Éascaitheoir/taighdeoir – Scéal na Gaeilge
Márta 11, 2013
Is mian le Comhairle Cathrach Dhoire deis a fhógairt d’éascaitheoir/taighdeoir le tionscnamh Scéal na Gaeilge a fhorbairt. Oibreoidh an t-éascaitheoir go dlúth le pobal na Gaeilge i gceantar Chomhairle Cathrach Dhoire le Scéal na Gaeilge a chur le chéile.
Beidh ar an té a cheapfar díriú isteach ar Scéal na Gaeilge ina thrí chuid:
1. An teanga mar a bhí – stair na Gaeilge sa cheantar;
2. An teanga mar atá – an teanga bheo sa lá atá inniu ann;
3. An teanga mar a bheidh – mianta an phobail i leith na Gaeilge i gcomhthodhchaí nua.
Beidh sé de dhualgas ar an té a cheapfar tabhairt faoi na gnéithe tionscnaimh a leanas:
- Taighde
- Teagmháil le pobal na Gaeilge
- Clár an Scéil a chur le chéile
- Téacs do thaispeántas agus treoirleabhar beag a dhréachtú
An t-iarratas
Is féidir leat iarratas a chur isteach i nGaeilge nó i mBéarla. Má tá tú ag cur isteach iarratas i nGaeilge cuir leagan Béarla leis le do thoil.
Ní mór don éascaitheoir bheith ina Ghaeilgeoir líofa.
Cuir isteach:
CV reatha agus cáipéis clóscríofa a bhfuil an t-eolas a leanas ann:
1. ainm agus seoladh an iarratasóra mar aon le huimhir ghutháin agus seoladh ríomhphoist;
2. na fáthanna ar mhaith leat bheith mar éascaitheoir /taighdeoir ar an tionscnamh;
3. do chuid líofachta sa Ghaeilge;
4. do scileanna agus do thaithí a bheadh oiriúnach don ról mar shampla: taithí ag taighdiú; ag léamh cáipéisí stairiúla nó ag obair le hábhair chartlainne; taithí ar bith atá agat sa teicneolaíocht faisnéise; taithí ag plé le daoine nó ag obair leis an phobal
5. eolas ar do chur chuige molta leis an tionscnamh a chur i gcrích;
6. briseadh síos ar chostais – bris na costais seo síos le do ráta laethúil a léiriú, cé mhéad lá a chaithfidh tú ar an tionscnamh, agus cén céatadán den obair a chaithfidh tú ar thaighde ar an ghuthán, san oifig, nó ag obair go díreach leis an phobal, tabhair do d’aire go bhfuil buiséad ar leith ar fáil (suas go dtí £1,000) le híoc as costais a bhaineann le ceardlanna pobail a reáchtáil;
7. cén dóigh a ndéanfaidh tú an tionscnamh a mheas;
8. ainmneacha agus seoltaí do bheirt mholtóirí neamhspleácha.
Nóta: Déan cinnte de go bhfreagraíonn tú gach ceist thuas. Má éiríonn leat an conradh
Cuir dhá chóip de d’iarratas (ceann amháin acu neamhcheangailte le haghaidh fótachóipeála) chuig:
Pól Ó Frighil
Oifigeach Gaeilge
Comhairle Cathrach Dhoire
98 Bóthar na Trá
Doire BT48 7NN
Roimh 12.00in ar an Luan 8ú Aibreán 2013
Ní féidir d’iarratas a chur isteach trí fhacs nó ríomhphost.
Ainmnigh d’iarratas ‘Scéal na Gaeilge’ agus cuir an teideal sin ar an chlúdach
Craobh Ceannais Scléip – Liosta na mBuaiteoirí
Márta 11, 2013
Amharclann an Axis, Baile Átha Cliath, 9 Márta 2013
B’iontach an lá a bhí againn san Axis, le 16 scoil ag dul in iomaíocht sa chraobh agus ag cur siamsaíocht agus spreagadh ar stáitse romhainn. Bhí ríméad orainn Kìla a bheith linn don lá, bhí Rossa mar fhear a’ tí agus Rónán, Colm agus Eoin i mbun moltóireacht. Bhí dúshlán acu buaiteoirí a roghnú toisc feabhas agus ard-chaighdeán na léirithe ar fad agus thug siad ard-mholadh do na rannpháirtithe uile as an muinín agus tallann a léirigh siad os comhar an tslua. Tá moladh ag dul don slua chomh maith, na tuismitheoirí, múinteoirí agus comhscoláirí a thug tacaíocht iontach do na hiomaitheoirí i rith na bliana agus ar lá na craoibhe féin; go raibh maith agaibh as bheith linn agus tá bualadh bos mór tuilte agaibh!
