Deis d’fhoghlaimeoirí Gaeilge teastas TEG a bhaint amach
Bealtaine 20, 2013
Tá Teastas Eorpach na Gaeilge (TEG) and Oideas Gael ag teacht le chéile chun deis a tabhairt d’fhoghlaimeoirí Gaeilge aitheantas a fháil ar a gcuid oibre agus iad ag freastal ar chúrsaí Oideas Gael an samhradh seo.
Beidh TEG ag reáchtáil scrúduithe béil i nGleann Cholm Chille i rith an tsamhraidh áit a dtabharfar an rogha do lucht foghlamtha Oideas Gael cáilíocht a fháil ar a gcuid scileanna labhartha. Beidh na scrúduithe á reáchtáil ar 22 Meitheamh, 6 Iúil agus 20 Iúil.
Ó bunaíodh é i 2005, tá Teastas Eorpach na Gaeilge ann mar an chéad agus an t-aon chóras teistiúchán Gaeilge do dhaoine fásta. Tá TEG dírithe ar gach duine a bhfuil suim acu an Ghaeilge a fhoghlaim agus tá os cionn 2,500 duine tar éis tabhairt faoi scrúduithe TEG go dtí seo, idir dhaoine in Éirinn agus thar sáile.
Tá aitheantas ó TEG ina chuidiú mór i dtaobh na hoibre de os rud é gur riachtanas iontrála é d’Fhorbairt Naíonraí Teoranta, An Chomhairle Mhúinteoireachta, Coimisiún Fulbright, An Roinn Oideachais agus Scileanna; agus na Na Coláistí Oideachais: Institiúid Oideachais Marino, Coláiste Phádraig, Droim Conrach, Coláiste Mhuire gan Smál, Luimneach agus Coláiste Hibernia.
Beidh fáil ar scrúduithe TEG a leanas trí Oideas Gael:
A1 – Bonnleibhéal 1
A2 – Bonnleibhéal 2
B1 – Meánleibhéal 1
B2 – Meánleibhéal 2 (20 Iúil amháin)
C1 – Ardleibhéal 1 (20 Iúil amháin)
Beidh costas €50 ar scrúdú TEG trí Oideas Gael, agus is féidir clárú ag www.teg.ie. Tugtar comhairle maidir leis an leibhéal scrúdaithe gur ceart d’iarrthóirí tabhairt faoi ó mhúinteoirí Oideas Gael chomh maith le foireann TEG in Ollscoil na hÉireann Maigh Nuad. Tá tuilleadh eolas ar fáil ó shuíomh TEG www.teg.ie, ar teanga@nuim.ie nó ar 01 7086417.
Foilsithe ar Gaelport.com
Grassroots Gaelic
Bealtaine 17, 2013
Crawford Mackie’s letter about research into Gaelic language education (14 May) was redolent of the type of blustering train crash which generally occurs when prejudice comes up against scientific research.
After a scattergun ad hominem attack on the academics involved, Mr Mackie questioned the sample size of the Scottish Social Attitudes Survey, while indicating that if Bòrd na Gàidhlig had funded its own survey it would be, in his view, invalid.
It appears he would rather no research was carried out and that opinions, most likely his own, were given free sway. And to the 91 per cent majority of adult respondents who did not give a “satisfactory” answer to the Scottish Social Attitudes Survey, Mr Mackie can only give a patronising response.
We are told they “will not be considering the cost”, as if Mr Mackie himself was aware of their considerations as they responded to the survey. The letter descended from there into further absurdity.
I do have some sympathy with the rage such research must engender in those who would rather eradicate the language, proving as it does, that they too are a minority – in the case of Mr Mackie’s view on Gaelic- medium education, one of only 8 per cent, give or take the margin of error.
Gaelic-medium education is one of the great grassroots success stories of Scottish education of recent generations, being led at all times by parents demanding that their children too should be afforded the right to a bilingual education.
Mr Mackie may want to homogenise Scotland but I, and it would seem 91 per cent of others, disagree.
