TRÁTH NA gCEIST á reáchtáil ag Raidió na Life do pháistí bunscoile
Feabhra 3, 2015
Ar mhaith leat triail a bhaint as Tráth na gCeist ar an raidió?
Tá Raidió na Life ag lorg iarratas ó Ghaelscoileanna i mórcheantar Bhaile Átha Cliath a bheadh suim acu páirt a ghlacadh i gcomórtas Tráth na gCeist le haghaidh bunscoileanna. Craolfar na babhtaí ar Raidió na Life agus beidh duaiseanna spreagúla ar fáil do na buaiteoirí.
Má tá suim ag do scoil a bheith san iomaíocht, ní mor duit iarratas a sheoladh chuig judy-meg@raidionalife.ie nó bí i dteangmháil linn ar 01 6616 33 faoi Dé hAoine, 20 Feabhra. Gach eolas ar www.raidionalife.ie nó ar leathanach Facebook Raidió na Life.
Clann Sídhe Grúpa Spraoi
Feabhra 2, 2015
Clann Sídhe Grúpa Spraoi
Grúpa Tuismitheoirí & Leanaí in Áras Chrónáin Ionad Cultúir
New Parent & Child group starting in Áras Chrónáin Ionad Cultúir.
Tá grúpa spraoi le tosú do thuismitheoirí agus leanaí réamhscoile in Áras Chrónáin Ionad Cultúir i 2015. Uair a chloig de shúgradh, amhráin, scéalta agus eile a bheas i gceist agus é dírithe ar thuismitheoirí atá ag tógáil a bpáistí le Gaeilge nó atá ag iarraidh níos mó Gaeilge a labhairt lena bpáistí. Beidh sé ar siúl gach ré mhaidin Shathairn san Áras ag tosú 7ú Feabhra 2015 ag 10.30r.n.
Má tá spéis agat bheith páirteach sa ghrúpa cuir glaoch ar Bhrian ar 01 457 4847, nó cuir rphost chuig brian@araschronain.ie.
A new play group for parent and pre-school kids will be starting in Áras Chrónáin Ionad Cultúir, Cluain Dolcáin, Baile Átha Cliath 22 in 2015.. An hour of playing, singing, story-telling and more is for parents who are raising their children through Irish and parents who want to speak more Irish to their little ones. It’ll be on every second Saturday morning in the Áras starting from Saturday the 74th of February 2015 at 10.30a.m..
If you’d like to go give Brian a ring on 457 4847, send an email to brian@araschrónáin.ie.
Laghdú ionadaíochta na scoileanna lán-Ghaeilge agus Gaeltachta ar bhord COGG
Feabhra 2, 2015
Tá laghdú ionadaíochta i ndán do na scoileanna Gaeltachta agus lán-Ghaeilge lasmuigh den Ghaeltacht leis na hathruithe atá beartaithe ag an Roinn Oideachais agus Scileanna don Chomhairle um Oideachais Gaeltachta agus Gaelscolaíocht (“COGG”). Tá an Roinn i mbun cur chuige nua a cheapadh, a athróidh comhdhéanamh bhord COGG ó bhonn ó mhí an Mhárta 2015. Laghdófar bord COGG ó 23 go 13 ball, agus ní bheidh ach 2 ionadaí ar Gaelscoileanna Teo. agus 2 ionadaithe ar na scoileanna Gaeltachta ar an mbord feasta (tuismitheoir agus duine eile). Ní gá go mbeadh aon mhúinteoir mar ionadaí ar na scoileanna. Daréag ionadaí ar na scoileanna a bhí ann go dtí seo.
In áit aitheantas ar na riachtanais bhreise atá ag scoileanna lán-Ghaeilge agus Gaeltachta, tá cumhacht, ionchur agus stádas á bhaint dóibh ag staid fíor-chriticiúil ach go háirithe i gcomhthéacs todhchaí na scoileanna Gaeltachta. Leis seo, beidh deireadh leis an gcóras daonlathach chun múinteoirí agus tuismitheoirí a thoghadh ag an mbunleibhéal agus an iarbhunleibhéal, agus deis cailte ag saineolaithe an oideachais lán-Ghaeilge atá ag treabhadh an ghoirt.