Cuirfear na grianghraif ón lá ar an suíomh go luath, agus seolfar cóipeanna amach chuig na scoileanna chomh maith. Beidh 5 chlár bunaithe ar Scléip á gcraoladh ar Raidió na Gaeltachta sna míonna amach romhainn, cuirfear fógra maidir leis na dátaí anseo a luaithe is a mbeidh siad deimhnithe.
Ba mhór linn buíochas ó chroí a ghabháil le gach éinne a chabhraigh linn Scléip a chur ar stáitse i mbliana; na scoileanna, na múinteoirí, na daltaí agus a dtuismitheoirí, na moltóirí agus láithreoirí, foireann na hamharclann, Fiachna Ó Braonáin agus Raven Productions, Kìla, Niamh Spain (a rinne na duaiseanna), Raidió na Gaeltachta, Raidió na Life agus Foras na Gaeilge. Táimid ag súil cheana féin le Scléip 2014!
Seo thíos liosta na mbuaiteoirí, comhghairdeas mór libh uilig.
Ceol nua-aimseartha (aonair):
- Muireann agus Sinéad, Coláiste an Eachréidh (sóisear)
- Na Sliomadóirí Slim Sleamhain, Coláiste Cois Life (sinsear)
Ceol nua-aimseartha (grúpaí):
- Sorcha Ní Chionnaith, Gaelcholáiste Chill Dara (sóisear)
- Amy Ní Cholgáin, Coláiste Cois Life (sinsear)
Rince cruthaitheach (aonair):
- Tara Ní Dhuinnín, Gaelcholáiste Chiarraí (sóisear)
- Dearbhla, Meánscoil Gharman (sinsear)
Rince cruthaitheach (grúpaí):
- Andi agus Izzie, Coláiste Pobail Osraí (sóisear)
- Beo le Ceol, Coláiste de hÍde (sinsear)
- Na Gnáth Amhrastaigh, Gaelcholáiste Chill Dara (sóisear)
- An Basadóir, Gaelcholáiste Chiarraí (sinsear)
- Clíona Ní Ghallchóir, Pobalscoil Ghaoth Dobhair (sóisear)
- Ceithleann Ní Dhuibhir Ní Dhualacháin, Pobalscoil Ghaoth Dobhair (sinsear)
Duais an Spotsholais:
Bronnta ar an iomaitheoir go bhfeiceann na moltóirí cumas ann; nach bhfuil an duais rannóige buaite aige i mbliana ach gur fiú faire amach dó sna todhchaí
- Cathal Ó Cuireáin, Pobalscoil Ghaoth Dóbhair
- Na Seacht bPeaca Mharfacha, Gaelcholáiste Chill Dara
- Gearóid Ó Gealbháin, Gaelcholáiste Chiarraí
Vaimpír san Áiléar – leabhar nua
Márta 8, 2013
Tá cónaí ar Marius, an vaimpír, in áiléar Ailfí. Gabhann sé timpeall an tí mar is toil leis agus tógann a bhfuil uaidh ón gcófra bia. Níl saol na vaimpíre saor ó thrioblóid nuair a thagann tinneas fiacaile air. Cuirtear leis na deacrachtaí nuair a théann Ailfí chun an stiúideo teilifíse leis na tiripíní. Tá an fhoireann ag iarraidh físeán a dhéanamh de Marius ach an féidir físeán a dhéanamh de Vaimpír?
Do dhaoine óga fásta (10-13) agus do dhaoine fásta óga de gach aois! Seo an dara leabhar sa tsraith seo. Foilsíodh an chéad leabhar, Ailfí agus an Vaimpír i 2012.