Aonghas Mac Leòid
Malloch Street
Glasgow
The debate about whether or not Gaelic should be taught in Scottish schools is becoming somewhat aggressive in tone.
Many of those who are against it argue that Gaelic is a pointless, inward-looking language that is of no use to anyone out there in the real world. It would be more useful, they say, for children to learn languages such as Spanish, French, German and even Chinese.
Some of those who are fighting for Gaelic in schools argue that it is a unique and important feature of Scottish culture and that funding should be preserved so that it can be taught to as many children as possible. Surely the truth and a workable solution are somewhere in between. Nobody reasonable should be arguing that being able to speak Gaelic will help anyone get a well-paid job or to do dazzling trade in other countries, but there is more to life than making money.
There are many skills and experiences that young people can gather which contribute to the richness of their character and society. Whether we are for independence or not, we have good reasons to be proud of our country, and preserving its language is a crucial part of that.
When languages die out, that’s that. They’re gone forever. We can’t let that happen.
Morag Gregory
Kersland Street
Glasgow
www.scotsman.com
Príomhoide ceaptha ar ghaelscoil nua Chill Dara
Bealtaine 16, 2013
Osclófar Gaelscoil nua i mBaile Chill Dara i 2013 faoi phátrúnacht An Foras Pátrúnachta. Is scoil trí mheán na Gaeilge a bheidh ann a bhfuil comhoideachasúil agus a mbeidh sainspiorad ilchreidmheach aici.
Beidh an scoil nua lonnaithe i meánscoil an choiste gairmoideachais i mBaile Chill Dara, áit ina bhfuil Educate Together lonnaithe chomh maith. Tá An Foras Patrúnachta ag glacadh le hiarratais fós d’áiteanna sa scoil nua. Ba cheart do thuismitheoirí a bhfuil suim acu sa scoil seo, an fhoirm iarratais a líonadh isteach.
Ba cheart do thuismitheoirí an fhoirm iarratais a líonadh isteach agus a chur sa phost chuig An Foras Patrúnachta, Bloc K3, Campus Gnó Mhaigh Nuad, Maigh Nuad, Co Chill Dara chomh luath agus is féidir..
Cur aithne ar an bpríomhoide nua: Norma Ní Chonchúir
“Is as Ciarraí dom. Bhog mé go Cill Dara ocht mbliana ó shin nuair a fuair mé mo chéad phost agus táim tar éis múineadh i nGaelscoil Chill Dara ó shin. Ocht mbliana den scoth a bhí iontu i scoil a chuireann ard-chaighdeán oideachais ar fáil.
“Rinne mé B.Oid i gColáiste Mhuire gan Smál agus M. Oid in Ollscoil na hÉireann Má Nuad. Chinn mé bheith i mo mhúinteoir mar is aoibhinn liom a bheith ag obair le páistí agus bhí éispéireas scolaíochta an-dearfach agam féin; bhí múinteoirí iontacha spreagúla agam agus mé ar scoil. Freisin, tá an-ghrá agam don Ghaeilge agus tá an-suim agam í a chur chun cinn.
“Is deis iontach dom é agus is mór an onóir domsa an post a ghlacadh mar phríomhoide ar an nGaelscoil Nua i mBaile Chill Dara. Táim ag siúl go mór leis an bpost nua. Tá an-éileamh ar an nGaelscolaíocht sa cheantar agus tá sé iontach go bhfuil gaelscoil nua á oscailt chun freastal ar an éileamh sin.
“Gaelscoil ilchreidmheach a bheidh inti. Is ard-chaighdeán oideachais trí mheán na nGaeilge a chur ar fáil ná an sprioc i dtimpeallacht foghlama dearfach, taitneamhach agus oscailte. Tá sé mar sprioc agam scoil le hatmaisféar chomhmheasa a chothú, áit a bhfuil páistí spreagtha agus muiníneach iontu féin agus a mhúintear na scileanna saoil dóibh atá uathu mar saoránaigh na tíre seo.”
