Cruinniú Poiblí maidir le hiarbhunscolaíocht lán-Ghaeilge, BÁC 15, ar an 26 Márta
Márta 27, 2014
Bhí an-rath ar an gcruinniú poiblí a d’eagraigh tuismitheoirí sa Crowne Plaza i mBaile Bhláinséir leis an t-éileamh ar iarbhunscoil lán-Ghaeilge i mBaile Átha Cliath 15 a mheas, le slua mór i láthair agus an-suim léirithe sa bhfeachtas. Scaipeadh foirm ar an slua le go mbeadh deis acu léiriú spéise a dhéanamh, agus is féidir an fhoirm a íoslódáil anseo:
Dhírigh an cruinniú ar na buntáistí atá ag an gcóras lán-Ghaeilge ag an mbunleibhéil, an próiseas atá ag an Roinn Oideachais agus Scileanna i leith scoileanna nua a bhunú agus ar fás na Gaeilge i mBaile Átha Cliath 15, idir naíonraí, scoileanna, ranganna d’fhoghlaimeoirí fásta, imeachtaí sóisialta agus eile. Pléadh an difríocht idir scoil neamhspleách agus Aonad lán-Ghaeilge agus deimhníodh go mbeadh iarbhunscoil lán-Ghaeilge nua oscailte agus fáilteach do chách, beag beann ar cúlra teanga, cultúrtha nó eacnamaíochta.
Tá sé beartaithe coiste a bhunú le plé leis an bhfeachtas a chur chun cinn agus iarrfar ar éinne gur suim leo bheith gníomhach ar an gcoiste teagmháil a dhéanamh le hOifigeach Forbartha Gaelscoileanna Teo. ar 01 8535193 nó clare@gaelscoileanna.ie.
Bhí Darren J. Prior i láthair ar an oíche le taifead a dhéanamh ar an ócáid ar son Raidió na Life, is féidir éisteacht lena thuairisc anseo.
Minister Quinn secures Cabinet approval for drafting of Admissions to Schools Bill
Márta 25, 2014
Bill will make the school enrolment process more structured, fair and transparent
The Government has today approved the drafting of the Education (Admissions to Schools) Bill 2014. This new legislation aims to ensure that the enrolment process in all primary and post-primary schools is inclusive, transparent and fair.
A key objective in designing a new regulatory framework for school admissions is to create greater confidence for parents that the criteria laid down by schools for enrolling pupils is consistent, reasonable and applied equitably across the board.
ESRI research shows that the majority of schools, around 80 per cent, admit all the pupils who apply for enrolment. In these cases, the new regulatory framework will have a marginal impact.
Where the new Bill will play an important role is in the 20 per cent of schools where there is over-subscription.
Minister Quinn said, “The aim of this new Bill is to inspire the same levels of confidence in the enrolment of pupils in schools as the CAO system inspires for those who are applying for limited places in third level colleges.”
“I believe that the vast majority of our schools are inclusive and welcoming places. The Admissions to Schools Bill will provide an over-arching framework to ensure that how schools decide on who is enrolled and who is refused a place in schools is more structured, fair and transparent.”
The Oireachtas Joint Committee on Education and Social Protection recently published its report on the Draft General Scheme; this followed public hearings at the committee involving parents and education partners among others. The recommendations from the Committee will be considered further in the context of the drafting of the Bill.
Among the provisions in the new Bill, will be a requirement for all schools to make an explicit statement in their admissions policy that they will not discriminate against an applicant for admission on the grounds of disability, special education needs, sexual orientation, family status, membership of the traveller community or race.
The Bill will also enable the National Council for Special Education in respect of children with special educational needs and the Child and Family Agency in respect of other children to designate a place for a child for whom no school place is available.
Cuairt Garry Kasparov Ar Éireann, Márta 28-30ú, 2014
Márta 25, 2014
I nDeireadh Fómhair 2013, d’fhógair Garry Kasparov go mbeadh sé ina iarrthóir ar Uachtaránacht FIDE (Fédération Internationale des échecs nó an Chónaidhm
Dhomhanda Fichille). Tá sé ag beartú áit Kirsan Ilyumzhinov as Kalmykia, atá ina shealbhóir oifige le 18 mbliana, a ghlacadh sa toghchán a thionólfar i Lúnasa 2014 le linn Oilimpiad Fichille Tromsø. Chuige sin, is ábhar mórtais d’Aontas Fichille na hÉireann Garry Kasparov a óstáil ar an chuairt stairiúil dhá lá seo go hÉirinn ag tosú ar 28ú Márta.