Marius, the vampire, lives in Ailfí’s attic. He goes around the house as he pleases and takes what food he wants from the cupboards. But the vampires life is not free from trouble when he gets a toothache. His problems are worsened when he goes into a television studio with his terrapins. The team television crew are trying to record Marius, but can a vampire be captured on camera?
For young adults (10-13) and young adults of every age! This is the second book in this series. The first book, Ailfí agus an Vaimpír (Ailfí and the Vampire) was published in 2012.
Bhí an-ráchairt ar an gcnuasach gearrscéalta Canary Wharf le hOrna Ní Choileáin (Cois Life 2009). Tá bua na scéalaíochta go nádúrtha inti agus tá roinnt mhaith gradam liteartha bronnta uirthi. Is údar don aos óg freisin í. Is ábhar spéise di domhan na vaimpírí agus sa saothar seo is mian léi vaimpír an 21ú haois a chur os comhair páistí an lae inniu.
There was great demand for Orna Ní Choileáin’s short story collection, Canary Wharf (Cois Life 2009). She is a natural storyteller and has won numerous prizes for creative prose, poetry, drama and short stories. She is also a children’s writer. Órna has an interest in the world of Vampires and in this book she aims to introduce children to vampires of the 21st century.
Orduithe: www.coislife.ie nó, más siopa atá i gceist, tríd Áis ach glaoch a chur ar (01) 6616522 nó ríomhphost chuig ais@forasnagaeilge.ie.
Orders: www.coislife.ie or, in the case of shops, through Áis by phoning (01) 6616522 or e-mailing ais@forasnagaeilge.ie.
Breis eolais/Further information: Julianne Ní Chonchobhair julianne@milefailte.ie 087-1746189
Win the gift of Gaeilge at Mayo’s Seachtain na Gaeilge
Márta 8, 2013
Gnó Mhaigh Eo in conjunction with Oifig Gaeilge Mhaigh Eo is celebrating Seachtain na Gaeilge 2013 with a Bronntanas na Gaeilge (Give the Gift of Gaeilge) campaign.
A toy, book, or gift will be available to win each day for the duration of Seachtain na Gaeilge (March 4-17) on the Gaeilge Mhaigh Eo and Gnó Mhaigh Eo Facebook pages and on Twitter, as well as spot prizes at some of the Seachtain na Gaeilge events.
Many of us have seen Bábóg Baby and Scrabble through Irish but did you know that there are many Irish language products that are made in Mayo?
It was two Mayo publishers who published two of the best selling Irish language books in the last year. The publishing company Evertype, based outside Westport, recently published an Irish version of The Hobbit, the English version of the book celebrated its 75th year last year. An Hobad features the original pictures and maps by JRR Tolkien. Cló Mhaigh Eo also added to its series of graphic novels with An Béal Bocht, one of the most popular books in Irish based on the original novel by Flann O’Brien/Myles na gCopaleen.
Between T-shirts from Deir Sé and T-Rex, greeting cards from Wild Ideas, Marian Heneghan and Cathal Can Sign, lovely prints from I Love Mayo and Mindful Productivity it is possible to support both the Irish language and Mayo businesses at the same time.
Make sure to keep an eye out on the Facebook page and Twitter feed from March 4 to 17, or go along to one or two Irish events for Seachtain na Gaeilge in Mayo to win your gift. A full list of the events happening across Mayo to celebrate Seachtain na Gaeilge is available on www.snag.ie
www.advertiser.ie/mayo
Cad é atá speisialta faoi do mháthair féin?
Márta 8, 2013
Tá Lá na Máthaireacha ag teannadh linn an Domhnach beag seo.
Le linn cuairte ar Dhoire Colm Cille bhí an t-ádh ar Meon Eile bualadh le dáltaí ó rang a 7 i nGaelscoil na Daróige, Baile Mhic Rabhartaigh.
D’fhiafraigh muid an dóibh…
Cad é atá speisialta faoi do mháthair féin?