Príomhoide ceaptha ar Ghaelscoil na Giúise
Bealtaine 16, 2013
Osclófar Gaelscoil nua i dTamhlacht i 2013 faoi phátrúnacht An Foras Pátrúnachta. Is scoil trí mheán na Gaeilge a bheidh ann a bhfuil comhoideachasúil agus a mbeidh sainspiorad ilchreidmheach aici.
Tá An Foras Patrúnachta ag glacadh le hiarratais fós d’áiteanna sa scoil nua. Ba cheart do thuismitheoirí a bhfuil suim acu sa scoil seo, an fhoirm iarratais a líonadh isteach.
Ba cheart do thuismitheoirí an fhoirm iarratais a líonadh isteach agus a chur sa phost chuig An Foras Patrúnachta, Bloc K3, Campus Gnó Mhaigh Nuad, Maigh Nuad, Co Chill Dara chomh luath agus is féidir.
Thosaigh an An Foras Pátrúnachta, pátrún na scoile nua, ag déanamh feachtasaíochta d’oscailt Ghaelscoile i dTamhlacht i 2011 agus d’éirigh leis an bpátrún neart tacaíochta tuismitheora a fháil. Rinne An Foras Pátrúnachta iarratas ar phátrúnacht don scoil nua ansin i mí Dheireadh Fómhair, 2011.
I mí an Mhárta 2012, d’fhógair an t-Aire Oideachais & Scileanna, Ruairí Quinn,an phátrúnacht do na bunscoileanna nua a bheidh ag oscailt i mí Mheán Fómhair, 2012 agus mí Mheán Fómhair, 2013. Tá ríméad ar An Foras Pátrúnachta go mbeidh trí Ghaelscoileanna nua faoin bpátrún, Tamhlacht san áireamh, a bheidh ag oscailt i 2012 agus 2013.
Cuir aithne ar an bpríomhoide nua: Fionnuala Ní Riain
“Is as Baile an tSaoir dom agus d’fhreastail mé féin ar Scoil Naithí agus Coláiste Íosagáin i Stigh Lorgáin. Dhein mé an cinneadh a bheith i mo mhúinteoir toisc go raibh suim agam i gcónaí san oideachas agus toisc go raibh mé ag iarraidh a bheith ag obair le páistí. Is múinteoir meánscoile é m’athair chomh maith agus tá baint le h-oideachas sna glúnta anuas ar dhá thaobh dem’ mhuintir.
“Bhain mé céim BA sa Ghaeilge agus Stair (UCD) i 2001, MSc i nGnó agus i dTeicneolaíocht an Eolais (DCU) i 2002, Ard Dioplóma san Oideachas Bunscolaíochta i 2005 agus i mbliana tá mé ag déanamh staidéir ar Dioplóma Iarchéime i dTacaíocht Foghlama & Riachtanais Speisialta (TCD).
Tá mé ag múineadh i nGaelscoil Bharra i gCabrach le deich mbliana anuas.
“Tá mé ag súil go mór leis an bpost nua. Mothaím go bhfuil mé réidh aghaidh a chur ar an dúshlán nua seo. Is scoil nua go leor a bhí i nGaelscoil Bharra nuair a thosaigh mé ag múineadh ann agus mar sin tá taithí agam a bheith ag obair i scoil atá ag fás agus ag forbairt.
“Ba mhaith liom scoil a chothú atá mar chroílár an cheantair le aidhm oideachas den céad scoth a chur ar fáil do gach páiste. Na talainn atá acu a fhorbairt áit go mbeimid ag scaipeadh an cultúir Gaelaigh ar fud an cheantair agus ag spreagadh muintir na háite chun a gcuid Gaeilge a n-úsáid. Ba mhaith liom scoil a chothú atá páirteach in imeachtaí spóirt, cheoil, drámaíochta srl. Tá mé ag súil go mór leis an bpost nua a thosnú.”
Príomhoide ceaptha ar ghaelscoil nua na Céime
Bealtaine 16, 2013
Osclófar Gaelscoil nua sa Chéim i 2013 faoi phátrúnacht An Foras Pátrúnachta. Is scoil trí mheán na Gaeilge a bheidh ann a bhfuil comhoideachasúil agus a mbeidh sainspiorad ilchreidmheach aici.