Le linn chuairt Garry Kasparov díreofar ar bhualadh le toscairí as Éirinn agus as tíortha eile máguaird dá dtabharfaidh sé mionsonraí faoina chlár uachtaránachta chomh maith le héisteacht le ceisteanna a ardóidh toscairí a bhaineann lena dtíortha féin. Buailfidh sé fosta le daltaí scoile a imríonn ficheall agus beidh cruinniú ar leith ann le scoth imreoirí díograiseacha fichille na hÉireann.
Le linn a chuairte, casfar air páistí a imríonn ficheall ó Ghaelscoileanna as gach cearn de Chúige Laighean agus iad ag Comórtas Bliantúil Fichille Chúige Laighean a thionólfar i dTeach an Ard-Mhéara Dé hAoine, Márta 28. Le linn an chomórtais seo bronnfar gradam ar chuid de na réaltaí óga s’againn. Is iad seo foireann faoi 12 bl. Bernadette Stokes a thug an chraobh abhaile leo ó chomórtas bliantúil fichille na 4 Náisiún (Éire, Sasana, Albain & an Bhreatain Bheag) an samhradh seo caite; Daniel Dwyer, 8 bl. Curadh Mionúir Bhun Raite agus Admira Kecskemeti, 8 bl. Curadh fichille faoi 12 bl. Thuaisceart Éireann. Beidh Eamon Gilmore, Tánaiste, i láthair chomh maith le Dermot Lacey, Leas-Ard-Mhéara le hómós a thabhairt do pháistí a imríonn ficheall. Is i nGaeilge a bheas an ócáid ar fad agus táimid ag súil le cúpla focal Gaeilge ón Uas. Kasparov. An Ghaeilge agus an Rúisis an dá theanga a labhrófar i dTeach an Ard-Mhéara i rith na hócáide. Labhróidh Fiachra Scannan agus Daniel Dwyer i nGaeilge agus i Rúisis ar son na bpáistí. Buailfidh Sava Stoisavljevic, rúnaí ginearálta ECU le toscairí de chuid FIDE lena bpáirtíocht i bhficheall na hEorpa a phlé. Beidh Jan Callewaert (an Bheilg), uachtarán Fhondúireacht Fichille Kasparov agus iarrthóir mar Leas-Uachtarán i gcomhpháirt le Garry Kasparov, i láthair freisin.
Fís Garry Kasparov: “An fhicheall a ardú ó leibhéal an phobail; an cluiche a leathadh i réimse an oideachais mar chaighdeán cultúrtha chomh maith le bheith ina spórt rathúil tráchtála.” Coinnigh súil ar shuíomh idirlín an ICU le haghaidh tuairiscí ar imeachtaí a bhaineann leis an chuairt ríthábhachtach ar Éirinn ó Mhárta 28ú-30ú ag Garry Kasparov, Curadh Clúiteach Domhanda Fichille .
Rith ar son Gaelscoil Mhic Aodha!
Márta 20, 2014
Cú Chulainn i 3D
Márta 19, 2014
Ar an 23 Eanáir i bPáirc an Chrócaigh, sheol Micheál Ó Muircheartaigh go hoifigiúil an cluiche ‘In Cú Chulainn’s Footsteps’ – cluiche nua ríomhaireachta atá ina áis nuálaíoch deartha chun daoine óga a mhealladh i dtreo na foghlama agus a bhfuil sé mar aidhm aige an teanga agus an cultúr a chur chun cinn ag an am céanna. Dhear agus chruthaigh an comhlacht Éireannach Duineacu an cluiche ríomhaireachta.
Feiceann muid sa chluiche, cluiche ina bhfuil an iomáint lárnach, an príomhcharactar ag taisteal ar oileán draíochta, ag tabhairt faoi phuzail agus thomhais de réir mar a théann sé thart. Casann sé ar áiteanna cáiliúla chomh maith le daoine mór le rá i saol an cheoil, na lítríochta, an spóirt agus an bhéaloidis mar chuid dá chuid tascanna.