Físeán ar MeonEile.ie
Earnáil na Gaelscolaíochta ag teacht le chéile arís do Chomhdháil Chomhairle na Gaelscolaíochta 2013
Márta 8, 2013
Is mian le Comhairle na Gaelscolaíochta, an grúpa comhairleach ar son na Gaelscolaíochta i dTuaisceart Éireann, an dara Comhdháil déag dá cuid a fhógairt, a bheidh á reáchtáil i gColáiste Feirste, Béal Feirste, ar Aoine an 15ú Márta 2013.
Is ceann de na comhdhálacha is mó den chineál seo ar oileán na hÉireann í, a mheallfaidh toscairí as Gaelscoileanna ó thuaidh agus ó dheas agus as cuid mhór eagraíochtaí Gaeilge eile, idir chultúrtha agus oideachasúla.
Gabháil na Gairmiúlachta téama na bliana seo agus beidh réimse leathan cainteoirí agus céardlann acu ar ghnéithe éagsúla ábhartha ag ócáid na bliana seo, go háirithe ó earnáil na Gaelscolaíochta í féin.
Orthu siúd a bheidh ag caint, beidh An Dr Máire Ní Ríordáin ó Ollscoil na Gaillimhe ag caint ar fheabhsú na matamaitice sa Ghaelscolaíocht, beidh Pavel Iosad agus Professor Alison Henry, School of Communication, Ollscoil Uladh ag caint ar na buntáistí a bhaineann le dátheangachas sa Ghaeloideachas, beidh Eibhlín Mhic Aoidh ó Choláiste Mhuire ag caint ar an taighde úr atá déanta aici ar an mheasúnú sa seomra ranga.
Taobh leis so, beidh inchur ó iondaithe CCEA, An t-Áisaond Lán-Ghaeilge, An Múinteoir Comhairleach ar an Litearthacht, BOLI agus ó thionscadail úra Chomhairle na Gaelscolaíochta-cúrsaí óige agus an tionscadal trasphobail ‘Le Chéile Trí Chultúr’.
Lena chois seo, beidh dhá sheisiún ar leith ann do ghobharnóirí Gaelscoile agus cúrsa lae teanga do chuntóirí ranga na hearnála i gcomhar le Coláiste Ollscoile Naomh Muire.
Tá an-áthas orainn fáilte a chur roimh ár gcomhghleacaithe in An tSeirbhís um Fhorbairt Ghairmiúil do Bhunscoileanna, i bPoblacht na hÉireann arís, a ghlacfaidh páirt in imeachtaí an lae chomh maith.
Deir Príomhfheidhmeannach Chomhairle na Gaelscolaíochta, An Dr Micheál Ó Duibh, go bhfuil sé, ‘… ag dúil go mór le lucht na hearnála a fheiceáil le chéile arís ag Comhdháil na bliana seo’, agus go bhfuil sé cinnte, ‘ … go mbainfear sult agus tairbhe as an chlár leathan, tarraingteach atá bearthaithe ag Comhairle na Gaelscolaíochta i mbliana.’
Reáchtálfar an Chomhdháil ar Aoine an 15ú Márta i gColáiste Feirste, Páirc Radharc na bhFeá, Bóthar na bhFál, Béal Feirste, idir 9.30rn agus 3.45in.
Tuilleadh Eolais/Further Information
An Dr Micheál Ó Duibh, Príomhfheidhmeannach Chomhairle na Gaelscolaíochta
Phone: 028 90 321475
Email: moduibh@comhairle.org
nó
Tarlach Mac Giolla Bhríde, Comhordaitheoir na Comhdhála
Phone: 028 90 321475
Email: tmacgiollabhride@comhairle.org
10,000 ag bailiú i gCeatharlach um Cháisc don Fhéile Idirnáisiúnta Pan Cheilteach 2013
Márta 8, 2013
Tá Ceatharlach ag ullmhú d’ionradh na gCeilteach i rith saoire na Cásca nuair a bhaileoidh suas le 10,000 duine ann don 42ú Féile Idirnáisiúnta Pan Cheilteach agus ceann de mhór imeachtaí ‘Tóstal’ nab liana sa bhaile.