Beidh an scoil nua lonnaithe i sráidbhaile Aiken. Tá An Foras Patrúnachta ag glacadh le hiarratais fós d’áiteanna sa scoil nua. Ba cheart do thuismitheoirí a bhfuil suim acu sa scoil seo, an fhoirm iarratais a líonadh isteach.
Ba cheart do thuismitheoirí an fhoirm iarratais a líonadh isteach agus a chur sa phost chuig An Foras Patrúnachta, Bloc K3, Campus Gnó Mhaigh Nuad, Maigh Nuad, Co Chill Dara chomh luath agus is féidir.
Thosaigh an An Foras Pátrúnachta, pátrún na scoile nua, ag déanamh feachtasaíochta d’oscailt Ghaelscoile sa Chéim i 2011 agus d’éirigh leis an bpátrún neart tacaíochta tuismitheora a fháil. Rinne An Foras Pátrúnachta iarratas ar phátrúnacht don scoil nua ansin i mí Dheireadh Fómhair, 2011.
I mí an Mhárta 2012, d’fhógair an t-Aire Oideachais & Scileanna, Ruairí Quinn,an phátrúnacht do na bunscoileanna nua a bheidh ag oscailt i mí Mheán Fómhair, 2012 agus mí Mheán Fómhair, 2013. Tá ríméad ar An Foras Pátrúnachta go mbeidh trí Ghaelscoileanna nua faoin bpátrún, sa Chéim san áireamh, a bheidh ag oscailt i 2012 agus 2013. .
Cuir aithne ar an bpríomhoide nua: Conchúr Ó Raghallaigh
“Rugadh agus tógadh mé i gCluain Dolcáin. Táim i mo chónaí i Leamhcán faoi láthair.Tá grá agus paisean agam don oideachas. Creidim go láidir sna buntáistí a thagann leis. Bainim taitneamh as daoine a spreagadh agus aithním an neamhspleáchas agus indibhidiúlacht i bpáistí.
“Tá céim sa Bhéarla agus san Eacnamaíocht, Ard-Dioplóma san Oideachas (Bunleibhéal) agam agus táim ag cur críoch le Dioplóma Iarchéime sa Cheannasaíocht Oideachasúil in Ollscoil na hÉireann, Má Nuad faoi láthair.
“Táim tar éis mo mhúinteoireacht ar fad a chaitheamh i nGaelscoil Naomh Pádraig i Leamhcán. Táim tar éis gach leibhéal ó na naíonáin go Rang 6 a mhúineadh ann. D’fhoghlaim mé an-chuid anseo agus tá sé i gceist agam mo thaithí a chur in úsáid go héifeachtach sa Chéim.
“Táim ag súil go mór leis an dúshlán a mbaineann leis an bpost seo. Táim ag súil go mór leis an Ghaeilge a spreagadh sa Chéim chomh maith. Ceapaim gur seans iontach é seo dúinn an Ghaeilge a fhorbairt i measc na ndaoine óga!! Ar leibhéal pearsanta táim ag súil leis an bhforbairt ghairmiúil a bheith á dhéanamh agam.
“Táim an-bhródúil as an ról nua seo a ghlacadh. Is ard-chaighdeán oideachais trí mheán na Ghaeilge a bheidh againn sa Chéim le béim ar talún agus indibhidiúlacht dhaltaí na scoile a cheiliúradh.”
Turais do scoileanna SAOR IN AISCE! – Ionad Cuairteoirí Uiscebhealaí Éireann
Bealtaine 16, 2013
Is ionad nua, oideachasúil é Ionad Cuairteoirí Uiscebhealaí Éireann atá suite ar Ché na Canálach Móire i lár Bhaile Átha Cliath. Níl aon chostas ag baint le turais do scoileanna agus maireann gach turas 60 go 90 nóiméad. Cuirimid turais ar fáil trí Ghaeilge.