Is eachtra 3D é an cluiche seo ina n-úsáidtear cliceanna luchóige nó buillí ar an scáileán agus tá leagan ar fáil do scoileanna atá inleasaithe ag brath ar riachtanais mhúinteoirí.
Sa chluiche tá Micheál Ó Muircheartaigh, Clannad, Kíla agus Sharon Shannon agus daoine eile nach iad.
Dúirt Francisco Blásquez, úinéir an chomhlachta, ag an seoladh: “tá muid iontach sásta go raibh Micheál Ó Muircheartaigh in ann an cluiche seo ‘In Cú Chulainn’s Footsteps’ a sheoladh dúinn inniu i bPáirc an Chrócaigh. Tá muid iontach buíoch de na daoine ar fad a thug cuidiú dúinn le linn an tionscadail agus tá an-áthas orainn go bhfuil cuid mhaith de na daoine sin i láthair inniu. Tá muid iontach bródúil as an chluiche agus tá muid ag súil go mór go mbeidh ráchairt air sna scoileanna agus i measc daoine óga chomh maith”.
Ag labhairt ar son Fhoras na Gaeilge, dúirt an Príomhfheidhmeannach, Ferdie Mac an Fhailigh “tá cluichí den chineál seo iontach tábhachtach do chur chun cinn na Gaeilge i measc an aos óig agus leis an ghné oideachasúil de beidh luach ar leith leis i suíomh na scoile agus do dhaoine óga sa bhaile. Níl aon dabht agam go cuirfidh sé go mór le sealbhú na Gaeilge ag daltaí. Toisc gur féidir an teanga a athrú nó leibhéal teanga a chur in óiriúint d’aois na bpáistí agus gur féidir ábhar an chluiche a chur in óiriúint chomh maith, beidh sé iontach úsáideach ag múinteoirí le haghaidh réimse leathan ábhar’.
‘Cuireann sé gliondar orm an Ghaeilge agus na gnéithe eile dár n-oidhreacht shaibhir a fheiceáil i gcroílár an tionscadail iontach seo” a dúirt Uachtarán Chumann Lúthchleas Gael, Liam Ó Néill.
“Mar mhúinteoir scoile tuigim go rí-mhaith na buntáistí a bhaineann le háiseanna nuálaíocha nó nua-aimseartha mar seo nuair a bhaintear úsáid astu ar an mbealach ceart’.
“Tréaslaím le gach duine atá bainteach leis an tionscadal seo agus guím gach rath air. Gabhaim comhghairdeas le Francisco agus táim iontach tógtha leis an tsuim agus leis an bpaisean atá aige don Ghaeilge agus don chultúr Gaelach ach go háirithe lena chúlra Spáinneach”
Is comhlacht Éireannach é Duineacu atá lonnaithe i gCondae na Mí a chuireann sraith de sheirbhísí teicneolaíochta agus seirbhísí idirghníomhach/oideachais agus cluiche ar fáil.
Bunaiodh Duineacu in 2012 chun cluichí agus tionscadail mar seo a fhorbairt – ICF mar thionscadal tosaigh. Tá cúlra ag an chomhlacht i bhforbairt cluichí ríomhaireachta sa Spáinn agus tá stair rathúil acu.
Sa bhliain 2005 d’éirigh leo VCS a chruthú, teicneolaíocht a ligeann do dhaoine a bhfuil deacrachtaí radharc na súil bogadh thart ar thimpeallachtaí 3D.
Bunaithe ar an teicneolaíocht seo d’éirigh leo cluiche 3D a fhorbairt, a rinneadh i 5 teanga, le comhoibriú ó dhaoine mór le rá sa Spáinn.
Thacaigh ONCE, eagraíocht mór do na Daill sa Spáinn, leis an chluiche . Chruthaigh siad cluiche eile d’arb ainm Piopa chun bulaíocht a aithint i scoileanna. Glacadh go fonnmhar leis an réamhléiriú don chluiche seo.
Ina dhiaidh seo shocraigh an comhlacht cluiche nua a fhorbairt a bhí bunaithe ar mhiotaseolaíocht na hÉireann agus dhírigh siad ar Chú Chulainn mar cheann de na tagairtí is mó agus is tábhachtaí sa mhiotaseolaíocht. Tháinig bunaitheoirí an chomhlachta go hÉireann i 2009 chun tús a chur leis an tionscadal atá á sheoladh inniu.