Is ócaid faoi leith í an Fhéile Idirnáisiúnta Pan Cheilteach a mhaireann thar sé lá ó 2-7 Aibreán ag ceiliúradh chultúr Ceilteach na dtíortha atá rannpháirteach san fhéile idir Éire, An Bhreatain Bheag, Albain, An Bhriotáin, An Choirn agus Oileán Mhanainn
Tugann an féile idirnáisiúnta deis do na Ceiltigh teacht le chéile chun taitneamh a bhaint as comhluadar agus cuideachta a chéile . Ar chlár na féile bíonn imeachtaí agus fo-imeachtaí idir chomórtais agus ócáidí do cheoltóirí, amhránaithe,cumadóirí, rinceoirí, cóir, filí agus scéalaithe agus a lucht leanúna ó na naisiúin éagsúla.
Tá Bride de Róiste, duine de lucht eagraithe na féile, ag tnúth go mór le sé lá na féile agus dar léi tá sceitimíní ar an pobal áitiúil cheana féin agus an baile ag faire amach do bhailiú na gCeilteach cois Bearbha don dara bliain as a chéile.” Is bliain an-speisialta í seo agus tá sé de phribhléid againn óstáil a dhéanamh ar cheann de phríomh imeachtaí an ‘Tóstal’ i gCeatharlach
“Tá clár spleodrach eagraithe againn don fhéile agus i measc na mbuaicphointí beidh scéalaíocht agus malartú scéalta, ceolchoirmeacha, leabhair le seoladh, amhránaíocht traidisiúnta agus cóir chomh maith le comórtais píobaireachta agus drumadóireachta, cruit agus fidil agus rince idir-chilteach in iliomad ionaid ar fud an bhaile”
Ceann de mhórimeachtaí na féile ná an Comórtas Amhránaíochta Idirnáisiúnta ar an Déardaoin, 4 Aibreán. In iomaíocht beidh amhrán ag gach ceann de na sé thír, amhrán nua-chumtha agus i dteanga na tíre. Ag déanamh ionadaíochta ar son na hÉireann beidh an t-amhránaí Seoirse Ó Dochartaigh as Tír Chonaill agus é ag casadh Le Do Thaobh cumtha ag Áine Durkin as Conamara. Is amhrán corraitheach, mothaitheach é a chum Áine in omós dá deirfiúr.
Beidh an baile go léir agus an pobal uile páirteach san fhéile le siamsaíocht ar na sráideanna chuile lá idir damhsa ceilteach, céilí faoin aer, comórtais buscála agus mórshiúl na féile. Agus beidh deis ag gach éinne rith, siúl ná jogáil an Míle Pan Cheilteach!
Déanfaidh 80 sár cheoltóirí traidisiúnta ó cheann ceann na tíre a slí go Ceatharlach chun ceol a sholáthar ag 40 seisiún in dosaen teach tábhairne ar fud an bhaile mar chuid de Trad Trail na féile. Beidh gach deis foghlamtha i rith an ama ann freisin agus idir ceardlanna i ngach uirlis thraidisiúnta chomh maith le ranganna sa rince Sean-Nós , Céilí agus Damhsa na mBriotánach. Cuirfear ranganna ins na teangacha ceilteacha ar siúl freisin le Gaidhlig na hAlban, Manannais, Coirneais agus Gaeilge ar an mbiachlár.
I measc na ngrúpaí a chuirfidh ceolchoirmeacha agus taispeántais ollmhór i láthair ag an bhFéile Pan Cheilteach i mbliana luaitear Banna na nGardaí, RTÉ Cór na nÓg & ASPIRO, Píobaírí an Bhanna Thursa ó Caithness na hAlban, Pervish, The Great Trad Train agus CCÉ ARDS chomh maith le comhléiriú na 3 Cheolfhoireann. Beidh na celebs Daithí Ó Sé agus Kathryn i láthair chun chomhsheoladh a dhéanamh ar leagain Gaeilge agus Béarla an leabhair Lucinda Sly. Tuairiscítear go mbeidh udár an leabhair Maidhc Dainín Ó Sé (athair Dhaithí) agus an t-aistritheoir Gabriel Fitzmaurice ann freisin chun sleachta a léamh go poiblí.