Cuirimid Pacáiste Oideachais chuig an múinteoir roimh an turas, rud a thugann seans don mhúinteoir ceachtanna bunaithe ar an ábhar a dhéanamh roimh ré. Tá nasc láidir ann idir an turas agus an curaclam mar gheall ar Eolaíocht, Stair, Mata agus Tíreolaíocht ach go háirithe.
Foghlamaíonn daltaí ar cuairt faoi stair na n-uiscebhealaí agus an nasc atá acu le cursaí taistil, turasóireachta agus siamsaíochta. Bíonn an deis ag daltaí báirse a thiomáint, tráth na gceist idirghníomhach a dhéanamh agus blas a fháil den saol ar na báid.
Oireann ár n-ionad do ghrúpaí faoi 30 duine agus is féidir ár dturas a chur le turas scoile eile atá beartaithe agat roimh ré.
Ar Oscailt
Dé Céadaoin – Dé Domhnaigh 10.00 go 18.00
Tuilleadh eolais:
www.waterwaysirelandvisitorcentre.org
Cormac / Mairéad 01-6777510
Conamara students are on the right frequency
Bealtaine 16, 2013
Students from Coláiste Cholmcille, Indreabhán, Co Galway, are on the right frequency, having won third prize in the national radio programme competition, Comórtas Clár Raidió Gael Linn 2013.
This popular competition is organised annually by Gael Linn, celebrating its 60th anniversary this year, to promote new radio talent among transition year students in particular.
The prize winners were announced during a special edition of the programme SBB Tráthnóna which was broadcast on Friday, May 10, on RTÉ Raidió na Gaeltachta, which sponsor the competition.
Adjudicator Seán Ó hÉanaigh, head of programmes at the station,chose the national winners and said he was extremely impressed with the high standard achieved by the entrants and with the wide variety of topics covered within the programmes.
Coláiste Cholmcille, Indreabhán, Conamara, Co.Galway, won the third prize of €350 for their informative programme, An Ceathrú Cuid, that documented their experience of the transition year, and the various activities in which the students were involved, such as rock climbing, pancake making, and music.
Máirín Uí Choileáin was the teacher who helped the students to put the programme together.
RTÉ Raidió na Gaeltachta hopes to broadcast the winning programmes in their entirety over the coming weeks. The winning entries can be listened to on www.gael-linn.ie.
www.galwayadvertiser.ie
Ciorcal Comhrá i dTamhlacht
Bealtaine 16, 2013
Bíonn ciorcal comhrá ar siúl gach Déardaoin ar a 8 i dteach tabhairne Molloy’s, sa tolglann, i sráidbhaile Thamhlachta.
Fáilte roimh chách.
Le tuilleadh eolais, ní gá duit ach glaoch a chur ar Phól ag 087 9253483 nó r phost a chur ag paulomeara07@hotmail.com.
Anseo – Aip Nua Gaelach ag Cruthú an Ghaeltacht Digiteach
Bealtaine 16, 2013
Is aip nua Gaelach é Anseo, cruthaithe ag Diaga Teo. agus dírithe ar lucht na Gaeilge ar fud na tíre. Ach cé, go háirithe, a bhfuil sé dírithe ar? Agus cad iad na buntáistí a bhaineann leis an aip?
Tá dhá sórt ballraíocht i gceist leis: úsáideoirí aonair agus grúpaí. Idir na grúpaí atá i gceist, beidh gnóthaí, grúpaí pobail, scoileanna agus na heagraíochtaí eile a fheidhmíonn trí mheán na Gaeilge. Mar sin de, is féidir leis na húsáideoirí aonair daoine eile agus na grúpaí a fheiceail ar léarscáil, agus, ar ndóigh, teagmháil a dhéanamh leo.
Ach, tá an aip seo feasach ar shuíomh tóisc go úsáidtear GPS. Ciallaíonn sé seo go bhfuil an aip dírithe ar leibhéal an phobail. Mar shampla, dá n-osclódh úsáideoir i gcathair na Gaillimhe an aip, feicfeadh siad na húsáideoirí eile atá in aice leo sa chathair agus, chomh maith le sin, tá siad in ann an áit ina bhfuil gach eagraíocht Gaelach eile (gnóthaí, scoileanna, grúpaí pobail, srl.) sa chathair a fheiceáil. Beidh an úsáideoir in ann dul i dteagmháil leis na grúpaí sin freisin.