Tá Cathaoirleach nua ar COGG le ceapadh go luath, agus fógrófar an folúntas ar an seirbhís PAS go luath. Ról dúshlánach a bheadh ann ach a éascódh an-chuid deiseanna forbartha don earnáil.
Iarrtar ort tacaíocht a léiriú do na scoileanna lán-Ghaeilge, idir Ghaeltacht agus lasmuigh di ar cheist na hionadaíochta fíor-thábhachtach seo trí ríomhphost a chur chuig an tAire Oideachais, Jan O’Sullivan, T.D. ag jan.osullivan@oireachtas.ie go práinneach, agus roimh fhógairt an chinnidh.
An focal scoir sa ‘díospóireacht’ ag daltaí Choláiste Eoin!
Eanáir 30, 2015
Tar éis na díospóireachta ar fad ba ag Coláiste Eoin a bhí an focail scoir!
Ba iad foireann sinsir Choláiste Eoin a thug leo Craobh na hÉireann de Chomórtas Díospóireachta Uí Chadhain 2015, a bhí ar siúl i gColáiste na Tríonóide, Baile Átha Cliath, tráthnóna.
Ba é Coláiste Pobail Rath Cairn ó chontae na Mí a thug leo an bua i gcomórtas na sóisear.
Dea-scéal do Choláiste Eoin a bhí sa bhua seo tar éis na conspóide ar fad a bhí ar na meáin chumarsáide le tamall de laethanta anuas faoi cheardlann frithbhulaíochta a cuireadh ar athló.
Reáchtálann Gael Linn na comórtais díospóireachta seo do Ghaelcholáistí agus do iar-bhunscoileanna Gaeltachta. Os cionn 50 foireann ar fad a bhí san iomaíocht ag tús an chomórtais agus tháinig an t-ocht bhfoireann a bheidh san iomaíocht i gCraobh na hÉireann trí réamhbhabhtaí cháilithe agus craobhacha réigiúnacha ó mhí Dheireadh Fómhair seo caite.
Bronnadh buanchorn agus duais de luach €1,000 ar an foirne buacacha tráthnóna agus bronnadh duais de luach €250 an fhoireann ar na foirne eile a bhí san iomaíocht don chraobh.
Ba é an Feisire Eorpach, Seán Ó Ceallaigh, a bhí ina aoichainteoir agus cathaoirleach ag an ócáid.
SIAMSAÍOCHT DEN SCOTH AG CRAOBHCHOMÓRTAS SCLÉIP GAEL LINN 2015!
Eanáir 26, 2015
Bhí siamsaíocht den scoth ag craobh Scléip Gael Linn 2015 i mBaile Átha Cliath ar an Satharn, 24 Eanáir 2015.
Comórtas talainne í Scléip, ina gcuirtear béim ar na healaíona comhaimseartha, agus atá dírithe go sonrach ar na hiar-bhunscoileanna lán-Ghaeilge. Bhí ceithre réamhbhabhta cháilithe réigiúnacha ar siúl ag deireadh mhí na Samhna/tús mhí na Nollag – i mBaile Átha Cliath, i nDoire, i gCorcaigh agus i nGaillimh – ag a roghnaíodh na hiomaitheoirí do bhuaicphointe seo an chomórtais.
Chruinnigh scoláirí ó Dhún na nGall go dtí an Daingean, mar aon lena gcuid múinteoirí agus a gcuid tuismitheoirí, in amharclann ‘Clasach’, Cluain Tarbh, Baile Átha Cliath, go luath maidin Shathairn don mhórócáid, agus bhí an halla lán go doras ! Thosaigh an lá amach leis na comórtais do na scoláirí sóisearacha, agus thug aisteoirí, rinceoirí, amhránaithe, ceoltóirí agus gleacaithe fiú, taispeántais den scoth ar stáitse ! I ndiaidh am lóin, bhí deis ag na scoláirí sinsearacha míreanna sna comórtais Sceitse, Ilchineálach, Rince Cruthaitheach agus Ceol Comhaimseartha a léiriú, agus caithfear a rá go raibh an lucht féachana ag racáil nuair a chuaigh na bannaí ceoil ar stáitse ag deireadh an lae ! Ba iad Seán Ó Ceallaigh ó Gael Linn agus Sinéad Ní Uallacháin ó RTÉ Raidió na Gaeltachta a bhí mar chomhláithreoirí ar an seó talainn iontach seo, agus choinnigh siad an lucht féachana ar an eolas go paiteanta i rith an ama!