Déanfaidh tír éagsúil Club na Féile a óstáil ins an Ostán Seven Oaks gach oíche i rith na féile chun blas agus saibhreas a gcultúir féin a cheiliúradh agus a roinnt leis an bpobal. Is féile pobail agus féile teaghlaigh í an Fhéile Pan Cheilteach le clár lán d’imeachtaí agus gníomhaíochtaí a choiméadfaidh idir óg agus fásta gnóthach agus sásta. Mairfidh an margadh faoin aer Blas Cheilteach Cheatharlach ar feadh dhá lá. É sin uile agus tuilleadh….is fiú dul suas go Ceatharlach do ‘Thóstal na gCeilteach’ an Cháisc seo.
Gach eolas ar www.panceltic.ie
An Ré Nua: Ar lorg an tálainn nua is fearr i gceol traidisiúnta/ceol tíre
Márta 7, 2013
Gríosaítear ceoltóirí óga lena bhféinbhranda de cheol traidisiúnta páirt a ghlacadh i dtionscnamh corraitheach nua i gcomhar le Comhaltas Dhoire agus Cultúrlann Uí Chanáin.
Is comórtas é An Ré Nua atá dírithe ar cheoltóirí óga nuálacha a ghríosadh le dul in iomaíocht lena chéile chun seans a fháil le tús a chur le gairm i gceol traidisiúnta agus ceol tíre.
Beidh deis ag bannaí cheoil, dísrigh agus amhránaithe taibhiú ag Fleadh Cheoil na hÉireann, ag roinnt ardán le taibheoirí clúiteacha cosúil le Flook, Beoga, Cara Dillon, Tim Edey & Brendan Power agus Dervish.
Dúirt Eibhlín Ní Dhochartaigh, Cathaoirleach Fleadh Cheoil na hÉireann agus Oifigeach Forbartha Ealaíon ag Cultúrlann Uí Chanáin: ‘Tá mé an-tógtha leis an tionscnamh nua seo. Seo an rud is fearr chun an chathair a ullmhú don ró-ualú ceoil a bheidh anseo i mí Lúnasa, ach chomh maith leis sin tugann sé ardán den scoth do cheoltóirí nua chun gairm sa cheoil a fhorbairt.’
Beidh an seans ag buaiteoirí na dtrí catagóir a gceol a thaifeadadh d’albam díolama nua darbh ainm An Ré Nua 2013, ag taispeáint ardchaighdeán an cheoil traidisiúnta/tíre chomhaimseartha ó cheoltóirí óga. Gheobhaidh siad maistirchóip dá gceol ar EP.
Dúirt Odhrán Ó Maoláin, comhordaitheoir an tionscadail gur deis iontach é seo: ‘Tá súile na hearnála cultúir ar Dhoire i mbliana, mar sin is í an áit is fearr don tionscadal seo. Gheobhaidh na hiomaitheoirí uasnochtadh ar an tionscal ceoil tíre chomh maith le suim na meán.’
Beidh ceol na mbuaiteoirí taifeadta go proifisiúnta agus seolfar an t-albam ag an chéad Fleadh Cheoil i nDoire. Beidh siad ar an chlár ag imeacht mór mar chuid de sceideal na Fleidhe. Chomh maith leis sin beidh seans acu taibhiú a dhéanamh ag Music City, imeacht eile i gclár Chathair an Chultúir.
Beidh na réamhbhabhtaí ag tarlú i gcomhthráth le clár ealaíon míosúil na Cultúrlainne do 2013, ag tabhairt deis do na hiomaitheoirí ardán a roinnt leis na ceoltóirí is fearr i gceol traidisiúnta. Beidh cuairteanna ó Lau a bhuaigh ‘Best Group’ ag Gradam Ceoil Tíre de chuid BBC Radio 2, agus ardmholadh faighte ag albam s’acu Race the Loser ó na léirmheastóirí agus a fuair léirmheas cúig réalt ón Guardian agus mír ar Later…with Jools Holland.
Beidh Goitse, Rura, Donal Lunny, Pádraig Rynne agus Sylvian Barou páirteach sa tionscadal seo agus beidh an chéad bhabhta ar siúl ar an 8ú Márta le ceolchoirm bheo le PJ Mc Donald, Bríd Harper, Gerdy Thompson agus maestro an bhodhráin John Joe Kelly.