Ach cad iad na buntáistí a bhaineann leis an aip seo do ghaelscoileanna agus gaelcholáistí? Tá an freagra simplí: infheictheacht. Beidh na mílte úsáideoirí, ar fud an domhain, in Éirinn agus go háirithe i do cheantar in ann do scoil a fheiceáil. Idir na húsáideoirí sin beidh Gaeilgeoirí, foghlaimeoirí, tuismitheoirí agus a lán daoine eile, agus iadsan go léir in ann an scoil agus na himeachtaí a eagraíonn sí a fheiceáil.
Go minic, braitheann rath na scoile ar an infheictheacht, agus ag an am ceanna, braitheann rath na Gaeilge ar an oideachas. Tá an aip Anseo deartha chun an Ghaeilge a chur chun cinn, agus lucht na Gaeilge a chur le chéile, ach ní bheidh sé in ann é sin a dhéanamh gan cabhair ó phobal na Gaeilge fhéin. Dá bhrí sin, cláraigí linn ar www.anseoapp.com agus cabhraigí linn an Ghaeltacht digiteach a chruthú.
Foirgneamh Scoile Nua do Ghaelscoil Mhic Amhlaigh
Bealtaine 16, 2013
Is mian le Bord Bainistíochta Ghaelscoil Mhic Amhlaigh a dheimhniú go bhfuil glactha aige le tairiscint athbhreithnithe ón Roinn Oideachais agus Scileanna maidir leis an togra tógála atá beartaithe don scoil.
Tá sé deimhnithe ag an Roinn Oideachais agus Scileanna don Bhord go mbeidh na pointí seo a leanas curtha san áireamh sa tairiscint athbhreithnithe:
- Athlonnú Ghaelscoil Mhic Amhlaigh go láithreán úrnua i gceantar Chnoc na Cathrach. Tá an Roinn ag lorg suíomh oiriúnach i láthair na huaire.
- Cur chun cinn, chomh fada le chéim pleanála Ailtireachta agus tógála, scoil nua 24 seomra ranga do Ghaelscoil Mhic Amhlaigh ar an suíomh sin faoin gClár Caipitiúil Tógála reatha 5 bliana na Roinne .
- Go mbeidh an tEaspag Máirtín Drennan ag leanúint ar aghaidh mar Phatrún na scoile.
Tá aitheantas tugtha ag an Roinn do mhian an Bhoird Bhainistíochta go bhféadfaí Naíonra a lonnú ar an suíomh, agus tá sé deimhnithe acu go ndéanfar gach iarracht suíomh a aithint agus a aimsiú ar féidir Naíonra a lonnú air. Tá an Bord Bainistíochta sásta go ndéanfar amhlaidh.
“Agus fáilte á chur ag an mBord Bainistíochta roimh an bhforbairt dhearfach seo, gabhann sé buíochas leo siúd a thug tacaíocht don scoil san fheachtas a bhí ar bun acu le bliana anuas le cóiríocht cuí a fháil, go háirithe tuismitheoirí, múinteoirí, ionadaithe pobail agus pobal Chnoc na Cathrach i gcoitinne. Tá an Bord Bainistíochta ag tnúth le comhoibriú go dlúth leis an Roinn Oideachais agus Scileanna chun an tionscadal a chur i gcrích chomh luath agus is féidir. Dúirt an Bord chomh maith go bhfuil an fhorbairt seo tráthúil agus go dtabharfaidh sé soiléireacht agus cinnteacht do thuismitheoirí , do Phátrúin agus don phobal i gcoitinne maidir le háiteanna scoile breise a chur ar fáil i gceantar Chnoc na Cathrach ag am go bhfuil tús curtha ag an Roinn Oideachais agus Scileanna le próiseas comhairliúcháin poiblí maidir le patrúntacht scoil nua don cheantar”.
Tuilleadh eolais le fáil ag 091-590152