Bhí sceitimíní ar na hiomaitheoirí uilig ag fanacht ar na torthaí ! I dtosach báire, thug na moltóirí Tomaí Ó Conghaile, Sibéal Davitt, agus Enda Reilly, le cabhair ó Shinéad Ní Uallacháin chomh maith, léirmheas ar a bhí feicthe acu ar ardán agus thugadar ardmholadh do phobal óg na Gaeilge as míreanna de ardchaighdeán a chur i láthair. Bhí buaiteoirí le roghnú i ngach comórtas, agus bronnadh duais don dara háit, chomh maith, ins na rannóga ina raibh sé (6) iomaitheoir nó níos mó.
Is iad seo a leanas na duaiseoirí ar fad:
Sceitse ( Sóisear ): Pobalscoil Ghaoth Dobhair, Na Doirí Beaga, Co. Dhún na nGall
Sceitse ( Sinsear ): Coláiste Naomh Eoin, Inis Meáin, Oileáin Árainn
Rince Cruthaitheach Aonair ( Sóisear): Sinéad Ní Fhearraigh, Pobalscoil Ghaoth Dobhair, Na Doirí Beaga, Co. Dhún na nGall
Rince Cruthaitheach Aonair ( Sinsear ): Tara Ní Dhuinnín, Gaelcholáiste Chiarraí, Trá Lí, Co. Chiarraí
Rince Cruthaitheach Grúpaí ( Sóisear ): Alannah, Claire agus Aoife, PS Ghaoth Dobhair, Na Doirí Beaga, Co. Dhún na nGall
Rince Cruthaitheach Grúpaí ( Sinsear ):Laoise agus Holly, Coláiste Cois Life, Leamhcán, Co. Bhaile Átha Cliath
Comórtas Ilchineálach ( Sóisear ): Clodagh Ní Ghallchóir, Pobalscoil Ghaoth Dobhair, Na Doirí Beaga, Co. Dhún na nGall
Comórtas Ilchineálach ( Sinsear ): Cathal Ó Curráin, Pobalscoil Ghaoth Dobhair, Na Doirí Beaga, Co. Dhún na nGall
Ceol Comhaimseartha Aonair ( Sóisear ): Andi Snyder, Coláiste Pobail Osraí, Cill Chainnigh
Ceol Comhaimseartha Aonair ( Sinsear ):
An chéad áit – Eve Belle, Pobalscoil Chloich Cheann Fhaola, An Fálcarrach, Co. Dhún na nGall
An dara háit – Sorcha Ní Bhriain, Pobalscoil Chorca Dhuibhne, An Daingean, Co. Chiarraí
Ceol Comhaimseartha Grúpaí ( Sóisear ):
An chéad áit – Emma de Róiste & Ann Marie Beinéid, Coláiste Íosagáin, Baile an Bhóthair, Co. Bhaile Átha Cliath
An dara háit – ‘Na Fómharaigh’, Coláiste Pobail Ráth Chairn, Co. na Mí
Ceol Comhaimseartha Grúpaí ( Sinsear ):
An chéad áit – ‘Dysania’, Coláiste Oiriall, Muineachán
An dara háit – ‘Cró Crú’, Coláiste Oiriall, Muineachán
Bronnadh duaiseanna, a bhí deartha go speisialta don ócáid ag an seodóir Neil Conway, orthu uilig. Chomh maith leis sin, bhí Gradam Scléip le bronnadh ar an duine nó ar an ngrúpa is mó a sheas amach as iomlán na n-iomaitheoirí. Bhí na moltóirí ar aon fhocal go raibh an duais seo tuillte go mór ag Cathal Ó Curráin ó Phobalscoil Ghaoth Dobhair, as ucht spiorad Scléip a léiriú go hiontach ! Bhí lúchair an domhain ar an réalta óga glacadh leis an ngradam speisialta seo ó Phríomhfheidhmeannach Gael Linn, Antoine Ó Coileáin .
