais, Nuacht | Leave a Comment

CÚRSA OILIÚNA TRÍ GHAEILGE DO BHUNMHÚINTEOIRÍ

Bealtaine 10, 2016

CÚRSA OILIÚNA TRÍ GHAEILGE DO BHUNMHÚINTEOIRÍ

COLÁISTE MARINO

4ú – 8ú Iúil 2016

Oiliúint Phraiticiúil ar na Cluichí Gaelacha faoi stiúir chóitseálaithe CLG,

laistigh de théarmaí tagartha na Roinne Oideachais & Scileanna

Costas €90

Eolas & Áirithint :

Máire Áine Nic Dhonnchadha,

Institiúid Oideachais,

Baile Átha Cliath 9.

01 805 7775 inservice@mie.ie

Beidh Cúrsaí Oiliúna eile ar siúl i Marino ag an am céanna

Posted by gaelscoileanna | Filed Under Nuacht | Leave a Comment

Duilleog Úr, Scoil sa Choill

Bealtaine 9, 2016

Mar chainteoir dúchasach Gaeilge tá Clíona ag cur Scoil sa Choill ar fáil trí Ghaeilge freisin do pháistí dheisceart Bhaile Átha Cliath. Is iontach an deis é seo do pháistí na mórchathrach foghlaim faoin dúlra agus comhrá nádúrtha a dhéanamh ina measc féin ina bpríomhtheanga. Ghlaoigh an Piarsach an ‘Murder Machine’ ar an gcóras oideachais ag an am, córas inar múineadh an t-eolas céanna do gach pháiste fiú muna raibh suim acu go léir ann. Tá an scéal ag athrú agus is áit i bhfad níos fearr an seomra ranga sa lá atá inniu ann, ach fós ní bhíonn an deis ag na páistí dul amach faoin aer agus am a chaitheamh i mbun a bhfiosracht féin. Tá sé tábhachtach an deis a thabhairt do pháistí dul amach faoin aer agus ligint dóibh bheith fiosrach faoin dúlra máguaird.

Foghlaimíonn daoine ar bhealaí éagsúla agus ní i gcónaí a oireann an modh amháin do gach éinne. Amuigh sa choill bíonn saoirse ag na páistí súgradh, rith thart agus fadhbanna a réiteach ar a mbealaí féin. Tá ealaíon thar a bheith tábhachtach d’fhorbairt chruthaitheach an pháiste agus cuirimid an-bhéim air seo, ag úsáid láib, duilleoga, craobhacha, cnónna srl le pictiúirí áille a chruthú, agus trí scéalta agus ceol a chumadh!

Tuilleadh eolais: http://www.duilleogur.com/

Posted by gaelscoileanna | Filed Under Nuacht, Scéalta an Scoilphobail | Leave a Comment

« Previous Page — Next Page »