Beidh 3 catagóir sa chomórtas: bannaí cheoil, dísrigh agus amhránaithe. Tá an comórtas oscailte do rannpháirtithe in Éireann agus sa Ríocht Aontaithe agus níl aon aoisteorainn. Moltar do na ceoltóirí nua gan cailleadh amach ar an tionscadal corraitheach nua seo a d’fheadfaí a bheith mar cheap foirfe lainseála do ghairm i gceol tíre na hÉireann. Caithfear na iontrálacha a bheith istigh faoin 1ú Márta 2013 agus is féidir clárú ar-líne ag fleadhcheoil.ie nó scairt a chur ar oifig na fleidhe ar +44(0)28 71 373 573.
Ceardlann Saor in Aisce do Scríbhneoirí Gaeilge á heagrú ag Cló Iar-Chonnacht i gcomhar le Scoil na Gaeilge agus na Ceiltise, Ollscoil na Banríona, Béal Feirste
Márta 7, 2013
Dáta: Dé Sathairn, 23 Márta 2013
Ionad: Ollscoil na Banríona, Béal Feirste.
Stiúrthóirí na Ceardlainne: Micheál Ó Conghaile agus Fionntán de Brún
Beidh an cheardlann seo dírithe ar scríbhneoirí Gaeilge den uile chineál, scríbhneoirí a bhfuil leabhair foilsithe acu cheana agus scríbhneoirí óga/nua nach bhfuil aon leabhar foilsithe fós acu ach a léiríonn cumas scríbhneoireachta.
Tugtar cuireadh do scríbhneoirí ar mhaith leo a bheith páirteach sa cheardlann sampla dá saothar: gearrscéal, cúig nó sé de dhánta nó mír ghearr as úrscéal (úrscéalta do dhéagóirí san áireamh) a sheoladh chuig Eagarthóir Cúnta CIC, Áine Ní Cholchúin ag an seoladh thíos ROIMH an 14 Márta 2013.
Roghnófar na saothair is feiliúnaí agus déanfar iad a phlé agus a mheas ag an gceardlann. Seolfar saothar gach scríbhneora chuig gach iarrthóir (a bheidh ag freastal ar an gceardlann) roimh ré ionas go mbeidh deis acu iad a léamh. Tríd an modh oibre seo beidh na hiarrthóirí ar fad in ann páirt ghníomhach a ghlacadh sa cheardlann, agus foghlaim ó laigí agus ó bhuanna shaothar a chéile. Beidh áit do dheichniúr ar an gceardlann. Níl aon táille i gceist don cheardlann seo ach beidh iarrthóirí freagrach as a gcuid costas taistil féin agus lóistín sa chás go mbeadh a leithéid i gceist.
Tuilleadh eolais:
Áine Ní Cholchúin nó Micheál Ó Conghaile
Cló Iar-Chonnacht
Indreabhán
Conamara
Co. na Gaillimhe
Guthán: (091) 593307 Facs: (091) 593362 Ríomhphost: aine@cic.ie
Tá an cheardlann seo á heagrú le tacaíocht ón gComhairle Ealaíon
Stiúrthóir Naíonra
Márta 7, 2013
Tá Stiúrthóir ag teastáil ó Naíonra nua atá beartaithe do cheantar Leamhcán, Co. Átha Cliath.
Tá an Stiúrthóir ag teastáil le haghaidh seisiún maidine agus seisiún tráthnóna le haghaidh 10 leanbh.
Is gá go mbeadh líofacht na Gaeilge (labhartha agus scríofa) ag an iarrthóir mar aon le cáilíocht CDBO/FETAC Leibhéal 5 nó 6 ina iomláine.
Moltar go mbeadh na cáilíochtaí seo a leanas ag iarrthóirí chomh maith, nó iad a bheith sásta tabhairt fúthu:
- Dianchúrsa FNT
- Oiliúint gharchabhrach
- Child Protection Training.
Is féidir glaoch a chur ar Chaoimhe ag 087 9757512 má tá spéis agat sa phost.