Ghabh Seán Ó Ceallaigh, Gael Linn, buíochas leis na múinteoirí as a dtacaíocht don chomórtas agus dúirt: ‘Is é seo an chéad bhliain do Gael Linn a bheith i mbun an chomórtais ‘Scléip’, agus táimid an-sásta leis an spéis atá á léiriú ag na scoileanna ann, agus leis an talainn iontach atá feicthe againn go dtí seo! Táimid buíoch de Gaelscoileanna Teo. a chuir tús leis, agus a bhí ina bun ón mbliain 2005 i leith, agus ach go háirithe de Claire Spáinneach agus de Chiara Ní Bhroin as a gcomhairle agus a gcúnamh uilig i mbliana’.
Tá comórtas ar siúl ag Ghaeltacht Coláiste na hOileán do Mheánscoileanna ar fud na tíre i rith Seachtain na Gaeilge.
Eanáir 26, 2015
Tá comórtas ar siúl ag Ghaeltacht Coláiste na hOileán do Mheánscoileanna ar fud na tíre i rith Seachtain na Gaeilge.
Gabhann Gaelscoil Chloch na gCoillte Buíochas as Ucht iPads
Eanáir 20, 2015
Tá buíochas mhór á ghabháil ag Gaelscoil Mhichíl Uí Choileáin i gCloch na gCoillte do mhuintir na scoile, gnólachtaí áitiúla agus an pobal tar éis feachtas mór bailiúcháin sean fón póca, óna tháinig dhá iPad mar thoradh. Bhronn Irish Autism Action na iPads orthu, le n-úsáid ag páistí sa scoil ag a bhfuil ASD (neamhord de chuid speictream an uathachais) acu.
Mí Márta seo chaite, sheol an scoil feachtas poiblí don phobal ginereálta lena sean bhfón póca a thabhairt dóibh. Chuir 10 gnólachtaí agus an foireann áitúil athchursáil ón Comhairle Contae boscaí bailiúcháin ar a n-áitreabh ina gcur an pobal a gcuid fón póca. Bhí freagra iontach ón gcomhphobal scoile ginireálta chomh maith.
Mar thoradh ar na hiarrachtaí ar fad, bailíodh beagnach 400 fón agus dheonaigh Autism Ireland dhá iPad don Aonad ASD le déanaí mar thoradh.
Bunaíodh an rang ASD sa Ghaelscoil i Meán Fomhair 2011 agus anois tá 13 daltaí ó aois trí go 11 ag freastal ar thrí rang. Ceapann múinteoirí agus na cuntóir riachtanais spesialta gur uirlis fíor thábhachtach cumarsáide iad do na ndaltaí. Bíonn deacrachtaí cumarsáide ag an t-uafás páistí a bhfuil ASD acu, roinnt dóibh gan caint ar bith, agus cabhraíonn na iPads seo go mór mar go mbíonn siad lán le ‘apps’ dírithe ar teanga agus cumarsáid amháin. Is féidir leis na daltaí abairtí sothuigthe a cruthú lena dtuairimí agus riachtanais a chur in iúl.
Mhínigh Príomhoide na scoile Carmel Nic Airt go bhfuil na seirbhísí seo á sholáthar acu ón Mean Fomhair seo chaite. Is iad an taon scoil in iarthar Chorcaigh a sholáthraíonn áit bunscoile lán aimsire do pháistí a bhfuil ASD acu.
“Tá áiseanna iontach againn, ina measc sheomra Multi-Sensory ar chostas €43,000, Halla ‘Occupational Therapy’ agus seomraí Teanga agus Caint, chomh maith le múinteóirí agus cuntóirí riachtanais spesialta sa scoil a dhéanann a ndícheall leis na daltaí. Tá buntáistí na iPads feicithe againn ó thús an aonad ASD, ach faraoir níl dhóthain iPads againn faoi láthair do na ndaltaí ar fad.
Taímid thar a bheith buíoch as na gnólachtaí áitiúla a ghlac na mboscaí bailliúcháin ar a n-áitreamh agus a bhailigh na fóin dúinn, chomh maith le teaghlaigh na scoile a thug a sean bhfóin isteach dúinn.
Tá buíochas spesialta le ghabháil leis an bhfoireann ag an Ionad Athchursála Áitiúl a choimeád sean fón ar leataobh dúinn. Tháinig na iPads níos sciobtha mar gheall ar seo.