Ainm teagmhála – Francisco Blásquez – 086 7878909
Suíomh – www.duineacu.com
Aoife Elster ceaptha ina príomhoide ar Choláiste Ghlór na Mara, Baile Brigín
Márta 19, 2014
Guíonn Gaelscoileanna Teo. gach rath ar Aoife lena ról nua! Tá tuilleadh eolais maidir leis an scoil ar fáil anseo.
Cuairteoir speisialta i nGaelscoil an Chuilinn!
Márta 13, 2014
Thug an tAire Joan Burton cuairt ar Ghaelscoil an Chuilinn le cabhair a thabhairt dóibh Seachtain na Gaeilge a sheoladh agus le plé a dhéanamh leo maidir le suíomh buan a aimsiú don scoil. Nach álainn an pictiúr!
Blitz Tras-Tíre na nGaelscoileanna 2014
Márta 10, 2014
Agus an ghrian ag lonradh Déardaoin seo chaite – Feabhra 27ú 2014, bhailigh na foirne le chéile i nDroichead na hInse ar son Gaelscoil Inse Chór, Gaelscoil Cholmchille, Scoil Mológa, Gaelscoil Lios na n-Óg, Gaelscoil Naomh Pádraig agus Gaelscoil na Camóige.
Bhí ceithre rás againn le cailíní shóisireacha (400m), cailíní shinsireacha (600m), buachaillí Shóisireacha (500m) agus buachaillí shinsireacha (800m) ag rith diaidh ar ndiaidh. Le brieis is 120 lúthchleasaí ag glacadh páirt agus lucht tacaíochta sách-mhór ó na scoileanna uile bhí atmaisféar den scoth sa pháirc. Bhí boinn, teastais agus soláistí sa halla ina dhiaidh againn.
Is ceiliúradh iontach a bhí againn don lúthchleasaíocht agus don Ghaeilge le teastas tuillte ag gach duine a rith.
Rith Linn!
Márta 3, 2014
Ba mhór le Gaelscoileanna Teo. cuireadh a thabhairt do scoileanna rith in éineacht linn ar an 10 Márta – tá 5 ciliméadar urraithe againn mar chuid de Rith 2014 agus beidh foireann na heagraíochta ag rith ó Bhóthar Bhaile Munna (ag 15.10) i dtreo Ascaill Sheantraibh agus Lána na Cúlóige (le bheith ann ag 15.50).
Is féile náisiúnta é Rith 2014 a bheidh ar siúl ón 7-15 Márta 2014. Tá cúrsa 1000km leagtha amach chun ollrith sealaíochta a dhéanamh, ag rith ó mhaidin go hoíche, ó Baile Bhuirne i gCo. Chorcaí go Béal Feirste thar 9 lá, leis na mílte duine ag glacadh páirte ann. Tá na sonraí ar fad maidir leis an imeacht, chomh maith le freagraí ar na ceisteanna coitianta, eolas maidir le sábháilteacht agus bainistiú an imeachta, grianghraif agus físeáin spreagúla agus acmhainní do scoileanna rannpháirteacha ar fáil ar www.rith.ie.
Tá súil againn gur ócáid spraíúil, spreagúil agus fuinniúil a bheidh ann, agus is cinnte go dtabharfadh sé spreagadh don bhfoireann anseo dá mbeadh daltaí, baill foirne agus tuismitheoirí ó na scoileanna lán-Ghaeilge sa cheantar máguaird toilteanach cúpla céad slat (nó cúig ciliméadar, fiú!) a rith in éineacht linn sula dtugann muid an baitín sealaíochta ar aghaidh chuig an chéad dream eile.
Más suim leis an scoil a bheith linn ar an lá, déan teagmháil linn go luath (clare@gaelscoileanna.ie nó 01 8535193) le gur féidir linn sin a chur in iúl d’fhoireann slándála Rith 2014 agus na socruithe cuí a dheimhniú leo.
Oíche Eolais ag Gaelscoil Mhic Aodha, Cill Dara
Márta 3, 2014
Tá oíche eolais ag Gaelscoil Mhic Aodha, Radharc an Túir, Baile Chill Dara, sa scoil ar Mháirt 11ú Márta 7.30pm.
Fáilte roimh chách.