Is feachtas leanúnach í seo agus arís iarraim ar phobal Chloch na gCoillte a sean bhfóin a thabhairt dúinn ionas gur bhféidir linn níos mó iPads a fháil donár ndaltaí iontach speisialta.”
Is féidir na fón a fhágáil isteach sna háiteanna seo a leanas; O’ Donovan’s Hotel, Leabharlann Chloch na gCoillte, Park Leisure Centre, Harte’s Spar, Sally’s Super Valu, Technology Park, Carbery Milk Products, Irish Yoghurts, Vodafone agus Ionas Athchursála Chloch na gCoillte.”
Sceitimíní ar pháistí Ghaelscoil na bhFilí agus sneachta tagtha
Eanáir 20, 2015
Bhí sneachta trom i nGort, Co. na Gaillimhe ag an deireadh seachtaine. Seo pictiúir de na naíonáin agus an fear sneachta a rinneadar i gclós na scoile.
Nach bhfuil siad gleoite!
Comórtas Ealaíne an Fhorais Phátrúnachta 2015
Eanáir 14, 2015
Bhí an-rath ar Chomórtas Ealaíne an Fhorais Phátrúnachta anuraidh agus tá áthas orainn a fhógairt go mbeidh sé ar ais arís don scoilbhliain 2014/2015!
Tá comórtas na scoilbhliana seo urraithe ag Foras na Gaeilge agus beidh duaiseanna den scoth ar fáil.
Tugaimid cuireadh do dhaltaí i mbunscoileanna agus i meánscoileanna an Fhorais páirt a glacadh sa chomórtas. An téama atá ann don scoilbhliain seo ná ‘Gaeloideachas do Chách’.
Tá cúig rannóg éagsúil ann agus tá fón cliste, Nintendo Wii, táibléid agus tuilleadh i measc na nduaiseanna a bhronnfar!
Dúirt Caoimhín Ó hEaghra, Ard Rúnaí ar an bhForas Pátrúnachta: “D’éirigh go hiontach leis an gcomórtas ealaíne anuraidh. Ghlac go leor scoileanna páirt agus bhí an caighdeán fíor ard go deo.
“Anuraidh bronnadh duaiseanna iontacha ar na buaiteoirí agus tá an áthas orainn i mbliana go bhfuil duaiseanna bhreá eile ar fáil. Táimid an-sásta go bhfuil Foras na Gaeilge ag déanamh urraíocht ar an gcomórtas agus tá aiseolas an-dearfach faighte againn ó na scoileanna cheana féin.”
Is é an 6 Feabhra 2015 an sprioc d’iarratais. Fógrófar na buaiteoirí ag Comhdháil an Fhorais Phátrúnachta ar 28 Feabhra 2015 sa Red Cow Moran Hotel. Tá gach eolas faoin gcomórtas ar fáil ar www.foras.ie
Tuilleadh eolais ag: www.foras.ie
Buaiteoirí Google i nGaelscoil Dhroichead na Banndan
Eanáir 13, 2015
Bhí triúr cuairteoirí ag Gaelscoil Dhroichead na Banndan i rith mhí na Nollag. Tháinig Emer Hickey, Ciara Judge agus Sophie Healy Thaw ar cuairt chucu ó Phobalscoil Chionn tSáile. Tá an-cháil bainte amach ag na cailíní seo mar bhuadar an comórtas Google Science Fair i gCalifornia. Is comórtas ollmhór é seo ina bhfuil na mílte iomaitheoirí ó mhórthimpeall na cruinne ag glacadh páirte ann. Bhuadar scoláireacht €30,000 ó Google agus turas timpeall oileáin Galapagos.
Chuir na cailíní isteach ar an gcomórtas lena gcuid oibre, ag déanamh fiosrúchán ar bhaictéir nádúrtha a úsáid chun cabhrú le níos mó barraí a fhás. Bhuaigh na cailíní an BT young Scientist & Technology Exhibition i 2013 agus an comórtas Eorpach do na heolaithe óga chomh maith.
D’fhreagair na cailíní an-chuid ceisteanna agus ghlac siad an-chuid griangrafanna le páistí na scoile. Tá an cuma ann go raibh an-lá acu!
